ياطويل العـمر عـندك سـلف ؟؟ - نادي الهلال السعودي - شبكة الزعيم

مهارات الفيلسوف · #1 27/12/2011, 08:48 AM

ياطويل العمر عندك سلف ؟؟ سلف ونرجعها لك مع دفعات موبايلي

وماقلت سلف الا لاننا فعلا محتاجين ومالنا احد غيرك بعد الله . نتمنى وحلمنا انك

تجيب لنا لعيبة اظهره على مستوى عالي مو انت تجيبهم اعطينا المبلغ واحنا بنرسل

واحد يجيبهم لنا بما انك خجول وماودك تخرب العلاقات حقتك معهم . حسن معاذ دخل

فترة الستة اشهر ومافاوضته حتى يخلص الستة اشهر وهو سبق ولمح اتمنى العب

مع فريق جماهيري وصاحب بطولات ومين غير الهلال ؟ ياسر الشهراني اعلنها

صريحه يبغى يلعب مع الهلال وانتم ماحركتو ساكن ..

نرجع للخلف شويه يوم كان عندنا الظهير الكوري لي يونج .اسامه هوساوي ارتاح واخذ افضل

مدافع ولو عندنا ظهير يسار راح يكون المرشدي افضل مدافع .ليه ؟ لان الاظهره

هم اللي يريحون قلوب الدفاع لكن اذا كانو شوارع راح يتعبنا ويريح الخصم...

يوم كنى متربعين على عرش اسيا ولازلنا متربعين كان في كل مركز نجم

والا السنه هذي راح نكون مثل الطالب الدافور المؤدب جالس في اول

الفصل يتعب يحل واجبات وفي الاخير تنسرق دفاتره :laugh:

ياطويل العمرذكرتني بمقولة الشاعر

(والله مايذبحك ياكود حاجه * لاصار في وجهك حيا وانت محتاج):cry:

وهذي هي الانتقالات الشتويه بدت لاتستحي منهم بكره يفاوضون لعيبتك ويرفعون سعرهم وانت ندمان :ranting:

زعيمه فريديه · #2 27/12/2011, 09:19 AM

بالعكسس امس بدعو البيشي والفرج

البيشي افضل من نامي وبكثير أتمنى اعطاؤه الفرصه ..!

مهارات الفيلسوف · #3 27/12/2011, 10:06 AM

إقتباس

الرسالة الأصلية كتبت بواسطة زعيمه فريديه


	بالعكسس امس بدعو البيشي والفرج البيشي افضل من نامي وبكثير أتمنى اعطاؤه الفرصه ..!

انا معاك امس قدموا مبارة كبيره خصوصا الفرج ولو تدري انه يلعب في غير مركزه

يلعب وسط ويميل للدفاع اكثر

أبـو حيـه · #4 27/12/2011, 09:34 AM

سلطان البيشي وسلمان الفرج وعبدالله الزوري وشافي الدوسري مو مالين عينك بالاخص سلطان البيشي لابد يعطى فرصه لاني متابعه وهو لعيب من جد----
تدري وش يحتاج هلالنا نحتاج مدافع اجنبي جنب هوساوي ومهاجم اجنبي ويستحسن يكون (خاااااال) ونسرح العربي والكوري

مهارات الفيلسوف · #5 27/12/2011, 10:17 AM

إقتباس

الرسالة الأصلية كتبت بواسطة سوما الخالدي


	سلطان البيشي وسلمان الفرج وعبدالله الزوري وشافي الدوسري مو مالين عينك بالاخص سلطان البيشي لابد يعطى فرصه لاني متابعه وهو لعيب من جد---- تدري وش يحتاج هلالنا نحتاج مدافع اجنبي جنب هوساوي ومهاجم اجنبي ويستحسن يكون (خاااااال) ونسرح العربي والكوري

ياعزيزي اللي يملا عيني ظهير عصري متكامل امس الاظهره ماقصروا لكن كان

ينقصهم النزعه الهجوميه امس مدرب الاتحاد وهو جالس ومبسوط من حال اظهرتنا

سحب محمد نور للجهه اليمنى عندنا ونزل الصقري وكمل عليهم بهجمات مشعل السعيد

كلهم حطهم عند البيشي مسكين وعرضوا كوره وجاء الهدف من عنده .ولو عندنا ظهير

عصري يهاجم ماكان صار اللي صار

مجنون الزززززعيم · #6 27/12/2011, 09:35 AM

الله يكتب اللي في خيرررررررررررررررررررررررررررررررررررررررررررررررر للززززززززززززززززززززززززززززززعيم

معشوق الهلال خالد · #7 27/12/2011, 09:39 AM

جايبين مهاجمين مميزين في الراسيات
واظهره ماجابو ..!
ادارتنا للاسف سيئيه في الصفقات المحليه..!
الشهراني لهم سنه يفاوضونه وماقدرو يجيبونه
لو الشهراني لاعب اجنبي
من سنه موقع للهلال..!

حب الزعامة · #8 27/12/2011, 09:42 AM

اظهرة الهلال امس كانت ممتازه وراح يتطورون اكثر بإذن الله مع الخبره
ما ادري وش الميزه في حسن معاذ غير السرعه
يركض يركض وبالاخير يرسل الكوره للقمر غطى على برناوي

مهارات الفيلسوف · #9 27/12/2011, 10:26 AM

إقتباس

الرسالة الأصلية كتبت بواسطة حب الزعامة


	اظهرة الهلال امس كانت ممتازه وراح يتطورون اكثر بإذن الله مع الخبره ما ادري وش الميزه في حسن معاذ غير السرعه يركض يركض وبالاخير يرسل الكوره للقمر غطى على برناوي

حسن معاذ هو افضل ظهير موجود حاليا سريع ويستخلص كوره ويهاجم ويعطي اوفرات

حلوه للمهاجمين ارجع للزوري ونامي ولامره شفت لهم عرضيه مثاليه

ابوريناد20 · #10 27/12/2011, 09:42 AM

والله انك صادق نبي اسيا
وعندنا نامي والبيشي وشافي والفرج
اسيا مهرها غالي والهلال صاير معاق بدون اظهره ولا اجنحه زي الناس
يوم كنا نجيب اسيا شوفوا من كان الاظهره عندنا
وريال مدريد والفرق كبير بينا وبينه لكن اول يوم كان اظهرته قويه كان قوي الحين قوه هجوم ولكن بدون فايده.
مانبي ماهجمين اجانب نبي اظهره اجانب ويرجع ياسر وسعد والمحياني
مع هرماش فقط وقلب دفاع اجنبي والله انت تروح للملعب وانت ضامن النتيجه بأذن الله
الهدف بيجي بس المشكله اذا جاء فيك هدف صعب تعوضه.
واهم شي نبي مدرب زي الناس نبي باوزا .

saad alsaad · #11 27/12/2011, 09:59 AM

الهلال مليئ بنجوم في منطقة الوسط أتمنى احضار مدافع في قلب الدفاع بديل عن أيمانا أو الكوري ,,,, لوقدر اللة وأنصاب هوساوي بعد أنتهاء فترة التسجيل القادمه في حال أستمر مع الهلال اللة يخلف على دفاع الهلال وذلك لان منطقة قلب الدفاع منطقة حساسه وليس أي لاعب يقدر يجيد تعويض مدافع أساسي بمستوى هوساوي أو المرشدي في الهلال في الوقت الحالي بعكس منطقه الوسط المليئه بالنجوم,,,,, يجب البحث من الان على مدافع أجنبي قبل أنتهاء فترة التسجيل الشتويه القادمه حتى لو أستمر هوساوي مع الهلال,,, فالهلال مقبل على مشاركات محليه وأسيويه أمام فرق لاينفع معها الترقيع بالغنام أو خيرات,, سوف يندم الاداره الهلاليه أذا ماتحركت من الان,,,, هل نضمن مشاركة هوساوي والمرشدي طوال المباريات القادمه ( ولي العهد والدوري والبطوله الاسيويه بدون أصابات لا؟؟؟؟ )

قلم ذهب أزرق · #12 27/12/2011, 10:25 AM

كلام جميل
حسن معاذ أعلنها صريحة بأنه لا يمانع الانتقال
ولكن هنالك شبه ميثاق لرؤساء الأندية بعدم المزايدة المفرطة في أسعار اللاعبين
واللاعب يرى أن منه حقه أن ينال ما ناله باقي زملاءه في الأندية
رغم تفوقه عليهم