واااافشلتاهـ؟؟؟؟ - نادي الهلال السعودي - شبكة الزعيم

fdeet ben msa3ed · #1 25/12/2011, 11:24 PM

يسعدلي مساكم

انا بقول لكم عن موقف صارلي اليوم بالجامعه ؟؟؟؟
من اول يوم لي فيها وانا المواقف وراي وراي المهم
كنت امشي مع صاحباتي و للأسف للأسف انني من النوع اللي اذا تكلم انواع الحركات و البهلوان بـيدي و اسولف متحمسه و سويت حركه مدري كيف قايله شوي الا تلفت لي اللي قدامي قالت سبي سبي فيني <<انا عيوني نطت من مكانها قلت يمكن البنت غلطانه ولاشي ههههههههه المهم بالبريك و اشوف نفس البنت هي دبدوبه شوي وتحسب اني اتريق عليها

<<أبي اقول لها انا ماني من هالنوع ابد وعجزت مدري انربط لساني شوي وجتني البنت جت و كلمتني قالت لوسمحتي انا بقول لك عن الحركه اللي سويتيها <<وانا بصراحه انسانه خكريه اتننح بهالمواقف و انواع الفهاوه وسمعت لها قالت لو تبين تتكلمي عني تكلمي بوجهي مو من وراي ومن هالكلام قلت انا مو من النوع اللي يرضى احد يتكلم عليه كيف تبيني اتكلم عن الناس و اصلا ماقصدتك ابدا ولو منتي مصدقتني انادي لك صاحباتي اساسا كنت متحمسه بسالفه ولاجبت طاريك خير شر
تكفون وش اسوي بديني شكلي بحطها بشنطتي

مع العلم انو مو اول مرا تصير لي ياربي اقطعها <<استغفرالله ولا وش اسوي دبروني

و مشكورين مقدما

Blue 610 · #2 26/12/2011, 01:20 AM

طيب ممكن تقولين لنا وش الحركة اللي سويتيها بيدك ؟ عشان نفهم اكثر ..
و البنت لما تشوفينها مره ثانيه قولي لها الوعد الطلعة

صراحة موقف قد صارلي .. و مرره قلق و احراج
الله يعينكك ..

سعودي أصيل · #3 26/12/2011, 03:04 AM

لو الواحد بيراعي خلق الله عز الله بيموت هم
يختي سولفي واستانسي واشرحي بيديك ورجولك بعد اللي يبي يرضى فله الرضا ومن يسخط ياكل هوا سوي اللي يمليه ضميرك ودامك ماغلطتي على احد ارتاحي لو بنطارد خلق الله ونراضيهم تلقين الواسطات على مستشفيات النفسيه بالكوم. تيكت اييييزي

اميرة الدواسر · #4 26/12/2011, 04:02 AM

اللي لفت نظري وشلون تحركين يدك بهالبرد ماشاء الله عليك
انا طول اليوم متكتفه

يسعدك ربي وتبين الصدق لو انا مكانك اروح لها لحالي واكلمها لحالها وبهدوء افهمها وتنتهي السالفه ويمكن يجي يوم تصير هي اعز صديقاتك

ياشين بنات الجامعه لين الحين ماخلو هالطبايع ليش تناظرين وليش تحكين وليش تقولين

وليد القحطاني · #5 26/12/2011, 05:27 AM

ههههههههههههههههههههههه . دقي على اختك الكبيرة < فيه اسمج

بثينه الصاعدي · #6 26/12/2011, 08:09 AM

ههههههههههههههههههههههههههههه
ماعليتس منها
اسحبي عليها المهم انك ماكنتي تكلمين عنها هههههههههههههههههههه

Eman -al saad · #7 26/12/2011, 11:52 AM

حاولي شرح وايضاح الأمر لها , ان صدقتك فذلك " ماتريدين " وإن لم تقتنع بكلامك ولا تريد " تصديقك " ! حاولي الإنسحاب بلطف وتجنبي إطالة الحديث معها بلا " فائده " ترجى منها ! المهم هو أنك حاولت إجلاء اللبس وسوء الفهم الذي "حصل "

لروحك البيضاء .

كان هنا · #8 26/12/2011, 11:58 AM

ما حصل الا الخير ووضحي لها الموقف إن رضت رضت وإنا ما رضت فالمهم إنك عارفة إنك مش غلطانة والله الهادي إلى سواء السبيل وان شاء الله الموضوع انحل وما حصل الا الخير وبانتظارك في مواضيع قادمة أجمل وأجمل ^^..

نجوم الليل(911) · #9 26/12/2011, 01:34 PM

أذكر مرة كنت أسولف مع أخوياي بالمدرسة السنة اللي فاتت وكنت متحمس تقريبا وأحرك يدي يمين وشمال وخويي يناظر يدي وأقوله وش فيك
قالي الله يلعنك يالمشعوذ لا تحرك يدك أقلقت أمي قلت له عادي وش فيها وواحد خش عرض وقال تراها ميزة في المقابلة الشخصية إذا كنت بتتوظف بتفيدك

وياكثر ماحركت يدي خويي يمسك يدي يقول لي هد هد بشويش لا تتحمس واجد ومن ذاك اليوم وأنا مخفف حركة اليد لكن ماش عجزت أتركها ورجعت لها

وشكرا على الموضوع وننتظر القادم يكون أفضل

fabri_4 · #10 26/12/2011, 02:17 PM

هههههههههههههههههههههههههههههههههههههههههه

انا من رأيي انك تتركين الجامعة بكبرها احسن بسبت هالبنت خخخخخخخخخخخخخ

مع احترامي لك لكن الموضوع مايسوى تفكرين فيه وتقولين ياربي اقطعها

اشرحي لها الوضع وان ماصدقتك ، مع الف سلامة يعني وش بتسويلك بتقابلك بالطلعة مثلا ؟

إقتباس

الرسالة الأصلية كتبت بواسطة نجوم الليل(911)


	أذكر مرة كنت أسولف مع أخوياي بالمدرسة السنة اللي فاتت وكنت متحمس تقريبا وأحرك يدي يمين وشمال وخويي يناظر يدي وأقوله وش فيك قالي الله يلعنك يالمشعوذ لا تحرك يدك أقلقت أمي قلت له عادي وش فيها وواحد خش عرض وقال تراها ميزة في المقابلة الشخصية إذا كنت بتتوظف بتفيدك وياكثر ماحركت يدي خويي يمسك يدي يقول لي هد هد بشويش لا تتحمس واجد ومن ذاك اليوم وأنا مخفف حركة اليد لكن ماش عجزت أتركها ورجعت لها وشكرا على الموضوع وننتظر القادم يكون أفضل

هههههههههههههههههههههههههههههههههههههه

مـاجـ511ـد · #11 26/12/2011, 04:26 PM

يالله ذكرتيني موقف قبل فتره كنت بالدوام وكانت هناك ذبابه تحوم فوق راسي وانا بيداتي اهشششها ولحظه اثاري المدير متابعني قال ياولد وشفيك طول اليوم ترافع بيدينك قلت ولاشي
قال لايكون معك حساسيه انحرجت وقلت ليتني قلتله انها ذبابه

بس ماهي بأحلى من سالفتك هههههههههه

NeNo-511 · #12 26/12/2011, 04:38 PM

يا ربيـــه فقط لأنك تحركتي بحركه غير مقصوده
هههههههههههه

شوفي يا أختي في هذآآ الزمن من أراد العيش
فعليــه أن يكون قلبــه قوي
ويتلائم مع جميع ظروف الحياة
فاحذرني من ضعاف النفوس

تحياتي

بنت فهد · #13 26/12/2011, 08:54 PM

ياعمري عادي وسعي صدرك طبع تحريك اليدين في غالبية الناس ..
واذا هي مو معاك بنفس الكلاس طنشي ..
وحركي يدينك وارقصي بعد وما عليك من الناس ..

(هلالي 2011) · #14 26/12/2011, 08:55 PM

مثل ماقاتي انتي حطيهم في شنطتك هههههههههه

أبوجواد العرابي · #15 26/12/2011, 10:47 PM

أنا من النوع الي مثلك

ما يتكـلم إلا ويحرك يديـنه

ولاحظوها علي كل من عرففت

وفي ناس يوم اتكلم يمسك يديني يقول ايه هيا كمل الساااالفة

ونا اذا ماحركت يدي ماااادري إيش اقول اضيـع .. افكاري تضيع

عموما : بكل بساطة شوفتيها سلمي عليها ابتسمي قليلها والله اني اتكلم مع صاحباتي في موضوع ثااااااني ونتي فهمتيني غلط وسـامحيــني وأأأأأسفة وابتسمي وامشي

وبكذا ريحتي ضميرك وريحتيـها