|
استبدال دول؟!! هذي اكيد مزحه!!! قد يخالفني الكثير.. بل أكاد أجزم أن الكثير سيخالفني الرأي نظراً لما تابعته في المنتدى.. ولكن ما هو العيب في مدرب حصد 31 نقطة من أصل 36!!!!!!! مدرب لم يخسر الفريق معه سوى مباراة واحدة فقط! مدرب لو حقق الهلال الفوز معه ضد الاتحاد لتصدر قائمة الترتيب، أهذا هو الخطأ الذي ارتكبه ليحصل على هذا المعاملة؟!! دول مدرب تكتيكي، لا يفترق عنده أن يفوز الهلال بالعشرة أو بالواحد.. المهم الفوز وحصد أكبر قدر من النقاط. فريق دول حصل على 86٪ من النقاط الممكنة في الدوري حتى الآن، و هذه نسبة كبيره جدا،، نسبه لم يحققها حتى الآن ريال مدريد (83٪) أو برشلونه (77٪) أو مانشستر يونايتد (82٪)!!! ولا حتى متصدر الدوري الشباب (84٪). نحن نريد الهلال أن يصبح كبرشلونه، فريق يفوز بالثلاثة و الأربعة و الخمسة، لكنني أجزم أن الإدارة عندما وقعت معه لم يكن عدد الأهداف ضمن الأهداف التي رسمتها للفريق وطالبت دول بتحقيقها. المطلوب منه تحقيق البطولات. لذا أجده من عدم العدل بل وحتى من "الغباء" (مع العذر) أن نطالب برحيل مدرب قبل أن تنتهي أي بطوله. مانشستر لطالما فاز بالدوري الانجليزي و الكثير من مبارياته تنتهي بهدف وحيد. لا تقارنوه بالنتائج الكبيرة للفرق المنافسه، فالكل يعرف أن الفرق الأخرى تلعب مع الهلال بطرق دفاعيه و حذرة بينما تجدها تلعب بطريقه مفتوحه مع الفرق الأخرى كالشباب و الاتفاق. اللاعبون أمضوا وقتا كبيرا مع المدرب و إحضار مدرب جديد يفرض طرقا و استراتيجيات جديدة لن يصب في مصلحة الهلال. قد لا يكون تراجع المستوى خطأ مباشراً من المدرب بل اللاعبين عليهم مسئوليه كبرى.. قد يكون ما نحتاجه هو خلق المنافسه بين اللاعبين.. مسائلة اللاعبين بدلاً من أن نقدم لهم عذراً مسبقاً في فشل المدرب. الهلال بحاجة ماسة لترميم بعض الصفوف بدلاً من تغيير المدرب.. ترميم الدفاع مثلاً أراه أهم بكثير من تغيير المدرب. أتمنى من الإدارة أن تتبنى مفهوم الاستقرارية، هذا عامل من عوامل الانتصار في المسابقات التي تحتاج إلى نفس طويل. |
كــلامكــ سليم اخوي لكن نحتاج لفريق مستواهـ اكثر من رائـع كـ هلال غيريتس ولا صحيح توماس دول معذور بالنقاط اللي قلتها وأتفق معاك بأن الفرق المنافسة تلعب بطرق دفاعية مثل مباراة نجران الآخيرة لعبوا 9 دفاع مع الحارس والمهاجم في وسط الملعب ومباريات كثيره لكن مثل ما قلت نحتاج إلى مستوى رائع والله يوفق توماس دول في قيادته للهلال |
آهَنَيكَ عَزَيَزَيَ آَبدَعَتَ بَمَآَ كَتَبَتَ بَ آَلَتَوَفَيقَ لَ آَلهَلاَلَ غَداَ مَبآَرآةَ كَبَيَرَهَ وَإنَ شآَءَ آَلَلَهَ دَؤَلَ وَ آَلَلآَعَبَيَنَ آَلآَجَآَنَبَ يَثَبَتَوَنَ آًنَفَسَهَمَ :) دَمَتَ بخَيَرَ |
السد جاب بطولة اسيا بدون مستوى وحنا مستوانا العام ماشفع لنا دول شكله اهم شي عنده النتيجه وهذا المطلوب وحنا نبي مستوى .,. والمستوى مايوكّل خبز |
فعلاً كلام سليم .. تغيير المدرب بهذه الفترة معناته يروح باقي الموسم والمدرب يتعود على اللاعبين + اقالته نهاية الموسم لانه مدرب فاشل !!! + اعتذار من الادارة + وعود للموسم المقبل لانريد هذا الموال ان يتكرر فهو موال ممل وبنفس الوقت "يزعّل" ! مع اقالة دول اذا كانت خاربة خاربة .. اما الان فلا ...! وحتى لو السالفة خربت والثقة انعدمت ....يكون البديل مثال قيرتس او سامي .. ولو اني لا افضل العودة للخلف !! وحتى سامي صعبة يبدأ بالفريق من نص الموسم ... لكن افضل من انه نجيب واحد مانعرفه ويروح الموسم وهو يجرب ! * بالنسبة للنقاط اللي حققها الهلال نقاط ايش هذي ؟ اقصد على اي اساس تم حسابها ؟ |
شوف أخوي .. مسألة إلغاء عقود المدرب او اللاعبين الأجانب .. أنا من وجهة نظري نخليها للإدارة .. بس دووول غير مقنع .. ومو معنى كلامي هذا إني أطالب بـ إقالتة .. لأني زي ما قلت مسألة الإلغاء ترجع للإدارة اللي هم أقرب وأفهم منّا .. ورانا بطولة آسيوية .. بهالمستوى ما راح نوصل فيها بعيييد .. وترى ماهي مسألة نقاط وزي كذا .. إدارة محمد بن فيصا أستغنت عن بيسيرو وهو متصدر وعلى ما اعتقد بدون أي خسارة .. إذا كنّا قدام القادسية والفتح صعبة ناخذ ثلاث نقاط .. تبغانا في الآسيوية نوصل بعيد ؟؟ الدور الأول مافية مستوى مقنع الا قدام الأهلي .. غير كذا ما فية .. وترى لو تجيب أي مدرب يدرب فريق زي الهلال .. راح يجيب النقاط بجهد اللاعبين .. أمّا المستوى يرجع للمدرب .. والله يكتب اللي فية الخير .. وبالتوفيق للهلال ( وجهة نظر ) |
دول ضحية لاعبين تم تثبيتهم بالمسامير..!! أجل لاعبي الهلال كل واحد واقف بمكانه وما يتحرك...وين التحرك بدون كرة يا لاعبين..!! هذا حماس...؟! |
سؤال الحين كوزمين ليه مايرجع يدرب الفريق يكفي انه مازال عضو شرف بالهلال ليه بينه وبين الرئيس مشكله ولا عشان الي جابه الامير محمد بن فيصل والاداره ماتبي تظهر فشلها وتقول مو قادرين نجيب مدرب ولاعبين مثل رأسه االامير محمد |
إقتباس:
اخي الفاضل وازيد عليك المدرب ما اختار اللاعبين الاجانب وصل للفريق وتفاجأ فيهم والواضح انه حتى الان يتعرف على مستواهم وحتى الان مافي اجنبي واحد قدم نفس الاداء في المباريات ( ممكن ان نستبعد العربي لانه سجل في معظم المبارايات ) وحتى اللاعبين المحليين خذلوا المدرب كثيرا الزوري والفريدي والعابد والدوسري مستواهم مره فوق ومره تحت |
أنا أشوف ان الخطــأ الكبيير من الاداراه انها تعاقدت مع الاعبين قبل المدرب والله يكتب الي فبه الخير للهلال .. |
يالطيب قبل يجي دول ماكنا نفوز من نجران 2-1 وبصعوووبه ماكنا نتعادل من الاتفاق ماكنا ننهزم من الشباب موضوع جميل يعطيك الف الف عااافيه ..... |
الله يكتب الخيــــر للزعيمـ ,,,,,,,,,, |
بس أخوي مو معقوله أننا كل مباراة نجلس على أعصابنا ماعتقد أنك تبي تقارن هلال قريتس بهلال دول - يمكن الأجانب خدموا قريتس - بس برضه أجانبك الحين عالي العال ليه مايعرف يصرفهم دول ؟؟ أنا من وجهة نظري المتواضعه يرحل دول قبل الآسيويه الدوري ملينا منه مو شرط كل سنه ناخذه نبغى الآسيويه وقصدي من الكلام ذا يجي مدرب من الحين من بدري يتعرف على وضع اللاعبين وينسجم مع الفريق وبالأخير تبقى وجهة نظر تقبل الخطأ أو الصواب وشكراً لك من القلب ,, |
اعتقد ان دول ليس له منهجيه واضحة بالفريق ولا تشكيله ثابته يعني مدرب لم يستطع معرفة الهلال حتى الان هذا عيبه ......مع جريتس انهزمنا من النصر وتعادلنا في كثير من المباريات لكن كان الفريق له اسلوب لعب معين وتشكيل ثابت ولم يخرج احد من الجمهور الهلالي يطالب باقاله جريتس تقبل مروري |
هلال كالديرون افضل من هلال دول اححححنى مطمعنا شكلنا بقاره اسيا مو بالدوري |
| الوقت المعتمد في المنتدى بتوقيت جرينتش +3.
الوقت الان » 10:51 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd