|
سبب خسارة الهلال ( صور ) + الزوري وتخصص الإتحاد + حضور الأمير محمد بن فيصل + الغنام إحتياط ..؟؟ بسم الله الرحمن الرحيم . في آخر مباريات الهلال مع الإتحاد وبلغة الأرقام الكفة تميل لصالح الإتحاد بغض النظر عن التاريخ .لأن اللاعبين اللي بالـ5 سنوات الأخيرة بالفريقين تقريبآ متواجدين حاليآ بأستثناء الأجانب .أما التاريخ فهو من الماضي .والجميع يعرف إن الإتحاد عنده الكرات الثابتة والعرضيات زي البلنتي . يعني بسهولة يسجلون وخصوصآ على الهلال بالصور والواقع .وهذا سبب رئيسي لتفوق الإتحاد على الهلال بالفترة الأخـيرة . أول هذي الأهداف هزازي بنهائي الدوري الشهير : الهدف مافيه مجهود كبير من لاعبين الإتحاد لكن لاعبين الهلال هم اللي ساعدوهم بتسجيل الهدف , الزوري وكالعاده برود وسوء تغطية ,الملاحظ بالهدف أنه كان بعيد نوعآ ما من أبو شروان وهذا ما أعطى اللاعب فرصة لأستلام الكورة وتسليمها للمهاجم بدون أي ضغط من الزوري . حتى ماكلف نفسه ورفع رجله وأعترض الكورة .وأما اللي كان يراقب هزازي من خلفه ( الله يشفيه ) ماعنده أي قدره للتغطية بالرأس. وهذا أيضآ الهدف الثاني لأبو شروان : وشوفو الزوري كيف تغطيته وضغطه على اللاعب بكل برودة وإستهتار ..أتمنى ما أشوف هالبرودة بمباراة الغد . وهذا هدف زياية على الهلال قبل الموسم الماضي وشوفو كيف الإتحاد متميز بالكرات العرضية : طبعآ الزوري كان معه الكورة لكن قام يطقطق فيها ومررها غلط ونور ماصدق خبر . بدون مايمشي متر واحد رفعها لأنه يعرف الهلال سيء بالعرضيات . وهذا هدف زياية أيضآ على الهلال بالآسيوية وبالرأس كالعاده .والزوري كان متابع بصمت بدون تغطية ولا ضغط على حامل الكورة قبل رفعها . وهذا هدف زياية على الهلال وسوء تغطية الزوري وعدم ضغطه على حامل الكورة : هدف هزازي على الهلال بالرأس مع أكتفاء الدفاع بالمشاهده له : يعني الإتحاد مع تميزهم بالكرات العرضية , إلا إن برودة أظهره الهلال وسوء تغطيتهم وعدم ضغطهم على حامل الكورة قبل رفعها يساعد الإتحاديين على التسجيل بالرأس عن طريق العرضيات .يعني إذا ماقدرو قلوب الدفاع على التغطية بالرأس أقل شيء يحاولون الأظهره منع الإتحاديين من رفع الكورة داخل الصندوق من خلال الضغط على حامل الكورة .وبالهلال من المستحيلات إنك تشوف الزوري أو نامي يضغطون على اللاعب اللي معه الكورة .من عهد كورمين وهذي الأظهره ماتغير أسلوبها . يعني أتمنى أشوف شافي بديل للزوري مع تواجد البيشي بديل للمصاب نامي . أستغربت بعد مشاهدتي لتغطية المركز الإعلامي للتدريبات بتواجد عضوين شرف فقط .وهم نفسهم اللي متواجدين بأغلب التدريبات اليومية . مع كامل القدير والشكر لهم على وجودهم ودعمهم . لكن أين البقية .؟ وين الأمير محمد بن فيصل .كان متواجد قبل مباراة الأهلي وفاز الفريق وقدم مستوى خيالي . يعني تواجد أعضاء الشرف مهم ومؤثر أيجابيآ على اللاعبين , بغض النظرعن من العضو المتواجد و إسمه , سواء الأمير محمد أو غيره . وشفنا تأثير وجود الأمير محمد بن فيصل والكابتن محمد الدعيع قبل مباراة الأهلي وبالفعل قدم الفريق مباراة للتاريخ .يعني اللاعب يحس إن وجود هالعضو واللاعب اللي كان غايب طوال الموسم وحضر لأجل مباراة هذا معناه أن المباراة مهمة بالنسبة للفريق والجمهور. يعني أتمنى بكره قبل المباراة نشوف تواجد شرفي كبير وحضور لاعبين سابقين الدعيع والثنيان وأبو أثنين والمفرج . والأسماء هذي تواجدت بالقرب من النادي بالفترة الماضية . يعني مو مبتعدين من 20 سنة أو فترة طويلة . عبداللطيف الغنام لاعب خلوق ,لكن فيه حاجة غريبة , اللي هي إرتكاب الفاولات بأي مكان بالملعب , سواء قريب من المرمى أو بعيد وبكثرة. وهذا الشيء يسبب مشاكل للفريق قدام الفرق وخصوصآ الإتحاد , لأنهم متميزين بالكرات الثابتة .أتمنى إذا المدرب بيلعب بمحورين بالمباراة أن يبقي الغنام إحتياط ويشرك القرني مكانه . سبحانك اللهم وبحمدك أشهد أن لا إله إلا أنت أستغفرك وأتوب إليك . |
راح يفوز الهلال على الاتحاد ان شاء الله فالمباراة القادمة واعتقد لو انهزم الهلال لا سمح الله دول بتكون اخر مباراه له |
كلام سليم ويعطيك العافيه وانشاء الله الزوري يرجع لمستواه السابق s13s |
روكي مشكور على تحليلك واهتمامك واتمنى من المسؤلين معالجة نقاط الظعف ليعود الزعيم زعيمآ كما عهدناه |
هذآ ماهو خطآ الزوري بل خطآ الاداره ما جابت لاعب ينافسه بنفس الخآنه جبنآإ يحيى الكعبي ولا لعب الا مباراه وديه ورآح من الهلال من غير ما نستفيد منه ، الله يستر من الزوري ومن المرششدي بس وبأذن الله الفوز يكون للزعيم ، لآهنت . . :rose: |
لاحول ولاقوة الا بالله المباراه اذا قسناها على مسستوى الفريق ككل بـِ آخر مبارتيين .. مرررره صعبه الله يوفق الزعيم ان شاء الله وفاله الفوز والثلاث نقااط ياارب شكراً على الطرح |
لكل مبآآآرآآه ضرووفهآآ وإن شــآء الله الزوري يثبت وجووده أكثر يعطيك العآآفييه ع رووعة مآآ قدمت |
الزوري لاعب جيد .... وخصوصاً في بداياته قدم مستويات كبيرة.. لكن له فتره طويله وهو مو طبيعي..!! ثقل وفهاوه وميوعه غير طبيعيه في الملعب..!! مركز الظهير يحتاج لاعب يمتلك السرعه والقوة و (التركيز) واهم شي الأداء الرجولي.. وللأسف كل هالمواصفات حالياً غير متوفره في الزوري..!! وعجزنا معاه والله.. انتقدنا وتكلمنا ... واكيد الادارة تكلمت معاه والمدرب... ومافاد شي.. اعتقد الحل الوحيد في حالته العصا والعصا فقط..!! صدقوني لو قد اكل ابو زوري بالخيزران ثنتين .... ان يصحصح مضبوط ويترك تسحيب رجوله في الملعب ويخدم معنا سنتين قدام :d ثم نكرر العملية اذا رجع يفهي :d في رأيي هذا هو الحل الوحيد في حالة الزوري.. تقبل مروري :rose: |
2222222222222222222222222222222222222222222 |
سام هههههههههههههههه تحسب نفسك مدرس اي والله ان الزوري يخوف والمرشدي الله يخارجنا من هاذي المباره ونحصد الثلاث نقاط مستوى ونتيجة |
والله أنا متفآئل بالمباراة وإن شاء الله الهلال يبدع ويمتع الجماهير كعادته دائما ولاتنسى أنها مباراة الصدارة والهلال ولله الحمد مكتمل ولافيه أي عيوب سوى ( المدرب ) اللي سواء لو فاز إن شاء الله وهذا اللي أتوقعه أو لم يفوز لاسمح الله لا أريد بقائه في الهلال مع أحترامي للإدارة العزيزة ؟! |
وتلومنا اذا طالبنا الاداره باظهره مثل ياسر الشهراني ياعالم وربي اظهره تحتضر ..! لانامي ولاحتى الزوري مستوياتهم سيئيه نامي مجتهد لايلام وهذا مستواه وكلنا عارفينه المشكله في الزوري مستواه من يوم جدد العقد او بمعني ادق من يوم راح كوزمين بالحظيظ..! وشكل العنزي يبي يصير اسطورة زمانه على حساب الزوري..! يجب جلب شهراني القادسيه في يناير لاهجوميا ولادفاعيا ينفعون ..! |
سسلآآم بإذن الله الفوز للهلال والهلال ما يحتاج غير دعائكم بالتوفيق للهلال وان شاءالله الزوري يرجع لمستواه |
إقتباس:
أسمح لي أخالفك بأن الهلال يمتع جماهيره دائمآ , هالموسم مافيه إمتاع ولا إبداع ..وخصوصآ قدام الإتحاد بالفترة الأخيرة .. أما سالفة إن الهلال مكتمل والكامل الله هذي قوية , الفريق ناقصه قلب دفاع وأظهره .وفيه كم لاعب يبي لهم قرصة أذن . تحياتي . |
ماعمري شفت في الهلال على تاريخه ابرد من الزوري والفريدي برود ومافيه حماس ابد |
| الوقت المعتمد في المنتدى بتوقيت جرينتش +3.
الوقت الان » 10:04 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd