مستر بيسو
هلا وغلا أخي مستر بيسو
أنا شايفكم متحسسين من الموضوع وتنظرون له نظرة الريبة والشك.. أساساً ما في أحد شبيه لمرعي وبطانيته بطانية السوء فلا يروح ظنك لبعيد خلك عاقل..

أختي حروف الغلا
أنا للأسف ما أعرف جنسيتك وش هي..
ولكن إذا كنتِ من قرية قريبة من قرية مرعي فلا تفرحي لأن كل القرى ودويلات الطوائف.. اللي جنبنا متشابهة وإن كانت الأسماء مختلفة..

أخي ™ṂṒḤĂṂṂĂĐ
كيف حالك محمد إن شاء الله بخير
إييييييه فعلاً تغير النفوس حتى مرعي ما صار يعبرنا من بعد الفاصوليا وشايف نفسه علينا..

الغالي ربيعة
زيد هذا مهمته ترويض الناس لعريفة القرية
لأن أهل القرية أهل دين ويسمعون كلام المشايخ ولهذا السبب يحتاج عريفة القرية لواحد يوطد دعائم حكمه في نفوس الناس مثل زيد
وطبعاً شيوخ الوالي هؤلاء موجودون في كل أزمنة التاريخ وعلى الناس أن يعرفوهم وينبذوهم
أما عن انتقاد المطب اللي في حارتكم فلا تنتقد ولا شيء.. إذا شفت شيء غلط ما عندك ( حسب كلام زيد وأمثاله ) إلا الدعاء بأن يرزق الله الوالي البطانة الصالحة
وإذا شفت برضه شيء غلط فادعو الله أن يرزق هذه البطانة الصالحة بطانة صالحة
وإذا برضه في شيء غلط فادعو الله أن يرزق بطانة البطانة الصالحة بطانة صالحة..

فاصوليا مرعي هي نفسهآ فاصوليا النفط كثيره وما تعرف وين تروح مبالغهآ ،، ويوم تقعد من النوم تحصل اخبآر النفط مرتفعه تبتسم وتنظر نهآية آلسنه بشوق يمكن تجيك وظيفه او سكن ،، سبحآن آلله مطآلبنآ محدوده ولا هي بمستحيله ،، لكن نحبك يآ بلآدي ولآ نسآومك ،، ومن زود خيرنآ نعطيه لغيرنآ ،، عرفت ان حكآية مرعي هي نفسهآ حكآية نفط السعوديه ،،

ع ـــوآآفي آخوي

أختي يوجين.
الحرية هنا والمحاسبة مثالية ويستطيع أي مرء محاسبة المسؤولين عكس ما كان يحصل معي في قريتي القديمة..

الغالي alfayhaa Sport
في فمي ماء.. وفي رواية أخرى في فمي تراب.. "على وزن ماكل تراب"..

عاد والله مشتهي مرق فاصوليا، إلا الفاصوليا خضراء ولا بيضاء؟
أنا مشتهي البيضاء منب أحب الخضراء واجد .. مع رز أبيض وتباسكو و أدفها بكأس لبن المراعي، إيه المراعي خبرك وشسمه نادك جاملناه كم شهر لكن والله ماش ماهنه زي المراعي ..

الـمـشـاغـب
كيف حالك يا سلطان عساك بخير
اخس عليك يا بو خالد ثم اخس عليك..
وأنا اللي تركت ما يستفاد من القصة عشانك قلت أنك أنت راح تكلمها..
ثم أني توقعت أنك تحط قلب كمان لي..

أخي مسّتريح البال
هل هذه أغنية جديدة لشعبان عبد الرحيم..؟؟

الغالي ][ هلـآلي للـآبد ][..
المشكلة حتى الكلام ما يقدر أحد يتكلم
مجرد نقد طبيعي حتى لو ما تبغى تسوي افتح المجال عشان على الأقل تنفيس لما في الصدور
أما أن تقمع كل الذين ينتقدون وتزج بهم في السجون فهذا يقفز بالإحتقان إلى أقصى درجاته
يوجد مقولة لكينيدي
Those who make peaceful revolution impossible, make violent revolution inevitable
يعني:
أولئك الذين يجعلون الثورة السلمية مستحيلة.. بأفعالهم يجعلون الثورة العنيفة ( الدموية ) حتمية

الغالي @@almoreb@@
يا سلام عليك أنت فاهمني صح..
أنا حطيت الموضوع له علاقة بالطبيخ عشان إذا دخل دبوس ما يفهم مع أنه في العادة الدبابيس ما يفهمون المواضيع سواء كانت لها علاقة بالطبخ أو لأ..

أخي مقطوع راسي
صدقت يا الغالي..
وكما قال ابن تيمية رحمه الله في نقله قولاً مأثوراً في عصره: إن الله ينصر الدولة العادلة وإن كانت كافرة؛ ولا ينصر الدولة الظالمة ولو كانت مؤمنة..

الغالي أبو سواج
والله ما جاوزت الذي كنت أريد قوله..
فهذه هي مصيبة المصائب والنكبة التي هي آتية في قادم الأيام..
فبلادنا فقيرة في الموارد ولا يوجد بها أي مورد آخر.. فإذا كان وضعنا مزري مع هذه الثروات الضخمة فكيف سيكون وضعنا بعد عشرين سنة من الآن بعد أن تنضب الموارد أو يستغني العالم عن الفاصوليا.. والعالم بالفعل في سباق شرس نحو تطوير الموارد واستحداث أخرى جديدة..!!
وقتها مرعي والأربعين حرامي لن تجد لهم أثر ولن يبقى إلا أنا وأنت بعد ما ننزل من فوق البغال والحمير نتذكر أياماً مضت يوم كان عندنا كمبيوترات وندردش مع بعض في المنتدى..

أخي إنسان$غير..
صدقت ولكن تشابه الأوضاع أنا غير مسؤول عنه إذا كان هناك تشابه مع أي قرية أخرى..

الغالي كان هنا..
هذا ثاني موضوع لي ترد أنت فيه.. حافظ أنا كل عدد المرات اللي رديت علي فيها..
حسب كلام الأخ إنسان غير يوجد هناك فاصوليا سوداء.. مدري إذا كان طعمها حلو مع اللبن ولا لأ.. ولكن لا تأمل فيها لأنه حسب كلام البعض هي خاصة بالقلة والباقين ما راح ياخذون منها شيء..

قصة تبرد القلب والخاطر بس احلا جملة بالقصة ذي بطانة السوء لرجل السوء .

فعلا بس عجبي منكم كيف تحطون مرعي وهو ما يعرف يقراء وتحصيلة العلمي على حد علمي سادس تعليم كبار .
وبعدين زيد الله يهديه مايشوف مدري وشلون حاطينه امام مسجد وخطيب بعــــد.

وعبيد هذا ماخذ شهادة الدكتوراة من محل ابو ريالان وحاطينه وزير شئون الفاصوليا ياكبرها ياعبرها .

واكيــــــد انك مريت على دار ابوسفيان ومتخرج منها بعد ...


بس ياصديقي تراك اقديك بجيتك لاى مملكة الانسانية ترا الامور فيها وناسه بالحيل بالحيل وكل شي تشاور باصبع ويجيك لك سكن ولك وظيفة ولك كل شي بس اهم شي انك تقلد زيد وعبيد في دولة مرعي .

تحياتي وفعلا ذكرتني قصتك بالمثل قلي من تصاحب اقول من انت وهذا ينطبق على مرعي وبطانته الله يخسك يامرعي .

إقتباس الرسالة الأصلية كتبت بواسطة الوافي الهلالي قصة تبرد القلب والخاطر بس احلا جملة بالقصة ذي بطانة السوء لرجل السوء . فعلا بس عجبي منكم كيف تحطون مرعي وهو ما يعرف يقراء وتحصيلة العلمي على حد علمي سادس تعليم كبار . وبعدين زيد الله يهديه مايشوف مدري وشلون حاطينه امام مسجد وخطيب بعــــد. وعبيد هذا ماخذ شهادة الدكتوراة من محل ابو ريالان وحاطينه وزير شئون الفاصوليا ياكبرها ياعبرها . واكيــــــد انك مريت على دار ابوسفيان ومتخرج منها بعد ... بس ياصديقي تراك اقديك بجيتك لاى مملكة الانسانية ترا الامور فيها وناسه بالحيل بالحيل وكل شي تشاور باصبع ويجيك لك سكن ولك وظيفة ولك كل شي بس اهم شي انك تقلد زيد وعبيد في دولة مرعي . تحياتي وفعلا ذكرتني قصتك بالمثل قلي من تصاحب اقول من انت وهذا ينطبق على مرعي وبطانته الله يخسك يامرعي .

الغالي الوافي الهلالي
بداية العلاج هو في معرفة موطن المرض.. غير كذا راح يظل المرء يتخبط ويفسد أكثر مما يصلح
المشكلة الناس مو راضين يفهمون السبب الرئيسي في كل هذه المشاكل ويظلون يضربون في فلان وعلتان اللي هو من بطانية السوء

ما تدري هل هو غباء ولا طيبة زايدة إلى حد الغباء ولا غباء زايد إلى حد الطيبة..