|
السلام عليكم طال عمرك .. كيف الحال طال عمرك .. والله طال عمرك السالفة .... ليش بعض الناس لما يخاطب أحد المسؤولين كبير كان أو صغير لازم يخفض له جناح الذل من الذل ونصف العبارات إللي يخاطب بها المسؤول هي جملة ( طال عمرك ) !!! ولو سألته ليش كذا ؟ رد عليك : يا أخي هذا مسؤول !! طيب وإذا كان مسؤول !! .. هو موظف ياخذ راتب او مخصصات يعني ما قاعد يشتغل بلاش .. الأمر الثاني المسؤول إنسان عادي غالباً أخذ هذا المنصب بالواسطة مو بالكفاءة الإدارية والخبرة .. لو تعاملنا مع المسؤولين بشكل عادي وبدون تكلف ماراح يحسون بالكبر وشوفة النفس إللي أغلب المسؤولين يتحلى بها . ثلاثة أمور ما أتابعها لأنها ما تمسني لا من قريب و لا من بعيد: الميزانية ... وتغيير الوزراء والمسؤولين ... وإعلان المشاريع نفسي اسأل المسؤول الفاسد وأصحاب المشاريع الفاسدة وأصحاب العقار الفاسدين : ( أنتم تعرفون بأن فيه يوم الحساب وبعده فيه جنة ونار ) ؟ ليش لما تقول لأحد أنا ما أحب هذي الأكلة ولا أحب هذا اللون يرد عليك صاحبك : صراحة أنت إنسان متخلف ماعندك ذوق أحد ما يحب هذا اللون أو هذي الأكلة ؟! .. يا أخي وأنت شكو ؟! .. ما أحبها وخلاص ؟!! ليش لما تربط حزام الأمان يجي واحد يقول لك : من جدك مسوي نظامي يا الأوروبي .. وتصير مسخرة ومضحكة !!! ليش لما تنام ( بدري ) في الصيفية الساعة 1 بالليل يرد عليك واحد : من جدك تنام بدري يالشايب !!!!! ليش ندفع ألوف على جوال أو مئات على شريط سوني أو عطر أو نظارة .. لكن لما ندفع صدقة نتردد نطلع ريال أو خمسة ريال ؟ ليش لما ينزل موضوع في أي منتدى عنوانه مثلاً : ( زواج كلب من قطة ) تحصل عدد الزيارات يتعدى الألف و الألفين ولما ينزل موضوع مثلاً عن أخوننا في سوريا ما تتعدى الزيارات عشر موضوع الكلب والقطة ؟ السلام عليكم |
"بخصوص النقطه الاولى " ’، والله ياخوك الحشيمه للكرسي مو لهم لأن الوزراء عندك اعمار طوويله وبركه اقل لكن المواطن يقصد "طار" عمرك مو "طال" عمرك لعل وعسى يجي ابرك منّه ’، عموما اتمنى قبل ما اموت استفيد من اجتماعهم اللي ولا مرره اجتمعوا و افاد الشعب! موقع لوعود المسؤولين http://3addad.com/ |
مع الأسف فيه بعض الناس تشربو العبوديه لحد النخاع ولو سنحت لهم الفرصه لتقبيل ارجل الامراء والوزراء لفعلوا ذلك وكثير من هؤلاء البهائم عند إلقاء القصائد أمام الامراء والوزراء يصل بهم الأمر لتشبيههم بأحد اصحاب نبينا محمد صلى الله عليه وسلم وأما النقطه الثانيه بالطبع يعلمون أنهم سيحاسبون ولكن أخذتهم العزةُ بالأثم نسأل الله تعالى ان يهديهم أو يكف شرهم عن المسلمين السلام عليكم |
[QUOTE]ليش بعض الناس لما يخاطب أحد المسؤولين كبير كان أو صغير لازم يخفض له جناح الذل من الذل ونصف العبارات إللي يخاطب بها المسؤول هي جملة ( طال عمرك ) !!! ولو سألته ليش كذا ؟ رد عليك : يا أخي هذا مسؤول !! طيب وإذا كان مسؤول !! .. هو موظف ياخذ راتب او مخصصات يعني ما قاعد يشتغل بلاش .. الأمر الثاني المسؤول إنسان عادي غالباً أخذ هذا المنصب بالواسطة مو بالكفاءة الإدارية والخبرة .. لو تعاملنا مع المسؤولين بشكل عادي وبدون تكلف ماراح يحسون بالكبر وشوفة النفس إللي أغلب المسؤولين يتحلى بها .[/QUOTE] لأنك لا تملك القدرة على محاسبته .. واذا ما اردت محاسبته فستجد نفسك في قفص الاتهام ! لذلك قل له ( طال عمرك ) ( طال نخرتك ) .. المهم ينجز مصالح الناس عوضا عن تجده يتلكع ويتمنع مثل العروس في ليلة الدخلة ،،، الأحترام مطلب اساسي .. ووضع الناس في مقامهم ليس فيه ما يعيب .. ولكن بشرط ان يتعلم ويحرص هذا الكائن الحي ( المسؤول ) ان يعاملني والآخرين بالمثل :yes: ختاما .. احترم هذا القول : إقتباس:
إقتباس:
إقتباس:
بارك الله فيك ربيعة :smilie47: |
أحسنت يا جحدر (ربيعة) .. فقرات متميزة :smilie47: بخصوص المسؤولين الحمدلله ما حصل لي موقف مع شخص مسؤول حتى أقول له طال عمرك .. وبصراحة حتى لو قلت له طال عمرك أو الله يحفظك فما أرى فيها تذلل .. الأهم اللي بعد ( طال عمرك ) هل فيه تذلل أم طلب الحق بكل أنفة ؟ ممكن ما أقول طال عمرك لكن كلامي كله خنوع وخضوع .. وممكن أقول طال عمرك ويكون كلامي متزن ورزين .. بالنسبة للنقطة الأخرى الجميلة عن الجوالات والصدقات .. والله يا صاحبي كل واحد يتكلم عن نفسه << سامع يا طارق (رائعة رائعة رائعة) :s2: أنت تتردد ومثلك طارق .. بس غيركم ما يتردد وأعوذ بالله من كلمة غيركم :d:smilie47: الصدق يا شيخ أنا أحياناً أتهور وأتصدق بمبلغ عشرة ريال ثم إذا جاء نهاية الشهر وأنا مطفر .. ما أتذكر من اللي صرفته إلا العشرة ريال وأتحسف عليها لو إني متصدق بها على نفسي كان أبرك :s2::smilie47: يلعن حريشه شيطاني قوي :d خلها على ربك صرت كل ما بأتصدق بمبلغ أكثر من خمسة ريال أوقف وأحسب حسابي هل بيجي نهاية الشهر وأموري تمام والا أحتفظ فيها لنفسي :( |
اهلاً اخي ربيعة كما تفضل الاخ احساس خالد ( ابو عسل ) :D الحشيمة للكرسي موب لهم ولا علشان نخلص الوضع بدون اي تعقيدات و بالنسبة للنقطه الثانيه ، هي وقفت على الحزام الله يسلمك انا اجيب سبحة معي للمدرسة بشكل يومي اقضي فيها اوقات الفراغ في المدرسة " يعايروني " يالمطوع ما يدرون والله ان كل مرة يقولون لي يالمطوع ارتآح نفسياً و احمدالله بالنسبة للنقطة الثالثة ، لما اشوف انا انسان محتآج اتذكر قول الرسول عليه الصلاة و السلام ( لا يؤمن احدكم حتى يحب لاخيه المؤمن ما يحبه لنفسه ...) والله لو معي ١٠٠ و ١٠ ريال اعطي المحتآج ١٠٠ لانها الاحب لي من الـ ١٠ يعطيك الف عافية |
, , متى نتركُ الألقاب المفخِّمة ؟ كان الصحابة يقولون: جاء أبو بكر.. قال عمر .. أتيت عثمان .. خطب علي! , , |
اسئلتك اصابت كبد الحقيقه ... هذي بلدنا وهذا طبع الناس فيها تعودوا على الخضوع والسكوت وعدم الكلام والمطالبه بالحقوق تعودوا على ان تنهب اموالهم واموال المسلمين دون ان يتكلم احد وان تكلم ( دخل السجن ) , تعودوا على المزح الثقيل والبايخ .. تعودو على تحطيم من حولهم تعودوا على كثرة الهزل ... تعودو على اشياء كثيره |
| الوقت المعتمد في المنتدى بتوقيت جرينتش +3.
الوقت الان » 04:48 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd