#1  
قديم 11/03/2003, 04:10 PM
عضو سابق بلجنة تطوير المجلس العام
تاريخ التسجيل: 10/09/2001
مشاركات: 2,248
Talking بيان هام iii جيش الخديوى يحاصر العراق ( ام المهالك )

بسبب الحرب على العراق قرارنا نحنو القائد الاعلى اللواء الخديوى باشا الدفاع عن العراق من

الهجمات المتوقعه من امريكا المهم جمعت الجنود في صحراء الربع الخالى وكنت

مخلى كل اربعه جنود فى خيمه وحده علشان يلعبون بلوت كان عندنا برنامج صباحي

يبدا من بعد صلاة الظهر نروح فيه عن نفسويات الجنود نتجمع في الميدان و يصفون طابور واحد

بالزي العسكري الرسمي و انا اجيهم لابس الفروه و متلطم علشان مايعرفونى و ادور

عليهم واحد واحد واسلم على كل واحد و احلف عليه يجينا للعشا واللي يوافق اطرده

و كان من ضمن البرنامج اني بعد ما امر عليهم اشوف اشين واحد فيهم واخليه يغنى النشيد

الخديوى ( خديوى خديوى خديوى القرف *** نسدد نسلوف ذبحنا السلف ) والجنود يشتغلون

طقاقات لا تدريب و لا يحزنون و فيه عندنا برنامج مسائي (يا كثر برامجكم) نتجمع كلنا في خيمه

وحده الساعه تسعه الصباح نسمع الاخبار و اذا خلصت الاخبار ندق الولد واللي يجي عنده

ولد السبيت يسوي لنا الكبسه ذاك الليل ( انت متأكد انكم رايحين تحاربون) وفى يوم

من الايام وانا جالس في خيمتي حاط رجل على رجل و قائد الجرابيع الحمراء يعطيني من

هالسوالف اللي كلها نصب وانا منيب حوله جالس اعسل و اتسمع صباح الخير يا خديوى على

محطة لندن المهم جاني المقدم عصمت ترا رجل مهوب حرمه و عطاني رساله من قائد

الهجوم الانتحارى يقول فيها ان الجيش الامريكى وصل حدود العراق قبل البقاله اللي كنا

نشتري من عندها تتن و مصير االعراق فى ايديكم (لابالله راح فيها ) والله الله لا تفشلونا قمت

ورفعت العلم الخديوى علشان يتجمعون الجنود و قلت يله كل واحد يزهب سلاحه واللي عنده

بكت دخان بنصادره ما نبي صحتكم تروح فيها ولا اشوفكم معلقين صراويلكم على باب الخيمه على

بالكم تنشرون غسيل لأنها خطر علينا و يقدر العدو يكتشف المكان اللي حن متوزين فيه المهم

جبت المستشارين هم اثنين قال المستشار الأول: انا اقترح نطب عليهم من السطح (

ههههههاى شكله كأن حرامى هالمستشار ) قلت له : يعني تعتقد نستعمل طريقة 4-2-4 :

rolleyes: قال المستشار الثانى بس يا ليت تنزلون الشلهوب في الشوط الثاني طلع دلخ

مثل خويه المستشار الاول : الوضع متأزم جداً والحرب اتخذت منحى و طريق اخر

المستشار الثانى : لايكون اخذت مخرج 13 المستشار الأول: ما علينا خلاص

نبدا الهجوم بكره بعد الفجر قلت له : على بركه الله المهم اجتمعنا بعد صلاة الفجر وكل

واحد اخذ عدته واسلحته واتفقنا مانرجع الا مبيضين الوجه ( ايه هين مدام الخديوى قائدكم )

يوم وصلنا لمعسكر الجيش الامريكى و نحاصره من جميع الجهات والظاهر انهم كانوا نايمين

والجنود ينتظرونى اعطيهم الاشاره ببدء الهجوم لكن طلع في راسي اني اسمع اغنية الله الله يا

منتخبنا ما امداني اعطيهم الاشاره الا و الجيش الامريكى محاصرنا لعبوا علينا :sad: عندهم

رادارات و دروا عنا وصرنا أسرى في أيدي العدو المهم قلت للجنود لاتزعلون ترا المعارك كذا مره

تنهزم وثانى مره برضه تنهزم ( امحق قائد ) قال المستشار الثاني :انا قايل لك نزل

الشلهوب في الشوط الثاني بس ماسمعت كلامى وبعد مشاورت انا والمستشارين (

ماودانى فى داهيه الا هالمستشارين ) اقترحو على خطه بلاتشى 4-5-1 وهى اننا نغنى اغنيه

الخديوى يمكن يخافون ويفكونا المهم صفيت الجنود وقعدت اغنى انا والجنود :

ده حلمنا طول عمرنا

كيماوى يخمنا يسدحنا كلنا كلنا

طبعا انتم عارفين بعد ماسمعو طارى هالكيماوى وش صار فيهم هههههههاى يحسبونه

كيماوى من جد مايدرونى انى مأكل الجنود فول وبصل والله ياعليهم كيماوى مهوب صاحى
اضافة رد مع اقتباس
  #2  
قديم 11/03/2003, 04:31 PM
مشرف سابق في منتدى المجلس العام
تاريخ التسجيل: 17/12/2000
مشاركات: 8,956

<< الحمد لله اني ما نيب استشاري

هههههههههههه الله يوروجك ياخي العامل النفسي يلعب بلوت قصدي دور !!
انا اشوف يوم هجموا علينا البنات بحربنا معهن بغينا ننهزم
اثرهن مجتمعات ياكلن كراث وفجل

بس تراك مدلع جنودك اكثر من اللازم وش رايك ترسلهم عندي دوره
يالله انفهق
اضافة رد مع اقتباس
  #3  
قديم 11/03/2003, 08:52 PM
فيو
تاريخ التسجيل: 25/01/2002
المكان: .. الحـــبيــ الرياض ـبـه ..
مشاركات: 15,376

خيوووووو الخديوى باشا ==>>> الله من زييين هالاسم

احسسسسسسسن من قالك ماتخذني معك بالحرررب .. والله لصلح لك خططططه على مستووووى
اتحدى اي احد يهزمك ===>> واثقه من عمررها بزيااااده ... بس اقول لاتدغي امريكا عني بعدين ياخذوني


انا اتذكر يوم هجمنا على جيش العيال ... شفنالك جيش العيال طاقين لك بلوووت ... ونااس يشوتون بالكوره ... ومزلابين بشغلهم .. من زود السناعه والاهتمام بالعمل اثناء الدوام

اضافة رد مع اقتباس
  #4  
قديم 11/03/2003, 08:59 PM
عضو سابق بلجنة تطوير المجلس العام
تاريخ التسجيل: 29/04/2002
المكان: الــريــاض
مشاركات: 3,921
والله أنــه فــكـــرتـــ(ن) طيبــة ,,,

ليــه مانتــحد مــع جيـــش البنــات ,,,, ونروح جميــع

بس على الـــي فـــوق الهـــرج ,,, طــلــعــت بـــر مو حــرب

ويـــسلمو خديـــوي على هــيــك موضـــوع
اضافة رد مع اقتباس
  #5  
قديم 11/03/2003, 09:41 PM
زعيــم مميــز
تاريخ التسجيل: 31/08/2002
المكان: فيه احلى من الشرقيه بالسعوديه
مشاركات: 2,745
ابو الذهب

حلوه طلعت اغنية الله الله يا منتخبنا على بالك

اقول الله يخلف على تخطيطك

تحياتي ,,,
اضافة رد مع اقتباس
  #6  
قديم 11/03/2003, 10:53 PM
عضو سابق بلجنة تطوير المجلس العام
تاريخ التسجيل: 17/01/2001
المكان: RIYADH
مشاركات: 2,282
لاحول ولاقوة الابالله
ممكن تكون الكوية لعبت فيك


راجعنا بكره ... كشف مستعجل مجاني
اضافة رد مع اقتباس
  #7  
قديم 11/03/2003, 11:08 PM
كاتب مخضرم بالمجلس العام
تاريخ التسجيل: 11/01/2001
المكان: الدائري الشمالي
مشاركات: 5,720
ابوالذهب!! يوم انك ودك تحارب الجيش الأمريكي انت سامع ان فيه مكان شاغر بغوانتانامو ( خديوى خديوى خديوى القرف *** نسدد نسلوف ذبحنا السلف ) !!! مادام اللي يغنيها اشين واحد!! اجل تراه مو انا قرقاص مشعلاني
اضافة رد مع اقتباس
  #8  
قديم 11/03/2003, 11:15 PM
زعيــم مميــز
تاريخ التسجيل: 01/08/2002
المكان: قلبي تولع بالرياض ....
مشاركات: 2,013
نيهههههههااااااااااي..

وهذي صورة الرداااار اللي كشفك وأنت منفهق عن الجيش ابتااعك ...;)
اضافة رد مع اقتباس
  #9  
قديم 11/03/2003, 11:16 PM
عضو سابق بلجنة تطوير المجلس العام
تاريخ التسجيل: 10/09/2001
مشاركات: 2,248
سهل سبعات معكوسه
الحمد لله اني ما نيب استشاري
ياخوفى انك المستشار الثانى فيك بوهه منه
اثرهن مجتمعات ياكلن كراث وفجل
هذا اخطر من كيماوى الخديوى والكراث والفجل من العناصر الاساسيه لغاز الخردل
وش رايك ترسلهم عندي دوره
ايه ابشر مابقى الاهى مابعد عفت جنودى



الفيروسه الزرقاء:
خيوووووو الخديوى باشا ==>>> الله من زييين هالاسم
فيه شبه من مقبره النسيم
احسسسسسسسن من قالك ماتخذني معك بالحرررب .. والله لصلح لك خططططه على مستووووى
ولا يهمك المره الجايه بأخذك ( هذا وجهى ان كان فيه مره ثانيه )
اتحدى اي احد يهزمك ===>> واثقه من عمررها بزيااااده ... بس اقول لاتدغي امريكا عني بعدين ياخذوني
افا عليك ابشرى باانواع النذاله ماينتوصا
انا اتذكر يوم هجمنا على جيش العيال ... شفنالك جيش العيال طاقين لك بلوووت ... ونااس يشوتون بالكوره ... ومزلابين بشغلهم .. من زود السناعه والاهتمام بالعمل اثناء الدوام
هذى غلطت سهل يوم يوديهم معسكر خارجى



yazeed_9 :

ليــه مانتــحد مــع جيـــش البنــات ,,,, ونروح جميــع
معصى يمكن يكشفون موقعنا من بكلاتهم
بس على الـــي فـــوق الهـــرج ,,, طــلــعــت بـــر مو حــرب
لازم نوسع صدر الجنود مساكين




تحدوه البشر:
حلوه طلعت اغنية الله الله يا منتخبنا على بالك
الوطنيه وصافولا تلعب دور
اقول الله يخلف على تخطيطك
ولو خيو ابشر بهجوم كاسح مايردنا الا حدود الصين قويه صح



J.A.J:
انت هنيا وينك مختفى الله يسلمنى
لاحول ولاقوة الابالله
ممكن تكون الكوية لعبت فيك
يعنى وش ذنك هو فيه غيرك احد يعالجنى خمس سنين والحاله هى هى مافيه تقدم
راجعنا بكره ... كشف مستعجل مجاني
كشف مجانى والله اغراء ولو انى حالف مااعالج عندك بس وش اسوى مدامك ملزم وتحلف بعد مانيب رادك
اضافة رد مع اقتباس
  #10  
قديم 11/03/2003, 11:20 PM
زعيــم متألــق
تاريخ التسجيل: 21/01/2002
المكان: على الارض
مشاركات: 1,461
الله يخلف على القيادة

ههههههههههههههههههههههه
اضافة رد مع اقتباس
  #11  
قديم 11/03/2003, 11:44 PM
عضو سابق بلجنة تطوير المجلس العام
تاريخ التسجيل: 10/09/2001
مشاركات: 2,248
قرقاص زويد
ابوالذهب!! يوم انك ودك تحارب الجيش الأمريكي انت سامع ان فيه مكان شاغر بغوانتانامو
غرفه نفرين تطل على البحر ماودك تخاوينى
مادام اللي يغنيها اشين واحد!! اجل تراه مو انا قرقاص مشعلاني
من قالك انى شين اقول قرقاص ماسمعت ذيك الشيفه اللى تحوم الكبد يوم سئلوها انت زينه قالت لا مملوح والله لوتشوفها ماترقد ذيك الليله



خربوووووط:
هههههههههههههههاى والله رادار سنع بالحيل بس خل عنك شفت رقبه هالخال ركبه حاشى مهيب رقبه



مجمعاوي:
الله يخلف على القيادة
ياخى العتب على المستشارين صرف الموضوع

اخر تعديل كان بواسطة » ابو الذهب في يوم » 12/03/2003 عند الساعة » 01:02 AM
اضافة رد مع اقتباس
  #12  
قديم 12/03/2003, 12:05 AM
زعيــم مميــز
تاريخ التسجيل: 06/08/2002
المكان: الريــــــــاض
مشاركات: 2,550
Wink مــــــــراااااااااااااااااحـــــــــــب


الخــديوي ابو النحاسوه بــاشــا



إقتباس
بسبب الحرب على العراق قرارنا نحنو القائد الاعلى اللواء الخديوى

مانتب سهل يالخديوي باشا.. ماشاء الله عليك

إقتباس
مخلى كل اربعه جنود فى خيمه وحده علشان يلعبون بلوت

أجــل مبسوطين وفالينها على الأخـــــر...
اقوووول شخبار الحكم والصن والســــــــرا..


إقتباس
كان عندنا برنامج صباحي

يبدا من بعد صلاة الظهر

وشلون تجي هاذي..؟؟

إقتباس
واتفقنا مانرجع الا مبيضين الوجه ( ايه هين مدام الخديوى قائدكم )

احسن شي انك معترف على نفسك



بصراحـــــــــــه
مووووضووووووع أكثر من رائع
الله يعطيك العافيه على هيك حكايه

اضافة رد مع اقتباس
  #13  
قديم 12/03/2003, 06:22 PM
عضو سابق بلجنة تطوير المجلس العام
تاريخ التسجيل: 10/09/2001
مشاركات: 2,248
شهدالدلوعه:
أجــل مبسوطين وفالينها على الأخـــــر...
اقوووول شخبار الحكم والصن والســــــــرا
ترا ميه الخديوى اكبر من اربعميه الجندى


وشلون تجي هاذي..؟؟
ذابحهم السهر



احسن شي انك معترف على نفسك
لاتصدقين ترا هذى تمويه
اضافة رد مع اقتباس
  #14  
قديم 13/03/2003, 12:16 AM
زعيــم مميــز
تاريخ التسجيل: 07/07/2002
المكان: عاشت لنا لكويت لكويت وعاشوا أهلها....جك جك جك جكجك جك<--صفقه الزعيم
مشاركات: 2,458
لوووووووووووووووووول ابونحاسوووووووه الظاهر كاتب هالموضوع وانت سهران مو نايم..

بس ياحظ اللي يتدرب عند...أكثر جنودك شيون..يعني مافي معيار للجمال عندكم الا شموخ وشموخ انسحب عن الحسد...وانت اتعرف الغين حق..عاد شين وقائد حرب..يعني مكتمل والكمال لله..

((خديوى خديوى خديوى القرف *** نسدد نسلوف ذبحنا السلف ))..

انا شاكه ان اللي كاتب هالقصيده هو سهل ابوالثمانينات..انا من شفت قصيدته بالصبح وانا غاسله يديني منه بالكلوركس..وخصوصا كيماوي يسدحنا كلنا كلنا..

بس انت خطير بالسياسه..على هالموضوع...

واخيرا وليس النهايه..ان حزب البنات راح يحاصركم ويحاصر العراق..وهذا الميدان ياحميدان...
اضافة رد مع اقتباس
  #15  
قديم 13/03/2003, 12:55 AM
عضو سابق بلجنة تطوير المجلس العام
تاريخ التسجيل: 10/09/2001
مشاركات: 2,248
الـــــعــنود:
إقتباس
لوووووووووووووووووول ابونحاسوووووووه الظاهر كاتب هالموضوع وانت سهران مو نايم

وش اسوى ذبحونى هالجنود صقع بلوت الين الصبح
إقتباس
بس ياحظ اللي يتدرب عند...أكثر جنودك شيون..يعني مافي معيار للجمال عندكم الا شموخ وشموخ انسحب

ماودانى فى داهيه الا شموخ هو الوحيد اللى معلق صرواله فوق الخيمه يبى يجيب cnn
إقتباس
انا شاكه ان اللي كاتب هالقصيده هو سهل ابوالثمانينات..انا من شفت قصيدته بالصبح وانا غاسله يديني منه

سهل هو اللى ملحن هالقصيده
إقتباس
وخصوصا كيماوي يسدحنا كلنا كلنا

ههههههههاى هو اللى جايب الفول
إقتباس
بس انت خطير بالسياسه..على هالموضوع...

رحنا فيها :sad:
إقتباس
ان حزب البنات راح يحاصركم ويحاصر العراق..وهذا الميدان ياحميدان

مدام قائدكم حميدان اجل بتروحون فيها مضيع مايدرى وش حميدان
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:32 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube