دهران وأحمد الشبعان في أم رقيبة ( أنواع الفلّة 220 صورة ممتعة ) - نادي الهلال السعودي - شبكة الزعيم

دهران · #1 11/12/2011, 01:02 AM

منقول من أخي الغالي ( أحمد الشبعان )

هذا سلمكم الله مكشات عائلي على الخفيف مع أبو فارس ( دهران ) وعائلته يوم امس الجمعة 13-1-1433 هـ بنفود أم رقيبة

تواعدنا مع أبو فارس من صباح الجمعة , أنا حركت من الرس وأبو فارس حرك من حفر الباطن وتقابلنا هناك , وخذنا لنا خيمتين هناك أجارهن في اليوم كامل 190 ريال

والصراحة مهما وصفت هالمكشات فلن أفيه حقه , سعة صدر , فلة حجاج , وناسة , سيحة بال

مافيه شي جديد في هالتقرير لكن حبينا إننا نجدد في الطرح قليلً ولعل الموضوع يحوز على إستحسانكم

هذي خيمة عمودين ب 120 ريال في اليوم

وهنا تجهيز المكان للعائلة , الخيمة اللي وراها عمود واحد ب 70 ريال في اليوم

وهذا الفرش من الداخل ( من عند القفاري أو العبد اللطيف خخخخخ الحمد لله إنا جايبين فرشنا معنا بس )

يالله يابو فارس خل ننزل عفوشنا ونفطر علشان نبدى الشغل المضبوط

قشد ملكي

وهذا أبو فارس جايب الفطور معه جاهز عسى الله يجزاه خير ( ويشفي ظهره عاجلاً غير آجل )

فوووووول ماهوب صاحي تاكله بالملعقة من حلاته

وفاصوليا ما تخطي الرآس

وعاد هذا من حلويات الزيزفون بحفر الباطن ( إدمان من اول قظمة )

يتبع ...... يتبع

دهران · #2 11/12/2011, 01:04 AM

وهذي الدلة المهيلة والبريق المخدر ( لا طعم للمكشات بدونهما )

يتبع ...... يتبع

دهران · #3 11/12/2011, 01:05 AM

وهذا عرض بسيط للعزبة بناءً على طلب أبو فارس

الصحون في الجراب الخاص بها

عزبة القهوة والشاهي

شنطة خاصة بعلب الغاز ( من محل الصحراء بالرس ) روعة

الكيس الخاص بالرز

يتبع ...... يتبع

دهران · #4 11/12/2011, 01:07 AM

وهذا جهاز بيعجبكم حيل

وما استغني عنه أبد ( أشحنه وأخليه في السيارة لوقت العازة )

هذا الجاز مفصل عليه هالجراب للحماية

من هنا الشحن والتشغيل

وهذا لي لنفخ الهواء للإطارات

الجهة الثانية

فتحتين لإستخدام شاحن الجوال أو أي جهاز آخر ولمبة طواري وزر المنفاخ مع العداد وكذلك عداد مؤشر البطارية

هذا كيس السكر

هذي طاحونة القهوة نشبكها على الجهاز

ولا احلى من كذا

وهذا كيس القهوة المطحونة

يتبع ...... يتبع

دهران · #5 11/12/2011, 01:08 AM

هذا الجزء الخطير من الموضوع
كبسة بصلية حمام فرنسي وعادي
( الحمام جايبه معي من الرس ديرة العز عسى الله يخليها لنا )

تجهيز الحمام

وتقطيع كيس بصل كامل

ونبدأ في وضع طبقة البصل

ثم طبقة بهارات وفلفل

ثم نحط الحمام

ثم طبقة بهارات وفلفل وملح

ثم نغطيه بطبقة البصل ثم طبقة بهارات وفلفل وفلفل أسود وفلفل أخضر ودارسين وليمون أسود وملح بدون إضافة الماء

ونغطيه ونزعر عليه ونخليه لمدة 20 دقيقة

وهنا نوع الرز المستخدم ( بنجابي الشعلان عنبر ) مافيه مثله أبد

نجهز القدر الثاني للرز

وهذي البصلية بعد ما إستوت

وهذا الرز مغسول ومنقوع لمدة 30 دقيقة

نحطة في القدر

ونبدأ نصب عليه موية البصلية كلها

ونستمر

يتبع ...... يتبع

دهران · #6 11/12/2011, 01:09 AM

نخلي الرز يطبخ على نار متوسطة

ونبدأ في تجهيز الكشنة

بصل وزيت

ليمون اسود مطحون

بعد ما نحرق البصل نحط الزبيب والفلفل الأخضر الحر ونحركه شوي

يكون الرز بدأ يشرب الماء

نحط الكشنة فوق الرز

ونكتمه لمدة عشر دقائق على نار هادئة

وهذا القدر بعد ال 10 دقائق

الحمام اللي في البصلية مستوي بس حنا بنشويه على الجمر علشان يتشقر ويتقمر ويتهقش إلى بغينا ناكله خخخخخ

ولا احلى من كذا

الباقي
ما
يحتاج
شرح

يتبع ...... يتبع

دهران · #7 11/12/2011, 01:11 AM

هذي سلمكم الله المحطة اللي حول أم رقيبة

فيها كل شي ولا فيها شي ( ما ادري وشلون أقول لكم ) لكن ما فيه إلا هي تبيها وإلا رح للبطيحانية وإلا عود لأم الجماجم

لا والأسعار صلخ

ولا حولك بلدية ولا مراقبة

لكن تمشي الحال

بس ترى كل شي فيها من أقل جودة وتحسب عليك كأنها الاصلي يعني إنتبهو ولا تروحون لأم رقيبة إلا ومعكم كل أشغالكم إلا إن الله حدكم فالشكوى لله

يتبع ..... يتبع

دهران · #8 11/12/2011, 01:12 AM

يتبع ..... يتبع

دهران · #9 11/12/2011, 01:13 AM

في الباقي من التقرير صور للأسواق في أم رقيبة

كل شي يطري على بالك ممكن تلقاه

غالي رخيص كل شيء ممكن

لكن الإستغلال واضح للعيان والرقابة معدومة

العمالة المتخلفة منتشرة في المهرجان والجوازات لا وجود لهم هناك

رغم أن الشرطة متواجدة وبكثرة إلا أن المخالفات كثيرة جداً ومن يذهب هناك يلاحظ بام عينه ماذا أعني

لكن إجمالاً تبقى أم رقيبة فرصة جميلة لمن اراد الذهاب والإستمتاع وخصوصاً في هذا الوقت من العام فالجو جميل والمكان مكان تنزه وسعة صدر

يتبع ..... يتبع

دهران · #10 11/12/2011, 01:14 AM

يتبع ..... يتبع

دهران · #11 11/12/2011, 01:16 AM

يتبع ..... يتبع

دهران · #12 11/12/2011, 01:17 AM

يتبع ..... يتبع

دهران · #13 11/12/2011, 01:18 AM

هذا ما لدينا في هذا التقرير

وسامحونا على الزلل والقصور

أخوكم أحمد بن عبد الله الشبعان التميمي

@@almoreb@@ · #14 11/12/2011, 12:09 PM

ما شاء الله تبارك الله ... تقرير ممتع بالفعل ..

أما طريقة الطبخ حقتكم .. شئ ثاني بصراحة !!

ما اقول غير الله يسامحك بس ... جوعتني وربي !!

بالهنا والعافية عليكم ...

(اسير& المحبة ) · #15 11/12/2011, 05:37 PM

دهران انت تحمس لطلعات البر بس للاسف مابه ربع يحمسون لطلعات البر ليت من يخاويكم ماشاء الله تبارك عزبه متكامله من الى طلعه ماازين منها والله يسعدكم ويوفقكم <<<<<<<<الحمدلله توي متغدي ولا كان البطن سوا مصايب على طبخك

ماشاء الله تبارك الله