حالياً الثمامه تعتبر تجمع ( قمامة ) عيال بابا و ماما + من يشبكهم

اعذرني على صرآحتي لكن هذا واقع تشوفه قدامك و الي يثبت انهم كلهم عيال بابا و ماما و وراعين اقصا بر راحوا له هو الثمامه الصور الي انتشرت يوم الثلاثاء الي رآح امطرت رش بس و كلن في الثمامه

معليش يخوي والله العظيم تشوف نآس هنآك تنسد نفسك تبي بر و توسع صدرك صدق مالك الا التنهآت و شآكلتها

صدقني ذيك امآكن جداً كويسه و شبه منعزله و كذا

و اليوم شفت صوره بصرآحه خلتني اضحك و اتسمك بالكلام الي فوق

الي هي حقت البنتلي المغرزه لا تعليق بصرآحه

و الله ترآني اكتب بدون ترتيب لذلك المعذره بس مجرد ابداء رأي

ورب المصحف الجمعه الى قبل أسبوعين رحت الثمامه مع الاهل وفرشنا ورحت اتمشى وربي شفت قزازه مكتوب عليها هاسكي ..خمر وصورتها فيديو الى يبي يتاكد يكلمني

إقتباس والايفون للأسف صور لمختلف الجنسين في منتزهات الثمامه يمارسون رياضة التفحيط والتطعيس في منظر مخزيء وهم في معية بعضهم وفي سيارات فارهه للأسف وسط استغراب واستنكار المتواجدين وفي مسيرات متواصله في مشهد لم نتعود عليه ابدا والعياذ بالله

إقتباس الى ان صرنا ( اضحوكه ) للعالم الخارجي وقبل هذا وذاك مراقبة رب العالمين فأين مخافة الله من هذه الفئه الفاسده والعياذ بالله 0

فتى حطم الكفر اسلافه فحطمه الكفر لما هجر
ابى ان يطبق اسلامه فكان على قمة فانحدر

بخصوص البنت الي انتشرت صورتها عبر البنت

قبل كل شي ماننسا حديث النبي (( من ستر مسلما.. ستره الله في الدنيا والاخره))

الله يستر عليها وعلى كل بنات المسلمين

بعدين هي مجرد بنت وحده
تعتبر شاذه,, مانعمم على بنات المملكه كلهم

الحمد الله بناتنا عفيفات , ولازم تلقى في اي مكان ناس شاذين عن تقاليد المجتمع

,,,
بخصوص الثمامه, اذكر يوم كنت صغير نروح نلعب الدبابات ونطعس وسعه صدر
الكبار والصغار كلهم جايين وجمعات يازينها...

بس حاليا كل ابوه شباب < << انا ما اعترض عالشباب
كلهم جايين يبون يستانسون من حقهم لكن انا اعترض على السلوكيات الي يمارسونها

تمشي هناك تلقى كل واحد مولع الاغاني عالاخر !
اسمع اغاني بكيفك بس بينك وبين ربك,, لاتسوي نفسك زاحف وتطول عليه ؟
انت بكذا تشوه صوره المكان+ تكسب اثم بمجاهرتك للمعصيه

باختصار الثمامه تغيرت عن السابق بشكل كبير...

عَ وقت الثمامه والامطار زي ماصار امس
ودي اشتغل بالهيئه .. شغل تجسس ودخول بين العوايل وبحجه آنك رجل دين
..

الثمآمه او القمامه مع احترامي كلها واقع مشابه لبعضه

بالنسبة لي انتهت ايام الثمامه من سنتين
اذا نويت اطلع بر ابعد قدر المستطاع حتى تشعر بالراحة ..
لان الثمامه والعاذرية فيها صخب عالي !

نسأل الله الهداية .. وشكرا لك يا صديقي .

فعلاً ,, شيء يحز بالخاطر .. !! الله يهديهم ويصلحهم ويستر عليهم .

نريد أن نربي أجيالاً أفضل .. لكن كيف سنربيهم تربية أحسن وأفضل وهم ينظرون للكبار يظنون أنهم يفعلون (الصحيح).

ويا قلب لا تحزن

الف شكر لكم جميعا
شرفني مروركم

ما صار منتزه صار قمامه
............................

إقتباس الرسالة الأصلية كتبت بواسطة الهلالي دائماً بالنسبة لي انتهت ايام الثمامه من سنتين اذا نويت اطلع بر ابعد قدر المستطاع حتى تشعر بالراحة .. لان الثمامه والعاذرية فيها صخب عالي ! نسأل الله الهداية .. وشكرا لك يا صديقي .

أوافقك مشرفنا الغالي

أنا مثلك تماما واللي يبي البر

يبعد قدر المستطاع عن المدن

أما الثمامة الحين مجمع للقمامة , ( الله يكرمكم )

كل اللي يصير بسبب المتسعودين

خربوا البلد

واللي موب مصدقني يروح المملكه او الفيصليه

كلهم اشوام ويحاولون يتكلمون سعودي !

انا ما اقول كلهم

هم فيهم الصالح وفيهم اللي ودك تدعسه !

لكن للاسف الاغلبيه منهم شوهوا سمعت بنات وشباب المملكه