السلام عليكم ورحمة الله وبركاته


صبحكم الله بالخير زعماء نصف الارض


زعماء انا لفت انتباهي في هذا المنتدى كثرت الطلبات على ابو فيصل


واحد مايبي ايمانا والثاني يبي يرجع ويلي وذاك مايبي العربي وذاك مايبي المدرب وذاك يطلب الاسيويه


خلونا نركد يازعماء الموسم هذا مو لازم نطالب ببطوله الدوري او ولي العهد او خادم الحرمين الشريفين ولا نطالب بجلب لاعبين او استباعد لاعبين

حتى الاسيويه مانبي نطالب فيها هالموسم هذا وبخصوص هالنقطه هذي لعدة اسباب

لو نعطي هالبطوله اكبر من حجمها ماطلعنا من دور ال16

صراحه كثرت الضغوطات على ابو فيصل هالحين الاداره مشغوله في تجديد عقد اللاعبين


زعماء افهموني صح ماقصرت الاداره الزرقاء من 4 مواسم 7 بطولات او 8 بالعربي شبعنا من هالبطولات وهذا شكر يعود للاداره نفسها على احترافيتها وكلمة شكر صراحه قليله بحقك يابو فيصل



ابو فيصل خذ راحتك الموسم هذا مانبي ولا بطوله نبي نصبر على الفريق واللاعبين والمدرب هذا الموسم فقط


نبي نلزم الصمت لين ينتهي الموسم بخيره وبشره وبعد كذا نبي نحكم على الاداره واللاعبين والمدرب



اضرب مثال لفريق السد ماتوقعوا يطلعون من الدور الاول في اسيا وهاهم حققوا الاسيويه


نبي بس هالموسم يازعماء نوقف مع الاداره بكل شي ونوقف مع الفريق بكل مباراه حتى لو يخسر الفريق من اضعف فرق الدوري وبنتيجه تاريخيه لازم نتقبل الوضع ونساند الفريق


بحول الله وبقوته اذا صبرنا على الفريق راح يجيكم اللي تتمنونه




انا من ناحيتي خذ راحتك يابو فيصل واوعدكم لو يخسر الفريق من اي فريق ماراح اقسي عليه بمواضيع انزلها بالمنتدى هنا راح اشجع الفريق واساندهم



لكم ودي

لايااخوي الزعماء مستحيل يرضوا يطلعوا من الموسم بدون اي بطوله
صدقني راح نصبر بس اي شي مامشي سواء مدرب او لاعب لازم نقول كلمه الحق
واذا قلناها مومعناها ان مافيني صبر بالعكس هذا احنا صابرين ع المدرب اللي تكتيكه سيء
الله يوفق الزعيم

مانبي ناخذ بطوله نبي نكون هلال المستقبل ..

بس نصير الثانين لان الاسيويه لاتنسونها , مانبي المقعد يروح منا ~

اتمنى نعد جيل ونراهن عليه واتمنى هالجيل هو اللي يحقق البطولات ..

هالسنه او بعده

وشووووووووو ؟؟؟

حناااااا ماااااانبي بطوووووله ؟؟؟

بالنسبه لي انااااا وجهي يحكني من هااااااالحين أحس طوووووووولناااا ماخذناااا بطولهـ ,,,

ماتعودناااا على الجفااااااااف ؟؟هع هع

مشكووووووور يااااااعمدهـ

شايفنا النصر عشان نقعد موسم بدون بطوله!!

حبيبي ماتبي بطوله رح شجع النصر

انا اقول اهم شيء الدووري..!!

ودي لك

والله من افضل المواضيع في المنتدي بس المشكله اخوي الناس مو راضيه تفهم ان الضغط علي الاداره يسبب الضغط علي اللاعبين وبعدها تحلموا بشي اسمه اسيويه ...
لك ودي واحترامي.

صعبه يطلع الهلال من الموسم بدون بطوله لكن اللي اتمناه ان الادارة تركز على بطوله محليه + البطوله الاسيويه ...

مأوافقك الرأي
نبي البطولات بأسرع وقت ولا وش فايدة الادارة؟؟؟
نشكر الامير عبدالرحمن بن مساعد على هذه البطولات ولكن تعودنا على هذي الطولات حتى من قبل مايجي
بالتوفيق للزعيم وبأذن الله الاسيويه2012 للهلال

انك تقول ما نبغى ولا بطوله .. اعذرني .. مني متعود بصراحه
الريال . البرشا . الفرق الكبيره ماتنتج بقدر ما تستقطب من لاعبين من مستوى عالي .. في فرق تصنع نجوم وفي فرق تستقطب النجوم
بالنسبه لشخصي الدوري انا مو مهم عندي ... وصعب انك تكوش على الكل .. خلي الدوري اعداد للاسيويه جهزهم للاسيويه
نركز على الملك .. والاسيويه .. واذا جاء الخير ماراح نقول لا ...

كلامك صحيح اتفق معك
الضغط على الرئيس كثير من المنتدى ( جيب وودي وحط .. )
عبدالرحمن بن مساعد و نقوله مانبي بطولة يجيبها لك

اوافقك الراي اخوي مانبي بطوله هذا الموسم يكفي نكون الثاني او الثالث بالدوري ونركز على البطوله الاسيويه فقط كل الفرق اللي شاركت في البطوله الاسيويه الماضية واولهم السد ركزت فقط على الاسيويه ارجو قبول وجهة نظري

أشكرك على طرحك

والله يجيب اللي به الخير للزعيم

ما نبغى الا اسيا هذه السنة