السلام عليكم ورحمة الله وبركاتة

صباح الخير اخواني. اسعد الله اوقاتكم بالخير والمسرات.!!

حبيت اسأل عن برودباند 2ميقا الخاص بشركة موبايلي تنصحوني اشترك في الخدمة او فيها مشاكل كثيره .!!

لأني طفشت من الآتصالات اشترك في باقة 1ميقا واروح اقيس سرعة النت في موقع سبيد تست يطلع لي 0.30 يعني نت ابو كلب


.. يا ليت اللي له خلفية بالموضوع ينصحني وشاكر لكم

وانا مثلك وابي مكان بيعها وينه وكيف يشحن
تحيتي

مدري انت شريته والا لا لآن الموضوع له فتره بس بعطيك رأيي من تجربتي
2 ميقا ممتاز وسعره بيكون بـ 2520 ريال مدة سنه + 4 شهور مجاناً
وفي حال التجديد بعد إنتهاء المده والأشهر المجانية بيطلع عليك بـ 2060 ريال مدة سنه .
وفيه طريقه حلوه على كلام خويي يقول أشترك شهر بـ 350 ريال وإذا انتهت المده جدد سنه بـ 2060 ريال يعني توفر 110 ريال
من ناحية البرود باند ممتاز بس لازم يكون فيه تغطيه للمدينه اللي انت فيها الرياض الشرقية جده هذا على حسب كلام الموظف لي يوم أشترك أنتبهه لهذي النقطه عشان لاتتوهق .
وطبعاً بتختلف السرعه على حسب المكان أحيانا يعني ممكن تاخذه للدوام معك ويكون أسرع من البيت بس بشكل عام بالنسبه لي السرعه ممتازه لأني مخليه للدوام
أنا أقول توكل على الله وأخذه شهر مثل ماقلت لك وجربه وبيعجبك إن شاء الله
وآسف على الإطالة

وعليكم السلام
شف ياخوي اذا جيت تشترك حاول يكون حولك البيت برج لموبايلي انا مشترك اللحين
والامور ماشية !! يعني اعطية 85% ’’ بالتوفيق ان شاء الله