إليك إلهي قد أتيت ملبيًّا، فبارك إلهي حجّتي ودعائيَ. ||| تقريري لحج هذا العام 1432هـ‎ - نادي الهلال السعودي - شبكة الزعيم

خـيـالـيـه · #1 23/11/2011, 02:28 AM

السلام عليكم ورحمة الله وبركآته
مسآؤكم / صبآحكم خير وسرور وآجوآء جميلة يآآرب

كل عآآم وآنتم بخير يَ رب

تقبّل الله منآ ومنكم صآآلح الآعمآآل ومن المسلمين آجمعين ..

الحمد لله، هالسنة ربي يسّر لي الروحة لمكة وتأدية الركن الخآمس من آركآآن الآسلآآم
وبصرآحة هذي آول مره آروح لمكة

يعني حتى من قبل، مآآكتب لنا ربي نروح نآخذ عمرة
رحت آنا وآخوي ووحدة من خوآتي الكبآر، طبعآ هم قد خذوا عمرة، بس آنا اللي جديدة على مكة

مشينا يوم الثلآثاء، 6-12-1432هـ الصبح السآعة 8 تقريبآ، مسكنا طريق مكة.
كنت مدري شلون قآآيلة

بس آصيح ومآآبي آشوف الشبآآبيك، ومآآلي خلق شئ

كنت خآآيفه مره، لآنه آول مره بسآفر بدون آهلي

وآول مره رآح آعيّد بدونهم

بالعربي: كنت مدري وش آحسّ فيه

آمي تقولي قبل نمشي: الحين آحد حآآصل له يروح يحج ويكمل فرآيضه ويقول مآآبي آبيكم

تقولي: آنا لو يحصل لي آعيد حجّتي وآتسنّن، بروح وآخليكم بدون نقآآش

<< آفآآ يآآم صآآلح تسحبين علينآآ وعيوننآ طآآيرة

كآآن الطريق طوييل مرّه، ملّيت منه بشكل مش طبيعي

لآنه مآآتعوّدت، حدّي طريق بريدة 4 سآعآآت

دخلنآ الطآآيف مع آذآآن المغرب، صلينآ وآحرمنآ، لآنه مآرآح نوقّف بالميقآآت بسبب الزحمة
آستغربت فيه حريم مآآآتروّشوا من بيوتهم

وجلسوا يتروشون هنآك ويحرمون
ويييييييين يبو

مفروض آتروش بالبيت، وبس بالميقآآت آتوضآ وآنوي

ليش آعطّل العآآلم كذآآ

وبعضهم على الآعتقآآد القديم، آنه لآزم تحرم بقميص آخضر

ووحدة منهم تقولي: ليش لآبسه قميص بني، ولآ كآآشخه بعد لآبسه كآآروهآآت
وتنآآظر بطرف عين وآستحقآآر

قلت آنآ: ليش مكتوب بالسنة وآلآ بالقرآن؟!
قآآلت هي: لآ، قلت: خلآآآص آجل

بعد كذآ، طلعنآ من هنآآك، ولمآآ حآذينآ الميقآت، نوينآ العمرة متمتّعين بها آلى الحج ..

هنا لمآ وزّع علينآ العسكري تصآآريح الحج ..

وهذي البطآآقة وزعوّه الحملة علشآآن لما نجي نطلع من المخيّم ونرجع يتآكدون آننا من آهل المخيّم ..
طبعًا ضآآعت هالبطآقة وحنا طآآلعين من الحرم ورآآيحين للمخيّم ..

الطريق بعد كذآ زحمة بشكل غير طبيعي

يعني دخلنا مكة تقريبًا على السآعة 8، ووصلنآ جآآمع الملك عبد العزيز حوآآلي السآعة 11
وقفنآ البآآص هنآك ومشينآ للحرم، لما قطعنا نص المسآفة آخذنا ميكرو صغيّر ورحنا للحرم.
طبعنآ وقّفنا شوي آلين نجتمع حنا والمجموعة اللي معنآ، دخلنا الحرم بحدود السآعة 12 ونص تقريبآ.

لمآآ قرّبنا للحرم، وشفت سآعة الملك عبد الله، قلت:
خلآآآص يعني وصلنا للحرم، يعني الحين آحسّ آني بمكة

دخلنآ الحرم من بآآبة نسيت آسمه

المهم آنه نهآية المسعى
ورحنا للدور الثآآلث، كآآن فآآآآآآضي مرّه
بس كآآن مليآآن من الشيعة

آمشي آنا وآختي، وكل مآآمرّينا من عندهم صدّيت، وبديت آنتفض

قآآلت آختي: آسكتي آصرف لك ترى لو يدرون بك بيآخذونك ويقمزونك من الدور الثآلث

عآآد خفت آنا وسكتّ

جيت بصوّرهم، بس قلت آخآآف تو مآآيزين لهم ذبحي

خلصنآ عمرتنآ تقربآ على السآعة 3 ونص، يعني مجمل الوقت اللي آستغرقنآه حوآلي سآعتين ونص.
طبعآ مآآخذين رآحتنآ بالطوآف ونمشي على آقل من مهلنا، وآلآ مفروض مخلصين قبل ..

هذي كم صورة للحرم لما وقّفنا نصلي بعد الطوآف خلف مقآآم آبرآهيم، طبعآ مش خلفه بالضبط
بس تقريبًآ حآآولنآآ نصير ورآه ..

خلّصنا طوآآف وتوجّهنا للمسعى، برضو كآآن فآآضي مرّه، ومآطوّلنآآ بالسعي.
وهذي صور للمسعى ..

هذولآ حملة شيعية

<< حآآلفه آلآ تصوّرهم

المهم آنه حآآولت آقرب منهم آكثر بس مآآقدرت قلت آخآآف يلتفتون علي

هالصورة حملته كذآ مره بمركز رفع الخليج ورفض يقبله

يقول تحتوي على موآد خبيثه

كآنه يعرف آنه للشيعة

ولمآ رفعته بمركز جدة طلع آسمه كذآ: my6eo04m2jig.jpg
عكس الصور كلهن

هذي برّآدآآت زمزم، آنبسطت لما شفت آهتمامهم بالنظآآفة ..
بس آستغربت ليش مترجمين باللغة الآيرآنية

طلعنآ من الحرم ونزلنا للتوسعة مرتن آخرى، وجلسنآ ننتظر البآآقيين يجتمعون علشآن نروح لجآمع الملك عبد العزيز ومنه نتوجّه للمخيّم ..
هذي صورة آخذته من الدور الثآلث للتوسعة، النآآس كآآنهم بمقبرة

وبعدين دحدرنآ تحت، وآخذت هالصور ..

آكتشفت بآن الشآشة المتحركة اللي بسآعة الملك عبد الله، مكتوب به هالدعآء:
ربّنا آتنا في هذه الدنيآ حسنة، وفي الآخرة حسنة وقنا عذاب النار
وسآعة الملك عبد الله، تحاذي الركن اليمآني، وهالدعاء يُقال عن محاذاة الركن اليمآني
يعني بالعربي: يذكّرون الشخص علشآن مآينسى << آحلفي عآآآد

ورحنا بعد كذآ للجآمع، وركبنآ البآآص ورحنا للمخيّم
مآآطوّلنا كثير وصلنآ هنآآك على السآعة 4 ونص الفجر ..

لما دخلنا المخيم، اتلفت وآتتخيّل بيتنآ

ولمآآ دخلت الخيمة حقتنآ، حسيت ودّي آصيح

مآآتعوّدت كذآ، آبي سريري وبطآآنيتي

آبي هدوء وظلآآآم مآآبي آزعآآج وآنوآآر مثل اللي آشوفه

جمّعت عبرتي وبلعته

وحطيت عفشي وقصيت شعري وتوضيت وصليت
بعد الصلآة، جلست بفرآآشي تقل خفّآآش

عجزت آغمّض عيوني، وعجزت آنآآآم مع آني دآآآيخه مرّه

قعدت آقرآ على روحي الآذكآآر آلين نمت غصب، وصحيت الصبح قبل الظهر ..
كآآن اليوم السآآبع مآآفيه شئ يُذكر، كنا جآآلسين لآ شغل ولآ مشغله

ويوم 8 اللي هو يوم التروية، آحرمنا للحج وبينا بالتلبية،
بالليل تليقفت وآخذت آخوي وطلعنا نتمشى برآ المخيّم ..
وهذي كم صورة آخذته ..

بآخر الممر هذآ فيه مخيّم شيعة، بس عيآ عليّ آخوي ندخل هنآآك

هذي صورة لمخيّمنا من بعيد

رجعنا للمخيّم، وتعشّينا وخمدنآ لآنه بكرآ ورآنآ يوم طويييل اللي هو يوم عرفة ..

هنآآ كنت آجهّز عفشي لروحتنآ لعرفة، وآنا لآزم آكب عفشي كله وهمن آخذ منه اللي آبي وآرجعه

يعني لآ تحسّبون آني آخذت كل هالعفش معي ..

وهذآ فرآآشي بالمخيّم

وآذا صحينا نرفع البطآنية فوق هي والمخدّة، ونصفط الفرآش ويصير على شكل كرسي

زي كذآ .. << قولي قآآآآآ

وهذآ الشبك يحطونه فوق كل فرآش، نحط فيه القرآشيع حقتنآ ..

هذآ الكيس الصغيّر وزّعوه علينآ، علشآن نجمع فيه الجمرآت آذا رحنا لمزدلفه

هالآسآور هذولي حكآيتهن حكآية

الخضرآء حقت الحملة، علشآن مآآنضيع

والزرقآء حقت القطآر، يقولون آنه قيمته 250 ريآآل

طبعآ آول الآيآآم كآنوا يفتشون على كل الحجآج، واللي مآعليه هالسوآرة مآآيركب القطآر.
بس بعدين صآآروا يفتشون على الرجآل بس.
وآخر يوم آشوفهم مآصآروا يسآلون خير شرّ ..

المهم لآآآحد يضحك ..

طبعآ بالمخيّم كآننآ دجآج

ننآم السآعة 11 وآذا سهرنآآ مره جلسنآ آلى 12 ونص، ونصحى الفجر نصلّي، وبعضهم ينآم بعد الصلاة وبعضهم يجلس ويقيّل عقب العصر ..
آنا من القلق اللي بي آصحى قبل يآذن الفجر، وآروح آقعد لي بزآوية بالمخيّم وآخذ قرآني وآقعد آقرآ وآذا خلصت قعدت آصيح

وهمن آكلم آمي

والمشكلة بعد كذآ مآآنآآآم

آنآآم لي سآآعة وحدة بس
عآآد على حسب بآآي وقت آنام هالسآعة

صحينا يوم عرفة، ولآزم نتجمع سوآ السآعة 6 الصبح، تجمّعوآ آفرآد المخيّم برّآ وآنطلقنآ لقطآآر المشآآعر، علشآن نروح لعرفة ..
هذي لقطآآت من يوم عرفة ..

وصلنآ لمخيّمنا بعرفة، ورحت علطوووول وصلّتين ركعتين شكر لله، لآنه منّ عليّ بوقوفي بهالمكآآن

وصلنا هنآك بحدود 8 ونص الصبآح، آفطرنآ وكل وآآحد آخذ له زآوية، اللي نآآم واللي جلس يقرآ قرآن
واللي قعد يذكر الله
كآآنت معنآ وحدة بالحملة ومعنا بالخيمة، مآآتعرف تقرآ خير شرّ، فكنآ آنا والبنآت نتنآوب ونقرآ عليه قرآن وهي تقرآ ورآنآآ
ومن بعد الزوآل ندعي وهي تدعي معنآ
كنت آشوفه جآآلسه وتناظر النآآس ورحمته بشكل غير طبيعي

كنت آقول: الحمد لله يآآرب، صح آمي مع بس شهآدة سآدس آبتدآئي، بس الحمد لله تعرف تقرآ وتكتب

هذآ ولد الدكتور حق الحملة آسمه: آحمد، مآآفيه بزر معنآ بالحملة غيره
الولد هذآ عسل يجنن

بس مآآيبي آحد يقرّب له، آو يعطيه شئ
آتذكر يوم العيد رحت آعطيه عيديّة جلس يصيح عيآ يآآخذه، وعطيته آمه قلت: هذي عيدية حمآآدة

بالمووووووت وآآفق آصوّره

هذي صور من عرفة:

هذآ مسجد نمرة بعيييد بالحييل، تشوفون اللي مبيّن بس المنآرآآت ..

هذآ جبل الرحمة، بعييييييييييييييييد عنّآآ مرره، حطيت عليه مربّع علشآآن يبيّن آنه هو ..

هذي عرفة بعد مآغآآبت الشمس ..
تصوير جوآآلي لكم عليه

ف معليييش بعض الصور مش وآآضحة مره

مسجد نمرة بالليل، وبرضو مآآبيّن آلآ المنآرآآت ..

وهنا النآآس خلآآآص ودّعوآ ..

جلسنآ في عرفة آلى السآعة 9 بالليل، لآنه الحملة قآلوا علشآن تخفّ الزحمة مآآنبي نطلّعكم من المخيّم والنآآس كلهم بيطلعون بعد مغيب شمس يوم عرفه، ف الأفضل ننتظر
لكن برضو مآآخفّت الزحمة آبد

وحنا بالطريق لمزدلفة، وقسم بالله آننا نمشي على آوآآدم

الطريق مسآآحته وسيعة، بس الحجآج المفترشين ضيّقوا على العآآلم.
وآتذكر فيه وآآحد من الحجآج من آحد الجنسيآت العربية، يهآآوش، بما معنى كلآمه:
آنه هالنآآس اللي مدلّعين وجآآآين تبع حملآآآت جآآيين يحجون ليه؟؟
وقسم بالله شوي آلآ آصبخه بالجوآآل

مضيّق على خلق وتقول كذآآ

والله العظيم يوطونهم النآآس ولآ يتحركون كآنهم ميتين
واللي كسر خآآطري آكثر هالآطفآآل اللي جآيبينهم معهم، حرآآم يجرجرون آطفآآلهم بمكآآن مثل هذآ
الحج فيه نآآس آشكآآل وآلوآآن، والآطفآآل معرّضين للآخطآر والآمرآض آكثر من غيرهم

ووصلنآ مزدلفه بحدود السآعة 11، طبعآ تآخرنآآ من الزحمة والمفترشين شئ غير طبيعي

كآآن يآمآكآآن لنا مخيّم مجهّز، بس آنفجر وآحد من آنابيب المآآء ورآآح علينآ المخيم

وحطوآ لنا شبه مخيّم، روآق وزوآآلي وجلسنآآ فيه ..
آول مآآدخلنآ، آستقبلت القبلة وكبّرت وهلّلت وذكرت الله، وبعدين رحت آجمع الجمرآت آنا وآختي ..
وهذي الجمرآت حقتي ..

وهنآآ النآآس اللي جآلسين على الجبآآل

وبعد كذآ، مشينآ من مزدلفه وعلى القطآآر، حتى نروح للجمرآت ونرمي جمرة العقبة.
آتذكر آني صوّرت الجمرآآت لآنه كآآن وسآآآآآآآع ومآآفيه زحمة؛ لآنه رمينآ بالدور الرآبع، بس مدري وين رآآحت الصور

لما خلصنآآ الجمرآت قآلت آختي خلونآآ ننزل للحرم ونطوف طوآف الآفآآضة
طبعآ آنا وآخوي تلفآآآآآنين بشكل غير طبيعي

وقلنآ لآآآآ بكرآ وآلآ آي وقت ثآآني، خلآآآص مآآنقدر نمشي آبدآآ

ركبنآ القطآآر، ورجعنآ للمخيم ووصلنآ هنآآك بحدود السآعة 3
حآآولت آنآآم مآآقدرت، لما صآرت السآعة 4 ونص الفجر طلعت برآ الخيمة وكالعآآدة كلمت آمي وجلست آلين آذن الفجر، صلّيت ونمت لي سآآعتين ..
كنت نآآوية لمآآ آحسّ آنه آهلي خلّصوا من حوسة الضحآيآآ والذبح بآكلّم آبوي بآعآآيده هو وآمي وخوآآتي

بس تفآجآآت آبوي دقّ علي السآعة 8

، المهم وآنا آكلّمه، لآحظت فيه شئ يمشي فوق الخيمة

وشئ ثآآني جآآلس على الخيمة

وبينمآ آنا آكلم آبوي، آفكّر وش هالشئ

آكتشفت عقب آنه من المفترشين مآآلقى له مكآآن وجآآ فوق الخيمة جلس

ولما سكّرت من آبوي صوّرته، قلت لقطه لآ تعوّض بثمن

وآتذكر بعد، وآحد من اللي يمشون فوق الخيآآم، طآآح بمخيّم الحريم، ومسكوه الحريم وجلدوه جلد مب صآآآحي

ويوم خلصوآ آرسلوه للرجآل، وكمّلوا عليه

وقآآلوا بنودّيه للشرطة، بس مشرف الحملة رفض، لآنه خلآآآص آخذ جزآآه وزيآآدة

طبعآآ مآآحضرت السآآلفة، مآآدري وين كنت

طبعآ آشكآآل الحريم يوم العيد حدّث ولآ حرج

اللي نفشت شوشته

واللي حطت مكيآآج كآآمل

واللي تسمع الآستشوآآر يدّهر

واللي تمسّس شوشته بجهاز السيرآميك

واللبس، عرض آزيآآء

وقسم آشكآآآل تُحف، الله يهديهم بس
معليش خلآآآص حلّينا الآحرآآم، بس مش بهالشكل آبدآ، يعني ميخآآلف، مثلي كذآ، بلوزة نآآعمة مره وتنورة عآآدية وشعري رفعته ولآآآ حطيت آي نوع من آنوآآع الزينة
يعني تطبيق للسنة، آنه آلبس آحسن مآآعندي بيوم العيد، مب آصير كآآني بحفلة

يوم الحادي عشر من ذي الحجة، طلعنا نرمي الجمرات، كنا نآوين نطلع بعد العشاء علشان الزحمة والحرّ
ولكن فجآة !!!! قرّرت آختي آننا نطلع العصر
كآنت زحمة غير طبيعية، والحجآآج البآكستآنيين والآفغآآن، نآآس مآآدري وش يحسون فيه

جآآين للحج وهم لآ آرى لآ آسمع لآ آتكلم، تتكلم تقولهم بشويش آنتظروا آي شئ
مآآيسمعونك ولآ يشوفونك

آصلآ نظرهم قدآم مآآيلتفتون حتى

وقسم بالله يقولهم العسكري: آنتم اللي ورآ اللي لسى وصلوا روحوا للبوآبة الثآنية توآ فتحت، ولآ يلتفتون حتى عليه
حتى آنهم جآآبوا بآكستآآني يقولهم بلغتهم، وبرضو نفس الكلآآم مآآيتحركون

بآترككم مع الصور وآعلق على كل صورة، لآنه صآآرت سوآآلف كثيييير بهاليوم

هذي البنت هنديه عجبتني تجنن بسم الله عليه

وهذآ الولد يصيح ويضرب آبوه، آتوقع بسبب الحرّ والزحمة

وهذا رآآعي الشمآآغ اللي بالصورة، لنا معه حكآية

الصورة صوّرته قبل مآآتصير الحكآية، كنت آبي الجسر اللي يرقّي للقطآر ووشلون زحمة النآآس بس طلع بوجهي
وصآآرت مصآآدفة القصة اللي صآرت لنا معه

طبعآ مع الزحمة والكتمة، آنا مآآتحمل هالآجوآآء وآدوخ علطووووول

حآآولت آمسك نفسي وآحآآول آدوّر آوكسجين، بس مآآقدرت زحمة غير طبيعية

وطحت من طولي عجزت آوقف، الشخص هذا معهم عربية، لما شافوني طحت بين الزحمة، عرضوا علينا يركبوني بالعربية آلين نطلع من هنآآ، قآآل آخوي خلآآآص
العسآكر والكشآآفة، لما يشوفون شخص بعربية علطول يفتحون له الطريق، فتحوا الطريق لنا وللشخص اللي معه العربية وعدّينآآ الزحمة وطلعنآآ الحمد لله

رقينا للقطآر، وجلسنآ ننتظره هنآآ

وهذا الطريق للجمرآت

وهذآ القطآآر

ولفّينا على جسر الجمرآآت

هذآ من جبآآل منى، طبعآ من الاشيآآء اللي كنت مبهورة به اللي هي الجبآآل هنآآك
كنت آمشي وآصور بهالجبآآل، لآنه شكله ومنظره مهيب بشكل غير طبيعي

كنت آستغرب منه لونه آسود وكبيرة مره وشكله غريب

سبحآآن الله

وهنا قرّبنا للجمرة الصغرى، طبعآ حنا رآيحين للدور الرآآبع

وهذولآ نآآس يصلّون المغرب << آحلفي

ووصلنا للجمرآت

رمينآ الجمرة الصغرى بكل آريحية، مآآكآآن في زحمة توصل لدرجة التدآفع ..

وهنا بين الجمرتين الصغرى والوسطى

وهنآآ بين الجمرتين الوسطى والكبرى
العسآآكر متوآآجدين بكل مكآآن، بالحرم، بمنى، بعرفة، بمزدلفة، وبالجمرآت يعني وين مآآنروح نلقآآهم
والكشآآفة برضو متوآجدين بكل مكآآن

هنآآ وصلنآآ لجمرة العقبة

وخلصنآآ من جمرة العقبة

وهذآ وحنا طآآلعين من الجمرآت بنروح للقطآر، كآآن العسآكر موقفين ومسكرين الطريق وقآلولنا ننزل من الدرج الكهربآئي
طبعآ ضعنآ وشوي آلآ نوصل الطآآيف

لآنه لما طلعنا من جمرة العقبة ليلة العيد، آخذنا طريق غير الدرج الكهربآئي، كآآن الطريق وصّلنا للقطآر علطوول
بس هنآآ غدينآآ على قولة جدّتي آم آبوي - الله يرحمه -

هذآ وحنآ نآآزلين بالدرج الكهربآئي، شفت الحملة هذولآ حملة كويتيين، وصوّرتهم علشآآن صقيقتنآ (( شوق الكويت ))

:smilie47

وتشوفون فيه زحمة بالآدوآآر الآولى للجمرآت

وهذولآ حملة الكويت مرتن آخرى

وهنآ وصلنآآ للآرض

طبعآ لمآ وصلنآ للآرض

بمآآ آننا مضيّعين

سآلنا مرشد الحملة الكويتية عن آنه هم بآي منطقة بمنى؟! الآولى وآلآ الثآنية؟!
فكآآن تعآمله مع آخوي جدًّآ رآقي، آبتسم بوجه آخوي ومسك يده وقآله آنه مخيّمهم قريب من هنآ مآآيحتآج حتى يركبون القطآر،
وآعتذر من آخوي بآسلوب حلو ورآقي على آنه مآآقدر يفيد آخوي بشئ، وآبتسم بوجهه ورآح ..
نقطة تحستسب للشعب الكويتي

هذي سيآرآآت الدفآآع المدني

هالصورة هذي تشوفون اللي عليه مربّع، هذي لوحة مدري وش بالضبط بس آنه مكتوب باللغة الآيرآنية

<< حآآلفة آن يقطع رآسه

هذآ مركز الشرطة

طلعنا من المكآن اللي فيه الجمرآت، وطبعآ بما آننا مضيعين الطريق

مآآندري وين نروح وكل مآسآلنا عسكري آو وآحد من الكشآآفة، قآل لنا: آمشوا سييييدة وتلقون القطآآر

ومشينآ ومشينآ آلين لقينآ درج طويييييييييييييييييييييييييييييل وقسم بالله ولآ جبل

طآآحت رجليننا وحنا نمشي

هنآآ وصلنآآ للجسر اللي يودّي للقطآآر بعد طووول عنآآء

وهذا من جبآآل منى

وهذا فرع لمستشفى منى

وصلنآآ الحمد لله للمخيّم ين المغرب والعشآآء

طبعآ رآآحت علينآ محآآضرة: (( عبد الله بانعمه ))

يقولون كثييير من اللي بالمخيّمات الثآنية حضروا المحاضرة، بس ياالله يمكن خيرة

كآآنوا البنآآت مسويّن مسآبقآت وآحتفآل مصغّر للعيد، وهذي عيديّات بسيطة وزّعوه علينآ

طبعآ البنآآت الدآعيآت بالحملة، مسويّن برنآآمج حلو، بعد صلآة العصر في محآضرة للكبيرآت في السنّ
وفيه حلقة تحفيظ القرآن وتفسيره
وبعد صلآة المغرب درس قصير لآحد المشآيخ، وبعده آستعرآض للفتآوى اللي توصل لهم من اللي بالحملة
وفيه كل يوم مسآآبقة يوزعونه علينا والفرز كآآن ثآني يوم العيد
طبعآ المحاضرة والفتآوى بين الرجآآل والحريم
الرجآآل كل يوم بعد المحآضرة والفتآوى، يسوون لهم مسآآبقآت

برنآآمجهم حلو وبسيط وفيه فوآآئد كثيير

خلّص اليوم الطويل وطحت آنآآم السآعة 11 من غير شعوووور مآآحسيت بآي شئ

يوم 12 كآآن آخر يوم لنآآ بمكة، لآنه كنآ متعجّلين
طلعنآ للرّمي بعد صلآة الظهر مبآآشرة، كآآنت الزحمة آشدّ من اليوم اللي قبله
كآآنوآ البآكستآآنية الله يهديهم يدفون النآآس وكآآنهم نمل مدري كرآتين قدآمهم

حتى العسآآكر والكشآآفة مآآقدروا عليهم
آخليكم مع الصور وبآعلّق على كل صورة وش اللي صآآر

طبعآ قبل مآآنطلع نرمي الجمرآت، قآلوا لنآ نضف عفشنآآ لآنه خلآآآص بعد الجمرآت بنروح نطلع من منى لآزم قبل غروب الشمس ف مآآآفيه وقت
هذآآ عفشي آنا وآختي

وهذي الشآشة حقت الجمرآت، مآتشتغل آلآ بالليل مدري ليش

هذي البنت تلتفت على آخوي وتضحك له

<< عيب يآآبنت النآآس بالحج

هذي الحرمة ضآآعوا عيآآله بالزحمة والعسكري وآآقف معه ويهدّيه آلين لقتهم

وهنآآ الزحمة مرتن آخرى

طبعآ بعد هالصورة، جو البآكستآآنية وكسروآ الشبك اللي تشوفونه ودفوا العسآآكر ومشوآ مآآعندهم وقت آبد

جآ ضآآبط كبير وسكروآ الشبك، وجلس يبربر عليهم

وهنآآ آنتشروآ يشوفون شغلهم

مع الزحمة والحرّ، جآآ شخص من اللي متطوّعين مع الكشآآفة، وجآب جرّة مآء وقعد يرش المآآء على النآآس
حآآولت آصوره وهو يرشّ العآآلم بالمآآء بس مآآقدرت آلحّق لآنه كآآن يمشي بسرعة بسرعة
بس صوّرته على السريع، جزآآه الله خير يَ رب

هنآ العسآآكر يقولون للبآكستآآنية: آنتظروآ كله خمس دقآآيق ويروحون اللي فوق ونمشيكم من هنآ
بس مآآعندك آآحد

هنآآ خلآآآص طلعنآآ الحمد لله، والعسآكر والكشآفة آذآ شآفوا العربيين وبالذآت السعوديين يتعآونون معهم
ف لمآ آنفكت الزحمة وجينا بنرقى الدرج اللي يودّي للقطآر، قآل وآحد من الكشآفة لآ تعآآلوا مع الآصنصير
مع آنه الآصنصير مخلينه بس للي يركبون عربيآت، لآنه الدرج زحمة مره

وهنآآ وصلنآآ للقطآآر .. آخيرآ

وركبنآآ القطآآر ورآآيحين للجمرآآت

آخوي

الله يعطيه العآآآفية ويوفقه يآآآرب

ونزلنآآ من القطآآر

لما وصلنا للجمرآت كآن فيه آفرآد من الكشآفة والعسآكر معهم كرآتين مآآء بآآرد ويوزعونه على الحجآج
وفيه منهم معه كرآتين ويهفّون على العآآلم اللي بالآدوآر الآولى
من جد: جزآآهم الله خير يَ رب

المرآآوح هذي ترشّ مآآء وتبرّد على الحجآآج، ونآآسه توسّع الصدر

كل شوي ودّي آوقف عندهن

هذآ آبو مظلّة ملوّنه، شآآب بالعشرين من عمره، ويدفّ آبوه شآآيب وكبير بالسن مرّه
الله يرزق آبوه برّه يآآرب
اللي عجبني بالصورة، غير آنه حآآجّ بآبوه؛ شكل المظلّة حقته

تنلبس زيّ القبعة بالرآس، وحتى ملبّس آبوه نفس اللي عليه

ورمينآ الجمرآت، ومآآكان فيه زحمة وتدآآآفع كثير، على آنه كثير من الحجآآج متعجّلين
وطلعنآ من الجمرآت، ورآيحين للقطآآر

وصلنا للمخيم وركبنآ البآآص وننتظر البآآقين يجون
وهذي صور لمنى، الصرآحة المفترشين شوّهوآ المنظر بشكل غير طبيعي

فمآآن الله يآآمخيّمنآآ

وحرّكنا من منى السآعة 4 ونص العصر، وهذي كم صورة من الطريق

وهنآ المكآن اللي ذبحوآ فيه الهدي

طلعنآ من منى قبل المغرب، والسوآآق مع الزحمة ضيّعنا شويتين

دخلنآ مكة السآعة 7 ونص تقريبًآ، وزحمة بشكل غير طبيعي

علطووول رحنا لجآمع الملك عبد العزيز
وصلينآ وجلسنآ هنآك، ووصلنا خبر آنه آبواب الحرم مسكّرة علشآن الزحمة

طبعآ الصدق مش علشآن الزحمة، بس صآرت آشتباكآآت بين الشيعة وبين مجموعة من الجنسية اليمنية
والمصدر ضآبط كبير يصير آخو وحدة معنآ بالحملة، آتصل عليه وقآله قولي لهم لآ يجيبونكم للحرم علشآن هالشئ
جلسنآ هنآك آلين صآرت السآعة 10 وبعدين طلعنا ورحنا للحرم مشي
اللي آكّد لي السآلفة اللي صآرت بالحرم، آنه وحنا نمشي كآن فيه حملة شيعة رآجعين من الحرم، وكآن ورآهم حرآسة آمنية ومشدّدة
آلتفت على آخوي قلت له: شفت آن اللي صآآر صدق وهم يغطون يقولون زحمة زحمة

فيه نآس معنا بالحملة كآنوا بالحرم من صلآة العصر ووصلنا حنا للحرم السآعة 8 العشآء ويقولون مآقدرنآ نآآخذ الطوآف بسبب الزحمة اللي شفنآآه هنآآك

وصلنآ للحرم على السآعة 11 كذآ، وطلعنآ للدور الثآلث، على بآلنا بنلقآه زي يوم نعتمر آول مآآجينآ، بس طلع العكس تمآمآ
ويمكن شفتوا المقطع اللي تداولوه باليوتيوب عن توقّف المطآف
طبعآ فيه نآس بالحملة مآخذين طوآف الآفاضة وسعوا، وفيه نآس مثلي آنا وآخوآني آجّلنا مع طوآف الودآع
آخذنا 3 آشوآط هنآآك، وبعدين وقّفنا نريّح شوي، وآخذت كم صورة للحرم من فوق قبل ننزل للدور الثآني

نزلنا للدور الثآني، وكملنا الطوآف وسعينآ هنآآك برضو
خلصنآ تقريبًآ على السآعة 3 آلآ ربع، وجلسنآ بالمسعى مع جمآعتنا اللي معنا بالمخيّم ننتظر نجتمع ونطلع سوآ للجآمع

آجتمعنا ورجعنا لجآمع الملك عبد العزيز،
مآآلي حآآجه وصوّرت روحي

لقينا سوآق البآص جآيب لنا عشآء من البيك

بصرآحة توقّعت طعمه خرآفي على اللي وصفوه لنآ النآآس، بس طلع عآآدي جدًّا

مسحّب كنتآكي آحسن منه

وحنا بالطريق طآآلعين من مكة، لقيت هالمطعم وصوّرته لبطلة

وصلنآ للريآض من بكرآ العصر تقريبآ السآعة 4 ونص وقفنآ عند مسجد العيد اللي بشآرع عائشة بنت آبي بكر
ولقينآ زوج آختي ينتظرنا هنآك، آخذنا ورحنا للبيت
ونلقى حفلة مسوينه آهلي لنآ، برجعتنا بالسلآمة

حفلة بسيطة ومصغّرة

والحمد لله على سلآمتنآآ

الحملة كآآنت جدّآ كويّسة ومتعآونين لآبعد درجة، بطريق الروحة والرجعة على آنه طويل، آلآ آنه المشرف اللي معنا يشغل شوي قرآن ووقت الآذكار يحط الآذكار بالصوت، وآذآ هذآ قآل فآآئدة آو شئ
ويعلّمنا وش نسوي ووش نقول لما وصلنا للميقآت
وبنفس الحملة بمنى كآآنوا كل يوم يقولون لنا وش نسوي بالضبط

جزآآهم الله عنآ خير الجزآء

الحمد لله كما ينبغي لجلآآآل وجهه وعظيم سلطآآنه
ويآآرب تتيسّر الحجة لكل شخص يتمنآآه، سوآؤ فرض آو سنة

بالآخير، آحبّ آشكر M.Ozil 10
هو اللي صمّم اللي الصورة اللي فوق قبل آمشي لمكة

وآشكر HILALYA ]~
هي اللي صمّمت لي الخلفية

كنت بنزّل التقرير من آول مآآرجعت من الحجّ وريّحت وكذآ
بس صآآرت لي ظروف ومنعتني، وهآلآسبوع كل مآآجيت بنزّله طرى لي شئ ولآ آقدر
وآخرته اليوم تتقفل الشبكة للصيآنة

وبعد كذآ الصور مآآطلعت

وآضطريت آحمله مرة ثآآنية

آشكركم آنتم لحسن آستمآآعكم ..

ونلقآآكم في تقآآرير آخرى ..

تحيآآتي للجميع

كآآن معكم من خلف الكآآم والمآآيك، المرآسلة: خيخي

وكل عآآم وآنتم بخير ..

مـوت ومـيـلآد ! · #2 23/11/2011, 04:23 AM

-
تسجيل دخول لعيونكك ولعيون هَـ المموضوع

!
بس بروح أسوي شغله ضروريه وأجيتس

!

تععرفين البرد جمد لي ششعوري =)

,

رجعععنآ

..

بسسم الله نبدآ

!

أول ششي الحمدلله على السسلآمه يَ " هسوس "

حجآ مبرور وسعياً مشكور وذنباَ مغفور

, والحمدلله على سسلآمتكم

!

ههههههههههههههههههه ليتهم ملتفتين عليكك

!

,

لي ساعه وانا عيني على هالصوره احاول اعرف وش هالخط والنور اللي قسم مكه
واثره سلك

<<-- ماانتبهت الا بالاخير بالزاويه شفته مدحدر

,

مرتب مخيمكم

!

,

رهههيب المنظر ماشالله

!

,

أعجبتني حركته

!

,

يَ زينههآ يَ نآسس

, الله يكتب لكل من له نيّه بالحج

!

,

قصصصدكك أنآ يوم أسيَر عليتس

!

,

أيه والله من جددد , انآ مره وحده أكلته وأجعني بطني عقبههآ حرمت آكل منَه
لبىَ هرفي بس

!

,

ماششالله

, تستآهلون والله , واحسن عيديه بعد

!

,

^
أحس ردي اطول من موضوعتس

, ولآ

؟
بس والله هالتقرير متععوب عليه

, عطيتيه حقه وأكثر

!
-
الله يتقبل يَ رب

..
هسوس الله يئتيك الئافيه

!

سلافا · #3 23/11/2011, 04:35 AM

حج مبرور وسعي مشكور وذنب مغفور

وألف الحمد الله على السلامة يا(خيخي)

آه لو تدرين أيش المشاعر اللي حركتيها في داخلي!!

الله ييسر لي مايسر لك من حج بيته الحرام قولي آمين...

وصفك رائع ،وسردك جميل، لأجمل رحلة في الدنيا...

تقريرك تحفة فنية روحانية بديعة...

ألف شكر وجزاك الله خيراً على مجهودك...

على فكرة عجبتني صورتك ماشاء الله قمر!!

دمتي بسعادة...

S.SAM · #4 23/11/2011, 05:28 AM

وعليكم السلام ورحمة الله وبركاته..

اهلا حصه.. صبحك الله بالرضا والطاعه..

حج مبرور وسعي مشكور وذنب مغفور يا رب. تقبل الله صالح الأعمال..

وكل عام وانتي ومن معك بألف خير وصحه وسلامه..

والف حمدلله على السلامه..

وش يحسون فيه...ذذ

فاينل وش تحس يوم انك مكان هالشي الكبير..ذذ ض1

عبود حتى بالحج ما تترك حركات الوشسمه..ذذ ض1

عافاك الله حصه.. تقرير جدا مميز..

وفقك الله وكتب اجرك..

الهنوووف · #5 23/11/2011, 05:36 AM

هلا والله حصوصه
الحمد لله ع سلامتكم وحج مبرور وسعي مشكور مرتن ثانيه

ماشاء الله اول مره تروحين مكه

صرتي كانك من الدول الثانيه يتمنون مكه

حمستينا للحج

ماشاء الله واضح ان الامور كانت مسهله كثير
حلوه المراوح والمويه بكل مكان الله يجازي حكومتنا ورجال الخير خير الجزاء

دايم اسمع سالفه يوم العيد والي يستشور ويتكشخ

هالامور اعتقد عاديه البلاء من الي اسمعه هالسنوات الاخيره من لبس البنات بالخيام

حلووه ابي زيها
مفيده وتريح شكلهم مسوينها بنفسهم

شكلها سهله

الله يكفينا شر الشيعه والحمد لله خلص الحج بسلام

ان شاء الله السنه الجايه ربي يكتب لنا الحج

وانزل تقريري الجميل

\

/
يعطيك العافيه ع هالتقرير الوافي
كنت متحمسه له كثير

الله يجزاك خير

والشكر للحلوين الي ساعدوك

الهنووف
كانت
هنا
ورحلت

انفاس الهـجر · #6 23/11/2011, 05:42 AM

مااشااء الله تقبل الله منكم يااارب
وعقبااالناا أن شاء الله نحج السنه الجااايه ياارب
وصوور حلووه ماشاء الله
والحمد لله على سلامتكم

حروف الغلا · #7 23/11/2011, 05:58 AM

حجا مبرور و سعيا مشكور و ذنبا مغفور بأذن الله

الله يتقبل منج و يرزقنا السنة الجاية يا رب

مسّتريح البال · #8 23/11/2011, 06:45 AM

ماشاء الله تبارك الله
الحمد لله على اكمال ركنك الخامس
وإن شاء الله ربي يكتب لي الحج عما قريب
تقرير شامل ووافي
الله يعطيك العافية أختي خيالية

استمتعت بمشاهدة التقرير من أوله لآخره
دمت ِ بخير

Hictar · #9 23/11/2011, 07:36 AM

حج مبرور إن شاء الله
وأنا أطالع صورة أخوتس - أشوف الكدش
شلون ما حلق شعره وهو حال إحرامه

][ هلـآلي للـآبد ][ · #10 23/11/2011, 11:03 AM

وعليكم السلام ورحمة الله وبركاتة
حج مبرور وسعي مشكور وذنب مغفور أختي خياليـــه
تقرير شامـل ورائــع
الله يتقبل من الحجيج حجهم !

A.K.N 505 · #11 23/11/2011, 11:08 AM

حج مبرور و سعي مشكور و ذنب مغفور بإذن الله ..
الأهم أنكم قضيتوا حجكم و رجعتم بالسلامة ..
صحيح أن التقرير طويل لكنه جميل .. الله يعطيك العافية حصة .

باسكن روبنز · #12 23/11/2011, 03:31 PM

حج مبرور وسعي مشكور وذنب مغفور

تقرير رائع ماشاء الله كل شي صورتيه

رحتوا بسيارة !! ماتصور انو فيه احد يحج بالباص او السيارة احس مايصلح

لازم طيارة

ودي احج لكن خايفة يدوسوني الناس

خيالية الله يعطيك العافية على الموضوع والصور

HooO 20OooH · #13 23/11/2011, 05:08 PM

وعليكم السلام والرحمه
ماشاء الله خياليه ع التغطيه

الله يتقبل يارب

مجهود جداجدا مميز

الله يعطيك مليون عافيه

ماتقصري

ازرق المشاعر · #14 23/11/2011, 06:44 PM

حج مبرور وسعي مشكور

تغطية خرافية الف شكر

دمتـ بود

بطلة · #15 23/11/2011, 07:28 PM

مساء الخير

حج مبرور إن شاء الله

خخخخخخخ فديت صديقي

وازينها ياناس ماشاء الله

ليش ماعزمتوني

بالعافية عليكم

وعقبال كيكة زواجك

الظاهر عنده عزت نفس زايدة عشان كذا مااخذ العيدية

هذه قديمة مررره وفيه زيها بس بمروحه خخخخ

ك ع ش ة

أهم شي هلالي حتى بـ الحج ,

الله يعطيك العافية

شكر لك
بطلة