|
ناس تخاف من العنكبوت وناس تخاف من المهرج بكل دهشة وغرابة تابعت برنامج عن الخوف من أشياء معينة تسمى بعلم النفس ( فـوبـيـا .. بالعربي : الرهاب ) وكان البرنامج عن عدة أشخاص من بريطانيا لهم مخاوف متعددة , وكان معهم طبيب حاول يعالجهم . الغريب بأن الطبيب نجح وبكل سهولة وسرعة مع إللي استمروا معه , أما من انسحب فظل على مرضه وما درى بأن بينه وبين الشفاء سوى محاولة واحدة فـقط . فمثلاً فيه ناس تخاف من العنكبوت والخوف منه تختلف من شخص إلى آخر ( مثل مقياس الزلازل ) ففيه ناس تخاف من العنكبوت بدرجة 1 وفيه ناس تخاف بشكل هستيري ومرعب بدرجة 7 .. وهذا هي الـفـوبـيـا , يصاب الإنسان وقتها بضيق تنفس وتعرق وألم في البطن واحمرار بالوجه , وهي مخاوف غالباً اكتسبت من أيام الطفولة . من الأشياء الغريبة اللي شفتها بالبرنامج ناس تخاف من العروسة ( اللعبة ) وناس تخاف من المهرج حقين السيرك وناس تخاف من الطيران أو تخاف من ركوب السيارة أو تخاف من الظلام أو من المرتفعات أو من الأماكن الضيقة ( يعني هذولي ما يدخل نفق أو مصعد ) وفيه ناس تخاف من الجراثيم وتشوفه كل شوي يغسل يديه وناس تخاف من الأماكن العامة إللي فيها ناس كثير مثل الأسواق .. أما أكثر واحد تعاطفت معه وتأثرت من قصته فهو شاب في الثلاثينيات يخاف يطلع من البيت وجلس على هذا الحال أكثر من 10 سنين ما خرج من البيت قط . يقول أحد علماء النفس ربما بجانبك صديق لا تلاحظ عليه أي شيء وهو إنسان طبيعي لكنه يخاف من شيء معين لدرجة الهلع وربما الإغماء. أعزائي الزعماء هل لديكم فوبيا من شيء معين ؟ طيب ياليت تسجلون تحت ما هو .. وبدون خجل .. وسجل درجة خوفك من 1 إلى 7 . بالنسبة لي عندي فوبيا .. لا أحد يضحك :ca: .. عندي فوبيا بدرجة 3 من الرعد فقط والغريب ما عندي أي مشكلة من أي صوت عالي .. بس الرعد . |
سبحان الله والله توني قبل شووي كنت اتناقش مع خويي عن الفوبيا والحالات الغريبة ان في ناس تخااف من اشياء تافهة جدا جدا بنظرنا ولكن بنظره شي خطير مافيه مزح فسبحان الله الناس تختلف في هالشيء انا بصراحة عااتي اركب طيارة ماعندي اي مشكلة ولا ماعمري ركبت طيارة الا لازم اكون يم الشباك عشان اتمتع بالمناظر من اعلى مع ذالك اخاااف واموووت من الخوف اذا رحت سطح بيتنا وطليت من فووق الجدار او اذا قالوا لي اهلي ارقى فوق الغرفة عند الخزان تجيني حالة خووف انما ايه لدرجة اني من الخوف ماعاد اعرف انزل من السلم اللي عند الخزان واعتبر خوفي ان كان ع مقياس ريختر خخخخ 5 من 7 مدري في حدا منكم زيي |
ههههههه المصيبه ان عندي فوبيا من كل شي والقائمة تطول فوبيا الحشرات الحيوانات الزحمة الصوت العالي وقائمتي تطول الغريب اني اخاف لو احد خوفني من شي حتى لو مجربته وعارفه انه امن لما كنت صغيره كنت اخاف من ظلي بشكل حرفي وليس مجازي كنت اخاف من هاللي يلاحقني والحمدلله عايشه حياتي بتجنب كل انواع الفوبيا تبعي والحمدلله تخلصت من مجموعه كبيره من المخاوف وبدت تخف حدة المخاوف عندي من المذكوره اعلاه ما انتهت لكن اصبحت بدرجه اقل من السابق ممكن نقول صارت خمسه من سبعه الحديث عن الفوبيا ذو شجون معي اتذكر كنت بسوبر ماركت وشفت بداية الحريق قبل حتى ما يشتعل وانا اللي اركض ما ردني الا الشارع واهلي جوا يدوروني وجوالي كالعاده بالبيت ناسيته المهم وانا اركض كنت اشوف الناس تركض وتنحاش لما شافتني بعباتي ومحترمه واركض المهم ان اهلي لما يأسوا واخلوا كل الموجودين لقوني عند السياره انتفض من الروعه للحق انا يوم انحشت مابعد طلع حتى ريحة شفت الرجال ولع بالولاعه عالمناديل وانا اللي احسبه ارهابي بيفجر السوق ما دريت انه حريق الا لما علموني اهلي بعد ما طلعوا سمو علي وشربوني مويه والا قلبي كان بيوقف من الخوف عموما كنت جبانه ذيك الايام واصلا قديمة الناس تخاف بالحب والاشراق |
بصراحة.. أنا أخاف من النوم بالليل في غرفة لوحدي(بالنهار ماعندي مشكلة) وأخاف أكثر من قفل باب الغرفة وهذا الشي حتى بنوم النهار ماأرتاح أبداً إذا الباب مقفل ممكن أعطيه3من7 وبصراحة الأحلام المخيفة هي السبب(ياويل اللي يضحك) الحمدلله ماوصل الأمر إلى الحد اللي ممكن أقول إن وضعي صعب جداً أموري الحمد لله ماشية مع المحافظة على الأذكار والتوكل على رب العالمين سبحانه يعطيك العافية أخوي...... |
يَ هالفوبيآ هذي :s5s: , وصل عُمري فوق الـ عشرين وأنآ مآزلت أخآف من أشيآء تآفهه :d ! أنا عندي خوف من الظلام والهدوء قسم بالله ماانام إلآ والنور مولع وشي يشتغل عند راسي :d ! كذآ خلاص مااخاف :wub: .. والحشرات والحيوانات ماعدا " البسسه :smilie47: " , ماعندي اشكاليه لو شفتهها اخذتهها وحطيتها بحجري :d ! والشاحنات الي بالطريق , هذي لا شفتهها جنب سيارتنا أغطي راسي وأذكر الله :d:smilie47: ! والهنود والبنقاليه , لا شفتهم نزلت راسي من الخوف ومسكت امي :smilie47: ! <<--- بزر :d .. وحقين عاملات المشاغل , لادخلت المشغل يدي على قلبي ودي بس اخلص بسرعه واروح البيت لأن من كثر مااسمع من قصص صرت اخاف منهن ومن اشكالهن :cry: ! وطاري التعذيب وماالتعذييب ومقاطع الفديو اللي تجيك فلان عذب فلان مدري كيف :cry: هذي انا اخاف منها , خلاص تقفل اخلاقي والعبره تخنقني ! واجلس عاد اهوجس واتخيل انا مكان اللي يعّذب :cry: ! والبحر والموت اخاف منهم صحيح بس احبهم :smilie47: <<--- أقنعتيني :d ! , وبس وإن شالله أفتكك منهها عن قريب بس لحد الآن ماراح مني هالممخاوف :smilie47: ! - كككرآتزيه خيو :rose: .. ^ يوووه من زمممآن مَ قلتههآ s121s ! |
ما اخبر لي فوبيا بصراحه :D يمكن الجن هل يندرج هذا ضمن الفوبيا ؟:D و اذا تعديت سرعه ١٢٠ بالسياره :d |
ما عندي فوبيا من أي شيء يا رب لك الحمد :wub: وفوق كذا أنا انسانه أحب المغامررره بشكل جنوووووووووني :smilie47: يعني الأشياء اللي تسبب الخوف لأغلبية الناس .. هذي تستهويني :s2::smilie47: |
اخاف من السلم المتحرك ما احبه و نسبة الخوف عندي 10 من 10 اخاف من الاسطح و المرتفعات و بنفس النسبة و ما اخاف من الطيارة او لعبات المغامرة :naughty: اخاف من ابر الدكاترة و ما عندي مشكلة بالتبرع بالدم :s2: و بس :wub: |
بالنسبة لي ... فأنا حكاية عجيبة وصراع مع الخوف في شئ واحد فقط !! القطط ! من يوم ما ولدت الى عمر 5 سنوات كنت أعشقها عشق جنوني لدرجة ان الوالد كان يجيبهم للبيت عشاني وعشان ألعب معاهم !! لكن في عمر ال 5 سنين حلمت حلم مرعب جدا وان في قطة سوداء أكلتني ولما صحيت من النوم كانت في قطة لونها اسود بغرفتي وشكلها كانت معصبة فصرخت وبكيت وبدأت مرحلة الخوف من ذلك اليوم !! لكن ه الخوف استمر الى مرحلة الثانوية وبدأ في النقص التدريجي ويمكن الحين وصل ل 0.001 من 7 والحين أقدر أمسكهم وألعب معاهم ولكن يبقى أثر الخوف موجودا ههههههههههه أذكر مرة في المتوسطة ... في وقت الاختبارات النهائية .. اختبرت ورجعت للبيت وكانت في قطوة عند باب العمارة هههههههههههه... وكانت الساعة 10 الصباح !! وحاولت أهشها وأرميها بحجر ولكن ما نفع معاها وأصرت انها تظل في محلها بنت اللذينا !! وأتذكر أني أنتظرت الى الساعة 12 .. وقتها نزل أحد الجيران من العمارة وطلعت القطوة ودخلت حضرتي بعد انتظار دام أكثر من ساعتين في حرارة الشمس !! << يلعن أبو الخوف بس هههههههههههه طبعا الحين راحت الحالة ولحد يحش لو سمحتوا هههههههههه غير ذلك .. لا أخاف من شئ أبدا ولله الحمد وأعشق الجن والسرعة والأماكن العالية والخوف والترهيب !! يعني مجنون هههههههه لك ودي . |
http://store2.up-00.com/Nov11/3en39368.jpg الي في الصورة سببت لي حالة نفسية :to: ولا يفوتكم حاطين عليها شال الهلال :ranting: المهم سويت الهوايل عشان تطلع من البيت :s4s:<< اخواني حقدوا علي :d:razz: هذا رعبي الأول والأخير :wub: |
انا عندي مشكلة مع السرعة في السيارة قصتي كنت ذاهب للرياض والسواق ولد خالي كان الله يهديه يمشي بسرعة 200 كيلو متر والجو مطر وسبحان الله في ثانية طلعت السيارة من يده وبدت تلعب في الشارع العام والله العظيم يااخوان كنت ثلاث سيارات قدامنا وخشينا بينهم ولم نصدم اي سيارة ونزلت السيارة عن الطريق العام ولم تنقلب وفكنا الله سبحانه وبعدها صرت ماأحب السرعة فوق 120 اما ولد خالي فما زال الله يهديه عاشق للسرعة |
إقتباس:
|
الصراحه وبدون أحراج انا مأخاف من شئ سو الله ثم السوق وزحمة الناس لرحت مع امي او اي احد السوق يجيني ضيق شديد وكتمه والله يشهد اني ماكذب أتمنى الى عنده علاج او فكره يوصلها لي والله يجزاكم خير |
انا اللي يبغى يقتلني من الخوف يطلعني السياره في المقعد اللي قدام ويمشي اكثر من 120 <<< اخاف من سرعة السيارات .. واعطيها 5 /7 والقطط السوداء <<<الى يومكم هذا بس البسس السودا اخاف منها.. ولا البسس بشكل عام لا عادي..كمان 5 /7 واذا كنت في السياره ووقفنا ونزل السواق والسياره شغاله اعطيها 3 /7 |
إن كان هناك فوبيا فـ أنا عندي فوبيا من المكان المظلم ! بس وقت النوم عادي : ). بس الحمدلله ماعندي فوبيا متطرفة من شيء ^_^ . .. . الوسط الوسط , الصراط المستقيم , لا غالي ولا جافي << شدخل :/ . موضوعك متميز لدرجة المشاهدات 14 والردود 13 < < بس واحد ملقوف دخل وطلع :/ |
| الوقت المعتمد في المنتدى بتوقيت جرينتش +3.
الوقت الان » 11:59 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd