اول موضوع لي في المنتدى ,,, هوساوي ورحيله عن الهلال ,,,, اظهرتنا جدآ متواضعين ,,,مباراة الانصار بعد التوقف ,,((حياكم)) - نادي الهلال السعودي - شبكة الزعيم

جيجي نيفيز · #1 18/11/2011, 04:16 PM

بسم الله الرحمن الرحيم ,,

الايام ذي اللي شدني في المنتدى ..ان اغلب المواضيع تتكلم عن هوساوي بطريقة غريبة ومنرفزة بنفس الوقت

يعني و كأنهم يقولون لهوساوي اقعد بالهلال ولا نزعل عليك ..,ياشباب هذي حياة اللاعب وهو حر فيها

بالنسبة لي انا ., اعرف ان رحيل هوساوي عن الهلال راح يسبب مشكلة كبيرة بالدفاع ,خصوصا الموسم الحالي

وأعرف ان هوساوي هو اللي فارق معنا دفاعيا ..زيه زي تفاريس قبل 4 سنين

وأعرف ان بعد رحيل هوساوي ,,مافي لاعب يعتمد عليه مع احترامي لجميع اللاعبين

لكن يا جماعة لو هوساوي كللم الإدارة واخبرهم انه مايبي يقعد في الرياض

ويبي يروح للغربية .,الحين وين المشكلة لو صار هذا شيء

اذا اللاعب بنفسه مايبي يقعد بالهلال ,,نغصبه ونقول الا لازم تقعد ,,غصبن عنك

ولو قعد ماراح يقدم شيء للهلال ,,وبالعكس ممكن يكون نقطة ضعف بقاءه بالهلال

هذا الكلام ينطبق على جميع اللاعبين ,,مايمكن ب أي حال من الاحوال انك

تجبر لاعب على شيء ما يرتاح له ,, مع علمي ان هوساوي يعرف انه ماراح

يلقى فريق سعودي زي الهلال ,,من الناحيتين المادية والجماهيرية

عموما اذا ذهب هوساوي الله يستر عليه ويوفقه ,,مع اي فريق يروح له

وبالنسبة لي ما عندي اي مشكلة اذا ذهب هوساوي للاتحاد ,,حنا بعصر الاحتراف

وياكثر اللي سوو الشيء ذا قبل هوساوي,,

لكن السؤال هنا ،: اذا راح هوساوي للاتحاد هل راح يخللي الاتحاد يصير اقوى فريق سعودي ,,. ؟

ويخللي الهلال يصير اسوأ فريق سعودي ,,عشان بس لاعب واحد ,!!

صح انه راح يأثر رحيله ,,لكن مستحيل اي نادي في العالم يتأثر برحيل لاعب واحد فقط

,,

اظهرة الهلال

+

انا لحد الآن استغرب من الادارة اصرارها على ان الهلال عنده افضل الاظهرة في السعودية.!

محمد نامي من اول ما جاء ,,وتكللمنا انه لاعب لايمكن انه يتطور

اذا جت معه الكورة ,,اهم شيء انه يتخللص منها ,,وماعليه هل هي تروح صح ولا لا

لاعب تغطيته سيئة دفاعيا ,,وهو نقطة ظعف في الجهة اليمنى

لكن ما ادري ليه لحد الآن باقي مع الفريق ..؟!

عبدالله الزوري ,,ينطبق عليه مثل ما ينطبق على نامي

ياجماعة عبدالله الزوري ما انخفض مستواه ولا حاجة

عبدالله الزوري هذا مستواه ,,ما تغير

لكن اللي خدعنا ان ايام كوزمن كان الهلال طريقة لعبه دفاعية بحتة

ومع وجود رادوي وعزيز,,

وكذا راح يغطي على اللاعب العادي ,,ويخليه مبدع

زيه زي المرشدي في عهد كوزمن خليناه افضل مدافع سعودي

والحين بعد ماجانا مدربين هجوميين ,,طلع مستواه الحقيقي

بعدين لو نلاحظ وسط الهلال وطريقة لعبه المملة ,,اشوف ان لو كان في اظهرة متميزين

راح نشوف فيه تنوع باللعب ,,وحلول كثيرة عكس اللي قاعد اشوفه حاليا

الشلهوب الى ايمانا ,,الفريدي الى الدوسري وتقعد الكورة تدور نص ساعة بدون فايدة

,,

عموما لو يجي ياسر الشهراني باذن الله ,,راح يتحسن الوضع

ونرجع شافي الدوسري

اللي اشوفه ظلم في تواجده مع الاولومبي

مباراتنا مع الانصار

مباراة تجي بعد توقف طويل ,,يعني يجب علينا ان لا نتفائل كثيرا بمستوى جيد

لان لو نشوف مبارياتنا بعد التوقف ,,كلها نفوز بمستوى عادي

مع عودة سو ,,ان شاء الله يتحسن الوضع اكثر واكثر

ما ادري الملعب اللي راح يلعبون فيه ,,هو نفسه اللي في مباراة الاهلي والانصار

اتمنى ما يكون نفس الملعب ,,لانه صراحة مو بعيد عن ملعب نجران

بالتوفيق للزعيم

اسف على الاطالة