موقع لتفسير الاحلام (تفسير فوري للحلم) - نادي الهلال السعودي - شبكة الزعيم

فتى الذهب · #1 22/07/2001, 01:42 PM

هذا موقع لتفسير الاحلام

بس والله مدري هم عندهم سالفه ولالا؟

اضغط هنا

اي نسيت اقولكم

اذا دخلت علشان ماتقعد تحوس وتلف وتدور بتلقى فوق مره على اليسار تقريبا مكتوب تفسير الاحلام اضغط عليها بعدين بيطلع لك مربع اكتب فيه الحلم بعدين اضغط (فسر الحلم) وانتظر شوي يطلع لك التفسير

وش يبي ذا النشبه؟

ابوسليمان · #2 22/07/2001, 01:55 PM

الغالي فتى الذهب مشكور على الموقع

من جد موقع جميل يبدو مثلك انت وليس صاحب الصوووووووووره:p :p

الف الف شكر يالغالي

فتى الذهب · #3 22/07/2001, 04:35 PM

ابو سليمان

لاشكر على واجب وشرف كبير لي ردك على الموضوع

وش يبي ذاالنشبه؟

غبار النجوم · #4 22/07/2001, 06:29 PM

اخوي الفتى الذهبي على هذا الموقع

بس .. وعلى حسب علمي ان تفسير الاحلام عند المشايخة جزاهم الله خير .. افضل بكثير
وقد سألت واحد من المشائخ الكبار عن بعض الكتب مثل كتب ابن سيرين في التفسير وغيرها
وبمعنى كلامه .. قال: ان هاذي الكتب ماتفسر مظبوط وقد تسبب لك القلقل اذا كان التفسير فيه شي
يضايقك .
فلذلك التفسير عند المشائخ افضل لانه راح يعرف حالتك وقد يسألك بعض الاسئلة التي
يترتب عليها التفسير .. والله اعلم

فتى الذهب · #5 22/07/2001, 07:47 PM

أخوي غبار النجوم

الله يرحم والديك ان شالله انا فتى الذهب وليس الفتى الذهبي

ترى اتحطم والله

بس ياخوي المشايخ عجزت اكلمهم اللي مطفي جواله واللي مايرد

يعني صعب مره تلقاهم

غبار النجوم · #6 22/07/2001, 10:07 PM

وش دعوى تزعل علينا يا (فتى الذهب ) ولا تتحطم ؟؟
اولا انت مشكور على الموقع وما قصرت .. صحيح ان اكثر المشائخ يكون مشغول خاصة اذا كان

معروف عند الناس ان يفسر احلام ... لان الشيخ لو عطاهم ارقامه راح يفتح استعلامات

لكن لو بغيت انا مستعد اعطيك بعض ارقام المشائخ الفضلاء وتفاسيرهم ماشاء الله تبارك الله

صحيحه .. وايضا غيررررر معروفين وهاذي ميزتهم .. وشكرا

سعود · #7 23/07/2001, 12:01 AM

مشكور اخوي فتى الذهب

بس على الله يعرفون يفسرون

الواحد قام يحلم باشياء لها اول مالها اخر

الله المستعان

نايف · #8 23/07/2001, 12:46 AM

===========
بصراحه مااعتقد انهاطريقه صحيحه لتفسير الحلم لان الحلم يفسر على حسب الشخص والاحداث اللي صارت له قبل او انه مفكر فيه بيسويها..هذا اللي اعرفه..اما انك تفسر حلم من خلال كتاب او نت مااعتقد انها راح تعطيك نتيجه لانهم مالهم علمممممممممممممم فيك ولافي حالتك يعني وصلت المعلومه!!!!اتمنىىىىىىىىىىىى

احلام سعيده للكل.. .
==============================================================

فتى الذهب · #9 23/07/2001, 01:28 AM

غبار النجوم

ماعاش والله من يزعلك بس كنت امزح يالغالي

بالنسبه لارقام المشايخ اللي يفسرون تقريباً كلهم عندي ارقامهم الله يعافيك

سمهر · #10 13/11/2011, 10:05 AM

ماني شايفة تفسير الاحلام كيف ألله يجزاك كل خير