13/11/2011, 07:29 AM
|
 | زعيــم نشيــط | | تاريخ التسجيل: 14/01/2010 المكان: رياض الزعيم
مشاركات: 522
| |
| <center>
يا أخ غانم لاترقع لو ميزانيتك ميزانية جماعة النشاط الطلابي في متوسطة أو ثانوية ..
أو ميزانيتك ميزانية منتدى على النت ..
أو ميزانيتك ميزانية ملعب حاره والقطه يالله يالله يجيبونها العيال ..
كان إلتمست لك الأعذار وقلت قاعدين يسوون اللي يقدرون عليه وماقصروا !!
ولكن ميزانيتك لو أعطيها دولة من شرق آسيا بعد زلازل وبراكين كان في خلال أشهر قليلة تبني دولة كاملة من جديد وبنية تحتية قوية وتبدأ مصانعها تشتغل .. وتوصل صادراتهم إلى ميناء السعودية وأنت توك تنزّل الكاميرا العنكبوتية من عربة النقل ..
ميزانيتك لو يدري عنها مواطن ياباني أنها مخصصه للنقل التلفزيوني فقط يمكن ينجلط ..
المشكلة لما تفتح اليوتوب وتشوف شغل الشباب (الهواة) ومقاطعهم الخرافية وجهودهم الذاتية تقول البلد فيها مبدعين .. وإذا فتحت قناة البلد الرياضية وشفت الحوسه وشغل البربسه تحس انها قناة ميزانيتها السنوية من دعايات زيت السيارات اللي كل شوي ناقز بنص الشاشه ومغطي الهجمه ومخرب الجو !!
عوافي على المتابعة واسمحوا لي على الاطالة
</center> |
الوضع الشجري
