السلام عليكم ورحمة الله

اول موضوع لي بمنتدى الجمهور واتمنى مايكون اخر موضوع ..

اسجل اعجابي بهذه الشبكه اللي قبل لااكون عضو فيها الان . كنت زائرا يوميا , اقرا المواضيع واطلع على الاخبار واسمع الصوت الهلالي الحر

شبكه متميزه جدا راقيه عالميه .. والان عرفت ليش متميزه

السبب هو [ منتدى التقييم من قبل المشرفين ] .. ماشاء الله هذي خطوه تحسب للاداره ان مو كل من هب ودب نزل موضوع . بل يكون بتقييم من اشخاص ماوضعوا في هالمكان الا هم كفووو


..


يااخوان .. ولد عمي بدر التميمي [ ماراح امدح لانه ولد عمي ] لا والف لا .. وبدون مجامله والله هالولد موهوووب بالفطره

مهارات . قطات . لمسات . سسسرعه مو طبيعيه ماشاء الله

يلعب كل يوم حواري .. وكل مالعب قالو له والله انك موهبه ليش ماتسجل بالانديه


هو هلالي متعصب . واقنعناه يسجل بالنادي ... بالاخير رجع لنا مكسووح


يقول لافيه تنظيم ولا فيه اي شي .. ماغير عيال النعمه اللي مسجلين فيه وعيال الواسطات

وكلهم لامواهب ولا شي .. اسم انهم مسجلين


الولد جانا منقهر ومنكسح .. كان نفسه ينشأ بين لاعبين الهلال ويوصل للصف الاول


خصوصا ان الان عمره 14 سنه . . بس قسم بالله انه موهوووووووب



اذا لعب معنا حنا يالكبار باستراحه ولا بلمعب .. ياهو يحوس فينا ويلعب فينا لعب


وقسم بالله مااقول هالكلام لاني اعرفه وابي اطبل له ... لاني حاس واشوف فيه وبعيونه اللاعب الناجح


يمتلك فكر اوربي ... كل يوم بالعصر يمشي ويهرول عشان يكتسب لياقه وبالليل يلعب حواري


والله انه موهوووووووووووب موهوووووووووووووب فناااااااان ياجماعه الخير


مدري كيف اوصف لكم .... لكن كل اللي اقدر اقوله .. لو ان النادي قبلوه .. كان تشوفون مستقبل رائع لهاللاعب



..



شوفوا لنا حل .. يالامير بندر ذبحونا اللي يشتغلون تحتك كل شي واسطه واسطه واسطه


شلون تبون الهلال يكون له جيل قوي ناشئ متميز . لديه روح الهلال وحب الهلال منذ الصغر

وانتم ماتاخذون الا عيال الواسطات !!!!!!!!!!!




تكفون يامشرفين نزلوا الموضوع لاهميته

والله أنا تحمست معك


يآ مشرفين أنا أطلب بتثبيت الموضوع

صرآأإحه

مشكووووووووور اخوي ,,, كان بودي لو ارفقت لنا مقطع فيديو للاعب الموهوب ,,, ونعطيك الرأي ونقف معك لكي يتم تسجيله,

من يدري يمكن يكون اسطورة الهلال القادمهـ ,,,, كل شيئ ممكن ,,, والله يوفقه يا رب

ومشكوور على اهتمامك اخوي وسلم على ولد عمك ^^

كيف نصدقك؟؟؟ موضوعك بدون فايده الا لو نزلت مقطع للتميمي..والف نعم

اي والله انك صادق .. الواسطاااااات ذبحتنااااااااا

لو تشوفون نتايج الواسطات روحوا شوفوا مستوى الاولمبي ..!!

ان شاءالله رسالتك توصل للادارة

كم لاعب موهوب راح علينا بسبب الواسطات والمجامله والله في لاعبين في الاولمبي ولا حقين حواري وبعدين شف كم دوسري في هذه الفئات تعرف ان الشغل عندنا مجاملة الدليل عيال عطيف سجلو في الهلال وجربهم فتره ولان ما عندهم واسطة قالو ما يصلحون وشفهم بالشباب ما شاء الله

فا نصيحة اذا ما قبلوه وده نادى الشباب

آلله يعطيك العافيـه

وآلله يوفق ولــد عمك

الواسطه هي من جلبت لنا اللاعبين المفلسين وبدون ذكر اسماء سابقا والى الان يتوافدون على النادي

للأسف نفس الحكايه حصلت لولد خالي اللذي ينافس كرستيانو رونالدو بالمستوى على الرغم من صغر سنه

للأسف للأسف

اخوي مو شرط اللي يبدع في الحواري يبدع في ملاعب الثيل

كم واحد تشوفه في ملعب الحاره ابداع واذا لعب في الملاعب المزروعه تورط

بالتوفيق

فعلاً لعيبة الواسطة مشكلة بصراحة

أغلب لعيبة الهلال الناشئين والشباب الخ جايين بالواسطة ولعب أي كلام

يعني ماتشوف لاعب موهوب حقيقي كلهم صناعة مدربين للأسف

كلام صحيح واسطه حتى في المواهب !!

اخوي رائد مسئلت واسطات انا اشهد معك بس بعطيك معلومه بسيطه اذا تبغى ولد عمك يسجل في نادي لاتوديه للهلال ولا للنصر وده للشباب لان الشباب مافيه شي اسمه واسطات قهر وربي صار لي مثل موقفك مع اخوي

والله واسطات الين تعظ الارض
وانا بتكلم عن نفسي

اانا العب كل يوم عصر وعشاء ولاياقتي ممتازه بل قويه
وما بمدح نفسي بس العب

رحت للنادي كرشوني
بعدها عمي يعرف واحد بالنادي
كلمه وقال تم خله يجي بكرا العصر
وانا رفضت

صراحه تعامل النوادي الثانيه احسن من نادي الهلال


تحياتي

المواهب موجوده بس بعد النادي يعتبر عائق لكثير منهم


ساحه حي المنار فيها ثلاثه اخوان مواهب كل واحد ازين من الثاني مايتعدون تلك الساحه فكر كروي عالي مهاره

حسن تصرف

مخ نظيف

كل يقول لهم حرام بهذا العمر الصغير مارتوحون لنادي

فيه اكادميه في حي السلام يتمنون يدخلون معهم بس هم يفكرون فوق

ياليت الاداره تتبرع وترسل كشافه لساحه المنار وتشاهد لعبهم

المواهب كثيره ولكن بعد النادي تذكر انه عائق

الباص ماينفع

بسبب الباص فقد الهلال عام 1423 افضل لاعب في حي النسيم

الكابتن عبد الرحمن الخنين يعرفه

يوم كان مشرف علي المدرسه


بسبب البعد هجر الكوره

وكثير هجر الكوره

ومن و قريب من النادي صبر


شاهد اغلب الاعبين تجدهم جنوب الرياض وفي غربه بسبب قرب الناي منهم


وشرق الرياض مهمل من اكادميه تخدم الهلال وتدعم المدرسه

والمواهب بسبب قل الملاعب تختفي بسرعه لعدم وجود كشافين يهتمون بذلك