|
لن يتم تسجيل اي لاعب في الفتره الشتويه ...! السلام عليكم ورحمه الله وبركاته :rose: مساء / صباح الخير لجميع الاخوه :ba: وكل عام والجميع بالف صحه وسلامه وتقبل الله من جميع المسلمين والحجاج والمعتمرين وان يردهم سالمين غانمين اخواني لاحظت كثره المواضيع والمطالبه بلاعبين من انديه اخرى للتعاقد معهم هذا يريد شهيل والاخر يقول معاذ شارف الدخول على الاشهر الاخيره واخر يقول نبغى ياسر الشهراني ويطلع موضوع يقول نبي اليامي وهناك يطلبون عقيل بالغيث ...... والخ انا من وجهه نظري عدم الدخول في اي مفاوضات مع اي لاعب من اي نادي اخر ومن لايريد اللعب مع الهلال ويفكر بالعروض المقدمه فـليغادر من النادي الابواب مفتوحه لا نريد لاعبين هذا يراوغ ويماطل مع الاداره والاخر يتكلم حتى يتوصل الى اعلى عرض يقدم له ويقول انه لا يوجد اي ولاء للنادي واذا كان هو ليس لديه اي ولاء فـمن باب اولى ان لا يواليه النادي وهو من وقف معه وكل ما قلته هذا واطالب فيه لـ استقرار الفريق وانسجام اللاعبين فيما بينهم ويكون التفكير منصب على مصلحه النادي لماذا دائما ننظر ما عند الغير ولا ننظر ما عندنا لماذا لا ننظر ونهتم في لاعبينا ابناء النادي بالاولمبي وهم من افضل واروع مايكون وفي جميع الخطوط من الحراسه حتى راس الحربه وهم من افضل اللاعبين على مستوى المملكه والاعتماد عليهم واعطاءهم الدعم والثقه وتطورهم وصقلهم للفريق الاول وسد الخانات لخلق الروح بالفريق لعده اسباب راح اطرحها ومنكم من يوافقني ومن يخالفني كثير اولا : 1- ان الهلال اذا اراد ان يتفاوض مع لاعبين من انديه اخرى يتضاعف المبلغ الى ثلاث اضعاف ودخول انديه في المفاوضات لمجرد التخريب ورفع السعر وهذه خساره للاموال للفريق وتجعله يدفع مبالغ باهضه تحت ضغط الجمهور لمن يطالبون بهذا اللاعب 2- الفريق الاولمبي يضم لاعبين اجزم واحلف وابصم انهم لو كانو في انديه اخرى راح نطالب بهم وضمهم 3- اللاعبين ابناء النادي ما يكون في اي مشكله اثناء التجديد او توقيع العقود معه والشواهد كثيره 4- اللاعبين ابناء النادي ما راح يطالبون بمبالغ كبيره وارهاق خزينه النادي لانهم هم من اتو وسجلوا في الهلال والشواهد كثيره 5- ولاءهم اكبر وتفكيرهم بمصلحه الهلال هي الاهم والشواهد كثيره 6- من اتى للهلال بفلوس راح يترك النادي اذا اتاه فلوس اي عرض اكبر له من اي نادي ويمكن لمسنا هذي المشكله 7- ان الاعتماد على لاعبين من ابناء النادي الصغار راح تعيد الروح التى اضرت بالهلال في اغلب السنوات السابقه 8- ان اغلب ما نطالب فيه المنطقه الحلفه وهي الاظهره ومنطقه الدفاع وهي الاقوى بالاملمبي او لاعبيننا الصغار وهم شافي وعبدالله الدوسري ورضوان الموسى وسلطان البيشي راح ير علي احد ويقول صغارين انا اقوله الاحتراف باسبانيا من سن 18 سنه وفي انكلترا من سن 16 سنه ممكن يرد علي احد ويقول ما عندهم خبره شي طبيعي ما عنده خبره لطالما انه لم يلعب فمتى ما لعب بدا يكسب الخبره ويكسبها بسرعه اذا اعطي الثقه ودعمناه وبالاخير اذا كان عقيل بالغيث ناديه يطلب فيه مبلغ 11 مليون اجل رضوان الموسى وعبدالله الدوسري كم يسوى ..؟ واذا كان ياسر الشهراني يطبلون فيه مبلغ 15 مليون تقريبا اجل شافي الدوسري وسلطان البيشي كم يسوى ..؟ هذي وجهه نظري واتمنى عدم تسجيل او جلب اي لاعب من خارج النادي الفتره القادمه والاعتماد على ما عندنا وصقلهم لـ استقرار الفريق وتكوين فريق لا يقهر باذن الله لعشر سنوات قادمه باذن الله تحياتي للجميع |
اتفق معك في ضرورة منح الفرصه للجميع ولكن منطقة الظهير الايمن مشكله ولابد على الاداره من حلها اما من يطالب بقلب دفاع او ظهير ايسر او محور ولاعبي الهلال هم الاساسيين في المنتخبات فهذا لتشتيت الانتباه عن نقطة الضعف الرئيسيه وهي الجهه اليمنى اما بقية المراكز فبالغالب جيده شكرا لطرحك |
كلامك جميل اخوي - لي عوده .. |
اضعف مافي الهلال الاظهره \ القلوب ممتازين |
صادق سلطان البيشي بالذات مظلوم..دفاعي هجومي متوازن وجسمه قوي ما شاء الله ظهير أيمن لو أعطي الفرصة بيبرز بروز كبير بس وين اللي يسمع وبرضو شافي الدوسري انا من ناحيتي ودي نتعاقد مع قلب دفاع..حتى لو ما راح هوساوي ومحور دفاعي إذا أمكن فقط شكراً لك |
نعم الروح توجد في ابناء النادي اكثر مع العلم ان اللاعبين الاجانب لديهم روح افضل واكثر من المحلييين الذين اتو من خارج النادي والشواهد كثيرة رادوي ويلي تفاريس واذا اراد الزعيم ان يأتي بلاعب من خارج النادي اتمنى ان تكون لدى اللاعب رغبة في النادي اكثر من رغبته في المال وايضا الابتعاد عن الاندية التي تحاول الاستغلال ولنا في الاتفاق والقادسية مثال فرؤساء انديتهم عبارة عن مرتزقة لو الهلال اخذ الغامدي حق القادسية بكم راح يكون ....... عشرة مليون النصر اخذه بمليونين |
اذا كان هناك لاعبين مميزين وافضل من في الاولمبي مالمانع من مفاوضتهم |
درر و عسل ينقط من لسانك ياعسل كلامك لو يطبق نصه كان ارتحنا |
والله الزعيم فيه مواهب كثير واتمنى من الاداره استغلالهم افضل من تجلب لاعب ربما لاينجح واتمنى التوفيق للهلال سلمت اناملكــ خيوو على الطرح المميز |
كلامك جميل اخوي - لي عوده .. |
### كلآم جميل يعطيك العافية * |
إقتباس:
شكراً لك من القلب على الكلام الذي بصراحة يدور في فكر أكثر جماهير الزعيم |
الله يعطيك العافية أخوي صادق بكل كلمة قلتها .. وانا معك فرأيك شـاكر لك |
عوآفي آخوي ... صدقوني مو محتآجين لاعبين إذآ لآعبينآ تحملوى آلمسؤليه |
كلااااام سليم والله الاولمبي فيه مواهب كثيره |
| الوقت المعتمد في المنتدى بتوقيت جرينتش +3.
الوقت الان » 01:46 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd