كم واحد فيكم يتذكر يوم قال طارق التائب ( الادارة الهلالية ماتقدر تستغني عني ) الله يالدنيا والحين وينه ؟!! - نادي الهلال السعودي - شبكة الزعيم

مصقوع بقدر · #1 04/11/2011, 08:43 PM

اول شيء وقبل اي نقاش السلام عليكم
ومسائكم الله بالخير معشر الزعماء
وكل عام وانتم بخير وصحة وسلامة

بتكلم في 3 نقاط سريعه لان خير الكلام ماقل ودل

النقطة الاولى
تتذكرون اللاعب طارق التائب لما مرة صرح وقال للمذيع في القناه الخشبية الادارة الهلالية ماتقدر تستغنى عني ؟!
تذكرون والا لا!! كان المذيع يسأله يقول تتوقع انك انت اللي رح يستغنون عنك ! وكان رده ان الادارة الهلالية ماتقدر تستغني عني.. واذكر ان فيه اعضاء فتحوا موضوع وعلقوا وقالوا خير وش يحس فيه ..الهلال مايوقف على لاعب..
بعد تصريحة لما انتهى الموسم استغنى عنه الهلال لان كان المدرب الجديد جريتس وقال انه لاعب استعراضي مايخدم في الخطة وطبعا طارق راح للشباب ..ومايعتبر نجح بوجه نظري ..والحين في الكويت...
الزبدة مانبغى اي لاعب يتطاول على النادي ومن اول تصريح له نطرده والله ثم والله لو سكتو عنه راح يزيد معليش اللي مايحب الهلال لا يلعب فيه الهلال غني عنه ناس بالملاييين تتمنى تلعب مجاناً وانا اولهم انا خوفي اذا سكتنا عن واحد ومشينا يجي الثاني وبكرة يطلع ثالث الخ ..وصلت الفكرة.هل هناك تأييد ..؟!!

النقطة الثانية
اتمنى رجوع وليهامسون بصرراحة مرة الهلال متأثر من عدم وجوده كان اكثر اجنبي يخافون منه الفرق كان مشاكس يلعب على الاطراف ونقلاته حلوة ياعالم وانا اتخيل الحين وليهامسون مع العربي او الكوري رح يكون اهجوم فظييع وخاصة انه يحب الهلال ومستعد يلعب مب مثل رادوي والكوري سحبوا علينا ..انصفوا وليهامسون ولو لمرة ..هل هناك تأييد ..؟!!

النقطة الثالثة والاخيرة
الامير عبد الرحمن بن مساعد رائع والله ماقصر مع الهلال ولو اتكلم الييييين سنين مارح نوفيه حقه بس زعلت لما صرح انه يرشح نفسه للرئاسة ليش !
الحين لازم يكون فيه تنافس قوي بين رؤساء الهلال يكون العطاء اكبر واكبر لكن لما يجلس رئيس 8 سنوات مارح يكون بمثل عطاء اللي بعده لاني اشوف 4 سنوات كافيه للحكم على فترة الرئاسة اهو نجح نجاح مبهر وممكن يكون افضل رئيس مر على الهلال ..لكن اعطووا الفرصة للاخرين ربما عندهم حاجات افضل واقوى هل هناك تأييد ؟!

وشاكر لكم مروركم على الموضوع ..
بالتوفيق للزعيـــم

وكل عام وانتم وبخير
وتذكروا الاختلاف لايفسد للود قضية
تحياتي