نادي الهلال السعودي - شبكة الزعيم - الموقع الرسمي - ان شاء الله تكون شفت المباراه يا رئيس

اتمنى يكون عبدالرحمن بن مساعد تابع مباراة السد و جيونبوك ويتابع مثيلاتها من المباريات النهائيه

ويحاول يعرف كيف هذه الفرق تمكنت من الوصول الى مالم يصل اليه الهلال بالرغم من فارق الصرف الرهيب بين الهلال وغيره.

مامادو نيانج اللي تعب جيريتس و هو يطلبه

وعبدالقادر كيتا اللي اغلب الجمهور الهلالي كان يتمنى يشوفه في الهلال يقودون السد للبطوله

ما ننسى أن السد فريق لا يتواني في التعاقد مع اللاعبين المحليين القطريين و لا يدعي المثالية مهما كان.

لن نفاوض اي لاعب قبل دخوله فترة ال6 شهور

أجل بالله عليكم فيه فريق عاقل و كبير بيترك لك لاعب ممتاز يدخل في فترة ال6 الشهور؟

هو فريق واحد ما في غيره.. الهلال ......... بيترك هوساوي و بيترك الفريدي و و و و و

شفنا شهيل و وليد عبدالله كيف وقعوا للشباب بدون أذية ولا وجع راس .. واحنا رئيسنا يجيب وجع الراس لنفسه ويقول ليه الاعلام يتدخل في شؤوننا وليه التركيز علينا و ليه وليه

بالعقل اللي يترك باب بيته مفتوح الناس بتتطفل عليه.

ياسر الشهراني يتمنى الهلال , حسن معاذ راح يدخل ال6 شهور عن قريب

ياخي خلك مثل اللي يفرون راس هوساوي و الفريدي واللي فروا من قبل راس الدوخي و الغشيان و العويران و و و و وضبط اللاعب وخله يماطل الى ان يدخل ال6 شهور

اذا بتجلس على مثاليتك فالفريق ما راح ياخذ خطوه وحده قدام.

من المفترض ان الصفقات المحليه حقت يناير تم الانتهاء منها بشكل كبير من الان, لا تقولون يناير باقي عليه كثير, الشق اكبر من الرقعه, المرشدي و نامي و الزوري و خيرات و هوساوي ما راح يفيدون الفريق بشئ في آسيا.

ايه اعتقد انك سمعتني نعم آسيا, لا تحاول تكذب على الاعلام و تقول ان لك اهداف كثيره غيرها, لانك كشفت نفسك بنفسك من أول ما مسكت الفريق, آسيا فقط ما نريد

ياخي اذا عندك الفلوس لا تضيعها على الملعب و شكل المكاتب واللزق اللي حول النادي و الخرابيط الثانيه, الهلال جاب اسيا بمقر أقل ما يقال عنه عادي وقديم

ذوب اهان اللي هزمنا رايح جاي ما اعتقد انك تقدر تدخل مقرهم, خل عندك اولويات ووفر الفلوس للفريق الأول لكرة القدم, بلا بطولات تنس و كاراتيه و طايره ماحد بيدري عنها.

السد اللي كفخناه في قطر بعدها بسنه انقلب حاله و جاب آسيا (في سنه وحده بس) مب انت تجرب و تجرب و تجرب مره اجانب اوروبيين بعدين اجانب افريقيين الله يستر بعد سنتين اجانبنا من تشيلي و فنزويلا.

الموضوع واضح و لا يبي له نقاش

-جب أجانب صح (ولا تقول لي بناء لان الاجنبي الممتاز مب دافن نفسه سنين عندك و اخرتها بيمشي فجيب اللاعب اللي يبدع من البداية مثل ما صار مع نيانج و بلحاج و كيتا)

-اي لاعب مميز قبل ما يدخل ال6 شهور باكثر من شهر المفترض الاتفاق معاه خصوصا عن طريق لاعبينا الدوليين في معسكرات المنتخب

-اي لاعب مميز في فرق القادسيه و الوحده و الاتفاق و احنا نحتاجه نفاوضه و نجيبه باي طريقه

-طبيب نفسي و يفضل يكون غير سعودي متفرغ للعمل في النادي, عمله فقط لخدمة الفريق, لاعبينا يدخلون الملعب ينفضون.

الهلال منذ ان تم تطبيق النظام الجديد في البطوله لعب 6 مباريات مصيريه تحدد التأهل من الخروج وأنا أتكلم عن مباريات يحدد مصير الفريق بانتهاءها يعني ما نتكلم عن المجموعات و لا مباريات الذهاب في خروج المغلوب

2007 الوحدة الاماراتي في الرياض : تضييع ضربة جزاء ارتباك واضح تضييع فرص كثيره و في النهايه الخروج مع ان الفريق ادى بشكل ممتاز في الذهاب و لكن (الذهاب ليست مباراة تحديد مصير و الضغط فيها اخف)

2009 أم صلال القطري في الرياض : من اسوء ما قدم الهلال, فريق بدون تاريخ و بدون امكانيات سير المباراه كما يشاء

2010 بونيودكور الاوزبكي في الرياض : و لأول مره في النظام الجديد للبطوله الهلال يتجاوز مباراه تحديد المصير بنجاح

2010 الغرافه القطري في الدوحة : فريق مفكك و الهدف دخل من اول دقيقه , برود و توهان وخساره كبيره ولم ينقذ الهلال الا (أداؤه المميز في مباراة الرياض و التي لم تكن مباراة تحديد مصير)

2010 ذوب اهن في الرياض : ببساطة الفريق لم يقدم اي شئ (مع انه قدم اداء رائع وسط نقص كبير في ايران و لكنها لم تكن مباراة تحديد مصير لذلك الهلال ابدع فيها لقلة الضغط)

2011 الاتحاد في جدة : عبارة عن مسخرة

اذا في 6 مباريات الهلال فاز في مباراه مصيريه واحده أمام بونيودكور و خسر 5 مباريات 3 منهم في الرياض (كما قلت لن نتكلم عن مباريات الذهاب لانها ليست المباراه التي قد تنهي المشوار او تحدد التأهل, التركيز على مباريات الضغط الكبير)

اتضح ان الهلال لديه مشكله نفسيه, و الاداره الى الان لم تفكر في هذا الموضوع

نبي اللاعبين هادين و مرتاحين في الملعب, نبي اللاعبين ما يخافون, نبيهم اسود و ياكلون الكوره قبل ما تجي, شوفوا السد و تذكروا الاتحاد من قبل كيف كانوا اللاعبين وحوش قدام الكورة.

اعرف اني طولت لكن هذا ما في خاطري و اتمنى ان ما يجي احد و يقول ما علينا من مباراة اليوم, يجب علينا التعلم من تجارب الاخرين و معرفة اسباب نجاحهم (مع عدم قناعتي بقوة السد كفريق بطل خصوصا انه تاهل بقرار اداري امام سبهان لكن يكفي فوزه مرتين في كوريا)