إقتباس الرسالة الأصلية كتبت بواسطة المستحيل20 معليش مشكلتنا مع اسيا ليست فنية .. وليست عناصرية .. الهلال مشكلته مع اسيا نفسية والحظ يلعب فينا لعب .. تقول جب اجانب صح << كان ولا زال الهلال يملك افضل الاجانب .. ولكن اللاعبين يبي لهم شغل نفسي فالمباريات المصيرية في اسيا ..

مين قال أفضل الأجانب؟


ويلهامسون؟ عطني مباراه كبيره و صعبه فرق فيها ويلهامسون؟ ضيع بلنتي و ضيعنا معاه و شاطر ينتف في الوحدة و النصر, حتى الاتحاد ما ابدع امامهم الا في مباراة ال5 اللي الاتحاد كان فيها تعبان


قدام أم صلال ما شفناه, قدام الغرافه مباراتين لا حس و لا خبر قدام ذوب اهن ما سوى شئ.




رادوي؟ على ان الافضل الا انه يتنرفز و راعي مشاكل و لا نقول اننا مستهدفني تراه مع العين في ثاني مباراه اخذ له ايقاف مباراتين؟



لي يونج؟ اكثر من مره قلت ان ضعف الخانه عندنا خلانا نشوفه نجم, يبدع طول البطوله و ينطرد في أهم مباراة

إقتباس فعلاُ تأكدت ان ابن آدم ما يملى عينه الا التراب .. الي يشوف السد كيـّر الخصوم وفاز بـ جداره .. فاز على الشباب بهدف ظلم باليد .. وفاز على الايراني بخطأ إداري .. ونصف النهائي فاز فوز غير شريف .. والنهائي بلنتيات .. 4 كور في القوائم .. والله الحظ يمشي معهم

هذا الرد ابى السبيكه الي كاتب الموضوع
شف مسيرة السد وتعرف وش معنى حظ مو الهلال الي كل كل ماوصل أخذوا لعيبتنا وبعد اللحين انت عاجبك نيانغ وكيتا. نيانغ ماسوى اي شي وكيتا الظاهر اول مره يسجل اللاعب الي عليه الكلام نذير بالحاج

.

لا تقولون دفاع و هجوم, ترا الرئيس ينخرش له بسرعه سنه يبينا اقوى هجوم و سنه يبينا اقوى دفاع, بعدين ليه نصبر؟؟ فريق أبوه مثلا؟ ترى هذا فريق الشعب و الشعب يبي نتائج, احنا مب قاعدين في بيته او نشجع ناديه عشان يقول لنا اصبروا.


واذا مب قادر على النتائج ترى فترة رئاسته تنتهي بهالموسم خله يستقيل ويفكنا.


وعلى فكره الى الان ما سوا اي شئ يفوق الذي عمله محمد بن فيصل اللي ما كان يدفع حتى 5 % سنويا من اللي يدفعه بن مساعد, بالعكس محمد بن فيصل انجازاته تفوق بن مساعد بتحقيق الثلاثية التاريخية.


لا تقولون لي منشآت و ملاعب و خرابيط, المنشآت ما تهمنا و الملعب عباره عن حلم لأخوه الكبير اللي ازعجنا فيه و شكلها مب صاير على ارض الواقع, و الباقي طراطيش كلام لا يودي و لا يجيب. ليته يتم عضو شرف (داعم لجميع الادارات) مع ان سابقا ما كان يدعم الادارات السابقه و يترك الرئاسه لمن هم اجدر منه و من هم يرمون بالاخلاق و المبادئ و الكلام الفاضي خلف ظهورهم لان بالعربي الكوره ما تبي الا كذا



عبدالرحمن بن مساعد وضع نفسه في المكان الخطأ

قسم بالله كلامك على الجرح وصدقت في كل كلمه قلتها
المفروض من اميرنا الاهتمام على الاعب المحلي
اتمنى ان الامير يفاوض حسن معاذ من طرق اخرى
نفس الفرق الي تتفاوض مع الفريدي وغيره

السد تأهل باحتجاج وهدف لا اخلاقي و120 دقيقه مضغوط ومتراجع عند بابه وبتوفيق رب العالمين حقق الكأس ..
ولكن مبروك له كفريق عربي ..

إقتباس الرسالة الأصلية كتبت بواسطة جاكور10 هذا الرد ابى السبيكه الي كاتب الموضوع شف مسيرة السد وتعرف وش معنى حظ مو الهلال الي كل كل ماوصل أخذوا لعيبتنا وبعد اللحين انت عاجبك نيانغ وكيتا. نيانغ ماسوى اي شي وكيتا الظاهر اول مره يسجل اللاعب الي عليه الكلام نذير بالحاج

السبيكه اللي يتكلم بدون أدلة و براهين



كيتا سجل 6 أهداف في البطوله

نيانغ 3 أهداف في البطولة ( مع العلم انه ما شارك الا من دور ال8 هالموسم فقط يعني 3 أهداف في 5 مباريات)

المصدر : كووورة

أما موضوع اخذوا لعيبتنا ماحد خذ لعيبتك كل سنه نلعب بالفريق كامل و ننلخم في آخر مباراه و ينزلون اللعيبه يتنافظون, كل سنة نفس الكلام نعفس الدنيا بآخر مباراه

إقتباس الرسالة الأصلية كتبت بواسطة عاشق شرهمك فعلاُ تأكدت ان ابن آدم ما يملى عينه الا التراب .. الي يشوف السد كيـّر الخصوم وفاز بـ جداره .. فاز على الشباب بهدف ظلم باليد .. وفاز على الايراني بخطأ إداري .. ونصف النهائي فاز فوز غير شريف .. والنهائي بلنتيات .. 4 كور في القوائم .. والله الحظ يمشي معهم

يا خوي والله ان الكل يدري ان السد فاز بالحظ

بس هل يعني اذا السد فاز بالحظ نجيب مدرب فاشل و اظهره ضعيفه جدا
و نقول يمكن نفوز بالحظ !

جهز فريق مجنون دفاعيا و هجوميا
و توكل ع الله ، و بإذن الله البطوله لك

يله يله تنتيف يله المندسين ظهروا اجل السد كويس ويجن ان نحتذي فيه ههههههههه. جمهور اخر زمن ورعان

يآآ عمي فريق مآ كآن يفكر في البطولة و يلعبون بدون ضغط ومشت معاهم وصلو النهآئي بالرغم من خسارتهم رايح جاي بس
القرار الاداري،،، الفريق الكوري لم يخسر اي مباراه في هذي البطولة ومع ذلك لم يحققهآآ ،، هناك فقط اقولك الحظ هو من جلب البطولة
فـ الفريق الكوري عمل عمل جبآآر في هذه البطولة لكنه لم يوفق ،، ايضاً الهلال الموسم قبل الماضي لكنه لم يوفق
المسأله توفيق من رب العالمين

قريت الموضوع والردود ثلاث مرات وطلعت بنتيجة وحده

الله يهديك

اول شي كل عام وانتم بخير
ثاني شي مبروك للسد واهل قطر الفوز

ثالث شي ياخوي
كــلامك عجبني

الهلال راحت هيبته و صار كل من هب و دب يفاوضون لعيبته ..

الله يرحم ايام محمد بن فيصل جاب ياسر القحطاني غصب عن منصور البلوي و اللي معه

الفرق بينهم عبدالرحمن عقل و مال و مثاليه و محمد بن فيصل مال و بدوم مثاليه و كان يحتاج بس لفكر و لشخص يساعده مثل عبدالله بن مساعد

إقتباس الرسالة الأصلية كتبت بواسطة عاشق شرهمك فعلاُ تأكدت ان ابن آدم ما يملى عينه الا التراب .. الي يشوف السد كيـّر الخصوم وفاز بـ جداره .. فاز على الشباب بهدف ظلم باليد .. وفاز على الايراني بخطأ إداري .. ونصف النهائي فاز فوز غير شريف .. والنهائي بلنتيات .. 4 كور في القوائم .. والله الحظ يمشي معهم

إقتباس الرسالة الأصلية كتبت بواسطة ريان روما يااااااااااااااااااارب السنه الجايه نشوف الهلال بالمباراه النهائيه واشوف الشلللللللهوب رافع الكاس ياربببببببب :‘(

إقتباس الرسالة الأصلية كتبت بواسطة صاروخ ريفالينو وأنت شايف الأمير عبد الرحمن بن مساعد يلعب بالفلوس لعب أو ما يفهم تعاقدات أو تطوير فريق أو وضع منهجية لإدارة الفريق حتى تطالبه بلاعب ولاعب ....!!! وش الضمان اللي عندك أنه لو جلب هذين اللاعبين بيفوزون !!!! أمركم غريب وكأنكم ما تشوفون الصورة كاملة لأزمة رياضتنا السعودية واللي يتضرر منها الهلال بحكم أنه فريق مجتهد وفيه إدارة تحترم نفسها وعملها يا حبيبي قطر تطورت كروياً وتقول ...... جيب لاعب ود لاعب كل نادي له ملعب رغم أنك في بلد عدد السكان قليل جداً ومع ذلك يبنون ملاعب لأنهم مأخذين الأمور جد ..... متعاضدين فيما بينهم ، وليست الحمى الصفراء المنتشرة من الرأس للقاع وإعلام قذر يتهجم على أشخاص ولا حسيب ولا رقيب بل داعم من تحت لتحت أسألك وين تخصيص الأندية .......!! اللي مضيق عليها ، لو الهلال تم تخصيصه سيكون حاله أفضل بكثير وسينقلب لخلية نحل ، هذا وهو حالياً في وسط ظروف وسطنا الرياضي السيء .............. وين نظام المسابقات والتنظيم مثل قطر ،،،،،،،،،،،،،،،،،،،،،،!!!!!! وين الملاعب في بلد مثل القارة !!!! ما ضيع كرتنا إلا تعليق الشماع على مدرب أو لاعب ، وصرف الإنتباه للفساد الإداري والتنظيمي لمسيري الرياضة السعودية !!!! وعندكم أولمبياد الخليج فضحتنا ..............!!!! ثم آسياً ..... مقسمة لجزئين دوري المجموعات ودور الستة عشر ثم فترة توقف لفرق غرب آسيا استعدادا للموسم الجديد ...... وبعدها الأدوار النهائية

إقتباس الرسالة الأصلية كتبت بواسطة relaxo جب لنآ اظهرة زي النآس وصعدوا شافي وسلطان البيشيُ ودخلوهم جو المباريات الكبيره نآ‘ميً يلعب بالبركه والفزعه يآخي مو معقول لاعب وسط وترجعه يلعب ظهير فزعه ياخي انت نادي كبير عآجز تجيب ظهير الزوري هل هو في مستوى الهلال يوم انكك متمسك فيه ومخليه اساسي ؟؟ تعبنآ وحنا نتكلم والف مبروك للسد ويستاهلون الخير

إقتباس الرسالة الأصلية كتبت بواسطة المستحيل20 معليش مشكلتنا مع اسيا ليست فنية .. وليست عناصرية .. الهلال مشكلته مع اسيا نفسية والحظ يلعب فينا لعب .. تقول جب اجانب صح << كان ولا زال الهلال يملك افضل الاجانب .. ولكن اللاعبين يبي لهم شغل نفسي فالمباريات المصيرية في اسيا ..

إقتباس الرسالة الأصلية كتبت بواسطة Hilaliah Forever ! ^^^^^^^^^^^^ يعطيك العافية على الرد^^^^^^^^^^ عفوا , ما تعودنآ على ذا الأسلوب !!؟ لو سمحت إذا تبي تطلب اطلب بأدب ولا لا تطلب الله لا يهينك !! وسبيت وقطعت ابوو اللعيبة بـ هالموضوع ؟ كيف تبيهم يتطورون من بعد ذا الكلام؟ والردود على المدرب !! عسى ما شر بس؟ وش قال الأمير ؟ قال اصببروا الصبر ثم الصبر !!!! بالله عليكم انتم تشوفون الفرق بين قطر والسعودية ؟ هناك جو مهيئ , لا إعلام يهاجم ولا حمى الاأصفرين على ما قالوا , اتمنى تستخدم ألفاظ افضل من كذا , لأن لو عبدالرحمن بن مساعد شاف موضوعك , بينبهر !! هذا تفكير جمأهيرنا؟ بالتوفيق للزعيم

إقتباس الرسالة الأصلية كتبت بواسطة هلال اسيآ . صدق من قال ان الدنيا حظوظ بالله من كان متوقع ان السد بيوصل للنهائي و بيحقق الكاس ؟ مافي اي مقارنه بين السد و بين الهلال لا من ناحية اسماء و لا جمهور و لا تاريخ نرجع لمحور حديثنا .. انا مستغرب من كلام الرئيس و سامي ( نحن الان في مرحلة بناء ) اللي يسمع كلامهم و هو ما يعرف الهلال و الدوري السعودي يقول هذا نادي توه طالع لدوري زين او نادي صار له 10 سنوات ما حقق بطوله يا عالم الهلال هو بطل الدوري و بطل الكاس لسنتين ع التوالي و الهلال وصل لنصف نهائي اسيا 2010 و دور الـ 16 2011 الهلال دائما يكون من ابرز المرشحين للحصول ع البطوله الاسيويه بالله وش هالبناء ؟ الفريق يحتاج مدرب صاحي و اظهره مجنونه و احياء الروح في قلوب اللاعبين و انتهينا وش اللي بناء و ما بناء !

إقتباس الرسالة الأصلية كتبت بواسطة شيسكوب يآآ عمي فريق مآ كآن يفكر في البطولة و يلعبون بدون ضغط ومشت معاهم وصلو النهآئي بالرغم من خسارتهم رايح جاي بس القرار الاداري،،، الفريق الكوري لم يخسر اي مباراه في هذي البطولة ومع ذلك لم يحققهآآ ،، هناك فقط اقولك الحظ هو من جلب البطولة فـ الفريق الكوري عمل عمل جبآآر في هذه البطولة لكنه لم يوفق ،، ايضاً الهلال الموسم قبل الماضي لكنه لم يوفق المسأله توفيق من رب العالمين

الصراحه ردود جميله جدا آ, وكلها اوافق عليها

لكن الرئئيس مكلوف بعدة ألعب وليس لعبة وحده ,

الشي الثاني المدرب يبغى يعود اللاعبين على لعبة اللامركزية , \

بمعنى ثاني يبي يخلي الهلال زي برشلونه !

بنصبر عليه ,

البعض قال صعب الهلال يحقق كل شي لازم يركز على شي معين ,

فمو مشكلة نضحي بمباريات الدوري وولي العهد لحتى مايبدا كاس اسيا بعد 5 شهور = = )

الف مبروك لنادي السد ويستاهل فريق يلعب بروح وقتاليه وهذا ماينقص الهلال