ماذا يبحث الرجل في زوجته المستقبليه او المرأه بشكل عام ,, بكل صراحه اطرح رأيك - صفحة رقم 3 - نادي الهلال السعودي - شبكة الزعيم

HILALYA ]~ · #31 06/11/2011, 01:05 AM

.

هي معادله عكسيه < ض1 ..
في الغالب الشيون ياخذون جميلات ض1 ، والجميلين ياخذون شينات ض1 ..
فاللي عندنا هنا الله رزقهم وبيرزقهم بجميلات

..
بس الاسف على بناتنا ;( ض1 ..

الراقي 20 · #32 06/11/2011, 02:04 AM

إقتباس

الرسالة الأصلية كتبت بواسطة HILALYA ]~


	. هي معادله عكسيه < ض1 .. في الغالب الشيون ياخذون جميلات ض1 ، والجميلين ياخذون شينات ض1 .. فاللي عندنا هنا الله رزقهم وبيرزقهم بجميلات .. بس الاسف على بناتنا ;( ض1 ..

كلام جميل وفعلا انا ملاحض الشي هاذا فعلا معادله عكسيه

AbdulRahman bin Mohammed · #33 06/11/2011, 02:34 AM

اتمنها

دينيه

قميله اوي اوي اوي

الاخلاق مضبووووووووووطه

قريبه لعمري

يسووووووف · #34 06/11/2011, 02:57 AM

اكيد انا كرجل ابحث عن الجمال لكن ما فائده جمال بلا دين .
اي مما لا شك ان الدين له النصيب الاكبر , يعطيك العافيه .

هلآلية شمر · #35 06/11/2011, 04:00 AM

إقتباس

الرسالة الأصلية كتبت بواسطة HILALYA ]~


	. هي معادله عكسيه < ض1 .. في الغالب الشيون ياخذون جميلات ض1 ، والجميلين ياخذون شينات ض1 .. فاللي عندنا هنا الله رزقهم وبيرزقهم بجميلات .. بس الاسف على بناتنا ;( ض1 ..

يالباك انتي بس

وربي صـآدقه وبعضهم ياقلبي جميلات حنا نخق معهن ومـآلهن حظ ويا ازواجهم

عاد ويطلع الزوج شين بعد ودك تكفخينه

صرآحه صـآدقه بناتنا وش زينهم يهبلون و مصيرهم ياخذونهم هالشيون ذول

ولا يتشرطون بعد

!!

LIVERPOOLISTA · #36 06/11/2011, 06:15 AM

إقتباس

الرسالة الأصلية كتبت بواسطة Eman -al saad


	. . . . والسؤال المهم هنا هو ؟ : شفتوا وجيهكم بالمرايه قبل ماتسردون الشروط المهم تواجدها بالزوجه المستقبليه ولا الرجال مايعيبه شيء ؟؟

وش فيتس يا مثقفة شوي وتصيحين ؟

(ايه شفنا وجيهنا .. واكتشفنا انها تجيب البنكرياس وسرطان الثدي واحتقان بالرئة وايدز ومواد كيميائية بعد ..)
مع ذلك .. نتمنى وحده جميلة .. انتي وش تبين ؟

ايه نسيت ..

ابيها جميلة وديّنه . ولا ابي تفكيرها سطحي و ودها تهاجر وتتركني لحالي .

(للي موب ليبراليين)

رائد التميمي · #37 07/11/2011, 01:01 AM

إقتباس

الرسالة الأصلية كتبت بواسطة أوَار


	حسناء فاتنة الجمال مبهرة جميلة أخّاذه تبي تتقطع من النعومة! وهم ... لا تعليق لله دركم .

عاد تصدقين كل الي ذكرتيهم بوحده عندي

رائد التميمي · #38 07/11/2011, 01:04 AM

إقتباس

الرسالة الأصلية كتبت بواسطة LIVERPOOLISTA


	وش فيتس يا مثقفة شوي وتصيحين ؟ (ايه شفنا وجيهنا .. واكتشفنا انها تجيب البنكرياس وسرطان الثدي واحتقان بالرئة وايدز ومواد كيميائية بعد ..) مع ذلك .. نتمنى وحده جميلة .. انتي وش تبين ؟ ايه نسيت .. ابيها جميلة وديّنه . ولا ابي تفكيرها سطحي و ودها تهاجر وتتركني لحالي . (للي موب ليبراليين)

ههههههههههههههههههههههههههههههههههههههههههههههههههههههههههه

ياخي انت تعجبني والحمدلله رديت عليها قبل لا ارد انا

والاخت عشان ماتزعل شكلي بنزل موضوع عن مواصفات المرأه لرجل احلامه

واكيد كل البنات بيذكرون المواصفات الخياليه , معضل , شعره ناعم , بوهته حلوه , طويل , اسمر ( هذي لازم )

عاد رد عليها انت وقلها شف وجيهكم

بنوتة**هادية^_^ · #39 07/11/2011, 01:23 AM

احنا نقدر نتحكم بقراراتنا ..بالرقبول او الرفض ..
بس مانقدر نتحكم بنصيبنا ..
المكتوب ومقدر علينا بناخذه..
....

يابنات وياشباب الحياة الزوجيه ماهي سهله ..
كل واحد فيكم ( بنات وشباب) قبل مايقرر يتزوج .. يسأل نفسه..
هل عندك قدرة على تحمل المسؤلية ؟!
بيت - وزوجـ/ـة - واولاد !!

وربي يوفق ويرزق الجميع ..

NeNo-511 · #40 07/11/2011, 01:54 AM

أهمــــــــــ شيء عندي

بصرآآآآآحة

أنهآآآ تكون واعيه بالدنيا وما فيها وما تكون مفهيه .
ومن ثم الجمال والدين شيء لابد منه

من ناحية الوعي >> أقصد أنها ما تتأثر بالمسلسلات خاصة التركيه
تهتم بعيالها وفيني طبعآآ وكمان تكون مثقفه وعندها اللغه E
وما تكثر سمرات مع النسوان إلخ .

ملاحظة / عدم وجود الوعي بين الزوجين أحد أهم أسباب الطلاق

وشكرآآآآآ .

فتـى بريده · #41 07/11/2011, 02:54 PM

مــوضـوع جداً ممتـاز لـ الشـباب الراغبين بـ الزواج

, نشـوف الطموح ,

بس المشكلة أن هذا الموضوع أشبـع طرحاً خصوصاً في مجالس الشبـاب , طبعاً الجواب معروف وشـبه موحد ,

بـ معنـى أنه مستحيـل أحد يجي يخالف بـ الطلبات الأسـاسية , الجمال والعمر والنسب والدين هاذي أشبه بالقواعد ,

لكـن معايير الجمـال والدين والعمر هي التي تختـلف , <<على كلامي طلع موضوعك فاشل

,

لا أمزح يالغالي موضوع شيــق أستمتــعت بـ الأجوبة ,

خصوصاً بـ الي متأثرين بالحيل الي يبون فائقة ومدري وش بعد

,

المشكـلة أنه كثار الي يطـلب وبالنهاية مايحصـل الي يطـلبه فـ لذلكـ أنا اشوف أننا نخلي كل شي بوقته

,

أنا إن شاء الله لاصار عمري 27 وثلاثة أرباع أعلمكـ وش أبي

, باقي ثلاث سنوات وشوي

,

Malidan · #42 08/11/2011, 12:51 AM

بسم الله الرحمن الرحيم

والله الموضوع صراحة شيق

.. ودايم يطري على بالي كثير بمآ إني إنسآن عاطفي

..

أي شخص يعدد الآشياء والمواصفات اللي يبيها تكون بفتاة أحلامه من الصعب جداً إنها تتحقق كلها .. لآزم شي منها مايكون فيه ويمكن تتحقق اذا حسن ظنه برب العآلمين .. وبديت اشطح واتفلسف لكن ارجع وآقول

..

قبل لا تكون جميلة او عادية او طويله او قصيره نحيفة او دبه .. آول شي يكون فيها دين .. وثاني شي وهو آهم شي بعد الدين انها تكووون حنووووووووووووووووووووووووووووووووووووووووووووووووووووونه

وعاطفية جداً جداً.. والجمال مهب ذاك المهم المهم وربي ماهايط ترى مو كل الشباب تهمم الخشش لهالدرجه لآني مقدم تعاملها معي اكثر من خشتها

.. يعني مملوحه او جميلة ماتفرق او عادية بس تكون مقبوله

..يعني مملوحه

.. لكن ارجع واقول

الحنااااااااااااااااااااااااااااااااااااااااان

.. يعني اذا كانت مو حنونه الله يعين على الزعل

لآني بتدلع عليها شوي

خصوصا إني حساس شوي من هالأمور

..لكن في آشياء مهمة انها تقدر شي اسمه زواج ومسؤولية وتراعي همومي

وتعينني عليها واذا شافتني بظروف مضغوط ومهموم ودايم معصب تتحمل .. عشان بالنهاية بكون خادم لها وبتكون اعز انسآنه بعد أمي ...

والحناااااااااااااان

..

Malidan · #43 08/11/2011, 12:55 AM

إقتباس

الرسالة الأصلية كتبت بواسطة Eman -al saad


	. . . . والسؤال المهم هنا هو ؟ : شفتوا وجيهكم بالمرايه قبل ماتسردون الشروط المهم تواجدها بالزوجه المستقبليه ولا الرجال مايعيبه شيء ؟؟

إيه شفناهن ووش زينهن يعني مطغيتس وجهتس

؟
يعني الواحد مايتمنى الشي اللي بفتاة احلامهـ ؟؟؟.. صبررررررري على هالآشكال

!!
اكيد الرجال يعيبه اشياء وأشياء والبنت نفس الشي .. ! انتي تمنى فارس آحلامكـ آحد ماسكك .؟

آعتذر لصاحب الموضوع بس طلعت من طوري شوي

فتـى بريده · #44 08/11/2011, 02:18 AM

إقتباس

الرسالة الأصلية كتبت بواسطة الناقد الفنان


	تونا على الزواج انا مخطوووب من عمي هع

أنا قرأت تونا على الزواج وعرفت ليش

,

بس أنكـ تخطب من عمكـ مدري شلون ذي ,

الي أعرفه أن الصبيـه هي فقط من تخطب , إلا إذا عندكم أن الرحل يخطب شي ثاني

,

أنا هذا ثاني تعليق لي والسـبب هذا الرد والشي الثاني هو أني ,

لاخظت كلـمة "حنــان " تصدقون حلوه هالكلمه , بس شلون ندري

,

أقولهم لاجيت هاه شلون وضع البنت راعية حنان ولا بس جيدة بالــنت

,

طـيب راعين الحنان والي يدورنه بسألكم أيهم أحسن بنت عاديه بس راعية حنان

ولا زينه بس موب حنان

وش تختارون؟

فتـى بريده · #45 08/11/2011, 02:23 AM

ردثـالثـ , مسكـة غلط على هالموضوع

,

بما أني خريج شريعة إسلامية

بسألكم سوأل , الكل يعرف الحديث

"عَنِ أَبي هُريرة رضيَ اللَّهُ تَعَالَى عَنْهُ عَنِ النبيِّ صَلّى الله عَلَيْهِ وَسَلّم قال: " تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ ..."

السوأل إذا كان الدين الأهم لماذا الرسول عليه السلام ذكر الدين آخر شي ,!