ثــــــــروات هلالية لم تستغل+نقاط سريعة!!!!! السلام عليكم ورحمة الله وبركاتة سياسة التجديد وتغير جلد الفريق واعطاء المواهب الشابة الفرصه الكامله والاستفادة التامة من طاقات شباب النادي وامكانياتهم من سمات الاندية الكبيرة القادرة لما فيه من فوائد كثيره ابرزها كبح جماح الاسعار المرتفعه لعقود نجوم الفريق وايقاف طمع الاندية المنافسة في ثروات ناديك. نادينا العزيز نادي الهلال لديه ثروات كروية لم تستغل ابدا ولاعبين في الاحتياط او في الفريق الاولمبي (مقبرة اللاعبين) افضل بكثير من بعض اللاعبين الاساسين في الفريق الاول او لاعبين الاندية الاخرى . وحتى من شارك مع الفريق الاول وابدع نجده اسير الدكه والفريق الاولمبي لسبب وجود لاعب اكبر منه بالعمر واغلى منه في العقد في نفس الخانه.والامثله كثيره نبداء بخط الدفاع: سلطان البيشي افضل وبمراحل من محمد نامي واذا كانت ادارة الهلال تجري خلف ظهير منتخب الشباب فلديها ظهير المنتخب الاولمبي الذي يتفوق عليه بالخبره. قلب الدفاع والصداع المستمر مع اخطاء ماجد المرشدي و عدم تطور حسن خيرات وفي المقابل لدينا قلوب دفاع المنتخب الاولمبي الذين بدل اعطائهم الفرصه نجد الفريق يشارك بلاعب العيادات الطبيه عبداللطيف الغنام في قلب الدفاع او المفلس حسن خيرات. الظهير الايسر وماادراك مالظهير الايسر بتواجد عبدالله الزوري لاعب بروده يقتلك ومشكلة العظمى في الاوفرات وفي سرحانه الدائم.ونجد لدينا نجم نشيط جدا ومتحمس ويلعب في المنتخب الاولمبي شافي الدوسري . كل هؤلا النجوم دوليين في المنتخب الاولمبي ولم يشاركوا ولاحتى اربع مباريات متواصله مع الفريق الاول. خط الوسط (قوة الهلال على مر العصور) لدينا في مركز واحد افضل مواهب الوسط في المملكة (نواف العابد افضل جناح في الممكلة) و عبدالعزيز الدوسري و سلمان الفرج (دمروا موهبته في الظهير الايسر ولكنه اكتشف نفسه في المحور المتقدم) و سالم الدوسري. في المقابل نجد لاعب خدم الهلال كثيرا ولاننسى تاريخه مع الزعيم وهو احد نجومه الذين لن ننساهم محمد الشلهوب ولكن للعمر احكام والمصلحه العامة تقدم على المصلحه الخاصه حان الوقت لنجده في دكة الاحتياط. خط الهجوم واخيرا ظهر لنا نجم في هذا المركز (عبدالرحمن الصانع) موهبة كروية قادمة وبقوة وهدفه الاخير في مرمى الاهلي يدل على مهارته العاليه ولكن اشاهد بوادر تدمير لهذه الموهبة بتواجد عيسى المحياني وترقية فهد الجهني للفريق باختصار اللاعب ماراح يشارك مع الفريق الاول الا اذا بلغ 23 واتوقع سنتين في الاولمبي وبدون جمهور كفيله في انهاء اللاعب وقتل طموحه. البعض سيقول / اللاعبين لسى صغار وخلهم في الاولمبي ينضجون ولكن المواهب الكروية تعطيك من عمر 18 سنة ومع مشاركتها في الفريق الاول راح تخدمك بنشاطها واخلاصها للفريق. نقاط سريعة::: .يوسف العربي هداف من طراز نادر لم اشاهد مثيل له في الهلال من سنوات .الهلال اكبر من توماس دول والدليل عدم قدرته على خلق توليف من كوكبة النجوم المتوفرة لدية .الرباعي المحترف الحالي افضل رباعي مر على تاريخ الهلال .اتمنى من الادارة البحث عن مدرب من الان قادر على قيادة هذه الكوكبة من النجوم لأن عناصر الهلال هذه السنه لن تتكرر .الجميع عاتب على دفاع الهلال ولكن الدفاع تكتيك اكثر منه عناصر شاهدوا دفاع الاتفاق عناصريا اقل من الهلال ولكنه لم يدخل مرماهم الا هدف وحيد من كرة ثابته وكل هذا بسبب التكتيك . |
احد نجومه الذين لن ننساهم محمد الشلهوب ولكن للعمر احكام والمصلحه العامة تقدم على المصلحه الخاصه حان الوقت لنجده في دكة الاحتياط. لا زال يقدم كل ما عنده الموهوب حقق معا الهلال 24 بطوله تقريبا والله ما قصر بالنسبه للنجوم الزعيم وصغار السن هم اللي يصنعون المدربيين المدرب ما نستعجل عليه يعطيك 1000 عااافيه عـ الموضوع |
كلامك صحيح ونصبر شوي على المدرب يمكن يطلع منه شي :) |
عوااااااااافي ........ جااااااري القرااااءة |
يعطـــــــــــــــــــــــــيك الف عااافيه بنصبر ونشوف :wub: |
كلامكــ سليم بالتوفيق للهلال |
موضوع مميز واتفق معك لكن بخصوص ان الهلال توموس دول تقول اكبر من الهلال فهذا شيء طبيعي طيب كوزمين يووم جاء لهلال كان كوزمين اكبر الهلال انا وائق ان المدرب لو يستمر الفريق يعلب ثلاث مباريات رسميه ورى بعض رااح تشوفون لمسات المدرب بالفريق لكن لاعبين المنتخب كل بين فتره وفتره اخذهم وهم 8 يعني نص الفريق الاساسي اخذوه وايضاً لعبنا امام الاهلي وااققف الدوري ولعبنا مام التعاون ووقف الدوري ولعبنا مام القادسيه ووقف الدوري ولعبنا امام الرائد ورقف الدوري فكيد هذا الشيء يأثر على المدرب ويشتت تفكيره |
موضوع مميز بس نبي الصبر عــــوافـــــــي |
موضوع اكثر من رائع ولازم نصبر على المدرب |
المدرب قمه وانا والله ما اقول هالكلام علشآن الهلال والا اسوي نفسي اني اعرفه ، لكن هالمدرب انا كنت اتآبعه لما كان مع هآمبورغ .. والى الآن الادوات ما تفيده ، الصآنع < إن شاء الله يحافظ على نفسه ونشوفه الاول على مهآجمين المملكه .. |
شاكر لكم ردودكم ولي عودة قريبة ان شاء الله |
اخي اوين اتفق معك في غالب ماطرحت ومليون ب% عن دول ولكن الزوري المرشدي خيرات هذا الثلاثي لو وجد مدرب زي كوزمين لرايتهم الافضل اساسيات لاعب كرة القدم القوه والسرعه والمهاره كلها موجوده فيهم الزوري مشكلته الاوفر وهذه يتحملها المدرب مع الاعب المرشدي مشكلته التاخر احيانا في تخليص الكوره من المهاجم وايضا يتحملها المدرب مع الاعب خيرات لم نراه الا في نصف مباراه كل فتره ولو اخطاء غيره حملناه غلطته لااريد التدليل ولكن هوساوي في مباراة القادسيه يتحمل نسبه من الهدفين الاول والثاني ومعظم من طرح هنا بالمنتدى معظمه يقول عندما خرج هوساوي النتيجه 5 صفر ونزل المرشدي وخيرات وصارت 4ل5 يعني حتى لو ماشافو المباراه على طول اسامه صح والبقيه خطا حتى لو لم يخطو واذكر في البطوله الاسيويه اتوقع امام فريق ايراني الزوري شال كوره انفراد من على خط المرمى بسبرنت سريع وكذلك مرر تمريرة هدف ومع ذلك لم يذكر فيشكر بينما هوساوي اخطاء في مباراة الفريق الايراني وامام الاتحاد وامام القادسيه ولم ينتقد على خطاء ارتكبه (انا ضد النقد الجارح للجميع)اذا كان لديهم مقومات كرة القدم اكرر اشكرك واتفق معك في معظم ماطرحت |
يعطيك العافيه واتوقع ان المدرب ماراح يكمل الموسم مع الهلال |
المدرب ممتاز ولكن لعدم اكتمال الفريق لم يستطع ان يقدم الهلال مستواه الحقيقي ومتفال بالمدرب خير |
مشاكلنا فينا بأنفسنا اين شافي من المشاركه وكذلك سلطان البيشي احنا مانحتاج الا قلب دفاع فقط |
الله يعطيك الف عافيه على الموضوع الجميل</B> لاهنت يا اخوي </B> <CENTER> صبر بس</CENTER> |
- و كآن شيئآ لم يكن !! يآ آخوآن العجلةةَ مآهي زينةة و آذآ تبون آسيآ آصبروآ ~ قآلهآ شبيه آلريح آصبروآ وسترون هلآلآ يرضيكم !!! آنآ متفآئل بآلمدرب دآم شبيه آلريح قآل آصبروآ .. آسيآ بتجي بس آلصبر ثم آلصبر !! |
اتمنى كل التوفيق للفريق ياااااااااااارب |
سبحان الله الكل يتكلم هذا الموسم عن الدفاع والموسم الماضي عن الهجوم انقلبت الايه للاسف بعد رحيل الكوري ورحيل ولي الجهة اليمنى ضعيفة هجومين ودفاعين الجهة اليسرى تهون شوي اكبر غلط هذا الموسم هو الاعتماد على نامي في خانة الظهير مع قناعة 90% من الجمهور بتواضع هذا اللعب وعدم قدرتة على تطوير نفسة ومستواة لاكن مافي اليد حيلة ,,,,,,, بعد كلام ابو فيصل اليوم في صدى الملاعب في حال رحيل هوساوي راح تعطى الفرصة لمدافعين الاولمبي طيب كملو جميلكم وعطو الاظهرة فرصة الله يرحم والديكم اتمنى اشوفهم في مباراة الانصار يارب انك تحقق امنيتي. |
إقتباس:
|
إقتباس:
شاكر لك ردك الذي اثرى موضوعي |
عبدالله سديري ورضوان الموسى وسليمان العبدالله وسويد البيشي ومحمد قاسم وسالم الدوسري ومبارك البيشي وبدر المرشدي وعبدالوهاب الفريدي وخالد الكعبي وعبدالرحمن الصانع وصالح الريس مواهب قادمة بقوة في الفريق الأولمبي لدعم الفريق الاول في الهلال بشقيه الأساسي والاحتياطي .. ودون نسيان اللاعب الواعد عبدالكريم القحطاني الذي يلعب حاليا على ما أعتقد في فريق شباب الهلال اللاعبين الواعدين المذكورين أعلاه مع لاعبي الهلال الشباب في الفريق الأول مثل شافي الدوسري وسلطان البيشي ومحمد القرني ونواف العابد وأحمد الفريدي وعبدالعزيز الدوسري سوف يشكلون دعامة فنية وثقل أساسي للفريق الأول مما يساعده على الاستمرارية والمنافسة على أكثر من بطولة بأريحية وهنا لا يجب اغفال دور اللاعبين الأجانب الأربعة في الهلال .. فالهلال ركز كثيرا على الشق الهجومي وأعتقد أنه اصاب ان شاء الله سوف يكون الوضع مريحا للغاية في حال تم تجديد عقود أسامه هوساوي وأحمد الفريدي الأهم هو قدرة المدرب على استثمار اللاعبين فنيا ما يحتاجه الهلال في فترة الانتقالات القادمة هو محاولة التعاقد مع ياسر الشهراني كونه ظهير يجيد اللعب في الجهتين اليمنى واليسرى ومدافع محلي متميز في حال عدم الاتفاق مع أسامه هوساوي على التجديد .. وايضا محاولة التعاقد مع مهاجم جناح مثل سلمان الصبياني بالتوفيق لهلالنا |
يعطيك العافيه.اتفق معك في بعض الاشياء. |
انا الشيء الي خايف منه ووو مشفق عليه هو توماس دول ,, خايف منه لانه ما شفت إلى الحين اي لمسه له ع الفريق ,, ومشفق عليه لانه ما اكتمل ولا حضر للهلال مثل ما يجب . |
الوقت المعتمد في المنتدى بتوقيت جرينتش +3.
الوقت الان » 10:52 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd