الحمدلله على كل حال وفي كل حال .

أول هزيمة في الدوري ومبكراً .

نعم سيكون هنا مواضيع كثيرة تجلد في الزعيم بسبب هذه

الخسارة .

ياشباب يجب علينا الهدوء ...

نعم نعلم أن هناك خلل في بعض الخانات ، وخاصة الظهير

الأيسر ومحور الارتكاز .

لكن لابد أن نعلم أن الزعيم غير في الأجانب جميعهم . يعني لابد

من الصبر عليهم ومن ثم الحكم عليهم على الأقل عندما تمر ست

جولات وأكثر .

أنا متأكد أن عندهم الكثير خاصة العربي ومن ثم إيمانا ومن ثم

هرماش وبعدهم الكوري .

دعونا نترك الكلام والتخبط بالكلام هنا وهناك ونسب فلان

ونمزق علان .

الزعيم لايرضى بأن يكون في الصفوف الخلفية فهو في المقدمة

دائماً ، تذكروا كلامي هذا بعد ست جولات تقريباً ...

أرجو ألا نتسرع في الحُكم الآن .

بإذن الله الدوري لنا ولكن لن يكون كالسنة الماضية ربما في آخر

جولة ننتزع اللقب!

،،،،،،،،،،،،،،

أرجو عندما ننتقد أن نكون أكثر حضارة ولباقة .

الزعيم سيبقى الزعيم إن شاء الله .

نحتاج كثيرا تلك الاراء العقلانية الهادئة
نعم هناك اخطاء وربما يكون بعضها واضح جدا ولكن لانتوقع اننا فقط من يلعب ويفوز وينفق الاموال
فهناك اندية اخرى لديها نفس الطموح والرغبة والانفاق وبالتالي هو حق مشروع للجميع
الشباب مثلا صرف عشرات الملايين واستقطب مدرب ولاعبين اجانب ثلاثة ولدية استعداد عالي جداا وبالنهاية الفوز والخسارة امر وارد في كرة القدم ..
تحياتي لك

يااستاذي

فيه نقص .. نعم

فيه اصابات نعم

فيه عدم انسجام نعم

فيه مدرب .. لا

ياخي الفريق مو عارف يمرر زي الناس

قيريتس الله يذكره بالخير .. لعب قدام الاتحاد في كاس الملك وقدام ذوبهان في ايران وفي الرياض بدون محاور حقيقيه !!

سلمان الفرج والفريدي .. وين المحاور ؟ وكنا نفوز ونسجل ونشوف فريق يلعب

نجيبها بطريقه اسهل

كالديرون

لعب بالفريدي والشلهوب قدام الاتفاق وقلب الهزيمه بهدفين الي فوز بـ 3 اهداف

هذا المدرب يبي المهاجم قراندايز .. يرجع ياخذ الكره ويوصل الي باب الخصم ويعدي من الحارس ويجيب قول !!

الهلال ممتاز ماعدا

المدرب ... لازم يتغير بسرعه .. نبي نظمن اسيا السنه الجايه .. انا مو من النوع اللي متسرع

لكن الحمدلله اعرف كره تمام واميز !!

الاظهره .. نبي محليين من الدرجه الاولى .. كامل المر ووالموسى والاسطا ترى من الاولى

قلب دفاع بدل المرشدي الله يهديه

إقتباس الرسالة الأصلية كتبت بواسطة teva4ever يااستاذي فيه نقص .. نعم فيه اصابات نعم فيه عدم انسجام نعم فيه مدرب .. لا ياخي الفريق مو عارف يمرر زي الناس قيريتس الله يذكره بالخير .. لعب قدام الاتحاد في كاس الملك وقدام ذوبهان في ايران وفي الرياض بدون محاور حقيقيه !! سلمان الفرج والفريدي .. وين المحاور ؟ وكنا نفوز ونسجل ونشوف فريق يلعب نجيبها بطريقه اسهل

الفريق مايعرف يمرر وش ذنب المدرب ؟؟؟؟؟؟؟؟؟؟؟؟؟؟؟؟؟
المدرب يضع الخطة والتكتيك وليس من واجباته تعليم التمرير ؟؟؟؟؟
اذا اللاعب دلخ وش ذنب المدرب ؟؟؟؟؟؟
تخيل لو الكورة اللي وهق فيها العتيبي المرشدي يوم مررها له بمكان حرج جت قول ؟؟
بتقول المدرب ليه مادرب الحارس على تمرير الكرة بالاماكن الخالية ؟؟!!!!

إقتباس المدرب ... لازم يتغير بسرعه .. نبي نظمن اسيا السنه الجايه .. انا مو من النوع اللي متسرع

أتفق معاك بهذي أخوي فأنت متسرع جدا جدا حتى ولو أصاب رأيك في النهاية وطلعت صح !!! لأن حكمت من ثاني مباراة اكتملت فيها الصفوف 75 % لأول مرة

إقتباس المدرب ... لازم يتغير بسرعه .. نبي نظمن اسيا السنه الجايه .. انا مو من النوع اللي متسرع لكن الحمدلله اعرف كره تمام واميز !!

أختلف معاك بهذي ولا تزعل مني لأنك بنيت رأيك على مقارنات سابقة
فمقارنتك لدول بقيرتس وكالدي قياس خاطئ لأنه قياس مع الفارق

إقتباس الفريق مايعرف يمرر وش ذنب المدرب ؟؟؟؟؟؟؟؟؟؟؟؟؟؟؟؟؟ المدرب يضع الخطة والتكتيك وليس من واجباته تعليم التمرير ؟؟؟؟؟ اذا اللاعب دلخ وش ذنب المدرب ؟؟؟؟؟؟ تخيل لو الكورة اللي وهق فيها العتيبي المرشدي يوم مررها له بمكان حرج جت قول ؟؟ بتقول المدرب ليه مادرب الحارس على تمرير الكرة بالاماكن الخالية ؟؟!!!!

ياحبيبي اذا الفريق مو عارف يمرر صح

معناته وقصدي فيه تمركز اللاعبين غلط

خطوط الفريق غلط

هوساوي اذا جته الكره ... اقرب واحد يمررها له نامي .. وبخطة المملوح دول اقرب واحد لنامي وفي نص ملعب الشباب ... نظطر نلعب كره طويله وتنقطع علطول

وتقول المدرب وش دخله ... اذا فيه فراغات بين الخطوط .. وتمركز اللاعبين غلط .. ذي غلطة اللاعبين ؟؟

إقتباس أتفق معاك بهذي أخوي فأنت متسرع جدا جدا حتى ولو أصاب رأيك في النهاية وطلعت صح !!! لأن حكمت من ثاني مباراة اكتملت فيها الصفوف 75 % لأول مرة

حبيبي

يالغالي

انا اتكلم بمنطق وبدون مثاليات وسرد حكي

المدرب لعب للحين 8 مباريات وديه

ولعب مباراتين في الدوري

وللحين الفريق سيء !! وش تبيه يلعب 90 مباراه علشان يبان تكتيكه ؟


والمدرب ماله تاريخ الا انه اُقيل من اخر فريقين دربهم .. وش تنتظر منه زود علشان تقول لنا .. اصبروا !! المدرب هذا حدود امكانياته واذا تقدر تثبت العكس عطني !!

انا اثباتي انه ماجاب ولابطوله مع اي فريق دربه الا هامبورغ وبطوله الغيت ابشرك

اثباتي انه اقيل من اخر فريق دربه واقيل من الفريق اللي قبله

انت وش اثباتك انه ممكن يجيب نتيجه لو صبرت عليه ؟

ياخي مدرب الشباب ميشيل برودوم .. مصخرة اوروبا والكل يعلق عليه انه نفسيه .. مسك الشباب بطريقه احسن من الهلال بكثير مع انه الشباب للحين سيء على فكره ... مهوب شباب عبده عطيف وباقي النجوم المرعب اللي جاب كاس الملك مرتين

الشباب لاعبينه في المنتخب مثل لاعبينا

الشباب عنده اصابات مثلنا عندنا اصابات

الشباب محترفينه جدد وحنا محترفينا جدد

الشباب مدربه جديد والهلال مدربه جديد

ليه الشباب بكل هالظروف طلع بشكل حلو وفريق كويس وحنا فريقنا سيء ؟ الا نه في شي غلط عندنا عكس اللي عند الشباب

....

مثال ثاني ع السريع

مدرب الاهلي ... تم التعاقد معه قبل الدوري بكم يوم ... شفت كيف لعب الاهلي ؟

يابوي المدرب اللي عنده فكر .. تبين ع الاقل ع الاقل لمسته ع الفريق .. انا مابي تكتيكه يبين ع الفريق كامل ابي بس لمسة مدرب ...

بالله عليك الهلال دفاعي والا هجومي ؟

الشلهوب وش مركزه ؟

الفريدي جناح والا لاعب وسط حر والا مهاجم ثاني والا والا

ابي ترتيب في الفريق بس ... مو صعب هالكلام علشان تقول اصبروا ويبي له وقت !!

وصلت الفكره يالغالي ؟

إقتباس أختلف معاك بهذي ولا تزعل مني لأنك بنيت رأيك على مقارنات سابقة فمقارنتك لدول بقيرتس وكالدي قياس خاطئ لأنه قياس مع الفارق

طيب انا غلطان

تذكر كلامي بعدين يالغالي .. ونشوف من اللي كلامه صح ومن اللي كلامه غلط

تنتزع الدوري..

يآ ابن الحلآل خل الدوري ع جنب..


حنآ نبي فريق لآسيآ..


آهم شيء فريق متكآمل..

هلا بكم جميعاً

وجهة نظركم على العين والرأس

نعترف الزعيم يمر بحالة عدم اتزان لكن أنا متأكد أننا سنتجاوزها بإذن الله .

كما قلت بعد ست جولات يستطيع القائمون وضع تصور شبه كامل على الفريق وما يحتاجه .

سواء من مدرب أو غيره .

نعم هناك خلل والإدارة لن تسكت على ذلك وستحاول معالجته .

وبإذن الله سيتحقق ما نريده وما نصبوا إليه جميعاً من الحصول على آسيا والبطولات المحلية .

ولكن كما قيل نحن نعمل وغيرنا يعمل .

لكن متأكد بإذن الله أن المستقبل القريب سيكون مفرحاً لنا ، علينا الصبر فقط .

على المستويات هذي والاعبين الموجودين

اغسل يدك من الي بطوله هذا الموسم ...

عبدالمجيد
حياك الله

يجب أن نجعل لنا قاعدة ثابتة وهي " لاتحكُم مبكراً حتى تتضح الصورة "

يجب علينا أن نصبر قليلاً حتى تكون الصورة كاملة ومن ثم نعرف محتويات الصورة وأبعادها .

زعيمنا حينما نكون بجانبه سيكون بخير بإذن الله .

إن شاء الله الهلال قادر على العودة والهيمنة على الدوري

ومع الوقت بتتيسر بحول الله الأمور

بالنسبه لي مرتاحه و واثقه جدآ في الادارة
بوفيصل قال اصبروا هو مازال
واثق انة ماشين في الطريق الصحيح
بس هي مسألة وقت بأذن الله
وكلنا متفآئلين وممكن تكون هذي
آخر هزيمه معروف الهلال لديه ثقافة
الفوز ومستحيل يفرط في النقاط
بالسهوله هذي

كلـ شكري وتقديري لك

تنتزع الدوري..

يآ ابن الحلآل خل الدوري ع جنب..


حنآ نبي فريق لآسيآ..


آهم شيء فريق متكآمل..

إن شاء الله الهلال قادر على العودة والهيمنة على الدوري

ومع الوقت بتتيسر بحول الله الأمور

ألف شكر لكم جميعاً ،

اللي يبي آسيا يصبر ، الهلال سيكون ألأفضل قريباً ، فقط علينا الصبر .

كأس آسيا لم نخسرها بسبب سوء ، فقط حظ ، الفارق كبير بيننا وبين من أخرجونا من آسيا قبل .

لكن متأكد بإذن الله أن الأمور ستكون من صالحنا ، فقط نريد الدعم ودعم اللاعبين وليس التقليل

منهم .

يجب علينا الوقوف مع الإدارة حتى نهاية الموسم وبعد ذلك نحلل الموسم بسلبياته وإيجاباته .