01/11/2011, 02:35 PM
|
| مشرف سابق في منتدى الجمهور الهلالي | | تاريخ التسجيل: 15/01/2002 المكان: جـــــ 15 ــــدة
مشاركات: 14,271
| |
عاد الهوى عاد (الهلال Vs الرائد) أخبار, سوالف, صور, توقعات, تشكيلة, سعة صدر بسم الله الرحمن الرحيم اليوم يعود الحبيب الأول, الهلال يعود للساحة بعد غياب وبعدما انحرمنا من شوفة الهلال في الأسبوع الماضي بسبب تأجيل مباراة الإتحاد في إعادة لتأجيل مباراتهم في الموسم الماضي ولكن الفرق هو في أن الهلاليين ماتعاملوا مع التأجيل بتشنج مثلما عمل غيرهم ودعموا ممثل الوطن لآخر لحظة. اليوم يعود الهلال أمام الرائد, واليوم يعود الأسطورة سامي الجابر لدكة الإحتياط بعد طول غياب وسامي والهلال والرائد قصة قديمة وذكريات جميلة شوفوها على هذا الرابط http://www.youtube.com/watch?v=vBfTXb7TNyY شفتوا سامي؟ شفتوا المهاجم اللي مايرحم؟ وشفتوا الفريق اللي إذا سجل الهدف الأول يفكر في الثاني, وإذا سجل الثاني يفكر في الثالث ولايوقف ولايكتفي بالنتيجة؟ شفتوا روح الفريق واحتفاليات نجم الفريق الأول وقتها الأسطورة يوسف الثنيان مع النجم الصاعد وقتها سامي الجابر؟ لو فريق غير الهلال كان تلقى اللاعب الكبير يحارب اللاعب الجديد عشان لايخطف منه الجمهور. بس في الهلال ومع سامي ويوسف تلقى يوسف أكثر من يفرح لسامي خصوصا وهو يسأله (كم باقي وتصير الهداف), بل وأتذكر إن فهد المصيبيح بمجرد سقوطه وإحتساب الحكم لضربة الجزاء كأن يأشر على سامي عشان يلعبها.. شفتوا القيادة على أصولها من الأمبراطور وكابتن العرب صالح النعيمة اللي يطبع قبلة على رأس اللاعب الصاعد سامي الجابر؟ شفتوا طيب الجمهور كيف يملا غالبية مدرجات الملعب. رغم إن المباراة إنلعبت في عصرية وشمس ماهي في الليل وفي جو معتدل زي مباراة اليوم. ورغم إن المباراة ماهي في أيام إجازة زي مباراة اليوم. رغم إن الجلوس بيكون على صبات الملز ماهو زي اليوم. لذلك اليوم مالأحد عذر في الغياب عن الهلال هذا الموضوع مثلما تعرفون ومثلما تعودنا مع كل مباراة,, تجمع للأعضاء وسوالفهم عن هالمباراة ويشمل كل الأحاديث حول المباراة وأحداثها أي موضوع قصير, سالفة حول المباراة, توقعات, تشكيلة مقترحة, صور وطبعا البرامج والتقارير المصاحبة للمباراة ستتم مناقشتها والحديث حولها في هذا الموضوع ولو إن ماعاد فيه برامج تستاهل المتابعة كلها سوالف من ضيوف بأفكار المشجعين, وين أيام الإعلامي المؤمن بدوره التثقيفي للمتابعين من مختلف الميول وين التحليل الفني اللي يتكلم عن تكتيكات المدربين وتحركات اللاعبين بعيدا عن تصفية الحسابات وحل الخلافات الشخصية الحاصلة خارج الملعب يا أخي إذا أنت زعلان على فلان وإلا تبغى تغيض بكلامك غيره فمانطلب منك إلا تقدرنا كمتابعين وتحل خلافك معاه بعيد عنا وتتركنا نستمتع بـ هلال وبـ كرة قدم, وين التحليل الفني أيام عبدالمجيد شتالي ومحمد حمادة ,, وأصلا ويييييييييين الكورة أيام الثنيان سامي نرجع حق محور حديثنا , هذا الموضوع لاقوانين تحكمه إلا قوانين الاحترام والتقدير المتبادل, وقانون بسيط جدا هو الابتعاد عن السوالف الجانبية التي لاتتعلق بالمباراة وكما ننوه في كل موضوع, سيقوم الإخوان مشرفي بدمج اي موضوع حول المباراة مع هذا الموضوع من أجل تنظيم المنتدى وعدم تشتيت المتابعين الله يوفق الهلال ويوفقكم,, ويالله جهزوا أنفسكم لاتتأخرون على الملعب, وأهم شي لاتنسون و(لاتنشغلون) عن صلاة المغرب والعشاء في وقتها المايك لكم |