مـــواجع الوقت وأكـــبرها وأدهاهــا ** إذا خـــذت مــنك شي كـــنت تـــفخر به
بسم الله الرحمن الرحيم
الشاعر علي بن حمري القحطاني من الشعراء الذين قام برثاء الأمير سلطان بن عبد العزيز رحمه الله وكانت قصيدة مؤثرة جداً
صح لسان أبو محمد ورحم الله والد الجميع الأمير سلطان بن عبد العزيز
رحمك الله أبا خالد
لن ننساك أبداً
يبي لي أستوعب الـــموقـــف وأفكر بــه
عـــز الله إنها ضـــربتنا مـــوتتك ضربــه
إن كان روحك سفرها صــوب مولاهـــا
ف الحزن مولى يسافربي وأسافر بــه
أبو اليتامى وأبو الـــخايف وأبو الـــمعسر
وأبــــو اللـــذي كل ماحــطوه تشهر بـــه
وأبو العــطا والـــسخا والود والرحمـــه
وأبـــو الرهيف الصقـــيل الحد والحربه
اللــــه يـــجبر عزانا فيــــك يا الـــغالــي
لــو إن ما فيه غـــير اللــــه نتجـــبر بـــه
لو شفت ياسيدي المرحــــوم ما شفنا
الموقف اللي المشاعر فيه مـــضطربه
ما شفت أخوك الملك ينظر لجثمانـــك
يبكي وينـــهت عليك بدون تـــشعر به
الله وش كــثر بكّـــتنا يا أبـــو متـــعـب
إصبع إيــدك وأنت ع العكاز تـــشر بــه
أدري فقدت السند والعضد والساعـــد
يا بعـــد سلطان عن عينــك ويا قـــربه
ياليـــت ربي خذا روحــي بدل عــــنــــه
وخلاه لأخــــوه يفـــرح ويتـــبشــر بـــه
وشلـــون نقوى فراقك وأنــت جامعـــنا
جـــمع ن يعـــلّم بــه وجــمع ن يخبـر به
موادعــك حــــي غير مـــوادعـــك مـــيت
هــــذيك فرقــا لـــكــن الثــانيـــه كـــربه
البـــخل يا ما وطــت رجـــلك على راسه
والخــــوف يا كــثر ما قـــلبك معـــزر بـــه
((مـــواجع الوقت وأكـــبرها وأدهاهــا ))
إذا خـــذت مــنك شي كـــنت تـــفخر به
القصيدة فيديو