انا ما احب اني اطول بالكلام ندخل دغري على الموضوع
انا اول مرة وقت الفراغ يجيب عندي ايجابية
يوم الجمعة كنت فاضي وفتحت ولقيت مبارات التعاون والشباب وتابعتها
لاكن شدني الظهير الايمن للتعاون سلطان اليامي لاعب فعلن براسه كورة
يغطي ويقطع ويحوف ويسوي اوفرات صح يعني ظهير عصري انا اول مره اشوفه وماادري لعبه دايم كذا زين ولا صدفة هالمره المهم واللهي لو تشوفون المبارات كان تطالبون فيه وقسم بالله ان حقه فيه

وصدقوني ان الشهراني اللي يطالب بمبالغ اكبر منه واللهي ولاشي عند سلطان
وعلى فكره هو اخذ افضل لاعب بمبارات الشباب والتعاون الاخيرة برآي المحللين للمبارات
وبما ان سلطان ليس من ابناء نادي التعاون وليس من القصيم فاشي طبيعي انه راح يناقز لو يجيه عرض من الهلال وفوق هذا التعاون يتعامل مع الهلال بكل حب واحترام السنوات اللي طافت

انا يمكن ماعندي اسلوب الكتابة الزين ولاعندي المعلومات الكافية عن اللاعب لاكن اعرف الاعب مثلي مثلكم من اول نظرة