على الموعد جيتكم يامخلفين الوعود(قلبنا طرب شعبي)عشان اقولكم قصتي اللي وعدتكم بها ...
انا وش وعدتكم به عشان اخلص منه في اول الموضوع ثمن اخذ راحتي في السذب " الكذب ولكن باللهجه القرويه الخالصه" .
ايه وعدتكم اني باعلن عن اسمي الحقيقي طبعاً اسمي مقتبس من كثر عنادي ولاني ماعمري وافقت على شي في حياتي يومني صغير او حتي يوم كبرت حتى من كثر عنادي كنت البس نعالي"حذائي" تكرمون عكس اليمين في اليسار واليسار في اليمين وكله عناد مهوب قل عرف ودباشه يعني ، وحتى سراويلي البسها اوقات على انها فنايل وفنايلي
منيب البسها مكان سراويلي .
المهم هذا اسمي الاول
منيب وحللته لكم باقي الثاني وهو بصراحه عياره لجدي وهو اطول من اسمي شوي لكن انا اختصرتها والسالفه تكمن في اني عندي جد نصاب نمره واستماره وكان دايم يقول اذا صار أي شي او خرب شي في الديره ماقلت لكم او يردد مثل العاده "قايلكم" وراحت فيه عياره وصرنا الحن واهلي وعماني عيال قايلكم اللي هو جدي الداج الموجود على قيد الحياة حتى الان ويردد قايلكم ، وهالحين خلصت لكم وعرفت بنفسي تبون شي ثاني لا سلامتك القطوا الله يسلمك ويغنيك وراكم عجلين لا ابد بس مرتبطين ايه هين اقول اجلوا ارتباطكم خلو نسولف شوي مع بعض ونشوف اخباركم لا والله مرتبطين "صكو الحلف ماعاق معهم" الا وراني ماتلاحظون اني جنحت بعيد عن الموضوع وكاني جحا اذا جاء يسذب في أي موضوع فيه هلال .
الحين طيب خلصت منكم ابدا في سذبي واخذ راحتي واقول لكم احد مغامراتي "اخس ياعباس بن فرناس محاول تطير على غفله أي مغامرات انت وخشتك" هذا رد واحد منقهر مني مسبق له انا وحاطه في موضوعي من الحين عشان احرقه عليه ".
كنت ذات يوم "حلو اتكلم لغه عربيه شكلها زابطه علي " اخرف نخل المهم وانا قاعد اخرف ومثلكم عارف ايام الخراف منول واكيد عيال النيدو مايعرفون هالعلوم ولا الرياضيات كان الرجال اذا رقى النخله ماينزل منها الا وهو خالص من كل النخل اللي حوله وحواليه يعني مايحول للارض والا شلخ راسه ابوه بفاس لو يبقى تمره في نخله وهو في الارض وكانت طريقة خراف النخل ان الواحد يطامر بين هالنخل من عسيب لعسيب ومن نخله لنخله من دون مايحول للارض يعني انواع المخاطر وقايلكم عباس بن فرناس يخسى عندي انا من حيني وانا اطير ولاعمري صار راسي تحت ورجليني فوق الا مرتين بس وكلهن ماطحت من فوق نخل بس مسطت انا وعسبان نخلنا ونخل جيراننا من ثقلي وابوي هالظالم يخليني اخرف نخل وانا دب عشان تعرفون المأسي اللي كان فيها شباب منول ياعيال هالايام.
المهم مره وانا قاعد اخرف النخل ومثل خبركم نفس الطريقه المعتاده مطامر من نخله لنخله الين نخلص واثناء مطامري (حلوه اثناء) اذن الظهر وتخبرون قلت لقيت الفرصه ابنزل اقول ابصلي الظهر ومنها اكلي شي اسد فيه الفراغ اللي خلفه تعبي فوق هالنخل واملى بطني وتخبرون شيابنا الله يجزاهم الف خير كل شي الا الصلاة وانا اقول نزلت من النخل عشان اصلي ، وتكفون ياشباب هالايام كل شي ممكن نقبله الا الصلاة الصلاه ومن تركها فقد كفر وهي عماد الدين الله يجزاك الف خير، المهم وانا احول ناوي طبعاً اصلي ثمن ادب في النعمه اعبي الكرشه الا وذاك الزول اللي يناديني (( خيو اتفضل عندنا)) وانا اتلفت يمين ويسار الا واشوف الارض غير الارض والناس غير الناس وين شيابنا ووين بيوتنا اللي انا خابر وادقق وادقق واثريني وصلت البصره من مطامري بين هالنخل وانا خبري اول مابديت في نجد بلاد الصباخ وغير بدل رده هاته وش بيرجعني لديرتنا وعساني الحق على غداء امي وصلاة الظهر وش بيسوي بي ابوي لو حضروا ومالقوني في المسجد كل هالعلوم قامت تناقز في وجهي ياربيه ياربيه وش بيرجعني لديرتنا ، وانتم تخبرون البصره في حصار(( لااحد يستخف دمه ويقول وش دعوه من ذيك الايام والعراق في حصار )) ايه في حصار من حينه ونص وانا ادرى منكم ،المهم انا وش بيفكني من اهل العراق لاني خبركم اشباهي اشباه اوربيه واخاف يقولون هذا جاي بيضرب العراق وابلش يتلاحقوني خيو خيو ولاعاد ادري من انا في يده بين اهل هالنجف والكوبوس .
وش تتوقعون طيب سويت يوم وصلت العراق ووش الحل برايكم يااهل الحل والربط ! سمكريه ذولا ماصارو راعين دبره
قررت وانا اسولف مع شويب اول ماحسى معي قلت هذا ماعنه وعن علوم الروافض رافضي نمره واستماره ولو درى هو وجماعته اني من اهل السنه والجماعه والله لأروح بين الرجلين ان يضحون بي لاصير قربان في احدى هالحسينيات ، المهم نرجع لقراري الحاسم اني ابمرح( يعني ابي انام) عند هالروافض ومن باسر ابدورلي حل ومشكلتي مهوب في اني وشلون ارجع المهم ابي ارجع بسرعه عشان اكمل خراف النخل لايموت ابوي من الهم وهو يشوف التمر "يخوي" في علو النخل وانا اتندح في بغداد وهو النغوز تلعب في صدره شوي شوي ، وبعد ماصلينا العصر في الحسينيه ولاتغديت لاني خبير اعرف حركات الشيعه ووش يسوون في الاكل اذا صار بياكل منه سني ولو انهم مايدرون اني سني بس لو عندهم شك او تطريز لو واحد في الميه كان سوو حركاتهم ذولا روافض ماعندهم الا حقد وقلة ذمة ، المهم وانا جالس اقولكم بعد العصر والبطن يعصفر من الجوع الا وجاني ذاك المصري ياربيه ياكثرهم هالمصاريه في كل ارض تلقى لك واحد الا الف واقعد اسولف واسولف انا واياه وبصراحه ارتحت له وخقيت عنده قلت هذا اخر حل لي وعلمته اني سني واني منيب من هالديره وهو طبعاً مصادقني المأخوذ يحسبني امريكاني يبيني اتوسط له اشغله في قوات التحالف " قويه شوي" ولو فراش ويوم عرف سالفتي بدى ينهزرني ( يعني يهاوشني ) شكلي ابحط ارقام لمعاني الكلمات واحطها في اخر الموضوع ، المه نعود لموضوعنا وانا تلزقت فيه الين رحمني وحس اني دميجه وادربي رؤيسي ولاعندي ماعند جدتي وقال المصري خلني استذهن عليه خبركم المصاريه انواع الذهانه والاستفهام المهم قالي وشلون وصلت للبصره وقلت له القصه ووشلون طامرت من نخله الي نخله الين مادريت الا وانا عند اهل النجف والكبوس ومن خلصت سالفتي وفي اخر كلمة الا والمصري معطيني ظهره وماشي واقعد الاحقه تعال تعال يابن الحلال القصه ماخصلت ابيه بس يوقف والا قصتي اقصد سذبتي خالصه من حينها وقف وقال شوف انت مو بشر انت جان قلت له لا والله انا اسمي منيب والله مهوب جان قال انت بتستعبط عليه ياولا وانا ابرطم ذيك البرطمه وشو الا وادنها بسوه ( يعني اصيح) وشكله شاف ذا البراطم اللي طانها حواف خبز ورحمني قال ذا شين وضايع بعد يعني مجمع انواع الشين عنده وقالي تعال معايه واان ادربي راسي وراه الين وصلنا عند شاطىء ولااحد يسئلني في الجغرافيا لاني مااهنا زود فيها المهم ويوم وصلنا لذا الساحل اللي يحبه قلبك ماينقصه الا وجود الحبايب معك ( قلبنا رومانسيه) الا وذاك النسناس الا يرد الروح وقامت الافكار تتدربى في راسي هو انا ماارد بديرتنا واهلها واقعد عند هالبحر بس كل ماذكرت هالروافض ارتعدت فرائصي وقلت لا اعود احسن المه وداني خوينا المصري لشايب عنده قارب وقعد يكلمه شوي وانا واقف بعدي ومادريت الا والشايب ينادي ياصبي ياصبي ويناظرني اتلفت يمين ويسار مافيه الا انا واجيك مدربي دمجتي لمه وكل انواع الاحترام بس خلوني اوصل لديرتنا وتشوفون انواع التطنيش لذا الشايب اجل ياصبي ويوم وصلت لمه قلت له سم ياعم وقالي اركب ويشاور على ذاك القارب اللي يمكن يغرق في طشت حمام بيتنا ( تكرمون) قلت له بتوديني لديرتنا بذا القارب قال ايه وهو معصب قلت وش بيصير اكود من اللي صار وقبل لااركب رحت للمصري وانواع التحضين والتبويس وخذ يادموع واقوله اني راحل وصدق المصري ومسك معي خط حتى في مواقف الرومانسيه ينصبون المصريين ، المهم ركبت مع الشايب وكل انواع الاوامر والاستغلال للصبي اللي هو انا اللي انا منيب وانا سم امر والصدر كل شوي ينتفخ من ذا الشايب وحسيه ولا بعد شايب ورافضي على مااضن منيب متاكد ولامنيب مدخل في ذمتي شي وشوي شوي نمشي ونبعد عن اليابسه وانا تزود روعتي وحركت فرائصي ويوم استقعدت الا وافكر ليه انا رحت معه للبحر وانا ديرتنا اصلاً ماعندها بحر وشلون ابوصل ديرتنا وخذ عاد ياروعه لاصارت ولااستوعت وانا اللي ازعق على الشايب رجعني رجعني لليابسه منيب رايح معك ابي امي امبيه ابي ابوي (( قلبنا برنامج صادوه ياجعلي اصيد ذيك اللي فيه)) الا والشايب يرد على لاتخاف ياصبي " انواع الاحترام لي ويناديني باحب الاسماء لي طبعاً" وقلت له ديرتنا ماعندها بحر وشلون بنوصل لها بهالقارب وكنت ذهين وقتها يعني استخدم مخي في الازمات والمحن قالي ماتخاف راح ندبر امرك لما نوصل اليابسه وهو يسولف الا وذلك الصوت اللي تقول صوت انفجار العليا وانت عند الفصيليه واثاريه ذاك الحوت ياكافي يارب سترك الا وانا اخبر الشايب قدامي ماعاد اشوف الا نوافير الحيتان وخذ ياظماء مع هالمياه من الروعه ومادريت الا وانا والشايب متمسكين بعد محط وشيل وحط على ذاك اللوح وهو يناظرني ويقول رب الستار العليم وينشدني تعرف تعوم ياصبي برضوه والحن في ازمه الغرق مافيه احترام قلت له لا اعرف اطير بس ولازم فوق عسبان نخل والا بغيرها لا قال طيب اتمسك فيني لحد مانوصل لذيك الجزيره ويشاور بعيد وانا خبركم مااهنا شوف قلت طيب وشلون بنوصل ذيك الجزيره من دون قارب قال ماعليك اتمسك في ظهري وانا اعوم وانا اناظره واقول ذا الشايب بيسحبني كل هالمسافه الين الجزيره اللي يشوفها وانا مابعد شفتها المهم تمسكت فيه وكل مايرتفع الموج خذ ياتخنيق لذا الشايب الين وصلنا لذيك الجزيره اللي يحبها قلبكم ومافيه الا انا والشايب وفي الجزء القادم حكايتي في الجزيره انا والشايب وكيف عدت الي ديرتنا سالم ولست غانم .
ووودي اقدم لك نصيحه ياليت تقفلون الاتصال وانتم تقرون القصه لاني احس انها طويله
<- - - - - يشوف الناس تكتبها ولايدري وين موقعها
الجزء الثاني ابكتبه بلون مختلف عشان تقدروا تفرقون بين قصتي الاولى والثانيه
حكايتي الاولى : انا والشايب ابوقارب 
الوضع العادي
