ياخوي تراهم والله مب ملائكة !! يخطئون مثل غيرهم .. إنتقدوهم زي الناس ولا لاتنتقدون !! ..

بخصوص سالفة خويك .. ممكن أشياء صارت ماقال لك خويك عنها .. وبعدين لا تعمم ....



ختاماً .. :

قال تعالى: ( ولتكن منكم أمة يدعون إلى الخير ويأمرون بالمعروف وينهون عن المنكر وأولئك هم المفلحون)

يابن الحلال هم ملائكه مايخطئون ولاحد ينتقدهم عشان مايصير علماني ,,
والله انهم تبلوآ عالم الله يبلاهم في نفسهم ..ما اعمم عَ البعض اذا ماكانو الاكثريه ,,


قبل كم يوم انا ولد خالتي عند بوابه الفيصليه امتداد شار الثلاثين تونا داخلينها بالسياره نقول ندخل ولا ماندخل الا جمس الهيئه ملحَم ورانا طلعنا وهو يمشي ورانا ملحم ,, وقلت للي معي ماعليك اب اشوف وش عنده ولطعن عَ طريق الملك فهد وقفنا عند المدخل حق برج الفيصليه وجاء جنبنا وقف يطالعنا عَ يسارنا وراح ,,

وانتهت السالفه


قبل امس ولد خالتي داقين عليه المرور يقولون الهيئه معممين عَ موترك وتعال وفَ التعميم انهم كانو يطاردونك وانت حاولت الفرار وتعرضو للاصطدام وصلحوا الموتر بقيمه 4700 ,, وعلمنا تفاصيل اللي عممم وكل شي ,,
الضابط نفسه يقول والله اشغلونا وتبلو عَ هالعالم ..

بالعقل هيئه يدور من الظهر لاخر الليل ماعنده زوجه اهل حريم مالهم حق
واختلاطات بالسوق ويدق اللي يبي والشباب مايدخلون عشان فيهم شهوه لكن هم شاربين كوثر


هيئه الامر بالمعروف والنهي عن المنكر <~ هذا اسمها
مب التجسس عَ خلق الله وبحث عن فضائح ..

إقتباس الرسالة الأصلية كتبت بواسطة مجنون الزعيم(9) يابن الحلال هم ملائكه مايخطئون ولاحد ينتقدهم عشان مايصير علماني ,, والله انهم تبلوآ عالم الله يبلاهم في نفسهم ..ما اعمم عَ البعض اذا ماكانو الاكثريه ,, قبل كم يوم انا ولد خالتي عند بوابه الفيصليه امتداد شار الثلاثين تونا داخلينها بالسياره نقول ندخل ولا ماندخل الا جمس الهيئه ملحَم ورانا طلعنا وهو يمشي ورانا ملحم ,, وقلت للي معي ماعليك اب اشوف وش عنده ولطعن عَ طريق الملك فهد وقفنا عند المدخل حق برج الفيصليه وجاء جنبنا وقف يطالعنا عَ يسارنا وراح ,, وانتهت السالفه قبل امس ولد خالتي داقين عليه المرور يقولون الهيئه معممين عَ موترك وتعال وفَ التعميم انهم كانو يطاردونك وانت حاولت الفرار وتعرضو للاصطدام وصلحوا الموتر بقيمه 4700 ,, وعلمنا تفاصيل اللي عممم وكل شي ,, الضابط نفسه يقول والله اشغلونا وتبلو عَ هالعالم .. بالعقل هيئه يدور من الظهر لاخر الليل ماعنده زوجه اهل حريم مالهم حق واختلاطات بالسوق ويدق اللي يبي والشباب مايدخلون عشان فيهم شهوه لكن هم شاربين كوثر هيئه الامر بالمعروف والنهي عن المنكر <~ هذا اسمها مب التجسس عَ خلق الله وبحث عن فضائح ..

ياخي محد قال انه ملائكة !!!

لكن انت ليش جايب بعض اخطائهم وحاطها تحت المجهر ومطلعهم سبب مصايب ه العالم !!!

ياخي ليش ما نجيب بعض ايجابياتهم التي لا حصر لها ونناقشها !!
ليش ما نناقش سترهم على بنات المسلمين !!
ليش ما نناقش خوفهم علينا من ضياع ديننا !!
ليش ما نناقش محاربتهم للعلمانين والليبراليين !!
ليش ما نناقش محاربتهم للمبتزين وهاتكي الاعراض !!
ليش ما نناقش محاولاتهم الكثيرة لنصحنا وتقويمنا للرجوع للطريق الصحيح حينما نخطئ !!
ليش ما نناقش جهودهم لحل المشاكل الاجتماعية !!
ليش وليش وليش !!

يعني بالله جايب قصتك انت وولد خالتك ومطلعلي ان الهيئة أكبر عدو للمجتمع !!

والله ما يصير يا اخوي !!

لا تخلي ربي يبلاك بمصيبة لكي تعرف قيمتهم !!

الله يصلح الحال !!

إقتباس الرسالة الأصلية كتبت بواسطة @@almoreb@@ ياخي محد قال انه ملائكة !!! لكن انت ليش جايب بعض اخطائهم وحاطها تحت المجهر ومطلعهم سبب مصايب ه العالم !!! ياخي ليش ما نجيب بعض ايجابياتهم التي لا حصر لها ونناقشها !! ليش ما نناقش سترهم على بنات المسلمين !! ليش ما نناقش خوفهم علينا من ضياع ديننا !! ليش ما نناقش محاربتهم للعلمانين والليبراليين !! ليش ما نناقش محاربتهم للمبتزين وهاتكي الاعراض !! ليش ما نناقش محاولاتهم الكثيرة لنصحنا وتقويمنا للرجوع للطريق الصحيح حينما نخطئ !! ليش ما نناقش جهودهم لحل المشاكل الاجتماعية !! ليش وليش وليش !! يعني بالله جايب قصتك انت وولد خالتك ومطلعلي ان الهيئة أكبر عدو للمجتمع !! والله ما يصير يا اخوي !! لا تخلي ربي يبلاك بمصيبة لكي تعرف قيمتهم !! الله يصلح الحال !!

مايذوق النار الا واطيها ,, انا تبلوني اكثر من مره
مع احترامي الهيئه هدفها التجسس ولا امر بالمعروف والنهي عن المنكر !
يعني بالله لما تسوق السياره ويجي جنبك سياره بدعاماتها فيها 2 من اعضاء الهيئه و واحد عسكري ضايقآ صدري وكلهم يناظرونك ورامين وجيهم عليك يبون يشوفون اللي معك هل هي اهلك ام شي ثاني ,,

الشي الثاني ,,
انا ماكبرت اخطائهم ولاهم يحزنون ولا بيَنت انهم عدو للمتجمع زي ماكتبت انت
بس هنا المشكله الواحد اذا انتقد الهيئه قالو انت ضدها وانت وانت وانت ..
جازمين ان الهيئه ماتخطي وانها ملائكه وانها فوق النقد وانها وانها وانها ,,
سلآمآت ,, لا احد يجي يقول وراك تدخل سوق وراك تدور وراك ,,
شوي يقول وراك تطلع من البيت

اليئه لهم ايجابيات والله يجزاهم خير بس بنفس الوقت لايعاملون بعنف ويتوقعون من الشباب المحبه والموده

إقتباس الرسالة الأصلية كتبت بواسطة مجنون الزعيم(9) قبل كم يوم انا ولد خالتي عند بوابه الفيصليه امتداد شار الثلاثين تونا داخلينها بالسياره نقول ندخل ولا ماندخل الا جمس الهيئه ملحَم ورانا طلعنا وهو يمشي ورانا ملحم ,, وقلت للي معي ماعليك اب اشوف وش عنده ولطعن عَ طريق الملك فهد وقفنا عند المدخل حق برج الفيصليه وجاء جنبنا وقف يطالعنا عَ يسارنا وراح ,, وانتهت السالفه

طيب ممكن تشرح وش الفائدة من هالسالفة ؟!
الهيئة لا كلمتكم ولا ضايقوكم في شي !!
عجبتني عبارة ( قلت للي معي ماعليك اب اشوف وش عنده ) مسوي فيها أبضاي !!

إقتباس الرسالة الأصلية كتبت بواسطة مجنون الزعيم(9) قبل امس ولد خالتي داقين عليه المرور يقولون الهيئه معممين عَ موترك وتعال وفَ التعميم انهم كانو يطاردونك وانت حاولت الفرار وتعرضو للاصطدام وصلحوا الموتر بقيمه 4700 ,, وعلمنا تفاصيل اللي عممم وكل شي ,, الضابط نفسه يقول والله اشغلونا وتبلو عَ هالعالم ..

اللي عجبني في هالقصة هو الضابط واضح جدا إنه رجل أمين وثقة لأبعد حد ولا يمكن يكذب ولا يغش ولايخون ولا ولا ولا إلخ ..!!
لا وبعد سعر التصليح صحيح بدون كسور !!!

إقتباس الرسالة الأصلية كتبت بواسطة مجنون الزعيم(9) بالعقل هيئه يدور من الظهر لاخر الليل ماعنده زوجه اهل حريم مالهم حق

يعني بالعقل هم شغالين من الظهر لآخر الليل !!!!!!!!!!!!!

الهيئة انا عن نفسي من اكبر المؤيديين لها لكن في بعض رجال الهيئة يتصنعون التوبة و يسوي الديكور و يمتحن خلق الله !!


انا عندي وجهة نظر ان الي يتوب من المفحطين السابقين او المتعاطين مفروض ما يخلونهم دوجه في الشوارع

مفروض يخليه شغل مكتبي يخلص الاوراق الفلانيه و يودي الاوراق لفلان و كذا والله يسون خير فيه عينات و قسم بالله مستحيل مستحيل تاخذ و تعطي معهم بالكلام ولا حتى تقدر تبري نفسك على طول طخ طيخ

شيء يقهر والله

إقتباس الرسالة الأصلية كتبت بواسطة هلالي معالي انا عندي وجهة نظر ان الي يتوب من المفحطين السابقين او المتعاطين مفروض ما يخلونهم دوجه في الشوارع

ليش قالوا لك كل من تاب حطوه في الهيئة ؟!!! كذا من الباب للطاق !!

ولا كل اللي شغالين في الهيئة كانوا أرباب سوابق ؟!!!

وعليكم السلام ورحمة الله وبركاته

أسمع يا رعاك الله :
بعض رجال الهيئة غير مؤهليـن للعمـل بها ويلازمهم سؤء الظـن والشك ..
وأنا أسميهم " دخلاء " وللأسف تم توظيفهم في جهاز الحسبة وهم من قام بتشويهه
جهاز الهيئة لابد من تنقيحه وتنظيفه من هذه الفئة الغير مؤهلة بالتعامل الميداني
مع المواطنين وبالحقيقة الجهاز بشكل عام أيجابياته أكثر من سلبياته ولكن لو أستمر الحال في توظيف غير المؤهلين سيصبح العكس بلا أدنى شـــك ..


الدخلاء = بلطجيـة هيئة الامر بالمعروف والنهي عن المنكر
وأهم شي أنتبه لا تشتري نعناع قدام الهيئة