PING !!! .. أبنق شي فَ الحيــآه .. .. - نادي الهلال السعودي - شبكة الزعيم

مجنون الزعيم(9) · #1 11/11/2011, 05:11 AM

بسم الله الرحمن الرحيييم

وبه نستعين

كل عام وانتم بخير شكرا للقميع نفرا نفرا زنقه زنقه

كل من سأل ودعاء لي وجزاكم الله خير انا كنت مرابط جنب الملك عبدالله كان يشاورني في الترقيات الجديد

يقول بعينّك بدل الطبيشي ابو نظاره يقول ماش ثقيل دم

وجدتي منيره تدعي لكم وهي تحط الديرما وتقول بعيّد كل وحد منهم عَ خمسه ريال وحلاو بقر ذاك البني القديم

هذا مافي عندي وجعبتي وشكرا

..

صادوه <~ بطلع برى

شسمه ..
قبل فتره ليست بالوجيزه يعني ليست بالطويله كنآ نتسامر ونتبادل النكتات في الاستراحه المهم واحد

من العيال يقول انت يامشعل راسك فيه هواء !

بصراحه هالكلمه شدتني كثير اكثر شي ..

وركبت السياره وشغلت اناشيد ابو عبدالملك وانا اهوجس وش لون راسي فيي هواء

رجعت للبيت ولسان راسي يقول راسي في هواء صدز !؟
حتىآ لو كآن فيه وش الاسباب !؟

.. تيقنت بعددين وخمَنت الموضوع ! ان سبب هذا كله يوم كنت بزر ابلغ من العمر السنه ومدري كم شهر ! احفظ من كتاب الله

شسمه المهم قلت يمكن عشان يومي صغير اركب المشايه ويجي اخوي الكبير

وويوديني للحوش بمشايتي وانا وقتها اقول وين بيوديني هالسبهه !

يوديني للحوش ويدفني ويقلع بي ويلف بي يمين يسار يقاله يمزح معي

وانا وقتها وجهي من كثر الهواء اللي يصقع في خشتي المصونه وعيني من قوَ الهوآء مفتوحه

كأني ضفدع مدعوس

<~

قلت يمكن السبب تسذا !

.. ولا شدخل الهواء براسي خصوصا ان دمجتي مزحومه كلها مخ ومخيخ وحبال شوكيه واورده وعلب ببسي فاضيه

وتيم

<~ قديم

او يمكن اختي الله يهديها يومي بزر بعد تشقلني وترميني فوق وتصفق كم صفقه وتمسكني

يقالهم يمزحون معي وانا اقول وش هالاخوان اللي مايبوني

مره اختي رمتني فوق وتحتريني صرت متسطح عند بيت الجيران فوق شقَ جدتهم

المهم من ذيك اللحظه للحين وانا افكر وافكر و .. افكر بعد

شلون دخل الهوآء بالراس

يعني هل هذا له دخل بمزح الثقافه السعوديه وحنا صغار

ولا ماله دخل !

الشي الثاني عندي جده اسمها منيره الله يخليها ويطول بعمرها

ام امي يعني تصير جدتي

يعني كبيره بالسن نوعا ما

.. لا والله مب نوعا ما كبيره الله يطول بعمرها اكثر من كذا

شسمه المهم مضيعه اسمي اجيها اليوم مثلا مثلا اسلم عليها .. تقول هلا ماجد شخبارك طيب !

اسمي مشعل ياجدتي

تقول هاه رحت مكه جبت لي زمزم ! اقول ايه شوفيه عند الباب مستحي يدخل

وش زمزمه
ولاجاء زي بكره قالت لامي مشيعل وينه لاجاء يسلم ولاشفته من شهرين

.وانا امس عندها

امي بدت تشك فيني تقول انت رايح لها امس ولا يتهيأ لك !

يعني يمه انا اللي يتهيأ لي مب امي منيره اللي هي امك

تشكين بولدك المصون 9 شهور منسدح في بطنك ماتاكلين الا زبادي وابوي اللي يطبخ لك

وطبخه احيان يجي مالح وتسلكين له وانا حايمتن تسبدي

تقول رح سلم عليها ثانيه

واروح اسلم عليها باليوم الثاني عَ التوالي والله يعين

.. الله يعطيها طوله العمر والله اني احبها

تقول لي مره عندي بالبنك يامشعل 10 الاف تو عيال بايعين لي ارض

تبيني اخطب لها شكلها

..
يعني بهالحال اسالكم وش اسوي

!
الا عَ فكره اذكر جدتي ام ابوي [ نوره ] كانت تحط ديرما ذاك البني اللي كأنه هيل

طبعا لاتستهينون بالديرما

ترى هالديرما ماركه

بس وقتها مالقوا مسوقين لهم الا هالعجايز الله يحفظهم ويخليهم لنا

طبعا اللي مايعرف ديرما هو شكله بني نوعا ما تمسكه العجوز الله يحفظها وتخبط به خشتها والمشكله انه مايطلع لون

مدري وشوله مرطب مثلا

؟

حاولت ادور له صور بقوقل ولا حصلت

كتبت ديرما عجايز

طلع لي هل تستهبل ياهذا ؟

فا اسألو امهاتكم عنه

والسلام عليكم ورحمه الله وبركاته

الفكر والرسآله · #2 11/11/2011, 05:55 AM

هههههههههههه هههههههههههه

ههههههههه يارباااااه والله اني ماسك بطني ضحككك .. أهنييييك على خفةة الدم اللي تشآركني فيها كثيييير >>برااا ..

الله يخلي لك جدتك اوما جدتك ههههههه حكايةة ثانيه ..

بس أختلف مع خوييك الي يقول براسك هوى لانك انواع التنسييييم هههههههههه

مبنشر بقوووه .. الديرمانه اكرهها سببت لي قلق مره عباطه قعدت أعضضها واحطها على شفايفي
المهم طول الليل ونمت وهي بفمي يوم قمت واثرها طايحه المهم غسلت وجهي وتسذا واروح للمدرسه الا وخذ الطلاب المنسمين يضحكون علي ورا خشك قايله تسذا قلت وشبها قال شكلك
تدخن عاد ديني ودين هالكلمه وانا أصور خشتي بجوالي واناظر ولا وش اناظر خشتي غدت بنية مع برتقاليه مع سوداء الله لايعادي ذيك الليله ولقافتي والديرمانه ورحت اغسلها واغسلها ماش لاصقه فيني قلت بكيفها ويوم وصلت البيت سويت عملية تطهير اي ديرمانه للزباله الله يكرم القارين ماخلت أحد ماضحك علي ..

ادري طولت بردي بس موضوعك جد الييم ومن عنوانه عرفت انه أبنق موضوع بالعالم ..هههه

ربي يسعدك ولا تحرمنا طلتك نوبتن ثانيه سير وعطنا علووومك .. لو اقدر أقيم عطيتك احلى تقيييم لاحلى حضووور ....

ابورنـا · #3 11/11/2011, 06:22 AM

####

ههههههههههههههههههه
آول شئ الحمدلله على سلآلآمتك : )
ثآنيآ : يعجبني آسلوبك و خآصتآ يوم انت بالمشششايه

ههههههههه
و الله يخليلك جددت و يخلين لك <

و كل شئ لك و لي

md7t · #4 11/11/2011, 01:41 PM

ههههههههههههههههههههههههههههههههه
اجل منسدح في بطن امك تسع شهور وامك ما تأكل الا زبادي

ههههههههههههههههههههههههههههههههههههههههههه

مجنون الزعيم(9) · #5 11/11/2011, 02:02 PM

إقتباس


	عاد ديني ودين هالكلمه وانا أصور خشتي بجوالي واناظر ولا وش اناظر خشتي غدت بنية مع برتقاليه مع سوداء الله لايعادي

من جد ياشخ عليه الوان خنفشاريه

تطلع خشتك مموجه من سبته
ويجيك واحد من شيبان الحاره يقول يالتيس تتن

للمعلوميه ليومك هذا ماعرف وش فايدته حاولت اسأل جدتي مره

بس شفت حولها التجوري قلت اخاف احرجها وترميه علي

العجايز الله يحفظهم نتوقع منهم اي شي

إقتباس


	آول شئ الحمدلله على سلآلآمتك : ) ثآنيآ : يعجبني آسلوبك و خآصتآ يوم انت بالمشششايه

آلله يسلمك

عاد كل هالموضوع ماعجبك الا المشايه ..

شدعوىآ

..

منور يآمِدحت

âήẄăѓ · #6 11/11/2011, 04:08 PM

ماشاء لله عليك
اسلوبك رائع
وانت خفيف دم
تشكرات

,,محمد,, · #7 11/11/2011, 04:21 PM

أولاً : تسل عام وأنت كويس ومتعافى والحمد لله على السلامة

،،

ثانياً : يا أخي ليش أنا أغليك

؟

إقتباس


	تقول هاه رحت مكه جبت لي زمزم ! اقول ايه شوفيه عند الباب مستحي يدخل وش زمزمه

حسبي الله على ابليسك هههههههههههههههههههههههههههههه ،،

موضوعك مزركش للآخر

يعطيك العافية يالامير

،،

رادويهـ · #8 11/11/2011, 05:52 PM

الله يطول باعمارهم ويخليهم لك ..

وجدتك منيره كثر خيرها ..

باين انها تغليك ..

تعد الاياام ,عاد انت وش بيضرك لو سلمت عليها يومين ورى بعض ؟؟

مجنون الزعيم(9) · #9 12/11/2011, 06:13 AM

وش وضع المجلس طآلع هآدي

A L 7 Z N · #10 12/11/2011, 08:39 AM

ههههههههههههههه
اول شي حقدت عليك قلت يستهبل ذا
كاتب لي موضوع سطرين تبا لك مشيت المقلب علي ..
وموووضوعك حلوو وكوميدي عاد زين قريته عالصبحيه
تخبر الدوام والنفسيه زفت
ويعطيك العافيه يا ماجد هههههههههه

♥ N E V E S ♥ · #11 12/11/2011, 12:06 PM

هههههههههههههههههههههههههههههههههههههه

الله يوسع صدرك بالعافيه ويخلي لك جدتك ويطول بعمرها

والديرمه كنت اشوفها مع جدتي الله يغفر لها

يعطيك العآفيه يالغلآ

algohmani · #12 12/11/2011, 02:26 PM

حمد لله على السلامة وانا اقول يوم رحت دبي مالقيتك .. هع

3ash8.alz3im · #13 13/11/2011, 01:38 AM

ههههههههههههههههههههههههههههههههههههههههه

الله يدخل بصدرك هواء .<<<امزح ههه
صراحة تشققت ضحك حسبي الله على ابليسك ..
اول مادخلت المووضوع وشفت اول شي قلد الرجل متكللف وهو وجبهته

اثررك كاتبا موضووع تحته ههههههههه
الله يسعدك بالدنيا والاخره .

تـحــيــآتــي ..~