أي سؤال يخطر في بالك للعضو (( ابو ريناز )) - نادي الهلال السعودي - شبكة الزعيم

إشراف المجلس العام · #1 14/02/2003, 10:48 PM

[c]

السلام عليكم ورحمة الله وبركاته .. وبعد

نعود لكم من جديد

كما عودناكم في السابق في إختيار واحد من الأعضاء ليكون ضيف المنتدى بحيث تقدم له جميع الأسئلة من قبلكم .. ويقوم هو بالإجابة عليها ..

وضيفنا لليوم هو الأخ ابو ريناز

بالتوفبق
ملاحظة / للضيف الحق في عدم الأجابة عن اي سؤال يراه غير مناسب له

[/c]

فتى المدينه · #2 14/02/2003, 11:54 PM

انا اول واحد بالدور
شباب

كيف حاك ابو ريناز جاهز

وش السؤال اللي ما تحب احد يسألك وجاوب عليه
؟؟؟؟

الثاني * البطاقه الشخصيه من فضلك
؟؟

[gl]تحياتي * فتى المدينه[/gl]

#3 15/02/2003, 12:11 AM

هلا ومرحبا ابو ريناز

هل زرت الكويت؟؟؟ ;)

شنو رايك في الكويت؟؟؟؟؟

موقف محرج<<<<<<< يا حبي لها

مشكووووووووور واتمنى اني ما ثقلت عليك بالاسئلة......... ;)

yazeed_9 · #4 15/02/2003, 01:48 AM

مساك بالخير ابوريناز

عندي سؤال واحد بس

@@ مين الي دلك علو المنتدى ؟؟

وبالتوفيق

وردة الهلال · #5 15/02/2003, 03:04 AM

سلام عليكم أبو ريناز

سؤال ورد غطاه

<<< غريبه أحمد ربك أنها ما أدهرت لذا الحين

أسأل الغانم عنها

المهم

متى بديت تصمم فوتشوب ؟

تصاميمك كلها فوتشوب
<< على إلي شافت

ما فيه فلاش

وااااااااااااااا بس حالياً أسوي نفسي ثقيله

تحياتي لك: الكرز

خربوووووط · #6 15/02/2003, 04:22 AM

هلا وغلا أبو ريناز ...

س / ماذا تعني لك نجوم القايلة ... وخاصة إذا الناس ناموا؟؟

س / هل مازلت تردد ياليل ماطولك ؟؟

س / عندما تحين ساعة الودااااع ... ويخيم الصمت على المدينة ... هل ستستمتع بالنوم ؟؟

س / أكتمل البدر وفاز الهلال على النصر لماذا لم تحل الواجب بعد ؟؟

والله يعينك تتحملنا ....ويحقكلك إنك ماترد على بعض الأسئلة ... وإن شأت كلها ..

ترى بالي وسيع ... ومازعل ...

<<<<, على باله ديموقراطي والعياذ بالله

ابو ريناز · #7 15/02/2003, 11:26 AM

[c]
السلام عليكم ورحمة الله وبركاته ..

في البداية أشكر إدارة المجلس العام على الاستضافة .. رغم تأكدي بأنه يوجد من هو أحق مني بالاستضافة

.. أما بالنسبة لاسئلتكم .. فأرجوا من الله أن يكون في عوني بالجابة عليها

فإلى الاجابات ..

فتى المدينه

إقتباس


	كيف حاك ابو ريناز جاهز

بخير الله يسلمك .. ايه نعم جاهز.. ابدأ

إقتباس


	وش السؤال اللي ما تحب احد يسألك وجاوب عليه ؟؟؟؟

امممممم الحقيقة .. السؤال اللي مااحب اد يسألني هو ( وش اسم أمك ؟؟!!)

والجواب عليها اسمها ( أم ابو ريناز )

إقتباس


	الثاني * البطاقه الشخصيه من فضلك ؟؟

الاسم : تركي ===> ( اعتقد يكفي ) ;)
اللقب : ابو ريناز .
الوظيفة : طالب .
الهواية : كرة القدم والتصميم والحاسب ===> وش دخل الهواية بالبطاقة الشخصية

---------------------------------------

كيفي كويتية

إقتباس


	هل زرت الكويت؟؟؟

للأسف لم يحصل ذلك :O

إقتباس


	شنو رايك في الكويت؟؟؟؟؟

والله أنا مأعرفها جوها الداخلي تمام المعرفة .. عشان كذا مااقدر احكم .. لكن .. اللي اعرفه أنه بلد رائع .. لكن الحريم مايتغطون ..

إقتباس


	موقف محرج<<<<<<< يا حبي لها

اممممممممم موقف محرج ... شوي عشان اتذكر

.. ايه تذكرت .. مرة من المرات .. كنت اسمع على الشيخ محمد الهبدان جزء عم .. واول مابديت بسورة عم .. تمام .. لكن بنصها .. بديت اخربط واضيع

واحاول اتذكر احاول احاول .. مافيه فايدة .. المهم الشيخ شافني مافيه امل اتذكر ..

وعطاني سورة البينة .. المهم صار نفس الشي ..

ابدا بعدين اضيع ..

.. الطامة الكبرى ان الشيخ عطاني سورة العلق .. وسورة العلق كل واحد حافظها .. بس انا مع الارتباك ضيعت

.. وضااااااااااع وجهي .. المهم قالي الشيخ رح راجع زين جزاك الله خير

إقتباس


	مشكووووووووور واتمنى اني ما ثقلت عليك بالاسئلة.........

لا أبد عادي .. حياك الله ..

---------------------------------------

yazeed_9

إقتباس


	@@ مين الي دلك علو المنتدى ؟؟

وشي (( علو )) ذي ؟؟!!

الله يصلحك دقق بالكيبورد زين اذا جيت تكتب مرة ثانية ..

أنت تقصد (( @@ مين الي دلك على المنتدى ؟؟ )) صح والا لا ;) ..
والجواب سلمك الله .. مااحد دلني عليه .. هو مشهور شهره كبيرة .. وانا الحقيقة ناسي كيف تعرفت عليه ..

لكن كأني اذكر اني اخذت رابطه من أحد امواقع الهلالية ..

---------------------------------------

وردة الإبداع

إقتباس


	سؤال ورد غطاه <<< غريبه أحمد ربك أنها ما أدهرت لذا الحين أسأل الغانم عنها

الحمدله ياربي أن الوردة ماانفلتت وصكتن بأسئلة كبر قريح الحمدله ياربي أن الوردة ماانفلتت وصكتن بأسئلة كبر قريح الحمدله ياربي أن الوردة ماانفلتت وصكتن بأسئلة كبر قريح

إقتباس


	متى بديت تصمم فوتشوب ؟

اممممممم .. حقيقة سؤال جيد .. وكنت متوقع أحد يسألني ايه ..
دخلت مجال الفوتوشوب .. قبل 8 شهور تقريباً .. ولكن بداياتي ضعيفة جداً وتصاميمي تفشل

لكن مع الاصرار ومشاهدة الدروس .. وصلة الى هذا المستوى المتواضع .. وليكن بعلمك أني الى الان لم أتعدا مرحلة النصف في الابداع في الفوتوشوب

فأنا مصمم متواضع جداً ولست كباقي المصممين ماشاء الله عليهم .. ابداعهم بلا حدود

.. ودعواتكم لي بالتوفيق وبأن أصل الى مستواهم

إقتباس


	تصاميمك كلها فوتشوب؟

في الحقيقة .. غالب تصاميمي فوتوشوبية .. لكن لي بعض الاعمال الفلاشية

لكن انا افضل التصاميم الفوتوشبية .. انها اكثر جاذبية ..

إقتباس


	وااااااااااااااا بس حالياً أسوي نفسي ثقيله

ايه اثقلي .. ترى الثقل زين

---------------------------------------

خربوووووط

إقتباس


	س / ماذا تعني لك نجوم القايلة ... وخاصة إذا الناس ناموا؟؟

تعني لي الشيء الكثير

وأولها أني أروح انام

لان نجوم القايلة طلعت

إقتباس


	س / هل مازلت تردد ياليل ماطولك ؟؟

لا ولله الحمد

فأنا منقطع عنها لمدة لكن رددتها في نهاية بطولة الخليج اللي شارك بها الهلال ..

إقتباس


	س / عندما تحين ساعة الودااااع ... ويخيم الصمت على المدينة ... هل ستستمتع بالنوم ؟؟

وش تقول أنت ؟!!

تكلم عربي

! عطنا أسئلة زي الناس

وش وداعه وش نومه وش صمته ؟؟!! اخاف انه صمت العيون

بس على العموم انا فهمت من سؤالك ((هل ستستمتع بالنوم ؟؟)) بس .. أما الباقي مافهمته .. الجواب .. اني استمتع بالنوم متى ماكنت دايخ

إقتباس


	س / أكتمل البدر وفاز الهلال على النصر لماذا لم تحل الواجب بعد ؟؟

يأخي انت مادرست قواعد برابع ابتدائي

ماتعرف تركب جملة مفيدة ؟؟!!

وش دخل الهلال والنصر .. بالواجب ... بعدين حنا بعطلة

مافيه واجبات

[/c]

أيــــــمــــــن · #8 15/02/2003, 01:25 PM

هلا ابو ريناز

مامعنى اسم (( ريناز )) لأني اول مره اسمع هذا الاسم .. وهل هو ذكر ام انثى ؟

تحياتي

تحدوه البشر · #9 15/02/2003, 01:49 PM

السلام علبك ورحمة الله وبركاته

ابو ريناز كل عام وانت بالف خير

س/ لما قالك ابو سليمان بتكون ضيف على المجلس العام وش كان شعورك؟
س/ شغله في بالك وودك تسويها وما قدرك بس مصمم انك تسويها ممكن نعرفها؟

تحياتي لاروع مصمم هلالي ...

الفيصل الهلالي · #10 15/02/2003, 02:28 PM

السلام عليكم

شكراً لإشراف المجلس العام على استضافتهم للمبدع ابو ريناز

عندي سؤالين

1/ سبب تأخر ظهور ابو ريناز في منتدى الزعيم

2/ هل لك مشاركات في منتديات ثانية

تحياتي لك ,,

شهدالدلوعه · #11 15/02/2003, 04:59 PM

مساك الله بالخير أخوي ابو ريناز
وكل عام وأنت بألف خيــر ..
عندي سؤالين :
ماهو بيت الشعر الذي يعجبك ؟
من هو شاعرك المفضل؟
وألف شكر لك..

الشـلال الأزرق · #12 15/02/2003, 05:18 PM

هلا وغلا والله بالغالي أبو ريناز

لكن قبل أكتب الأسئله بقولكم شئ

وهو ان الأخ أبو ريناز صار له فتره طويله معي بالمسنجر وبيننا أعمال كثيره لكن والله ثم والله اني أول مره أدري انه مسجل بالزعيم وباسم أبو ريناز ولولا اني تفاجأت بالأسم ( لأنه حاطه بالمسنجر) ولما دخلت لقيت اسمه تركي عرفت انه هو خويي فكانت بصراحه مفاجأه .
لكن أعتقد السبب اني انا مقصر في شبكة الزعيم ومشاركاتي قليله فيه ويبدو لي ان الأخ تركي أكثر مشاركاته في التصاميم وانا ما أدخل الا منتدى الهلال والعام .

أرجو منه المعذره فهو عزيز وغالي بس حبيت أقولكم على موقفي .

سؤالي للأخ تركي :

* اختفى توهج ونشاط ابو ريناز السابق فما الأسباب ؟
* متى بدأت رحلتك مع النت ؟ وما استفدت منه ؟ وماذا اخذ منك ؟

ختاماً :
أشكرك وأشكر اشراف المجلس العام على المفاجأه الجميله وأتمنى من ابو عبدالله ما ياخذ في خاطره مني ويعذرني على كل تقصير .

تحياتي

الحاتمي · #13 15/02/2003, 07:06 PM

أبو ريناز عندي سؤال واحد ....

وش رايك بالنظام السياسي للحكومة ؟!;)

انا أستأذن ....

مدمي الشباك سام6 · #14 15/02/2003, 08:17 PM

سلالالالام

انا اقول انا اعتقد انا افرض مثال انا اتكلم يالله لاحد يقاطعني

اللي في كيبوردي بأكتبه

س/ كم عدد اخوانك ؟؟<< ياشين اللقافة

س/ البارق تعرفه؟؟ وش تحب تعطيه لقب من هالالقاب
( ابو قفل [المشهور]
برووقي
البارق)

تحتوحي لك
آسسسسسف اذا ثقلت < كلها سؤالين وثقلت << ايه ثقلت

بو فهد عم جواهر · #15 15/02/2003, 10:52 PM

الاخ العزيز / أبو ريناز

السلام عليكم

س 1 / ما يعني لك أسم ((( ريناز ))) ؟