|
لاسكن ؛ ولابدل سكن ! يعيش بعض مجتمعنا السعودي صعوبه كبيره في ايجاد سكن منزل( ملك ) لارتفاع اسعار الايجار والعقار بشكل عام <!-- / message -->فأصبح المواطن يعيش تحت معمعة ( الايجار ) لعدم توفر المسكن فالموظف العادي او ربما شريحه كبيره من موظفي الدوله لايقبضون بدل سكن كبقية موظفي الدوله او بعض الدوائر الحكوميه التي تصرف ( بدل سكن ) فمهماء قبض الموظف مرتب عالي اومن هذا القبيل اصبح التفكير في بناء المنزل من اهم الصعوبات التي تواجه المجتمع السعودي 0 فمدينة الرياض وحسب الاحصائيات الحديثه ان هذه المدينه يسكنها اكثر من خمسة ملايين ساكن وبذالك ومع كثرة السكان اصبح ارتفاع العقار في هذه المدينه يزداد يوما بعد يوم الى ان اصبحت هذه الاسعار اسعار فلكيه وخياليه 0 ناهيك عن ذالك حتى المقترض من الصندوق العقاري فأصبحت النصف مليون ريال التي يقترضها الموظف بعد السنين العجاف لاتمثل اي شي من قيمة بناء المنزل بعد هذا وذاك لم يستفد المواطن لامن القرض العقاري ولا حتى المنح السكنيه ولاحتى بدل سكن يصرف مع مرتب موظفي الدوله فربما اصبح سكان المدن الكبيره كالرياض وغيرها ( يحلمون ) بأسكان اومنح او بدلات او اي شي يخفف عنهم مايعيشون ويحلمون به الان فأرتفاع الايجارات للشقق والمنازل اصبح هاجس مخيف لساكني المنطقه ولانستغرب يوما ماء ان نشاهد ( خياما ) في احياء مدينة الرياض لصعوبة المعيشه السكنيه فالمنطقه !! |
الخير جاي ان شاء الله والحلول بتجي بإذن الله خلو أملكم بالله كبير ثم بعبدلله بن عبدالعزيز |
|
روقان هلاليه :smilie47: فهمتي مقصد الموضوع غلط .. صاحب الموضوع لم يتكلم عن الامن والامان ولا على الحكام .. تقارنين دولة خليجية بدول افريقية ! لماذا لا تقارنينها بالامرات وقطر ! ....... az3eem-4-ever:smilie47: كلامك صحيح فيه خطة ان شاء الله تنفذ لايجاد حل مشكلة السكن الخاص.. |
انا انصح الشباب يسون اي مشروع صغير يعني كافتريا بجامعه ولا كشك بسوق او اي شيء والله راح يكسب شوفوا محلات الكب كيك انا اجزملك الربح الصافي 2مليون بالسنه ماراح يخسر الي يفتح مشروع او حتى اللي يبيعون خظار المكسب 15الف بالشهر تصدقون ؟ لانقارن نفسنا بالامارات و قطر لانهم ينعدون بالأصابع بعكسنا ماشاء الله تبارك الله وبدل السكن راح ينفذ ، جاكم نايف ياوزراء جاكم عالي الشان قوي الباس |
والله العظيم اني ما استفدت ولا ريال من مكرمت الملك ولابعمري طلبت اني استفيد فيكيفيني فخرا اني انتمي لهذا البلد ابوي بالقطاع الخاص وامي ماتشتغل ولا سجلت لابحافز ولا بغيره و انا اكبر اخوتي وإلى الأن ما اخذت اي راتب من الحكومه حتى راتب الجامعه لسى ما اخذته فلاتقول ان لسعودي مايهتم غير بنفسه ويشوف وين مصلحته لاني مصلحتي الوحيده وهدفي ليس الماده بل طاعة ولي الأمر و الحفاظ على دوله إسلاميه لأن بذهابها نعلم ان الإسلام بعد لله لن يستمر او بالاصح سيواجه صعوبات لاننا نحن من لدينا الحرمين برحيل مليكنا الله لايقوله سترى إيران وذئابها ينقضون علينا |
إقتباس:
لو راتبي 12 الف .. وإجآر الشقة 36 الف سنوي .. 3 الاف كل شهر .. يبقى 9 الاف .. إقساط سيارة نقول 2,500 يبقى 7,500 سآهر يآخذ على الاقل 1,500 .. يبقى 6,000 متطلبات شخصية بين 3,000 و 4,000 وبرضو المتطلبات العائلية .. كم يبقى 100 إو 50 .. وهذا وضع الإنسان اللي حالته متوسطة وعنده عائلة ومآله طموح في الحياة يبي يستمر على هالوضع حتى يموت كيف اللي عمره 50 و رآتبه 2,500 ويصرف على 15 شخص ؟؟؟؟ طبعا ماحبيت إتكلم عن اللي يطمحون للزوآج .. لاني راح اتعب كثير .. |
اشكرك اخي على طرح الموضوع ,, و اتمنى من الاخوه الاعضاء الكرام عدم الاساءه لصاحب الموضوع او التقليل من شانه وان يبقى الاختلاف بما طرح فقط , دون اساءات شخصيه .. شكرا لكم |
إقتباس:
مب صحيح العاطل يستلم 2000ريال ! مقارنةً بإحدى الدول الخليجيه حالتنا سيئه ،، في الكويت الطفل من يوم يولد يصرف له راتب حتى بلوغه وعند زواجه يُعطى أرض و و و و .. الشعب السعودي ضحيه في كل شيء ، تنزل مكرمه ملكيه زيادة رواتب ويزود معها السلع والمواد الغذائيه يعني ما إستفدنا من الزياده.. وللمعلوميه 70% من السكّان ساكنين في إيجار هذا دليل الشعب حالته الماديه يُرثى عليها ومع ذلك أغلب التبرعات والمساعدات تذهب للخارج وحنا أولى فيهاا . s13s |
موضوع مهم وحساس وياليت الدوله تهتم فيه تجار العقار يتلاعبون بالشعب والحكومة لا حس ولا خبر انا امنيتي امتلك شقة حتى اتزوج لكن ارتفاع الاسعار الحاصل عندنا مايساعد اني احقق امنيتي الدولة مابيها تعطيني شقة او ارض او قرض لكن ابيها تراقب التجار اللي يتلاعبون بالشعب واللي يقول لانقارن انفسنا بقطر والامارت بالحقيقة استغرب منه هذا الكلام ليه مانقارن انفسنا فيهم صادرات النفط عندنا ضخمة وايراداتها ما شاء الله هذا غير الموارد الاخرى والتجار الدولة ماهي مقصره معهم عطتهم تسهيلات ضخمة سواء بالاراضي او القروض بالرغم من ذلك نسبة السعودة عندهم عالية في الوظائف البسيطة ورواتب ضعيفة اما الرواتب العالية استفاد منها الاجانب فقط . اتمنى من الدولة تحط حد اعلى للأيجارات ومن يتعدى هذا الحد يعاقب . واتمنى ايضا مراقبة اسعار الاراضي وارجاعها لوضعها الطبيعي ومعاقبة التجار على تلاعبهم . |
الناس ما هي طالبة شيء مستحيل أو مبالغ فية أو شي ثانوي أو ترفيهي الناس تبي سكن .. بيت ( هذا من الأساسيات ) سكن فيها شي !! إللي سافر بر في السعودية يشوف مئات ومئات ومئات الكيلومترات بر صحراء أراضي فاضية متوسط راتب السعودي 5000 ريال .. بالله قسموها وشوفوا هي تكفي لوسط الشهر هذا غير العاطلين عن العمل أتمنى من أي شخص زعل من كاتب الموضوع يفكر بأنه إذا كان مبسوط وبنعمة ترى فيه ناس مو حصلة سكن وناس مو حصلة عمل .. الرسول صلى الله عليه وسلم يقول : (( ما آمن بي من بات شبعاناً وجاره جائع إلى جنبه وهو يعلم )) حديث حسن |
إقتباس:
ثآنياً : لا إحبّذ الحديث عن سآهر لإنك مآجربتيه ثآلثا : المتطلبات الشخصية تشمل بآنزين السيارة .. تجديد اشتراكات .. تصليح إجهزة .. العاب بلايستيشن .. إعمال يومية روتينيه عشآءء غداءء وإعتقد 4 الاف قليلة إيضا رابعا : إيضا لا إحبّذ الحديث عن هالنقطة .. لإن واضح ماعندك خبرة في العقار خآمسا : في بعض الدول الخليجية تصرف على الطفل حتى يبلغ الـ15 سنة وبعضهم 13 سنة . سآدساً : علمني وآلدي نقطتين .. لأطيل بالنقاش مع إنثى + ولا إمشي على رأيها سابعآ : هذا آخر رد لي عليك ثآمنآ : حسيت إنكم تقرون قرار ملكي :d :rose: |
بارك الله بكم جميعا الف شكر |
إقتباس:
احنا من أكبر الدول المصدر للبترول وكثافة السكان نعتبر بالترتيب السادس بين دول مجلس التعاون الظاهر انك متسدح ببيتكم ماتدري وين ربي راميك ولا انت شايف كيف الغرفتين ببعض المناطق وصلت لـ 30 الف ريال لا تنسى أن 80% من سكان المملكة بدون بيوت أو حتى اكواخ ملك لهم إقتباس:
وبتغطي مين ولا مين الـ 500 الف وحده سكنية ؟؟؟ تعداد السكان 26 مليون واللي يتملك سكن 20% يعني عشان تحل مشكلة السكن يبغالك 3000000 مليون وحده سكنه عشان يبدأ المواطن يتنفس وبالنسبة لبدل السكن أو توفير السكن جزء مهم وحق لكل مواطن سعودي دام ربي مكرمنا بواسع فضلة اخوي صاحب الموضوع كل الشكر على طرحك ومشكلة السكن انها طاحت بيد مجلس الشورى والطرح حقه غلط من الأساس عشان الطريقه اللي يتناقشوا فيها تساعد على الغلاء ولا تمسك الأسعار الحالية أو تخفظها حل المشكلة بسيط ان شاء الله وهو بيد ابو متعب وهو توفير السكن الخاص لكل مواطن بأقرب وأسرع وقت ممكن كل الود |
المشكلة الدولة ما عندها مشكلة ببدل السكن ولو انها تصرفه من اول لكان افضل لكن صراحة الخوف يصرفون بدل السكن وترتفع الايجارات لأن العقاريين والتجار حتى لو اشاعة رفعو الايجارات المشكلة الحين اي شي يصير على طول ارفع اسعارك ولنا في ابوجميل مثال يحتذى به اول ما جت مشكلة اليابان ارتفع كل شي حتى المنتجات الاوربية الشركات عالميا ربحها السنوي ما يتعدى 25% وان زاد خفضت قيمة المنتجات عشان كذا نشوف تفاوت بالمنتجات الا عندنا رفعو الرواتب 15% اول مرة كل شي زاد رفعو مدري وشو كل شي زاد مدري وش صار وارتفع الرز حتى لما جاء الدعم من الدولة ما نقص ووزير التجارة ابويماني وزينل للحين يمشون بمدأ انها وزارة التجّار منع استيراد السيارات اللي عمرها اكثر من 5 سنوات قلنا اوكي مو مشكلة عشان كل السيارات القديمة كانت تجي عندنا وتسوي مشاكل وقلنا يمكن ولعل وعسى وهالقرار استفدنا منه في توفر قطع الغيار المستعملة وتسبب انها صارت منتشرة وقل اسعارها نوعا ما يعني تخيلو ماشاء الله مكينة لكزس 400 ب1500 ريال مع الرجيع لكن يجي زينل ويصدر قرار قبل فترة لعيون وكلاء السيارات ان حتى السيارات المقصوصة ما تدخل حتى لو قطع غيار يعني والله اني خايف اللي اخذو الثقة ومسكو المناصب هم اللي بيتسببون بانفجار في احد الايام ان لم ينتبه ولاة الامر من هالناحية عندنا الشركات توصل ارباحها الى 150% والمراعي كمثال السنوات الماضية تحقق ارباح بين 50 الى 70% ولما هالسنة صارت الارباح وصلت لمستوى اقل من ال50% رفعو اسعارهم وقبل كانو يقللون الكميات ومعروف ان المراعي رائدة الحركات النص كم وكل شي يرتفع بس ماينزل وان سألت شي قال ارتفاع الخام البترول وارتفاعه له علاقة؟ ليه زيت السيارة الحين طاق ال16 وال17 ريال للعلبة ومن 6 سنوات بس كانت العلبة ب8 و9 ريال وبعضهم ان طق طق ب10 شكلي بفتح بنشر لادراسة ولا هم والله البناشر ماسكها واحد ولا احد يقول له شي هو اللي يرفع اسعارها بمزاجه والعالم ترفع وارفع وارفع والله يستر من القادم |
مشكلة السكن مشكلة ازليه له فوق 20 سنه والي حصل سكن خلال المده تلقاهم يجمعون فلوس مجوعيين عيالهم ومعيشينهم تحت خط الفقر كل المده لمين جمع حق السكن ونبي من الصندوق العقاري ينجز علينا ويعطون كل سنه مليون شخص 500 الف اذا يبون يحلون مشكله السكن وابي من الي يجيه شي من الصندوق يسال اقاربه عن سكن لايروح للمكاتب العقار لانهم حراميه ومايشبعون |
إقتباس:
بردود سخيفة !! الرجال تكلم بواقعية !!! اغلب الناس لاسف زي ماقال بكابوس ( الايجار) وصراحة ارى هذا هو وقت عمل الدولة لبناء لكل مواطن بيت (فقط للذين لايملكون منازل) واعتقد الدولة قادرة على فعل ذلك مشكور :) |
الـــ 1000 ــــف شكر للجميع |
|
صحيح آني بحاجه لسكن أو بدل سكن ... ولكن ! اللهم لك الحمد على حالنا صدق من قال l من شآف مصيبة غيره هانت عليه مصيبته < مع اني اتوقع لا السكن ولا بدل السكن مصيبه رواتب وزادوها وترسيم وترقيات على قفىآآ من يشيل وقررآت صرف روآتب و و و وآحنا "محسودين" . اللهم انك تديم علينا نعمة الأمن والأمان ويرد كيد من أرآد بالسعوديه سوء أن يرد كيده في نحره . أنا مع الحكومه قلباً وقالباً ,, واللهم لك الحمد حتى ترضى وإذا رضيت وبعد الرضآء ,, صحيح كثير أشياء يجب أن تتوفر مثل التأمين الصحي وبدل السكن . . . لـكن كل شي بوقته حلو. ( الشعب وافي والحكومه رشيده ) . |
من يطالب ببدل السكن لازم بالبداية يفكر هل هذا البدل فوائده أكبر أم مضاره؟ بدل السكن راح يزيد من أسعار الأراضي , ويرفع الإيجارات , بالإضافة إلى أنه مكلف على الدولة ! الدولة الآن مطالبة بحلول لمشكلة ارتفاع الإجارات , وحل لمشاكل السكن بشكل عام ! الأفضل لنا جميعاً بأن يترك بدل السكن , وتتم الاستفادة من المبالغ المفترضة لبدل السكن لحل مشاكل السكن , في تخفيض أسعار الأراضي أو الإجارات .. حسب التعداد السكاني الأخير فالشعب السعودي يبلغ حوالي 19 مليون نصفهم من النساء .. يعني بحسبة بسيطة باعتبار عدد الذكور مع متوسط عدد أفراد الأسرة مع نسبة 70% ممن لا يملكون سكن , فـ تقديرياً عدد 1 مليون منزل يكفي للمواطنين السعوديين .. وباعتبار أن بناء المنازل السكنية سيتم في مناقصة بين الشركات المتنافسة سيكون بناء المنزل الواحد أرخص مما يتحمله المواطن .. لذلك بناء منزل ( محترم ) بقيمة 500 ألف ريال لمليون مواطن سيكلف خزينة الدولة 500 مليار ريال سعودي ! وبتجزئة المبلغ والمنازل على عشر سنوات .. أي كل سنة يتم الانتهاء من 100 ألف منزل ( لائق ) وليس (وحدة سكنية) وتدفع من الميزانية 50 مليار ريال كل سنة من أصل ( 500-600) مليار ميزانية كل سنة !! وبكذا نكون حلينا مشكلة السكن .. ويترك للمواطن الحرية في التعديل في البناء والإضافة حسب قدرته المالية بعد أن يحصل على الرخصة .. المواطن السعودي ممكن ينتظر عشر سنوات أو أكثر إذا كان هناك خطة مرسومة وواضحة , فهي أفضل من لا شي ! وبهالطريقة راح تنخفض أسعار السكن والأراضي .. فبدلاً من اعطاء منح الأراضي للمواطنين ليبيعوها لتجار العقار , يفضل بناء المنازل فيها ! والله مشكلة السكن سهل حلها نظرياً وعملياً .. لكن المشكلة في الهوامير اللي مصلحتهم في عدم حل المشكلة :) |
موضوع مهم وحساس وياليت المسؤلين يهتمون فيه |
شرفني مروركم جميعا الف شكر لكم |
الحمد لله على النعمة اللي إحنا فيها بس اسعار السكن خيالية ومبالغ فيها جداً نبي بس الأسعار ترجع مثل اول وأحسن بس لو تشوفون إعلانات الشركات العقارية تحصل الفيلا بمساحة ٣٥٠م بحدود ال ٨٠٠الف تصل الى مليون واكثر وأسعار الشقق تتراوح مابين ٢٥٠ الف الى ٤٠٠ الف وربما اكثر بمساحة تتراوح بين ١٥٠ م الى ٢٠٠م تقريبا غير أسعار المتر للأراضي نبي حلول جذرية |
| الوقت المعتمد في المنتدى بتوقيت جرينتش +3.
الوقت الان » 12:39 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd