|
المخالفات المروريه .. الى اين بسم الله الرحمن الرحيم اخواني اليوم التقيت باحد الشبان المتخرجين هذي السنه الرجال حزين طبعا اسمه احمد كلمته قلت اشفيك حزين قال اليوم مقابله شخصيه باحد الشركات بعد طول انتظار للوظيفه قال طلبوني صوره من رخصه القياده وقال لهم ظروفه المهم رفضو توظيفه في هذي الشركه والبالغ عددها 14950 ريال قيمه هالمخالفات وقال هذي ثاني مره تروح مني وظيفه اول فرصه كانت في احدى الجهات الامنيه وطالبو برخصه قياده والرجال قبل فتره تسلف عشان يسافر برى للدراسه وفجاه طلعت له هالمخالفات القديمه ورجع الفلوس لاهلها وتحطم نفسيا السؤال الى متى هالمخالفات ...؟ وفوقها نظام ساهر اللي ماخلا بالجيب دراهم تكفون الحل يا اهل الخير اذا عندكم افاده التواصل معاي عالايميل |
المخـالفـات أمر معمـول بـه في شتـّى أنحـاء العالـم :yes: لكـن مايحـدث هنـا يسمّى بجـاحه , المخـالفـات وُضعـت للتـأديب ولـيس لإستنـزاف جـيب المـواطـن :s5s:..!! 14950 هــذي مخالفـات شـاب في مقتـبل العـمر بالله مـن وين بيسددهـا :cry::smilie47: وبخـصوص سـاهر هذا نظام صح له ايجابيات لكـن له سلبيات كبـيرهـ , مثلا أنـا مرّهـ جاي من القصيـم وأول مادخلت الرياض كنت أمشي 100 وأدري إن المسموح 120 المهـم لقطتنـي الكاميرا :s5s: رجعـت البيت وكلمـت أخوي قلت له بروح أشتكي قال لازم تسدد أول بعدين تحتجّ وأغلب الظـن إنّهم بيسحبون عليك :s2: قلت خلـّني جالس أحسن لي :razz: الله يوفق خويّك ويلقى له وظيفه تقبله :wub::smilie47: |
الله كل هذا تهوووووور؟ المشكله بالشخص مو بالسياره والكاميرا |
14950/300=49.83 تسعه واربعين مخالفه كل هدي تبي تقنعني ان الكاميرا خربانه مثلا والله السواقه ذوق بس اللي كل يوم نشوفه مدري وش نسميه |
الحين انت قابلته ولا كلمته بالجوال =p |
نو نو انا قابلته اليوم بعد صلاه الظهر واحنا طالعين من المسجد رايح للبيت وقابلته |
إقتباس:
وبعدين مو49 مخالفه زي ما قلت مخالفاته ما تتعدا 20 بس التدبيل هو اللي نكبه والادمي شكى لي وضعه وقلت اكتبه بموضوع اللي ابيه منكم اللي عنده استطاعه في فعل الخير يراسلني وانا ادله عالرجال بيفرج عنه هم ويمكن يعطيه امل يتوظف ومشكور عالرد حبيبي |
أربعطعش ألف ريال مخالفات مرورية..!! ايش هذا احنا في موزمبيق ولا في نيجيريا..!! الرجال هذا أربعة وعشرين ساعة في السيارة ولا ايش عشان تجي المخالفات أكثر من 14 ألف..!! لا وهذا غير فواتير الكهرب والجوال والبلاوي الثانية يعني ما يوفر شيء لنفسه ولا لأهله يجلس يكد ويشتغل مثل العبد عشان يسدد مخالفات..!! والأمراء قصورهم ليل نهار شغالة الكهرب ما يدفعون ريال واحد..؟؟ يا رجال صاحبك ماله حلول أرضية ما له إلا رب السماء.. قول له يرفع يده للكريم المنان يفرج همه.. في الأرض الوسخة هذه ما في إلا أنه يروح يشحت عند قصر واحد من طوال العمر عشان يلقى اللي يبغى. |
الله يعينه ان شاء الله يتلقى الدعم من ولاة الامر بس خله يقدم معرووووض |
إقتباس:
مشكلتنا مهملين ولما تتراكم المشكله نبداء نتظلم ونندب حظنا الله يكون بعونه ويفرجها عليه بالحب والاشراق |
قل لصاحبك فيه مكتب اسمه مكتب الفصل يشيل التدبييل في قسم المروور بمعنى اخر ان 15000 ممكن تصير حوول 8000 |
والله يا ليت المرور يشيلون تدبيل المخالفات :rose: |
والله مشكله المخالفات ذي بس الله يعين مافيه ذحين وظيفه الين تسدد المخالفات أنا وصلت القسائم ١٦٠٠٠ كلها من ساهر وانا طالب من وين اسدد بس ربك يفرجها |
والله حرام اللي يصير من هؤلاء الذين لا يخافون الله يا اخوان المخالفات تسجل ليس شرطا انها تكون من ساهر هناك مخالفات مثل عدم حمل رخصة والله اذكر واحد دايم يصيدونه وما معه رخصة وهو صغير معه بطاقة احوال والقراصنة تسجل على هالولد مخالفات وهو لسه طالب وسألته عن المخالفات عليه قال فوق 22000 ريال من وين بيجيب لهم هالمبلغ حسبي الله عليهم وطبعا ما يقدر يتحرك وما يقدر اصلا يطلع رخصة لازم يسدد وقد كان لي موقف مع احد العاملين بالمرور وقلت له حرام عليكم دمرتوا الشباب بالمخالفات وقال والله غصب علينا لازم نضع نقاط ونتصيد الناس حسب اوامر الضباط المسؤولين عنهم يعطونهم دفتر قسايم ويقولون يالله رح خلصه .. قلت ياخي مو شرط تمسك أحد الله يحب التسامح قال لو ما نجيب لهم فلوس يجازوننا توقيف يومين بالحجز .. والله حرام الاسرائيليين ما عملوا هذه الأعمال مع شعبهم . وحكومتنا تتبرع بملايين الدولارات للدول الخارجية وما هانت نفسها تتبرع لشبابها وتخلصهم من هذه المخالفات علشان يقدرون يستخرجون رخص ويشتغلون وينظرون لمستقبلهم. |
الله يكون بعونه ان شاء الله يا ناس الواحد تلقى عليه عشرين او ثلثين مخالفه ويقول حراميه استغلاليين يعني ١٤ ولا ٢٠الف متبلين عليك في ٤٠او ٣٠ مخالفه؟ أنا اطلع وادور وافرفر ولا لقطني لا ساهر ولا عسكري الا مره كنت مظلل امش على النظام محد متبلي عليك اماتجي عليك ٣٠ مخالفه وتقول حراميه تكلم بعقل شوي |
| الوقت المعتمد في المنتدى بتوقيت جرينتش +3.
الوقت الان » 02:03 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd