~ْ { طيب الصيت سلطان } ْ~ ١/ أحدن على موته تزف البشاير من عقب عزه يذبح بذل ويهان ٢/ عقب القصور وعقب ذيك العماير صادوك يامعمر وسط بيب جرذان ٣/ عيب وحرام تقول والشعب ثاير في كل بيت ن سبتك هم وأحزان ٤/ عزك مضى دارت عليه الدواير عمرك قضيته يااسود الوجه طغيان ٥/ مجرم وفاسد خبث الأطباع جاير غدار أبو وجهين كذاب خوان ٦/ في كل بيت وكل زنقه وعاير يدعي عليك أيتام رمل وشيبان ٧/ أمحق نهاية كلبوها خساير ذل ومهانه وآخر الكفر نيران ٨/ واحدن على موته تهل العباير يبكيه كل الناس شيبن وشبان ٩/ الخير من يمناه ينثر نثاير شيخ ن رجح بالطيب في كل ميزان ١٠/ جزل العطية ما يحسب الخساير من جاه ضايق يرجع بخير واحسان ١١/ من ذاق من وقته مرار وعزاير إلياه نصاه يشل همه بليهان ١٢/ عنده ضمادن للكسور وجباير يامسعف المضيوم ياطير حوران ١٣/ من هو بعدك يشب ضو المناير من يمسح دموع ن على خدود يتمان ١٤/ من هو لمن ذاق النكد والحساير امعوق ن واعلاجه بصعب الأثمان ١٥/ منهو لمن وقته عسيرن وباير كون أنت يا سلطان يادمث الأركان ١٦/ حبك مكن بقلوبنا والضماير يالله ترحم طيب الصيت سلطان ١٧/ أشعل خبر موته بقلبي سعاير من يوم قالوا مات والدمع ودان ١٨/ بس القدر لابد للعبد صاير يجريه ربي خالق الإنس والجان ١٩/ يالله جالك شيخنا اليوم زاير يا موصي ن باكرام جارن وضيفان ٢٠/ طالبك يا علام خافي السراير بعد المغفره ترزقه برد الأكفان ٢١/ يالله عساه لجنة الخلد ساير في صحبة اللي جاب سنه وقرآن ٢٢/ مع الصحابه فوق حلو السراير وانهار تجري في حدايق وريضان ٢٣/ واثيابه استبرق وسندس حراير باقصور من لولو زبرجد ومرجان ٢٤/ واختامها واعداد ماطار طاير يالله ترحم طيب الصيت سلطان كلمات الشاعر : فهد ابن حشان آل حمرا الهاجري <!-- / message --> |
اررررررحب ياسعد .. صح لسان القائل والناقل . قصيدة جزلة ومعبرة نسأل الله أن يتغمد ابوخالد بواسع رحمته .. اخوك |
المرحب باقي أخوي هلالي الصبيخة وصح الله أبدنكـ يالغالي |
صح لسان بالغالي لاهنت الفقيد الوالد ابا خالد الله يرحمه ويسكنه فسيح جناته يعطيك العافيه والصحه دمعت عيني على فراقه |
الوقت المعتمد في المنتدى بتوقيت جرينتش +3.
الوقت الان » 03:30 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd