|
الراس الكبيرة في الأندرويد يتكلم عن الحواسيب اللوحية و " سيري " http://img191.imageshack.us/img191/6...1830360099.jpg " اندي روبن " نائب الرئيس في قسم الجوالات في قوقل , والي يعتبر في نفس الوقت الراس الكبيرة لانظمة اندرويد سجل مقابلة صحفية تكلم فيها عن عدة امور ومنها الحواسيب اللوحية و " سيري ". بخصوص الحواسيب اللوحية ... لم سئلوه ليه نظام الاندرويد يعاني من نقص في البرامج المخصصة للحواسيب اللوحية , قال " ما اعتقد اننا لازم نخصص تطبيقات للجوال وتطبيقات للحاسب اللوحي , المفروض تطبيقات الجوال تشتغل على الحاسب اللوحي ". تعليقي : بصراحة كلام مهزلة , السبب في نجاح مبيعات الآيباد هو وجود تطبيقات خاصة فيه ومختلفة عن تطبيقات الآيفون , الاخ يبينا نستخدم تطبيقات الآيفون في الآيباد , يعني بنفس حجمها الصغير , وباقي الشاشة يكون فاضي ! ويقول بعد بخصوص المبيعات " موجود الان 6 مليون نسخة من الحواسيب اللوحية الي تستخدم نظام اندرويد ". تعليقي : علشان تعرف مدى فشلك , آبل باعت 11 مليون آيباد في الربع الاخير من السنة المالية الحالية فقط. وبخصوص " سيري " ... يؤمن " روبن " ان الجوال فقط وسيلة تواصل مع اشخاص اخرين , ويقول " الجوال وسيلة تواصل , مش من المفروض انك تتواصل مع الجوال نفسه , المفروض انك تتواصل مع شخص اخر من خلال الجوال ". تعليقي : صعب تنكر ان الناس ما تبي تتواصل مع الجوال نفسه , والدليل مبيعات آيفون 4s , والي تعتبر اسرع مبيعات لهاتف جوال على الاطلاق. ولما سالوه عن رآيه في تطور التقنية الصوتية ومستقبلها خلال السنوات القادمة قال " سوف نرى كيف تنتشر ". تعليقي : كانه يقول " بنقعد ونتفرج على آبل وهم يحققون النجاح وبعدين بنحاول نلحقهم " ! الناس يحبون " سيسري " , والجوالات ما عاد هي وسيلة تواصل فقط , بل حواسيب الية , والناس الان تتوقع من جوالاتها انها تعلمهم باخر نتائج المباريات مثلاً وترتب مواعيدهم وتقراء رسايلهم ... الخ . بصراحة ... اذا هذا تفكير رئيس النظام المنافس الاقرب للـ iOS , فاقول لآبل , ماعليكم خوف :d |
إقتباس:
اكثر شي اضحكني في المقابلة :d:d نظام الاندرويد لا يزال ينقصه الكثير ويحتاج لشي مميز وايضاً بعيد من آبل ونظام ios لكنه لا يزال الملاحق الوحيد وله عشاقه ومحبيه ,, ألف شكر اخوي ابو لينا فعلا استمتعت بالمقابلة الشيقة :d:smilie47: |
من تعليقآتك حسيت آنك حآقد عليه وعلى آندرويد :d يآخي ليه زعلآن خله يقول حتى نوكيآ نبيهآ تكون آحسن منـآ بآلنسبه لي عندي جهـآز جآلكسي آس تو مآ آشوف آن فيه جهآز آفضل منه :smilie47: آبل بعد كل وجع الراس اللي سببوه لنا بجهازهم الجديد طلع جهـآز طبق الآصل لـ آيفون 4 آللهـم آنهم ضبطوآ آلكآميره الى 8 بيكسل |
إقتباس:
لكي نكون آكثر دقة , تم وضع رقاقة A5 بمعالج ثنائي , آي آكثر من ضعف سرعة معالج آيفون 4 تم إضافة كاميرا جديدة 8 ميجابيكسل مع معالجات بصرية متطورة تسمح بتصوير فيديو بجودة HD 1080p وتم إضافة المساعد الشخصي " سيري " الذي آحدث ثورة في عالم الصوتيات |
| الوقت المعتمد في المنتدى بتوقيت جرينتش +3.
الوقت الان » 12:44 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd