24/10/2011, 06:38 PM
|
| زعيــم متألــق | | تاريخ التسجيل: 25/08/2008 المكان: نادي الهلال
مشاركات: 1,082
| |
|
24-11 الوطن كله هز الدموع منك (( مشاعر مواطن في هذا اليوم الحزين ))
بسم الله الرحمن الرحيم
السلام عليكم و رحمه الله و بركاته  (( يا شين الاخبار الي تجي فجعة بدون أي مقدمات ))
(( خاصة اذا كانت اب حنون و اب اعطاء عياله كل الحب )) (( فكيف اذا كانت عن ابو مو بس عدد كم ولد و بنت في بيت بل ابو للبلد كامل )) (( ابو معروف ب ابو (( الابستامة الدئمة )) رحمتك الله يا ابوي (( سلطان )) اولا : اعزي نفسي و ابوي و امي و اخواني و جميع عائلتي و الشعب السعودي و الامة العربية و الاسلامية و قبل ذالك : ارفع احر التعازي الى : الوالد القائد خادم الحرمين الشريفين الملك عبدالله بن عبدالعزيز ال سعود ( الله يصبره و يعينه بصراحة مو ناقص مريض و يجي هالخبر ؟؟ الله يعينك يا ابوي على ما انت فيه ) و صاحب السمو الملكي الامير نايف بن عبدالعزيز ال سعود و صاحب السمو الملكي الامير سلمان بن عبدالعزيز ال سعود (( الاخ الوفي دئما الله يرجعك بالسلامة يا ابو فهد و يصبرك على المصاب الجلل )) و اصحاب و صحابات السمو الملكي الامراء (( اخوان و اخوات و ابناء و بنات و احفاد الفقيد )) و صحابات السمو الاميرات (( زوجات الفقيد )) و جميع افراد الاسرة المالكة الكريمة ,, كيف تلقيت هالخبر الحزين الي هز ارجاء الوطن ؟؟ سبحان الله كنت اسولف مع احد قبل الخبر بليلة اقول (( ما فيه اخبار عن الامير سلطان بالاخبار شكله مريض مرة )) و بعدين نمت و ما دريت الا الساعة 11 الصبح الا امي تجي تقول قومي شوفي الامير سلطان مات الله يرحمه انا فتحت عيوني مين سلطان ؟؟ قالت ولي العهد قلت اشاعة . قالت لا صدق القنوات كلها حطين قران ما صدقت حتى البلاك بيري كل الناس تكلم عن الخبر ما صدقت ابدا الا غسلت وجهي و كذا و اطلع الصالة و الا فعلا القنوات كلها قران و فيه تحت متكوب
بيان من الديون الملكي ( الملك عبدالله ينعي اخاه الامير سلطان ) قلت لامي متى مات ؟؟ قالت : الضاهر الفجر لان امي تقوم الصبح عشان اخواني يروحون المدرسة تقول : فتحنا التلفزيون عادي ما فيه شي يوم راحوا خواني الساعة 7 الا و تقلب القنوات كلها قران و حتى ابوي و اخوي يقولون بالسيارة الرديو نسمع برمانج ما دريت الا المذيع يقول ( نعتذر عن اكمال البرمانج نعود الى الاذعة في الرياض و بعدين انقلبت الاذاعة قران ) هنا عرفنا انه في شي يا الملك او ولي العهد فيه شي شوي الا يجي الاخبار (( بيان من الديون الملكي ( خادم الحرمين الشرفيين ينعي اخاه صاحب السمو الملكي الامير سلطان بن عبدالعزيز ال سعود ) قلت متى مات طيب ؟؟؟ قالو ما ندري الضاهر فجر اليوم لانه يقولون اصلا يومها دخل العناية فاجاة كلها هذا و انا مو مصدقة ابدا و اقوم ادخل التويتر الا القى الناس تعازي و مدري ايش ... بصراحة مثل هذا الخبر صعب احد يصدقه بسرعة خاصة اذا كان عن ثاني رجل بالدولة و بعدين قالوه في شعبان و طلع اشاعة
(( الله يرحمه و يغفر له ابو خالد و يدخله في اعلى درجات الفردوس الاعلى من الجنة ))
كيف تلقيت الخبر الحزين ؟؟
تحياتي
( ما زال للمجد باقية )
الزعيم الهلالي ( نادي القرن الاسيوي ) |
رشي ثاني
الوضع العادي
