مـرحبا والله ... بكل عضو و عضوه بشبـكة الزعيم ...

في البدايه اقول .. لا تفـوتكم مقابلة المنتدى العام مع هـلالي الجوف ... أي سؤال يخطر في بالك(( هلالي الجوف ))

عاد الله يـكون بعونه .... من اسئلة الاعضاء .. خصوصا القلب الازرق اللي شكله جالس سنه يكتب اسئـله لابوعبدالرحمن .....


ثانيا .. فيه شيء ثاني بخاطري وودي اقوله .. والحمد لله مهوب منـتشر بيـننـا لكن يوجد ... اقول فهمتوا شيء ؟



اللي ابي اقوله .. ظـاهرة الردود على الـيوزر .. بمعنى اذا كـان الـيوزر كبـير ومهم ومشهور .. ردود عديده ولو كان فحوى الموضوع ( لا شيء ) ...

بيـنما هناك اعضاء جدد ، لديهم الحمـاس للكتابه و الاضافه للمنتدى والرغبه بالتواصل ، ولكن بـسبب عدم شهرة يوزرهـم .. لا تـجد من يرد على مواضيعـهم ، وهذا يـصـيبهم بالاحبـاط والابتعاد عن المنتدى وهذا يؤثر على مصلحة المنـتدى ..

نعم لا للمجامله ولكن لندعـم كل يوزر جديد ولو قليلا ...


@ ابـيات اعـجبتني من قصيدة (( حنـا العرب )) لسمو الامير خالد الفيصل ..

حنا العرب يا مدعين العروبه ..... وحنا هل التوحيد وانتم له اجناب
وحنا شروق المجد وانتم غروبه .. وحنا هل التاريخ وانتم به اغراب
يوم الفقر شلتوا علينا عيوبه ...... واليوم عقب النفط جيتوا لنا انساب
ويوم الفقر فينا البداوه سبوبه .... واليوم صرتوا مثلنا بدو واعراب
لو الهوا منك منعتوا هبوبه ......... لا شك رزاق الملا رب الارباب
ولو المطر منكم منعتوا صبوبه .... لا شك رزق الخلق من عند وهاب


الله يخــلي لنا ديـننا .. وارضنــا .. وحـكومـتنا ..


قبـل اســبوع تـقريـبا .. صادفت عضـو مميز من شبـكتنا الزعيم ( مشهور بالمردغه ) ..في الجامعه بالعلوم الاداريه .. الشاهد انه عضـو مستجد يعني اول ترم له .. وهالطلاب المستجدين بوهــته ضايعه مايدري وش السالفه .. يعني لو تقـوله ادخل على عميد الكـليه يطبع لك جدولك .. راح ودخل عليه !!! ... وودي يقولنا كم مره ضـاع في الكـليه ؟؟ .. وبصراحه اذكر يوم كنت طالب مستجد مر علي موقف محرج .. كنت موقـف سيارتي ونزلت وانا مستعجل مدري ليه المهم .. يوم خلصت الظهر وجيت بمـشي .. واجلس ادور بهالمواقف .. من موقف لموقف .. ومن سياره لسياره .. ادور سيـارتي .. ويمين يسار .. ادور السياره ولا لقيتها ...آخرتهـا خربت الاخـلاق وجيت بليموزين للـبيت ... عاد دروا اهلي .. وقلتلهم هـذا من زود التـركيز بالجامعه معد عرفت وين السياره !!!


الشـاهد ان العضو هذا توه يشرف كلـيتنا .. واقوله هـلا بولـد كـليتنا ... والله يعينك على بربسة هالدكاتره ...


@ عـام ودعناه .. وسنه جديده استقبلناها .. اتمنى ان يعم الخير و المحبه لجميع الامه الاسلامـيه .. وحفظنا الله واياكم من كل مكروه ...


ولكم تحياتي

[c]



مـــش معـــقول ,, كايدهـــم هنـــا

بالنســبـــة للـــيوزرات وأنــا أخوك

أنـــا معـــك أن العضـــو الجديــد ,,, مــا يــاخــذ الــفرصــة

لــكـــن أيضــاً صــاحــب اليوزر المشهـــور كــون أسمـه

والأثنـــيـــن قـــدامــهـــم المنتدى والزيــن يفرض نفـــســـه <<< أجل محدن رافض نفسه

وبشــــكل عـــام يــا هــــلا فــيـــك ,,, وفـــي العــضـــو

بــأنتـــظار إبــــداعــاتـــه ,,, وقــلـــه يقــلط ما حوله أحد

ومشكوووووووور يالغالي على القصيـــدة ,,, والموضوع العسل


الـــي مثـــل راعــيـــه ,,,, بس لا تـــقــطع بالعـــام ,,,

تحياتي [/c]

هلا والله ابو تسـعه ..

شيء طبيعي اللي كون اسم يستاهل الردود ولكن لماذا لا ننظر الى الموضوع قبل النظر الى اسم كاتبه ...

وهلا بك .. بخصوص العضو .. تراه يكتب معنـا .. وقبل فتره رزق بأخت جديده ....


وتسلممم على مشاعرك الاخويه ..

إقتباس ثانيا .. فيه شيء ثاني بخاطري وودي اقوله .. والحمد لله مهوب منـتشر بيـننـا لكن يوجد ... اقول فهمتوا شيء ؟

@ الا فهمنا اكيد تحرضنا على ولد الجوف (شفت كيف نفهما على الطاير).

إقتباس اللي ابي اقوله .. ظـاهرة الردود على الـيوزر .. بمعنى اذا كـان الـيوزر كبـير ومهم ومشهور .. ردود عديده ولو كان فحوى الموضوع ( لا شيء ) ...

@ تبي الصراحة تحصل احياناً ........... لكن على الأقل اشوى من غيرنا !!!!!!!!!!!!!!!!!.

إقتباس نعم لا للمجامله ولكن لندعـم كل يوزر جديد ولو قليلا

@ معك 100% .


@ يعطيك العافية اخوي كايدهم وتواجدك معنا ضروري .

عادي هذا يوزرك كلن يرد عليه و ليته عشانه يوزر كبير لا !
بس عشانه كان مشرف من أول و يخافون يصير مشرف ثانية ! يعني مصلحة ....

هلا وغلااا بكاايدهم ,,,

ماأبغى أعلق على الموضوووع

بس بصراااحة أبغى اسألك وش دخل الأبيااااات بالعضو الجديد

يسلمووووو خيووو على المووضوع الرااائع ,,,,

تحيااااااتي لك ,,,

يامال العافية000كايدهم

وصح لسانك بكل اللي قلته000

تقبل تحياتي يالغالي00

إقتباس ثانيا .. فيه شيء ثاني بخاطري وودي اقوله .. والحمد لله مهوب منـتشر بيـننـا لكن يوجد ... اقول فهمتوا شيء ؟

اقول هذي مثل : بـيـك مـنـك نــسـخـه أحـطـهـا عـلـى أعـلـقـهـا مـرايـه الـسـيـاره

إقتباس بيـنما هناك اعضاء جدد ، لديهم الحمـاس للكتابه و الاضافه للمنتدى والرغبه بالتواصل ، ولكن بـسبب عدم شهرة يوزرهـم .. لا تـجد من يرد على مواضيعـهم ، وهذا يـصـيبهم بالاحبـاط والابتعاد عن المنتدى وهذا يؤثر على مصلحة المنـتدى ..

صدقني ياراعي الكابرس ... العضو يفرض نفسه وخاصة في أول موضوع له بالمنتدى بحيث انه يعطي انطباع جيد عن قلمه من حيث اسلوبه او من حيث المضمون .. وللأسف يوجد اعضاء جدد اختفوا مع اني اذكر انهم اصحاب فكر كبير ورائع جدا ويعتبرون وبكل صراحه خساره للمنتدى العام ( طبعا الموجودين فيهم الخير والبركه لكن أقصد انهم راح يزيدون من جمال المنتدى ) وخاصة عضويين ( 2 نفر يعني ) اتمنى انهم يرجعون للمنتدى بعد انقطاعهم ... لأنهم بالفعل يستاهلون من تقرا لهم .. لكن ان شاء الله اننا نقرالهم في اقرب وقت ... اتمنى

إقتباس نعم لا للمجامله ولكن لندعـم كل يوزر جديد ولو قليلا

والله ياكايدهم في يوزرات ترفع الضغط من اول مشاركات لها ... هذي المفروض ماتنعطى وجه ابد

إقتباس صادفت عضـو مميز من شبـكتنا الزعيم ( مشهور بالمردغه ) ..في الجامعه بالعلوم الاداريه

احس انه دخل على العميد وقاله : وين القطه يابو الشباب

إقتباس وودي يقولنا كم مره ضـاع في الكـليه ؟؟

الحين من كبرها كليتكم عشان يضيع فيها .. الواحد مايمديه يدخلها الا وهو طالع من ضيقها (( تقل خيمه ام عمود ))

إقتباس وقلتلهم هـذا من زود التـركيز بالجامعه معد عرفت وين السياره !!!

ايه هين عاد !!



تحياتي

مساء الوررررررررررررررررررررررررررررررررررررررررررررررررررررررررررد


أحم أحم ...

أحسبه هذاك اللي قابلته قدام (( .. المحكمة .. ))

أكمل ولا ...

@@ على فكرة عشان لاتظنون كايدهم مجرم ، ترى المحكمة إسم لإحدى قاعات كلية العلوم الإدارية وهي مصممة على شكل محكمة مصغرة لطلبة القانون.

تحياتي يا أشقرررررررررر .

هلا كايدهم

ومشكورأخوي على هالموضوع

(نعم لا للمجامله ولكن لندعـم كل يوزر جديد ولو قليلا )

صح لسانك أخوي كايدهم0000

هواريو كايدهم

انا عرفت العضو الجديد خيو هذا عضو مافيه مخ

ولكن ربي يوفقه وكلنا ضيعنا سيارتنا وانا اولهم

يعني كل هالموضوع علشان تعلمنا أنك في كلية العلوم الإدارية

<----- يا شين اللي اللي يقرأ سطر ويطمر سطر

بس خل عنك والله يالمستجدين وضعهم ينفع يصور وينزلونه في الأسواق أطلق فلم كوميدي

والمستجدين في الجامعات وإلا المنتديات كلهم واحد ..

كايدهم يسلم عليك العالمي ..

تحياتي لك ..

تسلم على هالموضوع وخصوصا نقطه اننا لانناظر للاسم بقدر الموضوع
وانا معك 100% في هذا الطلب

هلا كايدهُم

مسألة اليوزر مُشكلة الكثير من المنتديات
وكلامكـ صحيح مليون %

وللارتقاء بالمنتدى لابد ان نرتقي بتفكيرنا اولاً

كايدهُم تحياتي لكـ ,,,