قصيدة وطنية من تاليفي - نادي الهلال السعودي - شبكة الزعيم

محلل صاحب فكر · #1 31/08/2011, 04:42 AM

حاقدين قاموا في الميادين والساحات وقالوا تعالوا نسوي مظاهرات
نطلع نسوي مظاهرة ونادي بالشعارات
ردينا بحزم وشدة وثبات ترى حنا مع المخابرات
أعطيكم نبذة مختصرة عن بلاد الانتصارات
ترى البيتين وقباء عندنا وعندنا أرقى الخدمات
وعندنا أكفأ مدارس وأرقى وأجمل مطارات
ترى عندنا جيش وجنود ما يخافون صلابة الدبابات
صحيح نشجع فرق وأندية ولكن قلبنا مع المنتخبات
صحيح عندنا مشاكل ولكن ملكنا وبلدنا فوق كل الإعتبارات
انتم ناس رسبتوا وفشلتوا في الإختبارات
لأنكم ظنيتوا انا بنسوي خروج و مظاهرات
وأخيرا عندنا كنز لايقدر بآلاف المليارات
كنز عجزنا وسنعجز عن شكره عبر السنوات
عندنا ملك سيد أجمل الوقفات
ملك تصدى للإرهاب والفساد بكل ما للرجوله من سمات
ملك تعجز عن وصفه أي الكلمات
أسألكم باللي فوق كل السماوات
لسه تبون تسوون مظاهرات

محلل صاحب فكر · #2 31/08/2011, 07:58 PM

رايكم مهمـــــــــــــــــــــــــــــــــــــــــــــ

الرادار اللاقط · #3 31/08/2011, 09:25 PM

اهلين اخوي محلل بصراحة هذي تعتبر مكسرات وليست قصيدة انا اقدر اسووي افضل منها وفيها من الشدات والضمات مالله به عليم يعني مكسرات نبطية تقدر تقول بكل امانه

حروف الغلا · #4 31/08/2011, 09:33 PM

إقتباس

الرسالة الأصلية كتبت بواسطة الرادار اللاقط


	اهلين اخوي محلل بصراحة هذي تعتبر مكسرات وليست قصيدة انا اقدر اسووي افضل منها وفيها من الشدات والضمات مالله به عليم يعني مكسرات نبطية تقدر تقول بكل امانه

و انت ما تعرف تقول كلمة حلوة

صح لسانك أخوي و لا يهمونك العذال

الرادار اللاقط · #5 31/08/2011, 10:06 PM

إقتباس

الرسالة الأصلية كتبت بواسطة حروف الغلا


	و انت ما تعرف تقول كلمة حلوة صح لسانك أخوي و لا يهمونك العذال

لاحول ولاقوة الا بالله ياعالم يابشر لاتدخلوون بالنوايا صرتم مثل النصر بس تشكيك انا ماقصدت التقليل من اللي كتبه لابالعكس الله يوفقه ونشد على ازره الله يوفقه بعيدا عن مصلحة النادي

حروف الغلا · #6 31/08/2011, 10:17 PM

^^^^^^^^

راجع ردك و بتعرف اذا كلامك فيه تقليل من كاتب الموضوع ولا لا

الحياة ما كلها مزح و لا على قولتك نصر و هلال

الشخص يتعب و يكتب و ينزل موضوع

و كل اللي محتاجه كلمة حلوة

الله يسعدك دوووم و يحفظك لأهلك ، بس لازم تفرق بين الجد و المزح احيانا : yes:

و انا اسفة اذا كلامي قاسي

محلل صاحب فكر · #7 01/09/2011, 04:20 AM

طيب اعطينا ماتقدر تسويه اذا تقدر تسوي افضل منها

ويمكن انت منت فاهم القصيدة لان النص فيها متناسق جدا

الرادار اللاقط · #8 01/09/2011, 01:05 PM

إقتباس

الرسالة الأصلية كتبت بواسطة محلل صاحب فكر


	طيب اعطينا ماتقدر تسويه اذا تقدر تسوي افضل منها ويمكن انت منت فاهم القصيدة لان النص فيها متناسق جدا

يشرفني اخووي اسووي قصيدة بس لازم اجلس بالملحق جانبا وانعزل عن الناس حتى تطلع القصيدة مزركشة كزركشة الماء على الصخر

محلل صاحب فكر · #9 01/09/2011, 07:56 PM

انا ماقول عن نفسي اني شاعر ولا اني ذو احاسيس مرهفة وخلجات شعرية رائعة ، لكني مواطن يشكر وطنه بطريقته

.

بثينه الصاعدي · #10 06/10/2011, 03:15 PM

السلام عليكم
روعه ماشاء الله المعاني
الى الامام الى الامام
...........
متأثره بالقذافي
لاهنت

محلل صاحب فكر · #11 07/10/2011, 07:19 PM

وعليكم السلا
انتي الاروع
تواصلكم سر تميزنا فكونوا معنا <<< شماغ البسام

ريوف الهلاليه · #12 08/10/2011, 02:40 AM

ماشاء الله كلمات رائعه وبدايه موفقه

والاروع انها فاضت قريحتك من اجل الوطن

لاعدمنا مواضيعك

تقبل مروري

ريوف

محلل صاحب فكر · #13 11/10/2011, 06:00 PM

أشكركم
امنياتي الطيبة لكم

فقدناك 20 · #14 17/10/2011, 04:00 AM

يعطيك العافيه .. ولاهنت .. تقبل مروري

alyami-me · #15 17/10/2011, 05:56 AM

ههههههههههههههههههههههههههههههه

صراحه اللي قال لك ان الكلام اللي انت كاتبه قصيده انا اشهد انه غشك

حتى ريحة شعر ما فيه

والله ان الشعر بريئ من اللي انت كاتبه براءة الذيب من دم يوسف

عارف بتقولون على الاقل قدر الوطنيه وجامل الولد ...
لكن والله الكلام يضحك اكثر من كونه يهز المشاعر ....
والمشكله كاتب من تاليفي

يعني بالله احد اهبل بالكون هذا كله كان قال انك سارقها

اخوي مع كامل احترامي لنظرتك لقصيدتك لو افترضنا جدلا انها قصيده اصلا
الكلام اللي انت كاتبه ابعد ما يكون عن مسمى الشعر

لان تعريف الشعر كما في الاثر " كلام موزون مقفى ذو معنى " وكلامك وان كان ذو معنى فلا هو موزون والقافيه لك عليها ....

والله ان الشاب العادي يقول كلام ابلغ من اللي كتبت وهو يسولف ..
فنصيحتي لك خل الشعر لاهله ياذيب ...
وعط الخبز خبازه ولو اكل نصه ...

يعطيك العافيه