|
$$ صيـــــــــــد الجمـــاجـــم مرة ثانية $$ بسم الله الرحمن الرحيم السلام عليكم ورحمة الله كيف حالكم ياشباب وشابات الشبكة سبق ياحبايبي ان طرحت مثل هالموضوع يمكن قبل 8 اشهر ==> غبااااااااار:D :D الموضوع بصفة عامة يعبّر عن اشياء تحدث حولنا فأنا - واعوذ بالله من كلمة انا - اقوم باصطيادها او بمعنى اصح ملاحظتها ثم اقوم بطرحها في هالموضوع مع وجهة نظري الخاصة التي لاتعبر عن وجهة نظر اي واحد منكم ==> يعني انتم مالكم دخل ;) ;) نبدأ الصيد : -------------- # صيد عنكبوتي ( يعني من داخل النت وبالأخص من هنا من هذه الشبكة العملاقة وبالأخص جدا من هذا المنتدى ) - لاحظت ويمكن لاحظ اكثركم انه حدث محارش بين بعض الاعضاء من دون ذكر اسماء وكان سبب الهوشة ان احد الاعضاء وساعده الايمن ينتقدون المنتدى العام ويتهمونه بسخافة المواضيع ثم قام ثلة من الاعضاء بالرد على هذين العضوين وماقصر هالعضوين بتقديم الاعتذار مهوب عن وجهة نظرهم عن المنتدى ولكن على بعض الالفاظ اللي مالها داعي . المهم ان هالعضوين بارك الله فيهم متحمسين ودرعموا على بعض الاعضاء بمحاولة اقناعهم ان مواضيعهم مهيب زينه فالله يهديهم كل واحد منا له رأي مختلف عن الآخر فصعبة انك تفرض وجهة نظرك على الاخرين الا عاد امور الدين اللي فيها قال الله وقال رسوله . يمكن مثل هالمواضيع اللي يقولون عنها سخيفة يرى 70% من الاعضاء انها فعلا سخيفة ولكن ماكتبوا مواضيع عنها من باب احترام وجهات النظر والحرية فهذا منتدى عام . واتوقع اللي خلى هالعضوين يقولون هالكلام انه فعلا فيه مواضيع مانقول عنها ولكنها مستهلكة ومالها داعي ويمكن سبب كتابتها الفقر الفكري عند كاتب الموضوع فتلقاه يكتب اي شيء لانه مايرده الا الضغط على زر موضوع جديد ويقول اللي يبي وهذا خطأ كبيررررررررررررر . على العموم كل واحد يصلح سيارته ومالها داعي المهاوش ولكن تظل المواضيع المفيدة الهادفة عالقة بالذهن أكثر من غيرها . والله يحفظكم ,, الجنراله/ جمجومة خانو قائدة الحرس الشخصي لجمجمة الهلال ===> وأنا اقل من ابو الخلاقين القذافي :D :D ______________________ # صيد بقالات لحظة شوفو تحت : http://www.abuljadayel.com/abuljaday...ges/bison3.jpg http://www.bevnet.com/images/reviews...rhorse-can.jpg http://www.thinkgeek.com/images/prod...g-red-bull.jpg الظاهر معروفات لديكم هالمشروبات واتحدى واحد منكم ماجرب واحد منهن وأولكم أنا ;) ;) صراحة اذا دخلت اي بقالة او سوبر ماركت لازم ولابد وغصب تلقى على الاقل واحد من هالمشروبات . طيب ليش ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ==> صرت المملكة على غفلة :D :D انا اقولكم ليش طبعا من وجهة نظري الدايخة :D :D الظاهر ان مروجي هالمشروبات يشوفون ان انسب بيئة لبيع هالمشروبات هي بيئة الرخويات ;) ;) فهمتو شيء ؟؟ يعني افضل مكان يباع فيه هو مجتمعنا الخليجي الرخوي - الله يخلف علينا لانهم - اللي هم منتجين هالمشروبات - يشوفون ان الانسان الخليجي او السعودي اكثر شعوب العالم رفاهية وتبطح وبلع وتصنيع شحوم على اعلى مستوى لذلك مافيه امل الواحد يتحرك وتلقاه يحس دايم بالخمول من هالنعم يالله لك الحمد من مثلوثة لحنيذ لمندي لمظبي لبروستد لهمبرجر لشاورما لكودو لبيتزا لمشاوي مشكله لحلويات اشكال والوان - يالله لك الحمد . واتوقع ان السبب الرئيس اللي خلى هالمنتجين من تصدير بضاعتهم عندنا بشكل يخوف انهم يشوفون الانسان العربي المسلم يعيش في حالة من الذل والضعف فيلعبون علينا بمشروبات القوة . لا واللي يزيد الطين بله ان اسمائها توحش مثل رد بول يعني الثور الاحمر وباور هورس - قوة الحصان ===> ماتلاحظون انهم يسبوننا ؟؟؟:eek: :eek: ولكن يظل الانسان قوي بإيمانه واداء فرائضه في اوقاتها فهذا افضل مشروب ومأكول للطاقة . والله يقويكم بالايمان وطاعة الرحمن . الاستاذ البروفسور / جمجوم البرادعي رئيس الوكالة الدولية للطاقة الجماجمية ----------------------------------------- # صيد تلفازي (القناة الثانية حقتنا...........وضاع العمر ياولدي ) - قبل امس مادري امس كنت جالس اقرأ جريدة والتلفزيون مفتوح على القناة الثانية وكان الصوت مقصر عليه . يوم رفعت راسي لقيت سيرك اسود ونمور واللي تروضهن حرمة . المهم ان هالماخوذه بدت تلسبهم بسوطها وهالاسود والنمور الزلايب ما غير ينابطون . جت وطلعت كل الحيوانات من الشبك الا اسد واحد جت المروضة وقربت للأسد وقالت له : ............ توقعوا وش قالت ؟؟؟ قالت : ورا ماتلبس طاقية :D :D :D :D :D :D ===> لالا أمزح لا الصراحة قربت للأسد وقالت له عطني بوسة يوم جاء الأسد يعطيها بوسه - قصدها انه يقرب لخدها بس -قامت القناة الرائعة السعودية الثانية بقطع المشهد ووضع صورة اسد ثابتة لمدة 10 ثواني تقريبا - والله هذا اللي حاصل . الحمدلله كلنا نفتخر بتلفزيوننا انه مايجيب لقطات وسخه بس لهالدرجة الظاهر ان الدعوى دباشة . وعلى فكرة فيه مسلسلات بريطانية يجيبونها بالليل حريم لابسات قصير ويحصل تبويس على خفيف فيه ناس شافوها .== والعهدة على الراوي الله يستر علينا وعليكم .. الاعلامي المعروف / جمجوم عطوان المفكر والمهستر الأعلامي لدى جريدة الموت ________________________ # صيد القراطيس ( جريدة الجزيرة والمسطة الخامسة ) كلنا يدري ان جريدة الجزيرة بدت تنابط هالايام باصدار ملاحق مرفقة مع الجريدة بلون جذاب لون شوربة كويكر :D فصراحة الجريدة تحاول مزاحمة جريدة الرياض المسيطرة بمبيعاتها الرهيبة وهي فعلا بدت من تالي المزاحمة ولكن بوثبتها الخامسة مثل ماسمتها الجريدة جاء اسم الملحق بالثقافي . فياجريدة الجزيرة ليتكم خليتوا هالوثبة بأسم يخدم الاسلام والمسلمين مثل ان يكون ملحق يختص بأمور الدين وتكون ثقافة اسلامية لاننا بهالوقت خاصة بحاجة لتثقيفنا اسلاميا حتى نرجع الى الله ونتوب من ذنوبنا فكل هالمصايب وهالفتن كلها من ذنوبنا . ولا عزة لنا الا بالاسلام . الله يتوب علينا وعليكم وينصر الاسلام والمسلمين . فاعل خير مقيم في الدولة الجمجومية المتحدة _________________ واخيرا انا داري ان الموضوع طويل جدا ولكن تدرون ان مشاركاتي من تالي قليلة فاأحاول ان اعوض اللي فات . وجزاكم الله خيرا .... قال الرسول صلى الله عليه وسلم ( الارواح جنود مجندة ماتعارف منها ائتلف وماتناكر منها إختلف ) والسلام أخوكم / ابو خالد :) |
[c] الــــسلام عليكم ,,,, مســـاك الله بالخير أخوي :) :) :) أشــــكرك على طرحـــك المميــــز ,,, وأسلـــوبك الرائـــع بالنســـبــــة للموضوع الأول ,, والي هو حق الهواش :D :D :D :D <<<< أنــــواع البـــرائــه ,,, كلـــهــا شــويــة مشــاكل بسيــطـــة وحلــهـــا عـــمّـــو بارق هــــذي شغـــلة وأمـــا هالقــــواطي الي صـــافهـــن :D بصـــراحــة ياشينـــهــن على أنــي طحــت فتــلاه فيهن ,,, بـــس أضــــرارهــــا تخوف من جد ,, :blueroll: :blueroll: :blueroll: :blueroll: ومـــوضـــوع الســـيرك والـــي والــي حــصــل فيـــه ,,, :D انـــا مالي تعليــــق ,,, لأنـــي ما اعــرف هالقنـــاة الا بالطقـــاق ,, :) :) :) :) :) :) :) وســـالفـــة الجـــرايـــد ,, والله مشكـــلة لكــــن خذهــــا منـــي الريــــاضــــة ,,, عندك الشبـــكة الغالــيـــة والسيـــاســــة الجزيـــــرة ياخي <<< القناة مهب الجريدة ,,, :) ؛؛؛؛؛؛؛؛؛؛؛؛؛؛؛؛؛؛؛؛؛؛؛؛ هــــذا كــــل مالــــدي من تعليــــق علــــى موضوعــــك والنقطـــــه الأولـــــى :) عندي كـــلام كثــير عنـــهـــا ,,, لكن وأنــا أخوك ما نـــبي نفتـــح ابوب مســـكـــره ,,,, تقــــبل تحياتي ,,, ومشكور علـــى هيـــكــــ موضوع :) [/c] |
صيد متنوع ورائع أخوي .. بالنسبة للمشاكل الحمد لله انحلت .. وكلنا بالمنتدى أخوان .. كل الشكر لك ولما خطه قلمك .. |
[c]:eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: يا الله المستعان من وين طلعت لنا يا ابو خالد يا الله على الأرشيف بس و الله فقدناك من زمان يا بعدهم لا تطول علينا يا غالي و نشوفك على خير سلالالالالالالالالالالام :) :) :) :) على فكره ترى لي رجعه لموضوعك و بذات سالفة رد بول و قناة غصب واحد و بقول لك سالفة يوم عرضو فلم في نفس التوقيت الي ينعرض فيه نفس الفلم في قناة ......... خلها مفاجاءة ;)[/c] |
اشوف ان الوضع اعجيك بعد القطاعة ...اول ماحطيت موضوعك الي راح عن اغلاق الموقع... مسطوك الاعضاء بالردود وجاز لك الوضع وقلت بحط موضوع ثاني غديه تجي ردود اكثر:D هلا ومسهلا بقائد زعيم الجماجم...ابو خالد...بس موعبدالرحمن بن سعود:D بنجي عاد للجد فالله الله على الجد والجد الله الله عليه....متتأثر بالمسلسلات المصرية ...يعني مايتابع مسلسلات مصرية الا انت :D بالنسبة للمشروبات الي ذكرت سمعت انا والعهدة على الراوي انها تحتوي على نسبة من الكحول والحقيقة انا مااستغرب لانه معقولة بتجيك قوة وطاقة والمشروب برئ؟؟؟ وحنا صايرين مايمهنا الا بطوننا اكل وشرب فصرنا من افضل الاسواق الي تستقبل كل شي مادام انه الدعوى اكل وشرب.... اما ماذكرته عن السيرك ومروضة الاسد ... مااقول الا الله يخلف ....اجل هذي لقطة تقطع؟؟؟ يعني لو جا بزر بيمطخ امه بيقطعونها:D ياحبي لك ابو خالد وانشاءالله يجوز لك الوضع ودايم تطل علينا هالطلات الحلوة من هالصيد ولاتقطع عنا;) |
صباح الفل والياسمين والنرجس والكادي والسمر والارطى والحنظل والاثل والعرعر وووو الخ [c]# صيد عنكبوتي كح كح كح كح :D وش الغبار يا جمجومه سالفة الصيد العنكبوووتي حلينها خلف الكواليس وما حصل الا الخير ...لا تفتح صفحة الماضي والا بتمتلي غبار:D # صيد بقالات اما البور هاوس انصحك فيه على الريق :D بعدين لا تجي طاريق القوه والطاقه الحين تتجه الانظار لنا بعد العراق:D وتقول لازم ندمر صواريخ البايسن وريد بول والبور هاوس # صيد تلفازي هههههههههههههههههه هذا احسن ما سووه قطعوا هالمشهد الخـ****:D والا كان الحين مسكره بالشمع الاحمر:D # صيد القراطيس الصراحه اول مره اسمع بالجزيره ما اعرف الا الرياض والرياضيه:D واذا خربتها مجلة سيدتي:D ويعطيك العافيه على الصيد اخوي القناص جمجومه بيك:D صمت العيون™ [/c] |
جمجمة الهلال .. يامسهلا .. أسفرت وانورت .. >>>>> ياخوي مدري ليش كل ما أقرا اسمك اتخيل عبسي ولينا في صحن الونيت .. :D :D :D والله ان صيدك اليوم راهي ويملى العين .. ويكفي صيدة السرك .. !! والصراحة ان عائلة غصب .. ( السيد غصب 1 .. وحرمه المصون السيدة غصب 2 .. وابنهما الطفل المعجزة غصب 3 ) .. هذه العائلة أصبحت تتسبب في جعلنا أضحوكة للشعوب الأخرى , وأصبح اللي يسوى واللي ما يسوى يستهزي فينا .. ويكفي نكتة الاعلانات التي تمنع ظهور شعر المرأة من الأمام لكن تسمح به من الخلف .. :D والمشكلة بعد الاعلان على طول يعرضون المسلسل وما تشوف إلا عزة بهاء فالة ذاك الحرير اللي كنه شعر .. :D وبعد هذا كله كيف نلوم الآخرين اذا استهزوا فينا .. فياليتهم يلغون هالتلفزيون .. وهالمبنى السنع نستفيد منه ويقلبونه مستتشفى .. ((( متعود ))) زوج مرت أبو ايمان بنورة >>>> العوض ولا القطيعة .. :D شكراً على المتابعة .. |
هلا والله ابو الجماجم بالنسبه للموضوع الاول : الموضوع انتهى وراح وكلنا اخوان وانا من جهتي ارسلت رسائل خاصه لبعض الاغضاء لتوضيح وجهة النظر ويعطيك العافي بس وينك عن التوضيح الاسبوع اللى راح:) والدليل هاه شف وش اخبارك يزيدووه وصمتوووه==شف بعد امون ادلعهم اما الموضوع الثاني فاتوقع انه ماله دخل لا بذل ولاشي اتوقع انه علشان مافيه عندنا مشروبات روحيه(شف صارو يسمونها روحيه وهي خمر الله يالدنيا)>>طلع برا الموضوع فيحاولون يعطوننا اي شي على انه بديل الله لايبلانا والدليل شف نجااح البيره بعد. اما الموضوع الثالث فشكلك ضاق صدرك علشانهم حمسوك تم قطعو عليك مهب علشانهم ماقطعو من اول اما الموضوع الرابع فانا اقول ياليتهم ماوثبو ولاشي ناقصين زحمه اوراق على غير فايده ازين مافيه الجزيره زمااان لويحطو كل الجريده كذا كان فله علشان تشوف تحليل المباريات منول==حلوه منول الا وين وصلو بالملحق اي قريه تحيااتي اخ ابو خالد صح فيه سوال وش صار على عدنان ولينه |
يا هلا والله بجمجوم بيك من طول الغيبات جاب الغنايم .. إلا وش يقربك رئيس الإتحاد جمجوم ؟؟!!؟؟ بالنسبة للصيد العنكبوتي .. بصراحه أنا ما أدري عن هذي المشكلة ولذا أمتنع عن التصويت :eek: .. المواضيع اللي مثل هذي بصراحه يكون الوضع في حساس يعني بعض الأعضاء الله يهديهم أي موضوع يشوفه وإلا يطق براسه على طووووووول أكتبه ولا يدري عنه هل قد عرض من قبل وإلا لا ؟؟ هل هو مفيد وإلا لا ؟؟ والطرف الآخر تلقاه نفسه أنسدت من كثر ما شاف هالمواضيع وطقتها ويجيك يقول اللي في قلبه بس بحماس زايد عن اللزوم ;) .. أما صيد البقالات .. والله مدري وش أقول .. هم يلعبون علينا وحنا ندرعم يا مساكين كل شوي وهم طالع لهم شئ جديد وحنا نقوول ومالوه درعموا يالربع (( قوم درعموا ما ذلوا !!! )) .. وعلى هالحال .. هم يلعبون علينا وحنا نصدق :( .. بس خل عنك والله يا البايسن شئ :D .. أما غصب واحد وغصب أثنين :( .. هذي تحتاج لسيرفر خاص أخوي جمجوم مهوب رد وإلا موضوع !! أجل أسد يحب حرمه !! واااااااااااااخزياااااااااااه بس .. إقتباس:
تقبل تحياتي ,., |
هلا بالجماجم ياخي وين الناس وش هالقطعه جيت وجبت معك كل الخير لاتطول علينا ولاتبخل ولاتدعي عاااااد:D امزح فعلاً فاقدينك يالمهم وفاقدين مواضيعك الحلوه اللي مثلك ولايهنون باقي الاعضاء بس فعلاً صيد جيد وموفق وانتظر بقية الاجزاء ونبيك تتطرق الى بعض امور الشباب و و و كل مايهم بناتنا الكريمات وحرصهن على امور دينهن ومشكوور ياخوي والله يعطيك العافيه |
هلااا وغلاااا بالجمجمه ابوخاالد ,,, والله انك وسعت صدري بالموضوع المنوع ,,, الله يشرح صدرك ,,, ويجزااك خير ا,,, |
لوووووووووووووووووووووووول0000ابوخالد000:D :D :D صراحة الموضوع اكثرمن راائع00:yes: ولكن00لاحياة لمن تنادي في نقدك الهادف لكل ماتطرقت له في موضوعك00!! تقبل تحياتي000وفي انتظار00صيدالجمام مرة ثالثة00;) |
ههههههههههه ياجمجوم .. والله اللي ما أثر الزواج فيك أبد :) ياخي تكفى نبيك توقع عقد مع المجلس العام تعطينا موضوع كل أربعاء ( عشان تنافس صالح السليمان :) :) ) .. والله ان ماضحكت ضحكت هالاسبوع كثر ماضحكت على هالموضوع :D الله يرجك |
ردوووووووووووود : الأخ yazeed_9 شكرا على ردك الحلو ...ياحلو :) ولا عمرك تعودلها وتهاوشون ثانية ;) ;) _________________ السيدة شذى الهلال اهم شيء انكم حليتوا المشاكل من دون تدخل قوات حفظ السلام الجماجمية :D يعطيتس العافية ــــــــــــــــــــــــــــــ الاوستاز موج الخليج الازرق شكرا حبيبي على فقدك لي :D ويالله ترى احتري رجعتك وقصتك المفاجأة ـــــــــــــــــــــــــــــ حبيب ألبي ابو روان وش دعوى جاز لي الوضع !!!!!؟؟ انا يكفيني اني اكتب موضوع ولو مايرد عليه الا انت ياخلفهم :) :) ;) ماهي من عادات زعيم الجماجم كتابة المواضيع علشان الردود وتعقيبك على الموضوع صراحة هو موضوع بحد ذاته ==> تعبت علشان اكتب هالجملة :D :D شكرا ولا راح نقاطع الحبايب ان شاء الله ــــــــــــــــــــــــــــــ صديقي صمت العيون كويس ان الهواش من الماضي يالله افتحوا صفحة جديدة وجه وجه :D :D شكرا على تعليقك على الموضوع يا تي ام ;) ;) ــــــــــــــــــــــــــــــــــ اخي المتعود شكرا على ردك الحلو وليت الشعوب الثانية تستهزىء فينا علشان هالقنوات الدعوة اكبر من كذا ;) تحياتي _____________ المشاكس كوكو الهلال ياحبي لك ياكوكو قلبي على سماحتك وكويس انك اعتذرت من باقي الاغضاء ;) ;) صراحة انا معك لو يحطون الجريدة كلها منذ مبطي تدري ليه ؟؟ نفس الاخبار منول نفسها الحين ;) وعدنان ولينا آخر اخبارهم طردهم المؤجر من شقتهم اللي بالشميسي والظاهر الحين قاعدين عند ابوطلال (امق) بيته اللي بالمرقب . وعبسي يشتغل سيكورتي بالجبيل الصناعية .:D :D ==> فهمت ;) ;) ;) شكرا ـــــــــــــــــــــــــــــــــــ هلا وغلا بصدى الامس وقبل امس :D جمجوم الاتحاد يقرب لي ان امه ماتغطى عن شغالة امي :D :D ليش تمتنع عن التصويت ماصرفو لك حق الفيتو ؟؟ وابشر بالمواضيع ان شاء الله :) ــــــــــــــــــــــــــــــــــ جزاك الله خير يا أخ فيرون الرياض شكرا على الرد والله يقدرني واقدراكتب مثل هالمواضيع المهمة تحياتي ــــــــــــــــــــــــــــ هلا خربوووووط افندي ان شاء الله انك منتب خربوووط الله يشرح صدورنا للإيمان ــــــــــــــــــــــــــ شكرا برق الزعيم من زمان لاحياة لمن تنادي الشكوى لله تحياتي :) |
هلالالالالالالالالالالالالا وغلالالالالالالالالالالا بسعادة البيه المدير اعصار باشا الظاهر اننا كتبنا الردود سوا لذك ماشفت ردك بس تصدق كويس اني ماشفت ردك الا تالي لانك تستاهل رد لحالك تدري ليه ؟ لانك سعادة البيه المدير اللي يتعب ويشقى مع زملائه سعادات البهوات المدراء والمشرفين لراحة الاعضاء والزائرين ز الله يقويكم تدري يابو حميد موقع الزعيم فيه سحر كلما فتحت الجهاز على طول على الزعيم دايركت مادري ليه ؟؟ :D :D والله انكم تستاهلون موضوع كل ابو شوي مهوب كل اربعاء بس مادامك قلت كل اربعاء فالله يقدرني على هالشيء .==> اخس يالسماري على فكرة احس ان يوم الاربعاء مهوب مناسب لانه يتعارض مع برنامج شريط المنوعات اللي يجي بالقناة الاولى :D :D :D :D :D ومن قالك اني ماتغيرت عقب العرس ؟؟ صح ان الجمجمة نفسها ماتغيرت بس فيه اشياء واجد تغيرت اشياء مشفرة ;) ;) ;) ومن هالاشياء اني كل مابغيت شاهي جاني يمشي مليون وان ماجاز لي جابو لي ثاني :D :D :D ==> من زين الطموح يالله بس شد حيلك خلنا نشوف اعيصر صغير ;) تحياتي :) |
| الوقت المعتمد في المنتدى بتوقيت جرينتش +3.
الوقت الان » 01:20 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd