12/10/2011, 04:33 PM
|
 | زعيــم مميــز | | تاريخ التسجيل: 03/08/2005 المكان: في المنصة
مشاركات: 15,836
| |
|
لآتدخلون بــزركـم التـمهيــدي .. ســوآلف تآيم
بسم الله الرحمن الرحيم  اللي عنده شغل ولا وده يروح يهمز رجلين ابوه ولا امه يروح ابرك له موضوعي ماله اي فايده عندي اخو اسمه فارس عمره من انولد 4 سنين الظاهر اللحين دخل الخامسه ,, هالبزر دخل التمهيدي هالسنه والله يهديه يحسب انه يحضر الماستر من دخل وصاير نفسيه اذا جاء اخر الليل قال لاتنسى تجيب خبز عشان الفطور ,, واذا قلت له شي ابتلشت مع اهلي ينام بدري ماشاءالله عليه والصبح يصحى حاله حال المبزره بس هالادمي يصحى مروق عكس خواني واختي يصحون منفسين المهم اشغل امي هالبزر بمدرساته مدري وش يقول مدرستي غبيه [ جدتي منيره ام امي ميت زوججها <~ جدي الله يرحممه المهم عايشه عند خالي عبدالله ] يقول مدرستي ماتفهم تقول وش اسم جدتك يقول منير ه,, وتقول له وجدك وش اسمه يقول اسمه خالي عبدالله <~ عشانها عايشه عند خالي صار جده ماشاءالله وش هاللي جاب العيد في خالي وقبل كم يوم رااعي الباص يطق البيت فوق راسه عصافير تدور يقول ولدكم يقول غيرنا بيتنا  ورفض ينزل وابو الشباب اخوي يقول عشاني قايله لاتنزلني اخر واحد المهم هالادمي من دخل هالتمهيدي صاير اقشر الشي الثاني هالدعايات يا هالقناه الاولى و mbc يجيبون دعايات وقت هالغداء ودي اشوف هاللي يحط هالدعايات هو وراسه الواحد وقت الغداء يجيبون دعايات بف باف مدري ريد المهم قاتل الحشرات بووم سلامات ولا مزيل العرق ,, يعني ماعاد فيه حياء عند هالناس خلاص !! الواحد منهم ماعاد صار يستحي طيب اقلها جيبوا هالدعايات اخرر الليل ولا الصبحيه ,, العالم تتغدى الظاهر على حشرات مافي تقدير لهم ,, جيبوا لنا زي دعايات كلوس اباللي دخل الاصنصير في العماره ودخلت معه بنت <~ برى لاجت هالدعايات كل العوايل السعوديه تشيل يدها من الغدى ومتابعين للدعايه الله يرحم دعايات اولى بطاطس ريكو ومطعم الطازج يجبون الفرقه الحجازيه لاطازج الا الطازج ورهيبه ياتسالي سابعا بعض هالعالم من صباح الله خير فَ الدوام من الفراش الى الدوام مايعرف شي اسمه فطور ولا علك ولا شي يجين هالصبح وجهه كله تضاريس من هالنوم وجو غائم على غائم جزئي على خشته من خياسها ونصح المواطنين عدم التقرب للمكان للخطوره بعض هالعالم صحى من النوم ويدرعم للدوام ويجلس عند خشتك ويقول سالفه وتشم الروائح الزكيه اللي طالعه من خشته وتوخر عن خشته تلتفت يمنتا ويسره تبي تهدي اللعب على خشمك ويقولك ياخي ركز معي ناظرني يعني مايستحي فوق خياسه يبيني اركز والعن شي اللي يصحى من النوم عل زقاره عاد هذا يطلع من خشته ثاني اكسيد الكربون لو يسولف على ذبانه فطست لو تشوفه الدوريات عطوه مخالفه على خشته |
< ياسلام 
<<
هههههههههههههههههههههه 
،، مع إني أقلب عنهآ أول مآأشوفهآ أو أصد إذآ كآن الريموت كنترول بعيد عني 
الوضع المتطور
