السلام عليكم ورحمة الله وبركاته
اخواني كل واحد من الاعضاء الكرام ابدى رأيه في الهلال من وجهة نظره ويجب علينا احترامها
اما انا اقول ان مشكلة الهلال هي ( البربسه )
بربسة اللاعبين حيث ان بعض اللاعبين يتفلسف اثناء المباراه لا يستلم صح ولا يسلم صح ولا يحاول يفتح خانه لزميله واذا اخذت الكره منه وقف او طاح وقام يصارخ على الحكم مثل .... او بلاش نقول من هو بعدين يلغون موضوعي ;) وفي النهايه اذا مافاز زعل وقال الحكم .............
وكذلك عدم الجديه في بعض الكرات والبرود الغريب اثناء المباراه . وتلقى الاعب دولي ومن المفترض انه عنده الخبره الكافيه للتصرف الحسن في بعض المواقف لاكن سبحان الله تحس كأنه اول مره يلعب كره .
المشكله الثانيه هي مشكلة الاداره :
في بعض المباريات مثلا الصعبه يجب على الاداره ومن ضمنها المدرب اعطاء المباراه حقها من الجديه ما نضغط على اللاعبين فوق طاقتهم او بعمل المستحيل او انه يجب ان نفوز في هذه المباراه باي طريقه لا ثم لا الاعب بشر وممكن هذا الكلام يؤثر عليه عكسيا وفي الاخير النتيجه ولا شيء اي هزيمه ثم يلام الاعب .
وكذلك عند بعض المباريات السهله تلقى الاعب يدخل المباراه وهو ضامن النتيجه وفي النهايه هزيمه او تعادل على الاقل وحصلت هذه عدة مرات مثل مباراة النجمه .
بل يجب احترام الخصم مهما صار ومهما قوته او حجمه كبيرا او صغير .( هذا من اختصاص الاداره )
المدرب :
الصراحه المدرب من كبرى المشاكل حيث انه محظوظ وكذلك غير محظوظ اي انه محظوظ اذا فاز الفريق وغير محظوظ اذا انهزم الفريق .
اما الصحيح من رأيي ان المدرب يتحمل الفوز والخساره بنسب قليله جدا في كلتا الحالتين اي ان الاعبون اذا لعبوا صح وبجماعيه وبعدم انانيه واعطاء الفريق الخصم مكانته واحترامه وكذلك اللعب بجديه طوال المباراه (
ولا ننسى ان فاقد الشيء لا يعطيه اي ان الاعب اذا كان مستواه ضعيف فلا داعي اننا نغير المدربين في السنه اربع مرات
الجماهير :
دائما تطالب الفريق بالفوز وهذا حاصل في ارجاء العالم وحق من حقوقها ؟
وكبرى المشاكل هي
الاحتراف خدعونا بالاحتراف
يجب معاقبة الاعب حين يخطي في الحال ولا سوف تنقلب الامور راسا على عقب والدليل الجمعان ومادراك مالجمعان .
في النهايه انا اقول مهما الهلال احضر مدرب فسوف لن يتغير الوضع في الهلال الا اذا غير الاعبين من انفسهم الى الافضل , والملاحظ انه اذا الهلال اتى بمدرب غير مشهور ينجح معه اما اذا اتى بمدرب مشهور يفشل على طول .
وبعدين وشفينا حنا دايم المدرب المدرب ياجماعه المشكله في الاعبين وبس وعدم المجامله وعدم احضار شبه الاعبين الاجانب .( مثل معلم الشاورما )
وسلامتكم