|
إلى يبغى يشكي على موبايلي وين يتجه ؟؟؟ تكفون الي يعرف يبلغنا يا عالم يا ناس انا بمووووت من القهر من موبايلي تخيل ادفع لهم شهرياً 200 ريال رسم موبايلي برود باند و خدمات رديئه سرعة التحميل كل يوم تقل و التصفح زفت في بعض الآوقات و تضل الحاله يومين ثلاثة من كل اسبوع ما اقدر اتصفح فيها و اشبك ع نت الجيران افاق شامل مشاء الله تبارك لرحمن و اذا كلمتهم ع الرقم المجاني يظل ساعه و ما احد يرد و يقفل لوحده و من اكلمهم من جوالي stc يضلون دقيقه و يردون و يظل الموظف يكلمني و يطقطق على ذا الكيبورد و بعد كذا يقولي روح للفرع يفيدونك و اروح للفرع و شايل المودم معي و يقولي الجهاز سليم و لما اقوله ذا حين سليم لكن قبل يومين ما كان يتصفح يقولي آسفين كانت مشكلة عامه في الشبكه و جاري التعديل عليها طيب عوضوني ع الآشكال هذا انا دافع كاش و كامل يقولي و بكل برود ـ و الله ما اقدر افيدك تبغى ارفع للإداره العامه !!! يعني بالله الواحد وش يسوي في هذي الحاله ؟؟؟؟؟؟ تكفون علموني وش اسوي |
ما اقوول غير الله يعينك والله اكثر الجمهور الهلالي صاابر على موبايلي عشان شراكتها مع الهلال |
آلله يععييييينـآآآ ععليهم وآلله .. آنآآآ من رأيي آنك تآخذ آلمودم لأقرب فرع عندك .. وترجمة بوجه الموظف وآطلع .. وخذلـك آفآق شـآمل بسس آزيلك وترتآح ومظبوط .. آنآآ ععندي آفآق شـآمل ومآفيه أي مشكلةة... ومره تعطل النت وكلمناهم ولاسحبوا وارسلوا لي رسالة رقم اللي يبي يصلحه لنآ ع طول .. موبآيلي مآتجيب آلآ غثى آلرآس .. حسسبي آلله ععليهم وانا اول موبآيلي شريحتي .. والحين حولتهآ لـ زين .. |
- عند الغرب اذا تعطلت اي خدمه وقدمت شكوى يعوضونك عن الوقت الي قضيته بدون خدمتهم + تعويض من الشركه لانها عطلتك عن اشغالك - اما عندنا احلم تشوف تعويض من شركه |
*الشادي وكأنك تتحدث عن مشكلتي مع موبايلي لو تنتهي الخدمة عندك يقفلونها بالحال اما تقعد بدون خدمة فعادي محد يسأل عنك * لا وازيدك من الشعر بيت قفلو عني الخدمة يقولون ماسددت الاشتراك وانا مسدد 6 شهور قدام يوم كلمت الموظف قال ماسددت سدد قلت والله اني مسدد وجلس يطقطق شوي بالجهاز قال صح مسدد (وين اصرفها فيه) * والشبكة ماشاء الله ماتنتهي تعديلاتهم فيها كل يوم عدل بدل والضحية المشترك ! تقفل الخدمة عنه بسبب التعديل !! * والله معاناتي معهم بشكل يومي اتصالات وساعة انتظار وبعض الاحيان اكثر وفي الاخير ينقفل الاتصال من نفسه !! لا واذا رد ماعندهم الا كلمة طف المدم خمس دقايق وبعدين ارجع شغله هذا اللي فالحين فيه عشان يتخلص منك وتقول مع السلامة! * اقوووووووووووووووووووووووول خلها على ربك اذا تذكرت ان موبايلي شريك لنادي الهلال ابرد اشكرك اخوي الشادي |
اشتكيهم الى الله ....حسبي الله عليهم |
بالعكس اخوي مافيه شي اسمه احلم بتعويض الكلام لجميع الاعضاء اي شخص يحس ان الشركات المشغله جالسين يهضمون حقه اتمنى انه مايتجه لم الفرع بل يقوم بالاتصال بهم مثلا موبايلي قم بالاتصال على 1100 ومجرد يرد عليك الموظف لاتكلمه اطلب منه انه يحولك على المشرف على طول ومجرد انه يرد المشرف على طول خش بعينه وطلب منه كيفيه رفع شكوى الى هيئه الاتصالات السعوديه وشوفو كيف بعد ماتهددهـ برفع الشكوى شلون تزين امورك انا شخص مجربه والله يعني من اليوم ورايح الي موظف تحس انه مايخدمك اطلب المشرف عليه |
| الوقت المعتمد في المنتدى بتوقيت جرينتش +3.
الوقت الان » 04:21 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd