29/09/2011, 05:56 AM
|
 | في انتظار تفعيل البريد من قبل العضو | | تاريخ التسجيل: 04/03/2011
مشاركات: 89
| |
|
ما عليكم يا جمهور الرياض عذركم معكم في عدم الحضور ،،!! تعرفون ليه؟!!
السلام عليكم ورحمة الله وبركاته
حبايب قلبي اعرف ان عنوان الموضوع استغرب منه اغلبيتكم ولكن ما احب ان اقوله
لجمهور الزعيم في الرياض ،،، حبايب قلبي انا طول عمري ما عشت الا بالرياض صحيح
ان هناك احيانا تكون مباريات للهلال باستاد الملك فهد ولكن ما احضرها رغم ان بيتي
بحي اشبيليا يمكن البعض يعرف الحي هذا جنب استاد الملك يعني اروح على رجلي للملعب
ما يحتاج سياره ولكن للاسف نتكاسل واحيانا نقول ياخي المدرجات وجع راس
ويوم ارجع للبيت راسي دايخ من الازعاج ومادري ايش وفي الاخير يقول خلاص باتصل
على العيال يجون يتابعون المباراه عندي ونسولف ونفلها بدل الملعب ،،، او اروح اتابع المباراه
مع العيال في الاستراحه ،، او نطلع كوفي نتابعها واكثر شي يقهرني اللي يطلعون كوفي ،،،
يا اخي العزيز بدل ما تدفع 40 ريال على كوفي ودونات في اغلب الكوفيهات ذي قيمتها
رح للملعب وادفع 20 ريال قيمة دخول و20 ريال خلها بيبسي على باجه على فطيره على
بيبسي بين الشوطين كمان وغيرها كلها بتكون 40 ريال وبتفلل بطنك ،،، هذا غير
ان الجمهور لما يدخلون الملعب وبدت المباراه بعدها ب 5 دقايق ( جلوس يا عيال جلووس
نبي نشوف ، طيب يا حبيب قلبي ما احد قالك تحضر وتجلس قم وشجع انت ليه جاي ؟)
عشان كذا حبايب قلبي جمهور الرياض الناس تشره علينا في الحضور واحنا جالسين في بيوتنا
الليله الليله الليله ابو فيصل موجود وايمانا موجود والامير محمد بن فيصل موجود وسمعت
ان الامير بندر ( الرئيس الذهبي ) موجود ،،، تكفون احضروا اثبتوا للاعبين الهلال الجدد
اننا نستطيع ان نزلزل مدرجات الدره ،،، لانه من اسباب توقيعهم للهلال هو الحضور الجماهيري
للهلال ،،، اسف للاطاله انتظر ردودكم التشجيعيه للحضور ايضا ،،، شكرا
اخيكم / عبدالكريم الذيابي ،،، |
الوضع العادي
