الله يستر والله استغربت جدا التوقيع مع مدرب لا تاريخ ولا انجازات لا وما كان راضي ويتشرط بعد .ولا حد يقولي بدري تحكم عليه . عندك مدربي الاهلي والاتفاق من اول مباراة ظهر اثرهم . المدرب الناجح عارف شغله من اول يوم , امام الشباب لاعب بدون محاور شي غريب والشباب استغل الثغرة وكماتشو والحوسني وفيكترو تفسحو فينا ربك ستر بس المشكلة يقول لك اصبر , الى ما نصير فى المركز العاشر حتى نفكر فى الاقالة . خيارات الاجانب شي غريب لا زلت اقول واعيد عينك توجعك تعالج بطنك نعاني من كارثة على مستوى الدفاع والمحور المدافع والاظهرة وتروح تجيب لاعبين وسط ومهاجمين وانت اصلا عندك احتياط مهاجمين دوليين مانت مقتنع فيه ياخي لا تجدد معه ياعالم ترا الدفاع على رجل واحدة والمصيبة الثانية جت هي غياب المحاور رحت جبت الهرماش لاعب كبير ما اعترضنا بس الهرماش ليس بمحور مدافع طبيعة لعب اللاعب يميل الي الوسط نبي لاعب محور مدافع زي عزيز رادوي يميلون الى القتالية فى الملعب اغلب مشاكل الهلال حاليا لان مافيه محاور وخوينا يتفلسف قدام الشباب لاعب بدون محاور نكب اسامة والمرشدي ربك ستر وما اكلنا ستة . لا زلت انادي بتوفير محاور بشكل عاجل جدا او يرجع ايمانا للخلف وتوفير مدافع بشكل عاجل جدا فى حالة اصيب اسامة لازم يكون فيه بديل على مستوى اسامة . ولا حد يقول لي اصبر الخميس قدام الاهلي والله اني ما كتبت الموضوع الا وشفت الشوارع اللي فتحوها الحوسني وفيكتور مع النصر . والله يقهرك يجي يقولك لا تتوقع كاس هالموسم انا اعتبره تبرير للفشل فى التخطيط للتعاقدات فى المكان الخطأ وترك ثغرات كان الاولى سدها والتعاقد مع مدرب دون المستوى , ياخي الادارة ما قصرت بس مفروض تتعاقد مع مدرب خبير وبعدين يجي يشوف الخبير ويعطيك النقص وانت على اساسه تتعاقد مو بعد كل هذا يجي يقولك نحن نغطي ثغرة رادوي طيب وش الفايدة من كل هالتعاقدات . ربك يستر الخميس والله . |
من حقك تنتقدك بس باين انك توك جاي من المدرسه ومنقهر من الاستاذ او من الحر والزحمه الله يعين بس |
#### لآ آن شاء لله .. الاصابات خربت على المدرب و برجعة هرماش و الدوسري و العابد .. بإذن لله راح تشوف القوه .. |
لاتعليق...! بالتوفيق للزعيم |
موضوع ماله أي داعي وشكلها واسطه دام تسجيل إشتراكك 2003 |
عاد من زين مدربين الفرق الثانيه مدربنا مافيه شي عشان نجلس ننتقده تو الموسم بادي لاحقين على الإنتقاد يااااارب وفق الهلاااااااال وسهل لهم يارب:alzaeem: |
أنا أشوف أن موضوعك مهب هذا وقته وماله أي داعي الفريق عنده مباراة مهمة يوم الخميس وأنت جاي تهبط المعنويات الفريق بدا يتعدل والقرني والفرج قدموا مستوى مطمئن بالمحور و ألاحظ أن الفريق مستواه بدأ يتحسن أدعموا الفريق وسترون ما يسركم فقط نحتاج للوقت |
حقيقةً مايحدث في شبكتنا الغالية مؤخراً يندى له الجبين فبعد ان كنا مضرب مثل لكل المواقع الرياضيه في قوة التحكم على السماح للمشاركات الهادفه وعدم السماح للمشاركات التي لايستفاد منها والتي من الممكن ان تكون اساليب مندسه ( من البعض ) لضرب البيت الهلالي من الداخل اصبحنا نرى ماهب ودب من المواضيع والمشاركات التي لاتاتي بخير مطلقاً ان استمر الوضع على ماهو عليه فسلاماً ياشبكتنا الغاليه *****اخي صاحب الموضوع ماذكر اعلاه ليس بالضروره تكون انت المعني فيه ***** |
يعني يا نطبل ونمدح طول الوقت يا اما مندسين او واسطة . يا شباب كلنا نحب الزعيم ووالله العظيم كلنا هلاليين ودنا يكون فى القمة على طول لا نرضى بغير بالله عليكم هل انت مقتنعين بصراحة ان الهلال فى مستواه . نبي زعيم جيرتيس نبي زعيم باكيتا الزعيم اللى يخوف مو الحين ندخل قدام فرق الدرجة الاولى يالله نفوز ؟؟؟؟؟؟؟؟؟؟؟؟؟ لازم يكون طموحنا عالي كما تعودنا . |
امسكوا الحوسني وبتشوفون خطورة الاهلي الهجومية بتنتهي لأنه لاعب ذكي ويفتح مساحات لفيكتور ويسمحله ياخذ راحته خذوها مني الحوسني وتحركاته اخطر بكثير من فيكتور ومباراة الخميس بتتذكرون كلامي زين |
إذا كان الكلام من فضه فالسكوت من ذهب افهم يا صاحب الموضوع |
هل تتوقع ان موضوعك جا بوقته ؟؟ ام انك انتظرت الوقت هذا بالتحديد لتسدد لكمه للهلال ؟ موضوعك ماله داعي ومهب وقته وياليت الاداره تقفل الموضوع هذا نهائيها !! قفلوووووه |
الشباب بغى يعطينا ستة ما اعتقد هذا راي واحد شاف المباراة |
الكل يعرف جيدا ان هذا ليس هلالنا بدون مكابرة لكن على العموم مشكورين على مشاركاتكم ودي اني اطمن نفسي باقي الدوري واقول ان شاء الله خير . دعواتكم الخميس . |
اخر فريق دربه مدربنا الحبيب اللى ما كان راضي يوقع جنشلر بيرليجي التركي في عقد لعامين، وهو المشوار الذي يستمر كما يتمنى حيث أنهى عقده بالتراضي بعد ثماني مباريات للفريق خسر منها النصف محتلاً المركز الثالث عشر في الدوري المحلي. صمنا صمنا وافطرنا على بصل الله يعين . شف وين وصل طموحنا لا وما كان راضي حمد لله رب العالمين . |
الوقت المعتمد في المنتدى بتوقيت جرينتش +3.
الوقت الان » 03:48 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd