السلام عليكم ورحمة الله وبركاته

ابدء بذكر الله

بسم الله الرحمن الرحيم

نعلم وتعلمون ماصرح به الكابتن سامي الجابر وقالها بوضوح لاتنتظرون منا بطوله هذي السنه يعني الاداره جالس تخطط للاسيويه . بمعنى ان الدوري والكاس وكاس الابطال اعداد لهذي البطوله الاسيويه. هذا تخطيط المدى البعيد وراح ان شاءالله نشوف نتايجها مفرح لنا كـ جمهور هلالي

بس نبي شوي صبر مو كل ما انهزم الهلال رحنا وتكلمنا على الاعبين
الزوري مستواه نازل ونامي ماعندك احد والفريدي بارد والمرشدي نكبنا بصرحه هذي العبارات طفشنا منه كل شوي تتهجمون على لاعب ليه هذا كله دام وقفنا مع الاداره فالسراء نبي نوقف معها فالضراء ياجمهور الزعيم الاعلام الهلالي شبه نايم فنحن ما نبي نعميها ونجلس نحارب الاعبين اماماً موسم طويل لابد الوقوف مع الاداره والاعبين.


وصدقون انا متفائل جداً بالرباعي الاجنبي وراح يقدمون مستويات مميزه متفائل لدرجه ماتتوقعونها لاني اثق بالله اولاً ثم بعقل الامير عبدالرحمن بن مساعد والامير نواف بن سعد والكابتن سامي الجابر.


واتمنى على المشرفين على هذا المنتدى يمنعون نشر موضوع فيه محارب لاي لاعب هلالي مهما كانت الاسباب نبي مواضيع تشد من ازر الاعبين نبي نحمسهم وقلتها في موضوع سابق ترى الاعبين يتابعون المواضيع اللي تنزل هنا وهم بشر يحسون وتضايقون وهذا يسبب لهم ازعاج ونزول مستواهم الفني



واتمنى ان ماطولت عليكم

والله يرفع قدر كله واحد فيكم

وصلي الله وسلم على سيدنا محمد وعلى آله وصحبه اجمعين

اول شي االلهم صلي وسلم عليه ثانيا انا ماادري وش الفكر والمنطق هذا يعني لانقد للعيبه صراحة كلامك هذا كانك شككتني ان اللعيبه ملائكة ياخي كل انسان موجود على هذا الكون قابل للنقد حتى ربما تصل مرحلة النقد الى الاستغناء عن الشخص يعني لما انتقد الزوري واطالب بتنسيق نامي ففعلا فهو كلام صحيح عطفا على المستويات اللي يقدمونها اما بالنسبة لسامي فصراحة لو ماطلع وماقال الكلام هذا احسن له يعني كيف ابي افهم هو يقول نبي نبني فريق انت كيف ياعزيزي ياسامي تبني فريق وانت اساسا فريقك لاهم عواجيز ومستوياتهم عالية وكل الفرق تتمناهم العابد والدوسري والفريدي والفرج الخ واجانب على مستوى عالي ويقول نبني فريق !! اما بالنسبة للأسيوية فصراحة (عجبا ) يعني الفريق لما ياخذ الدوري وولي العهد راح يخسر الاسيوية يعني مادري هل يقصد سامي ان اذا ربحنا الدوري راح نلعب مية مباراة واذا خسرنا الدوري راح نلعب عشر مبارايات فقط هي هي انت راح تلعب بالدوري 26 مباراة اخسر نفسي علشان اخذا الاسيوية ياخي برشلون وانتر ميلان ومانشستر لما اخذو الدوري اخذو البطولة الاوروبية واخذو الكاس اللي هو كاس الملك بالعكس كثرة الفوز بالمباريات تعطيك دافع كبير بكل مباراة تلعبها فما اقول الاوجهة نظرك ونحترمها

إقتباس الرسالة الأصلية كتبت بواسطة (فيصل العنزي) اول شي االلهم صلي وسلم عليه ثانيا انا ماادري وش الفكر والمنطق هذا يعني لانقد للعيبه صراحة كلامك هذا كانك شككتني ان اللعيبه ملائكة ياخي كل انسان موجود على هذا الكون قابل للنقد حتى ربما تصل مرحلة النقد الى الاستغناء عن الشخص يعني لما انتقد الزوري واطالب بتنسيق نامي ففعلا فهو كلام صحيح عطفا على المستويات اللي يقدمونها اما بالنسبة لسامي فصراحة لو ماطلع وماقال الكلام هذا احسن له يعني كيف ابي افهم هو يقول نبي نبني فريق انت كيف ياعزيزي ياسامي تبني فريق وانت اساسا فريقك لاهم عواجيز ومستوياتهم عالية وكل الفرق تتمناهم العابد والدوسري والفريدي والفرج الخ واجانب على مستوى عالي ويقول نبني فريق !! اما بالنسبة للأسيوية فصراحة (عجبا ) يعني الفريق لما ياخذ الدوري وولي العهد راح يخسر الاسيوية يعني مادري هل يقصد سامي ان اذا ربحنا الدوري راح نلعب مية مباراة واذا خسرنا الدوري راح نلعب عشر مبارايات فقط هي هي انت راح تلعب بالدوري 26 مباراة اخسر نفسي علشان اخذا الاسيوية ياخي برشلون وانتر ميلان ومانشستر لما اخذو الدوري اخذو البطولة الاوروبية واخذو الكاس اللي هو كاس الملك بالعكس كثرة الفوز بالمباريات تعطيك دافع كبير بكل مباراة تلعبها فما اقول الاوجهة نظرك ونحترمها

يا اخي فيصل احنا ما ننتقد احنا جالسين نجرح ونتهجم على شأن مباراه او ثنتين جاء فيها انخفاض فالمستوى وهذا غير انسجام الاعبين الاجانب ولاتنسى اهم مركز عندك فيه لاعبين مصابين هرماش والغنام والاسيويه نبيها على نار هاديه بمعنى مانبي الجمهور يتهجم علينا في كل مباراه سوى هزيمه او تعادل هذا مايقصده سامي واعطاك من الاخر سامي قال ياجماعه ترى احنا جالسين نشتغل حاسبونا في آخر الموسم مو مع بداية الموسم وصدقني فيه فرق بين الانتقاد والتهجم

وربي يرفع قدرك ونورت ولاهنت استاذ فيصل

لاوالله معليش

نبي الدوري على الأقل

قال مانبي الدوري قال

إقتباس الرسالة الأصلية كتبت بواسطة إبن عبـــاد لاوالله معليش نبي الدوري على الأقل قال مانبي الدوري قال

يا اخوي كيف ناخذ الدوري واحنا مره مطلعين لاعب السماء ومره منزلينه الارض

وبعدين صدقني اوقوف مع الاعبين وراح تشوف مستوى
انا لي صديق لاعب هلالي يقول والله يابندر انا المنتدى له تأثير علينا كـ لاعبين

يعني حمسوا الاعبين افضل من تحطيمهم على شأن مباراه او ثنتين

انا بالنسبه لي يعدلون اخطائهم بالدوري عشان الاسويه مهب اذا جت الاسويه واثر لاعبيننا مرهقين

إقتباس الرسالة الأصلية كتبت بواسطة عبودي الهلالي 2011 انا بالنسبه لي يعدلون اخطائهم بالدوري عشان الاسويه مهب اذا جت الاسويه واثر لاعبيننا مرهقين

قول يارب وان شاءالله الزعيم قادر على عمل كبير

وتسلم ولاهنت

من وجهة نظري ، بطولة الدوري شئ مهم ومطلب لأي نادي
فــ من الجميل بأنك تأخذ الدوري والبطولة القارية

ولكن أشوف بأن الفريق يحتاج الى وقت كي ينسجم مع بعض
مسألة وقت لا أكثر

وجهة نظر لا اكثر

اخوي بندر انا معك في معظم ماذكرت لاكن المشكلة الوحيدة في الفريق معروفة وكانت الموسم الماضي بخير بوجود الكوري لاكن رجعنا لهذي المشكلة وكثرت الانتقادات اعتقد فترة الانتقالات الشتوية راح يكون فيها تعديل لاوضاع الفريق وسد نقاط الضعف.

إقتباس الرسالة الأصلية كتبت بواسطة هلالي بخطوات ملكيه تسلم اخوي على الموضوع الرائع ياجماعة الخير الفريق كله مو على بعضه يعني مافي انسجام الى الان وصعب انك تنتقد لاعب وتخلي البقيه لان الفريق مو على لاعب الفريق يجب ان يكون الكل مساند لبعضه وهذا مفقود في المباريات السابقه وان شاء الله يتحسن الوضع في المباريات القادمه \ اما سامي قال هالكلام على شان يبعد الاعبيين عن الضغط يعني بالعقل سامي يدري ويعرف اكثر منا ان الهلال لازم يحصد على الالقاب واولها الاسيويه بس يبي يبعد الضغط عن الاعبين

احسنت وربي يرفع قدرك

وتسلم ولاهنت

إقتباس الرسالة الأصلية كتبت بواسطة Hilali Careerist من وجهة نظري ، بطولة الدوري شئ مهم ومطلب لأي نادي فــ من الجميل بأنك تأخذ الدوري والبطولة القارية ولكن أشوف بأن الفريق يحتاج الى وقت كي ينسجم مع بعض مسألة وقت لا أكثر وجهة نظر لا اكثر

تسلم وربي يرفع قدرك

وان شاءالله الزعيم موجود في كل البطولات بس الصبر

إقتباس الرسالة الأصلية كتبت بواسطة 7أبوخالد7 اخوي بندر انا معك في معظم ماذكرت لاكن المشكلة الوحيدة في الفريق معروفة وكانت الموسم الماضي بخير بوجود الكوري لاكن رجعنا لهذي المشكلة وكثرت الانتقادات اعتقد فترة الانتقالات الشتوية راح يكون فيها تعديل لاوضاع الفريق وسد نقاط الضعف.

متفائلين خير والهلال في ايدي امينه

وان شاءالله ما راح يخيب ضننا فيه

وتسلم ولاهنت

هلا بك فيك اخوي


من ناحية تصريح سامي

عين الصواب

يبي اقل شي يشيل شوي من الضغط ع اللعيبه


وع ما أعتقد النادي الوحيد الي اكثر واحد فيهم حصل فيه تغير بنسبة 60% من اللعيبه

غير الجهاز الفني

وغير كذا ومن المباراتين الي راحت صحيح مو راضين على المستوى

ومقدرين بصراحه بالظروف الي يمر فيها الزعيم

يعني يحضر اللعيبه الدوليين يغيب الالومبي

فيعني مثل ماقال ابو فيصل وسامي الصبر الصبر يازعماء


لازم نوقف مع اللعيبه

إقتباس الرسالة الأصلية كتبت بواسطة 7أبوخالد7 اخوي بندر انا معك في معظم ماذكرت لاكن المشكلة الوحيدة في الفريق معروفة وكانت الموسم الماضي بخير بوجود الكوري لاكن رجعنا لهذي المشكلة وكثرت الانتقادات اعتقد فترة الانتقالات الشتوية راح يكون فيها تعديل لاوضاع الفريق وسد نقاط الضعف.

انا معك في الظهير كنا مرتاحين بوجود الكوري ذلحين صراحه اخاف من اخطاء نامي وان شاء الله يتعدل الوضع ويتحسن نامي