|
ياهلالين الفزعه عيالي مواهب بشرق الرياض بس وين الملاعب المناسبه لهم السلام عليكم ورحمه الله وبركاته لعبه كره القدم ممتعه للجميع صغار وكبار ولكن ليس كل من يمارس كره القدم يعتبر فنان وموهوب مثل الرسام الذي يبدع والرسام الذي من سنوات وهو يتعلم ولم يستطع الوصول لدرجه التميز كذلك كره القدم تجدك تركض من سنوات ولكن لاتستطيع ان تكون من افضل الاعبين سواء في المدرسه او الحاره او النادي ولكن قد تشاهد انك تلعب مع مواهب وتتمتع بالعب معهم ولكن لاتستطيع ان تتفوق عليهم مهاره وفكر سريع وحسن تتصرف وتحرك بدون كوره وثقه عند استلام الكوره انا لدي ابناء يعتبرون موهب بسبب صغر سنهم ومهارتهم العاليه التي يتفوق بها علي من هم اكبر منهم وكل يشهد لهم بشرق الرياض وخاصه ساحات الامانه في الروابي والسلام والروضه والمنار واعمارهم صغيره من 10 سنوات الي 12 سنه موهوبون بمعني الكلمه وليس مدح لهم فقد مارست كره القدم واعرف الكثير عنها ولعبت مع اجيال وصلت للمنتخب وانا لم اغادر الحاره رغم ما تمتع به من قوه التسدير والمهاره التي جعلتني اتواجد في اكبر دوري في احياء الشفاء ولكن الكل ياخذ من الحياه نصيبه ولكن لدي ابناء لايعرفون اين يمارسون كره القدم بسبب الزحام في الحدائق وصعوبه حجز دورلهم لكي يستمرؤن في الركض والمحافظه علي قدراتهم والاحتكاك مع من هم اكبر سنا فهو الحمد الله موهوبين ولكن لايوجدون مساحه للعب الكافي حيث من اجل ممنارست الكوره يجب علي التنقل بهم بالسياره والبحث عن ملاعب تكون غير مزحومه لذا ماهو الحل اين اجعلهم يكملون مشوارهم الكروي لكي لاتختفي تلك الموهبه التي يتمتعون بها وحاليا يتمرنون في ساحه الامانه بحي المنار وبصعوبه لكثر المتواجدين هناك واكبر منهم سنا ابني الكبير كان موهبه ولكن اختفت موهبته بسبب بعد الانديه وقد مارس الكوره ولكن المواصلات حرمته الاستمرار وبعد النادي يحضر من 3 مع الزحام ويرجع 7 مع الزحام وانا معه لذا هجر الكوره واختفت موهبته وحاليا اخوانه يتمتعون بموهبه عاليه واخشي ان تختفي بسبب قل الملاعب وبعد الانديه وعدم وجود اكادميات في شرق الرياض نظر لصغر سنهم والخوف عليهم لذا انتظر النصيحه انا بشرق الرياض والهلال بغربه والمسافه بيننا كبيره في الروحه والرجعه كثير عتب علي بعدم ارسالهم للنادي وتنميت قدراتهم وصقلها ولكن من الفاضي الي كل يوم يبي يظرب مشوار للنادي ويترك بيته واشغاله كل يوم لاتقلون فيه باص فعند من تشاهد من يركب الباص تغير رايك بسرعه لذا هل يوجد نادي بشرق الرياض يهتم بهم تعرفون الرياض مدينه كبيره ويوجد فقط اربعه انديه لاتستوعب كل شباب الرياض الذي عددهم يتجاوز اربعه ملايين الامانه وضعت الساحات ماقصرت لكن العب للصغار فيها صعب جدا لمن عمرهم اقل 16 سنه ان من اعمارهم 12 وتحت يحتاجون ساحات خاصه بهم لكي لايختفون من اراد مشاهده تلك المواهب عليه الحضور لساحه المنار ويسئل عن الاخوان المواهب وسيجد الجواب اكثر من لاعب في تلك الساحه وكل عام والوطن بالف خير وانتم بخير وسلامتكم |
اتمني الرفع اشغلوني الناس سجلهم قلت فرصه اخذ التصيحه والطريقه من البيت الهلالي |
ليس مدح لهم ولكن لديهم موهبه ماشاء الله واتمني ان لاتختفي باختفاء ملاعب الحواري الذي اخفت كثير من المواهب وكشفت موهبه سالم الدوسري الذي من صغره موهب وتم اكتشاف موهبته مؤخر ووصل للمنتخب بسرعه ومن في مدرسه الهلال من سنوات تحت التدريب المستمر لم يستطع الوصول لموهبه سالم الدوسري وابنائي يتمتعون بموهبه يتفوق علي من في مدرسه البراعم بس بعد النادي حرمهم ذلك وعدم قدرتي علي التفرغ لهم يوميا اتمني ان اشاهد اكادميه بشرق الرياض تخدم جميع المواهب في سن 12 سنه ودمتم بخير وعافيه |
والله صدقت مواهب كثيرررررره في شرق الرياض ووشمال المملكه ما أحد يراعيلهم لاكن والله شي يقهر تحياتي وودي لموضوعك الجميل .. |
ماشاء الله - تبارك الله الله يحفظهم لك ويحفظك لهم اتمنى ماتختفي مواهبهم مثل غيرهم وان شاء الله نشوفهم نجوم في الزعيم . |
ماشاء الله عليهم الله يفكهم من الحساد وخليهم لك |
والله العظيم جبتها على الجرح انا من شرق الرياض وياليت عندنا اكاديميه او نادي في شرق الرياض وربي لعيبه تلعب صح وبتفاني كبير انا واعوذ بالله من كلمه انا نا سنحت لي الفرصه الا في نادي الفيصلي في المجمعه ولعبت معهم درجه الشباب لانه كنت في المجمعه ادرس كليه صحيه مدرب الفيصلي اسمه الحميدي العتيبي يقولي حرام عليك عندك انديه في الرياض ليش ما سجلت فيها ما يدري اني رحت للهلال ولازم واسطه او اخوك يلعب واذا اقتنعو فيك ما فيه بااااص لشرق الرياض ونادي الشباب مافيه باااص والنصر مستحيل اجيه والوحده لازم ادعي دعاء السفر اذا جيت بروح من جد جبتها على الجرح والحمدلله على كل حال |
ماشاء الله عليهم الله يفكهم من الحساد وخليهم لك فيه لاعيبه بالحواري افضل بكثييييييييييييييييييييييييير من لاعيبه الواسطات |
اخوي هاااام السحب اول شي يعطيك العافيه لانك حبيت ان تناقش موضوعك او مشكلتك بالبيت الهلالي بين اخوانك ويا هلا ويا مرحبا بما انك ما تبغى نادي انا عندي لك حل حلو بس ما ابغى اسوي دعايه للمكان الي برسلك عليه لذالك اتمنى مراسلتي على الخاص مع العلم ان المكااان قررريب من شرق الرياض وصدقني اولادك مثل اخواني واخاف عليهم من الي قاعد اشوفه بالحواري من مشاكل واختلاط و مع العلم اني ما العب بهذا المكان لا تحسبني اسوق والله من باب فزعه لأنك هلالي والله لعبت وشفت وفريت الحواري فر ودخلت اكادميات واعجبني المكان الي بقوله لك بالخاص اذا حبيت . |
والله انك صادق بعد الاندية وعدم تواجد اكادميات معروفة في شرق الرياض هذا الي يقهر الصراحة حواري الرياض فيها من المواهب ما يخدم الاندية ويوفر عليهم قيمة الصفقات الكبيرة واكبر دليل سالم الدوسري الي جالس يقدم مستويات كبيرة ماشاء الله تبارك الله عموما الله يوفق ابنائك وان شاء الله نشوفهم بقميص الهلال في المستقبل^^ |
اخوي اذكر اني شايف لوحات مكتوب عليها الاكاديميه الايطالية موقعها قريب محطة نوف على طريق الثمامة |
الله يوفقهم ويكملون مسيرتهم أتوقع الإخوان أدوك حلول أتمنى تستفيد منها |
ماشاء الله - تبارك الله الله يحفظهم لك ويحفظك لهم اتمنى ماتختفي مواهبهم مثل غيرهم وان شاء الله نشوفهم نجوم في الزعيم . |
الله ذكرتني بايااااااااااام الثانوية .. ليت ابوي الله يخليه لي كان مثلك كان تلاقيني الحين كابتن الهلال ههههههه مالت ... والله يا لعيبه بالحوااري تلعب .... ناس تفت كووورة تذهلك بفنها .. بس اساليب انديتنا وواسطاتها شااااااقة .. واذا الله كتبلك وو صلت .. تعال شف انوااااااااااع التطفيش خصوصاً اذا خانتك نفس خانة لاعب عادي بس عنده وااااسطه .. وهذا اللي دمر الكورة السعوديه .. والله المواهب بالهبــل .. لدرجة ان بعضهم .. مو يتحداك تقطع الكورة .. الا يتحداك تلمسها .. ....... |
يارجال تبي النصيحه سجلهم في نادي الهلال |
| الوقت المعتمد في المنتدى بتوقيت جرينتش +3.
الوقت الان » 01:43 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd