نادي الهلال السعودي - شبكة الزعيم - الموقع الرسمي

بسم الله الرحمن الرحيم

اخواني الهلاليين كل عام وانتم بخير

كل عام وعلى حب الزعيم نلتقي

كل عام وعلى انجازات الملكي نحتفل...

هذه مجموعة رسائل ساختصرقدر مااستطيع...

رساله1..
للامير الشاعر عبدالرحمن بن مساعد
اشهد الله على حبك..والله اني احبك ومن حبك حبيت والدي مساعد
واخوانك جميعهم وحتى النصراوي عبدالحكيم
وحبيت حتى بنتك.وهذا قبول من رب العالمين
وانت ان شاء الله صاحب نيه صالحه وقلب طاهر
لذلك التوفيق حليفك بمشيئة الله.
احب اشكرك على كل شي قدمته للهلال من مال ووقت وجهد
مع ان لي بعض الاراء حول بعض تصرفات الاداره
لكن جل من لا يخطي..وهذه الرساله اكتبها
لانه لايشكر الله من لايشكر الناس.

رساله2..
للرئيس الى اصغر اداري بالنادي.للاداره بشكل عام وصناع القرار بشكل خاص..

الجهاز الفني..اختيار ان شاء الله موفق مدرب طموح ونحتاج مثل النوعيه هذي.

قضية سامي الجابروالدوره..سامي اسطورة السعوديه واسيا مافي اي خلاف على هذا واداري محنك ويمكن من افضل الاداريين اللي مرو على رياضة السعوديه لكن مشكلة سامي متشتت ماتدري هو يبي السلك الاداري او السلك التدريبي وهذا شي راجع له لكن انه يصير به فراغ اداري حتى لو ليوم واحد لا مانرضاه لانه سامي يقول اهم شي بالنادي الانضباط وانا اشوف ان سامي ياخذ الدوره لانه فرصه على حد تعبيره ويعين مكانه احد نجوم الهلال اللي يناسبون المكان مثل ابو ثنين.

قضية عزيز...عملتو اللي عليكم لو اني احب اللاعب كثير واحب امكانياته الكبيره لكنه هو اللي ماقدر امكانياته ولاقدر جمهور الهلال والله يوفقه مع الشباب.

رحلة القحطاني...انا اشوف انه جدا مفيده لياسر والمنتخب والهلال انه يلعب مع فريق كبير ومدرب يعرف ياسر جيدا لانه لو بقى ماراح يلقى مكان بوجود الكوري والعربي والمحياني.

احتراف هوساوي وعقده...اسامه من افضل المدافعين على مستوى اسيا ولو ان مستواه الفتره هذي مش زي اول خاصة اول وثاني سنه له مع الهلال لاعب كبير اخلاقه كبيره اتمنى التجديد له قريب ويااسامه ماانت لاقي نادي زي الهلال ولاجمهور كجمهور الهلال.

المحياني عمله نادره..عيسى المحياني من افضل اللاعبين كانضباط واخلاق واداء داخل الملعب وهو مهاجم كبير جدا.اخوي وحبيبي عيسى صدقني ماراح تلقى مكان انسب لك من نادي الهلال انا اعرف انك تبغى تلعب اساسي لكن وش النادي اللي يرضي طموحك وتلعب اساسي اذا صار نادي الشباب اللي كنت قريب من الانتقال اليه عنده الشمراني وياتارا والسلطان والمنيف ومختار.والانديه كله مليانه بالهجوم لكن الافضل لك البقاء واتمنى الاداره عدم التفريط به لانه لاعب كبير ويكفي يوم يقول بيعو عقدي لاجل النادي يستفيد ماديا هذي لايفعلها الا المحياني((الجوكر))

الناقور((فخر الهلال))..فعلا هو فخر للهلال دعم مادي ومعنويواعجبني به هو اهتمامه الكبير بالجمهور والالتراس اللي اتمنى لهم التطوير والتوفيق.شكرا حسن على ماتقدمه للهلال.

التعاقدات الاجنبيه,,,تعاقدات جدا رائعه الكوري مهاجم خطير وبين ذلك بالمعسكروالعربي مهاجم جدا رائع امكانيات ممتازه وايمانا لم يظهر بامكانياته الحقيقيه وهو لاعب كبير والهرماش هو خير من يعوض رادوي.
لو اني كنت اتمنى امرين
الاول الاكتفاء بمهاجم واحد ونجيب مدافع قلب بجنب هوساوي.
الثاني يوم قدر الله واصيب الهرماش تمنيت التعاقد مع لاعب اجنبي لنص موسم ان شاء الله من بنغلادش او من الدول المجاوره على الاقل نحطه احتياط او يلعب اساسي الى ان يشفى عادل.

الفريق الاولمبي..سعدت كثيرا باشراف الخلوق الحماسي المفرج على الاولمبي وليتهم ياخذون من حماسه لو شوي.
واتمنى من دول والجابر الاستعانه ببعض لاعبين الاولمبي خصوصا قلبي الدفاع الموسى والدوسري والبيشي والفرج.

هنا اتسال عن؟؟؟
1_اعتزال الدعيع وش صار عليه ونتمنى انه مع فريق كبير.
2_المباراة اللي وعدت به الاداره مع احد الفرق الكبيره وتنظيم مهرجان عالمي بمناسبة حصول نادي الهلال على نادي القرن.
3_استاد نادي الهلال ظهر واختفى فجاه.

اعلام الهلال وين ايامكم..
حقيقه كل مااكتب موضوع الا واتطرق للاعلام الهلالي لانهم هم صوت الجمهور وهم كل شي.حقيقه لانرى اي اعلامي هلالي يخرج بالقنوات يشفي غليل كل هلالي سوى واحد او اثنين هل الاشكال من اصحاب القنوات ام نفس الاعلاميين؟؟

الحين ابصير مدرب وابعطيكم التشكيله اللي اشوف انه ممتازه وفق الاصابات والظروف الحاليه للفريق..

العتيبي
شافي خيرات هوساوي البيشي
القرني
الشلهوب ايمانا الفريدي
العربي بيونج سو

الاحتياط ..الزوري.المرشدي.الشمري.بندر البيشي.المحياني.العابد.عزوز الدوسري

اسف على الاطاله....