عوووووووودنا مع مشاركة القلب البردقاني ..
والمعذرة ترى هالرد على خمس اجزاء .. لأن الأسئلة كثيرة والاكواد أكثر ولايقبلها برنامج المنتدى :(

هــلا ووووووووالله ;)
هلا فيك اخوي عبدالله :)

والله وجــاء يومـك يا ولــد الجـوف :D
اجل صرت تغني جابك الله لي ومشاك القدر :D
ظروف يالغالي ظرووووف هي اللي جابتني ;)
شكلك ماتدري ان الظروف تخلي النعجة خروف :D

<<== فــــرصـة! يـرد بعض إللي جــاه مـن اسـئلتك الجــوفـية :D
وانا اقول هالاسئلة ماهي بغريبة علي .. اثاريها اسئلتي :D

فـي الـبـدايـة أحـب أحـيي وأشـكر فـريق إشـراف المجلس العام عـلى هالمفاجـئة الـراااااااائعـة ، وهالأختيـار الـمميز وفـعلاً هـذي مـفاجـئة عـام 2003 بكل ما تعنيه الكلمه !! .
شوكرن شوووووووووكرن يا اشراف المجلس العام وهالسنة :D
تراها مفاجئة من الطرفين يالشين بكل ماتعنيه هالكلمه من معنى ;)

أبوعـبدالرحـمن شـخص عـزيز وغـاااااااااااالي عـلينا جـميعـاً وإنسـان مـحبوب الله يحفظه إن شـاء الله والله لا يخلـينا مـنه .. لن أتحـدث كـثيراً عـن ضـيفنا العـزيز ;) .. فـمهما نقول لـن نوفيه حـقه ابداً :)
الله يسلمك ويحفظك يالغالي .. ويحفظ هالمنتديات اللي جمعتنا سوى :)
ويحفظ اسواق الراشد اللي عرفتنا بك اكثر ;)

أبوعـبدالرحـمن الله يعينك عـلى اللي بيجيك :bluesky: .. لا تـقـول خـويّـك ! ، تـرى مـالي دخل :D
الله يكون بعون الجميع ..
بس تراك خويي غصبن من على خشمك :D

سـم بالله ، وتـذكـر شـلون
مرمطتني بأسـئلتك ذاك اليوم :smilewink
بسم الله .. جاك الموت ياتارك الصلاة .
اي يوم يابن الحلال .. تراني ماهو انا اللي كتبت ذيك الاسئلة :no:
يمكن واحد يشبهني .. والا كوكتيل ماخذ يوزري :D

إنــــزل مـعي لا هـنت ،،،
قداااااااااااااااااام :)

كأني شايفك تصب عرق من هالأسئلة اللي تجيك من الأعضاء مثل المطر:D من كل حدب وصوب
على طاري حدب وصوب يالله خذ اول سؤال ..
وش معنى حدب وصوب :D
هي جملة عكسية لكل بدح وبوص .. وفي رواية من كل جهه .. قالت العرب من كولي حدبن وصوبي .. أي يامرحبا ترحيبة البدو بالسيل ## وبالله صبوا هالقهوة وزيدوها هيل :D

على طاري اول سؤال ..
خذ الثاني .. وش رايك بالشـرقـية ؟
وأهل الشرقية;) ؟ ومجمعات الشرقية السياحية:smilewink ؟ ومطاعـم الشرقية ؟
وبذمتك ما قال دحموني أول ماوصلتوا ؛ رجـعـنا الشرقية ؟
الشرقية عندي احلى منطقة سياحية بالمملكة .. وياليتني من سكانها لكن الظروف تمنعني .. وحلاة الشرقية باهلها ومجمعاتها ومنتزهاتها ومطاعمها خاصة كنتاكي وهارديز وكل الشلة اللي على الواجهة البحرية ;)
اما دحموني .. يقول بابا رجعنا للشقة .. يحسب ان اسم الشرقية الشقة :D .

على طاري دحموني ..
القهر أنه ماجت فرصه اسلم عـليه وأشـوفه !! المهم ..
متأكـد إن مـيوله هلاليه ؟ (ياخوفي أنه يماشي عـمه فهد) :D
وش شعورك لو يقولك يبه تراي نصراوي ، خذها وإلا خلها !! :bigeek:
ماهي هواية دحموني ؟ وش اكثر طلب طلبه منك ؟ هل هو هادي وعاقل ومريحك والا هو المصرقع بكم ؟
الجايات اكثر ان شاءالله وبتشوفه وبتمل منه اذا الله اراد .. وميوله مابانت لهالحين .. لكن ماراح يشذ عن العائلة ومن سابع المستحيلات يطلع على ولد عمه فهد :no: .. لأن 99 بالمية من العيلة هلاليين الا فهد نثراوي <<== اللي يسمعني يقول عائلة بن سعيد :(
وهوايته لعب الكورة عندي بالمجلس ومشاهدة سبيس تون .. وطلباته حاجتين .. يبه شغل سبيس تون والا يبه حط اوربت اي اس بي ان .. ويبه ودنا لخوالي :D
وبصراحه الولد مصرقع .. الا عندي يصير حمامة مسجد :)

على طاري الصرقعه ..
منهو العضو الأكثر صرقعة بشبكة الزعيم ؟ ( اكثر على وزن أفعل <<== مايمديك يالغريب :cool: )
ابوالذهب وسهل ثلاث ثمنيات :)

على طاري شبكة الزعيم .. لو يجي يوم ويقولون ( بح ) خلاص شبكة زعيم مافيه ( الله لايقوله :no: ) وش شعورك ؟ ووش تبي تسوي بعدها ؟
تصدق دنت البتسوة من حطيت نفسي بهالموقف :cry:
مالومك لو تبتسي .. ياكثر من بغى يبتسي ايام الاختراق الغاشم وهواربع ايام بس :(
اما لو تنتهي الشبكة الله لايقوله .. فطبيعي راح ارجع من حيث بدأت ;)
مخلي الريوس شغال للضرورة :D

على طاري البتسوة ..
متى بتسيت ( صيحت = بكيت ) أخر مرة ؟ ووليش ؟
قبل اسبوعين تقريباً .. والسبب خاص شوي معليش :)
وتراي ورغم عمري الكبير شوية الا ان دمعتي على طرف عيني .. يعني ابتسي بسرعه بثلاث حالات ..
بحالة الفرح مثل لحظة جية عبدالرحمن لهالدنيا .. او فوز الهلال ببطولة :)
وبحالة الحزن مثل حالات الوفاة او توديع الاعزاء :(
وبحالة القهر .. وياشينها من حالة .. اتمنى الموت لحظتها :mad:

على طاري مرة ..
ياترى انت تعرف المرة والحلتيتة والا لا
لا .. انا ماعرف بنات مايعرفني :D

على طاري الحلتيتة ..
منهو العضو اللي تحس ان لقب حلتيتة يركب عليه :D
ماغير العضو اللي اسمه استوديو شبكة الزعيم <<== يبي يفتك من الاحراج :D
وفي عضو جديد اسمه مارد .. من اصدقائي وسجلته قبل كم يوم هههههههههه توه طازه جديد على النت .. وخاش هالحين بقوة بالشات .. وابي اجيبه عندنا هنيا :D

على طاري الأحساس ..
منهو الشخص اللي تحس انك تفهمه ويفهمك ؟
برى المنتدى اشخاص قليلين .. يعدون على اصابع اليد الوحدة .
وبالمنتدى واجد اللي افهمهم ويفهموني .. اولهم ابوفهد وابومنار والاعصار واعضاء اللجنة الاخبارية والفيروسة الزرقاء ;) .. وفي عضو جديد توه ماله اي مشاركة .. يعني ماتفعل يوزره لهالحين يفهمني وافهمه بالمرة <<== غير مارد ;)

على طاري الفاهم ..
منهو العضو اللي مسوي نفسه فاهم وهو ماوراه الا الدجه <<== كأني شايفك تبي تقول البارق :D
يافاهمني انت :D
شكلي بنقز فوق واحطك مع قائمة الاشخاص اللي فاهميني :yes:
وبحطك بالمقدمة بعد :D

على طاري الدجه ..
ياليت تقول لنا موقف داج حصل معك .
ياكثر .. وكلها غير صالحة للنشر :D
لكن في موقف قديم وانا طالب بالثانوي سافرت فيه بسيارتي ددتسن غمارتين 84 من الجوف للشرقية ومعي خمس شباب وانا السادس كلهم معي .. وانواع الدجة والهبال هناك .. واكثر شي مضحك بهالسفرة اننا قطعنا المسافة بـ24 ساعة وهي بالعادة بعشر ساعات بسبة برغي الدينمو طاح بنص الطريق وصارت البطارية ماتشحن وتعطلنا والله لايوريك :D
في موقف ثاني داج صار لي على شاطي الهاف مون ايام ماكنت مدرس بالقطيف .. سويت نفسي فارس القبيلة وركبت حصان مايركض على تحدي اني اركضه .. وخليت هالحمار آسف قصدي الحصان .. هو حمار بس على شكل حصان :D المهم خليت الحصان هذا يركض وهو ماهو حق ركض وشكله ماعمره ركض :mad: شكله حق تمشية بزارين .. وطيحني الله ياخذه وبغيت اموت وانكسرت فيني عظمة الترقوة :( ولاعادت من تحدي :mad:


لو خيروك بين عضو بالزعيم والا مشرف بالزعيم والا مدير بالزعيم .. وش تختار ؟ ووليه .
كلها عندي واحد :yes:
اهم شي عندي خدمة الزعيم النادي والزعيم الشبكة :)
ولو ان العضو كشخه وماوراه مسئوليات .. يدخل ويتصفح ويطلع .. ان اعجبه موضوع رد عليه وان ماعجبه اعطاه ركبه .

لو خيروك تصير البارق والا الموهوب وش تصير ؟ ووليه ؟ بخخخخخخ
اصير الموهوب :yes:
لأني ماحب ريحة الكشنة والسبانخ :D

لو خيروك تصير العضوة المملكه والا العضو كايدهم وش تختار ووليه ؟
اصير كايدهم :yes:
لأن كايدهم عنده DSL والمملكة ماعندها :D
والمملكة شاعرة وانا ماعرف بالشعر الا اسمه :D

لو خيروك تصير عضو باللجنة الاسشارية والا اللجنة الاخبارية وش تختار ؟ وليه ؟
اصير عضو باللجنة الاستشارية :yes:
علشان افتك من الكرف ومن خشة هلالي الجوف :mad:
والاستشاريين لا شغلة ولا مشغلة .. ماغير رزة بهالأسامي :D

لو خيروك تتمشى بكورنيش الخبر وإلا كورنيش ابحر في جدة وش تختار ؟ وليه ؟
اكيد كورنيش الخبر :yes:
لأني ماحب جدة .. واهلها يقولون يابويا ودحين واندر ندرت عينك من حوقها وانا ماحب هالكلام :D

لو خيروك بين انك تصير نثراوي والا اتهادي وش تختار ؟ وليه ؟
لا هذا ولا هذا :no: مستحيييييييييييييل :no:
يا هلالي والا ابطل كورة وتشجيع أحسن :)

لو خيروك بالسفر مجاناً الى اي دولة بالعالم لمدة شهر وش تختار ؟ ومن تختار رفيق ؟
فرنسا :yes:
وأخذ معي شخص عزيز يحب فرنسا جداً .

تخيل عندك مليون ريال وش تسوي ؟
وش اسوي يعني .. اكيد راح أعدها ريال ريال .. علشان اتأكد انها مليون :D
بصراحة .. اشتري بيت سيده .. لأن امتلاك بيت هو حلمي الوحيد اللي ماتحقق :( وهالحلم مشغل بالي ليل نهار .
ولأني حالياً ساكن بالإيجار وصاحب البيت يبغى يطلعني :(

تخيل انك رئيس الهلال .. وش اول قرار توقع عليه ؟
اعلان شبكة الزعيم المتحدث الرسمي للنادي .. وبث جميع اخبار الهلال عن طريق الشبكة :yes:

تخيل شكل الموهوب يعني اوصف شكله
طويل وعريض ودبي حبتين لكنه قصير ونحيف حبة ونص .. ووسيم وينقط عسل .. حتى مايمشي الا وراه القلب البردقاني ومعاه طشت .. يجمع فيه العسل ويروح يبيعه بسوق الراشد :D
وطبعا صداقة القلب البردقاني له علشان وسامته .. لأنه وين مايروح انواع الترقيم والازعاج من البنات .. والقلب البردقاني يموت بهالحاجات ;) وعلشان يتكسب من بيع العسل اللي بالطشت :D
مايلبس ترنق ولا قبوع ( طربوش ) ابد ودايم كاشخ بالثوب وشماغ البسام بصمة ثلاثة ;)
بشرته خمرية على كاكاوية ليلاً .. ميتاليكية نهاراً .. ويحافظ على بشرته جداً حتى انه مايطلع بالنهار الا هو لابس هيلاهوب علشان ماتتغير بشرة الوجه :D


تخيل شكل الصوت الهلالي ؟
انسان محترم جدا وحبوب كيرم .. قصدي حبوب جداً :D
اجتماعي وراعي وناسة وشكله اسمراني متوسط الطول ومليان شوية ;)
يحب الكبسة .. يعني توقع انه يطلع من عزومة او عرس وبمخابينه رز عادي :( حبه للكبسة وصل مرحلة الادمان الله يشفيه ولا يبتلينا .
مطربه المفضل سعد جمعه .. واغنيته المفضلة جزيرة الكنز ( هانحنو ذا على دروب كنزنا ) :D
ممثلته المفضلة مريم الشراح << == مايفرق بين انتصار الشراح ومريم الغضبان :(
موظف قطاع خاص .. ويشتغل بعد العصر بياع جرايد :D

تخيل شكل الفيصل الهلالي ؟
انسان خجول ومنعزل تقريباً عن المجتمع .. شكله ابيض ومتوسط الطول ونحيف ومايعرف الثوب ابد ;)
متزوج من اربعة <<== هذا الذيب مو حنا :D .. وحاط ببيت كل وحدة دش وفيديو .. ومعلمهن على تسجيل الاهداف واللقطات .. وياويل وحدة تفوت هدف لو بنيكاراجوا والا بالصمان .. وأي وحدة تنسى او ماتسمع كلامه يعاقبها وويخليها تنزل الاهداف على سيرفر الزعيم بمشبك الشعر .. والا يحط لها قناة السودان ويقفل الرسيفر على القناة ثلاث يومين :D

تبي ابيعها واقول تخيل شكل الأمير بندر هههههههههههه
هذا اعرفه يالشين .. حاول مرة أخرى :D

تخيل شكل نجمة الابداع
انسانة <<== اكيد انسانة يعني وش بتكون :(
دقيقة وساعة ويوم وشهر :D أقصد دقيقة بعملها وجدية جداً .. تحترم مواعيدها .. وماشية <<== يعني تمشي مو قطيع بعارين يعني والا خرفان .. اقول ماشية سيده واخاف عليها بيوم تصدمها سيارة لأني احسها تقطع الشارع بدون ماتلتفت :D
تشتغل بالبنك الزراعي بشهادة حسن سيرة وسلوك :D .. والعصر مراقبة بشات نسيج :D
واعذرني عن الشكل .. ماقدر اوصف محارمنا للغريبين حقين المطبخ :D

تخيل شكل شوكة الهلال قصدي ورده الهلال
والله من الهبال تحت راسها :D
هي شوكة والا وردة الهلال والا وردة الابداع والا الكرز .. كل ماشفت اسمها اتذكر بيرت بلس ثلاثة بواحد :D واتخيل عريسها وهو كل يوم رايح للأحوال يغير اسمها بدفتر العائلة :D
اما شكلها فماعمرها مشطت شعرها .. تشوفها شوشة تقول شوشة جنية <<== والله من الهبال اللي تحت هالشعر :D
اذا ضاع اي شي بالبيت يروحون يدورونه بشوشتها .. صاير مستودع البيت :D يعني سكروب والا سبير سيارة والا مفك عجلات والا كورة سلة والا قدر ضغط .. مرة ضاع اخوها اسامة ولقوه بشوتها :(
مدمنة لقناة سبيس تون وبرنامج القناع :D
واكلتها المفضلة السحلب ومشروبها المفضل العصيدة :(

تخيل شكل المملكة .. ياخي احس انها كبر جدتي :smilewink
هذا احساسك وش اسويلك :D
شكلك بايعن عمرك يالشين .. ومنت خايف انها تمحطك بقصيدة هجاء وتعبير :D
انا اتخيل انها بنوتة صغنطوطة زي القمر .. ومن بنات الاسرة ;)
توها طالبة بثالث متوسط أدبي :D <<== بنت شيوخ خلتهم يفتحون قسم ادبي بالمتوسطة علشان تصقل موهبتها الشعرية من الصغر :D
تحب الرسم خاصة على جدار بيتهم .. و ذكرياتها العاطفية مع الفيصلية مكتوبة على برج التلفزيون <<== تراها ماتروح لبرج التلفزيون .. هي تقول جيبولي برج التلفزيون ويجيبونه :D
ومن الدلع تكتب الذكريات بمناكير لونه ازرق :(

تخيل شكل الفيروسه الزرقاء بس لاتنسى النورتن والا مكافي هههههههههه
اما هذي عجوز كبر جدتي سنونها طايحات ومركبة بدالهم طقم اقلام باركر :D .. وتلبس نظارات طبية تقول كشافات كريسيدا موديل 78 :D ماتعرف تشغل الجهاز الا بمكرسكوب <<== ماتشوف المسكينة :D
شعرها طايح ( حات ) من كثر التفكير بالحرب مع العيال <<== على بالها انها توها بنوته صغنطوطه :D
تحب العسكريم الصاخن <<== يحول مالها سنون :(
رياضتها المفضلة التدحرج مع الدرج .. تحسبها هي التزحلق على الجليد <<== لاتلومونها السمع عندها خفيف شوي :D

تخيل شكل نقوشي نقوشي نقوشي والقادم مذهل أكثر
ليش تذكره ثلاث مرات .. تبي تقول انه عن ثلاثة يعني ;)
اتخيله شكله مثل ابوعسم الشخصية اللي جت بالمسلسل اللي برمضان :D
مايدخل للشبكة الا معه دفتر من كثر اليوزرات والباسوردات :D
طيب مرة .. ولو تبي ثوبه يعطيك ويروح يلبس علم الهلال اللي راح فيه لمباراة الاتفاق :D
عنده جهاز فيه ثلاث شاشات علشان يتابع موضوعه .. وعنده بالبيت درزن تلفزيونات مثل عبدالله بالخير .. وماتفوته معلومة عن مباراة بالعالم والا عن الهلال وتشوفه يجي يمشي الطبلون علشان يحطها بالمنتدى .. وياكثر ماتوطا من اعضائنا .. حتى ان العوام اشتغل ممرضة بمنتدى الجمهور من كثر تدعيسه :D

تخيل شكل صاحـبة النصف مليون اسيرة الزعيم
دبة وماتدخل مع هالباب .. اهلها مسوين لها بوابة خاصة لدخولها .. ومسوين لها بسطح البيت فتحة على كهرب بالنص مليون .. واذا تعشت يشيلونها بهليكوبتر وينزلونها بغرفتها :D عمرها مابين الثلاثين والاربعين .. يعني خمسين :D

تخيل شكل الغريب وهل تحسو انهو يقربو لسيبويهي ام للأسودي الدؤلي ؟
هذا اعرفو شكلهو جيدن .. حاول مرتن اوخرن ;)

ليه تروح بعيد .. تخيل شكلي وأنا اسحّـب فيك ذاك اليوم :D
تبيني اعترف انك سحبت فيني .. ماني متخيل شكلك لأنك ماسحبت فيني :mad:

طيب خذ حلقة فطاير على الطاير .. قصدي كم سؤال على الطاير
اشوى خلنا نغير هات كم فطرورة <<== على باله مفرد الفطاير فطروره :( .. انبشمت من السبانخ :D

هل انت راضي عن نفسك وعـملك بالمنتدى ؟
الحمدلله راضي واطمح لتقديم المزيد .. ولو اني بالفترة الأخيرة اواجه بعض المشاكل والظروف اللي اجبرتني على تقديم الاعتذار عن الاشراف على اللجنة الاخبارية والله يستر لا تلحقها العالمية :(

لو حكمت العالم 24 ساعه وش القرارات اللي راح تتخذها ؟
جعل الاسلام هو الدين الرسمي الوحيد لجميع سكان العالم واللغة الرسمية هي اللغة العربية .
فتح الحدود بين جميع بلدان العالم للتنقل بحرية بين اي بلد وبلد .. وخاصة بين السعودية ولبنان :D
نزع السلاح كلياً وتدميره .. وياويل من اشوف معها سكين <<== يبي يقضي على الحريم باي طريقة :D

حدد ثلاث اسماء تحس انها ابدعت باللجنة الاخبارية <<== انواع الاحراج ادري :cool:
تبي ثلاث بس <<== ايوالله انواع الاحراج واشكاله :(
طيب بقول ثلاث ولايزعلون مني البقية .. نجمة الابداع والفيصل الهلالي والصوت الهلالي .
والسبب واضح للجميع وهو انهم من دخولهم اللجنة ولهالحين وهم ماشين على وتيرة وحدة <<== وش رايك بكلمة وتيرة ;)

وحدد ثلاث اسماء تحس انها مقصرة <<== اما هالسؤال انواع النذاله :D
انت قلتها .. انواع النذالة :D
وماراح اصير نذل :no:
لكن وللأمانة .. جميع اعضاء اللجنة مجتهدين ويحاولون تقديم شي .. أي شي للشبكة :)

حدد عضو تحس انه يصلح مشرف ؟
كثيرررررررررر
منهم الصوت الهلالي والفيصل الهلالي ونجمة الابداع وعساس ومنادي والمملكة .
ترى اهم شرط من وجه نظري للاشراف هو التواجد الدائم واللباقة .. وجميع من ذكرت ينطبق عليهم هالشرطين :yes:

وحدد مشرف تحس ان كلمة عضو كبيرة عليه <<== نيتي قشرى
اي واحد تشم معه ريحة كشنة وسبانخ :D

وحدد عضوة تحس انها تصلح مشرفه
الفيروسه الزرقاء

حدد شخص تحس ان اسئلته خفيفه على المعده <<== شخص مازولا يعني
الاعصار

وحدد شخص تحس انك تمتعت بأسئلته وتتمنى لو يعيد الكره <<== وش رايك اصلح مذيع بعد هالجملة
أيمن :)
لا ماتصلح ولا حتى مطرب شعبي :D

وحدد شخص تحس انك انقهرت من اسئلته وودك تتعشى عليه الفجر من القهر:uhoh:
انت :D

وحدد شخص تحس انه هراك ( اتعبك ) بأسئلته :uhoh: احم احم تراي خويك :razz:
طيب مهو انت ... هو القلب البردقاني :D

وحدد شخص تحس انه غايب ولا سألك لهالحين ؟
كثيرين .. شيروكي ومخاوي البطولات وميلان اسيا ومالنكو والنمر المقنع والغريب وابواثير وابوحنفي وجنتلمان .. واعضاء منتدى العالمية .. شكلهم ماهم دارين :D

لاعب سعودي ((( غير ))) هلالي يجذبك أدائه وأخلاقه ؟؟
سبحان الله الزين مايكمل .. الا اذا كان هلالي :)
ان جيت كلعب عندك الثور محمد نور .. بصراحة لعيب لكن اخلاقه بالحظيظ .
وان جيت كاخلاق عندك طلال المشعل .. لكن مستواه مرة قمة ومرة قاع .
فيه بدر الحقباني ومنصور الثقفي لكن عيبهم انهم بالنصر وعندك يوسف الجسار من النجمة والحسن اليامي لكن عيبهم انهم لاعبي اندية ومايفيدون المنتخب بشي .

ما أكثر ما يعجبك.. وما يزعجك في شبكة الزعيم بشكل عام ومنتدى الرياضة العالمية بشكل خاص ؟؟
يعجبني بالشبكة روح الاخوة .
ويزعجني العناوين المخالفة لمضمون الموضوع والتسحيب .. وتسجيل بعض الشباب بيوزرات نسائية .
يعجبني بمنتدى العالمية حرص الاعضاء على متابعة الاحداث الكروية العالمية اولاً بأول .. وتقديم الجيد والمفيد :)
وتزعجني غيابات بعض الاعضاء .

مــاذا يعني لك ( القلب لأزرق ) :) ؟؟ ==>> عـندك مانع يا ثامر وإلا الوليد ;)
ووينهم علشان يجاوبونك .. لاتحتري احد يردي عليك ماغيري متنح على هالكرسي :D
القلب الازرق شي خيالي من كوكب تاريخ :D<<== اللي اعرفه ان القلوب حمرا وعمرها ماصارت زرقا ;)
والقلب البردقاني العضو .. اخ عزيز تشرفت بمعرفته بالشبكة .. وتشرفت بمقابلتة والدجة معه بأسواق الراشد بعطلة عيد الضحية :D

لو كانت لك رحلة إلى القمر فمن تأخذه رفيقا لك ؟
سبق الاجابة عليه ..
لكن اعيد واقول عيالي بالمقدمة :)

منهو ...

حارس المنتدى :
كوكتيل :)

بواب المنتدى :
ابو اثير :D <<== لأنه هو اللي ماسك اخبار البوابة :D

احلى واحد بالمنتدى :
مالنكو :)

اشين واحد بالمنتدى :
ابوسليمان :D

عـسل المنتدى :
البارق <<== الله يستر لايصدق روحه :D
وسهل وابوالذهب :)

نويم المنتدى :
كايدهم :D

اكشخ واحد بالمنتدى :
الفيصل الهلالي :)

شاعر المنتدى :
ومن غير المملكة :)

فاكهة المنتدى :
الكرز :D

اديب المنتدى :
الغريب :)

عضو مظلوم :
نقوشي :(

عضو خلف الكواليس :
ابومنار :(

عضو نشيط جداً :
شرشبيل و sport2002 :)

عضو مهضوم حقه :
النمر المقنع :(

عضو حاضر ولكنه غائب :
ميلان آسيا :(

عضو يعمل بصمت :
نجمة الابداع :)

وآخر لا يحب الأضواء :
ابوسعود الهلالي و GIALLOROSSI :)

عضو جذاب :
منادي :)

عضو لزقة :
القلب الازرق :D

عضو معحب فيه وما هو سبب الاعـجاب :
عساس ومهند .
عساس يشارك بمواضيع غاية بالروعة .. ويرد بعقل :)
ومهند يعجبني بانضباطه وتصاميمه :)

اعتقد يكفي ..:rolleyes:
انا لا اعتقد :D

بايبااااااااااااااااااااااااي:cool:
بايبااااااي ..
هديت حيلي الله يهد حيل العدو :D
ماقدرت انزله برد واحد من كثر الاكواد :mad:
وقعدت ساعة وانا اقص من كل رد شوي علشان يقبل يرسل :mad:

والله الشباب ما قصروا ماخلوا شي

أنواع الاسئلة والشرشحة :D :D

بس حبيت اسلم عليك :) :)

وسؤالي

لو لقيت البارق وابو الذهب يغرقون ؟؟


من اللي تنقذه منهم :D

أخوي ترى انا مثلك ما اقتنعت بهالبيكهام اللي رجونا فيه داخل الملعب


أما خارجه

انا مادانيه مرررررررررررررررررررررررررة

حبيت ابدي اعجابي بموقفك منه

مخفي


أنشودة الحب

زعيــم جديــد



رقم هذه المشاركة ( 84 )
تاريخ التسجيل » 07/03/2003
البلد »
مجموع المشاركات » 1


هههههههههههههههههههههههه

شف مجموعة المشاركات
وتعرف ان الخير جايك

:D :D :D :D

حبيت أسلم وأستلم

<<< لا يا شيخه

خخخخخخخخخخ

خبرك أستلمتك سوالف وأسئلة

المهم جايه أنا بنائاً على طلب أحدهم ,انت عارفه

قال لي تكفين أستلميه

خخخخخخخخخخ :D :D وإلي يسمني محمد من الرياض

خخخخخخخخخخخخخخخ:D

افااااااااا آخرتها صرت ولد

سؤالي يقول:D

هل تعتقد أن ورده بنت ولا ولد مثل ما تفضل خويك خخخخ:D وألي أنت خابره;)

سؤال ثاني

ماهو تقييمك للكرز

وماهو تعريفك لها خخخخخخخخخخخخ:D

وشنو رايك فيها :D بعد وقبل خخخخخخخخخخ:D

كمان ويش هي وجبتك المفضله وحيوانك المفضل

وكلشي مفضل لصعه لنا خخخخخخخخخخخ:D

وربي ما أقدر أكثر عليك لمعزتك عندي وغلاتك

بس حبينا نستلم قبل لا نطس:D ;)

تحياتي لك: الكرز

باقي سؤال
بتفتقد الكرز ولا لا :none: :uhoh: :D

عوووووووودنا مع مشاركة ابوريناز

السلام عليكم ورحمة الله وبركاته.. :)
وعليكم السلام ورحمة الله وبركاته :)

تحية طيبة إلى الغالي والعزيز .. والرائع والمنتاز :D < هلالي الجوف > :)
ياهلا والله بمصممنا المبدع والرائع والمنتااااااااااااااز ابوريناز

من أول يوم طرح فيه الموضوع .. كنت يومياً .. أدخله وأقراء أسئلة الأعضاء .. ومن ثم اقرر الرد عليك وطرح أسئلتي .. :) .. لكني أفاجاء بأني قد أغلقت الموضوع .. لماذا ؟؟ .. لاني لم أجد أستطع إنتقاء المفردات التي تليق بك .. كل المفردات أقل منك مستوى :) .. فأنت < فوق فووق> :)
العفو ياخوي .. ماغيره سبحانه فوق فوق ;) كلنا اخوة عيال تسعة وبمستوى واحد يالغالي :)

< هلالــــي الجــــــــــــوف > اسم لأستاذ كبير .. عرفتنا عليه شبكة الزعيم .. وهذه نقطة إيجابية لصالح شبكتنا الغالية .. :)
وابوريناز مصمم مبدع عرفتنا عليه شبكة الزعيم .. وهذه نقطة إيجابية لصالح شبكتنا الغالية .. ولصالح هلالي الجوف :)

< هلالــــي الجــــــــــــوف > اسم كبير .. بل كبيرررر جداً .. رجل بمعنى الكلمة .. :) .. لو ملاءت جميع الصفحة بكل كلمات المدح والثناء .. لم أعطه ولا الربع من حقه :)
تسلم يالغالي .. كلماتك وسام اعتز فيه والله .. والحمدلله لو ماجاني من هالشبكة الا محبتكم لكفاني :)

< هلالــــي الجــــــــــــوف > المكتشف الحقيقي لي في هذه الشبكة .. فهو الذي تبناني .. وشجعني .. إلى أن وصلت لهذا المستوى .. ساعدني في كل مشكلة أواجهها .. كان همزة الوصل لي مع ادارة الموقع .. حتى تعرفت عليها .. وتشرفت بذلك .. :) فإليك ياأبو عيدالرحمن .. كل الشكر والاحترام .. وأتمنى من الله عزوجل أن يساعدني في تقديم رداً " ولو لجزء بسيط من جمايلك " .. اللهم آميـــــــن .. :)
واجبنا وانا اخوك .. والمبدعين بالشبكة كثير كثيررررررر بس يبغى من يكتشفهم ويشجعهم .. والله يكون بعوننا وبعونهم .

أستاذي الغالي .. :) .. لاأدري ماذا أقول .. وبأي شيء أبدأ .. لكني سأطرح عليك ثلاثة أسئلة .. بعد هذه المقدمة المتواضعة .. التي لم ولن توفيك ولا الربع من حقك وارجوا أن تسامحنا على ذلك .. :)
كل هذي ومتواضعة وربع حقي ؟؟ الينك ماقصرت والله واعطيتني فوق فوق حقي . . وهات اسئلتك ولو تبي اكثر انا حاظر :)

في بدايتك في هذه الشبكة .. هل وجدت من يسر لك الطريق .. ودعمك حتى وصلت لهذا المستوى .. ؟؟ :) أم أنك من نفسك .. بذلت الجهد .. حتى وصلت لهذا المستوى .. ؟؟
تقدر تقول بذلت الجهد حتى وصلت للاشراف فقط .. لأني ماني شايف ذاك المستوى اللي يفرق بيني وبينكم غير الاشراف .. وماكان هدفي الاشراف بصراحه .. والاشراف من بحث عني وانا مابحثت عنه ووصلت له بالصدفة وحتى كنت متردد كثير قبل القبول .
اما معرفتي بالمنتديات وعالمها فتحقق بمساعدة صديق خاص جداً من خارج المنتدى ساعدني بالتعرف على عالم المنتديات بعد تسجيلي .. وعلمني وشلون اكتب مواضيع وارد واقتبس واحرر وهكذا .. وبعد اختياري للاشراف ماقصروا الاخوان بالادارة من المدراء والمشرفين معي وساعدوني كثير وخاصة الغالي الاعصار .. لان اختياري للاشراف جا بعد دخولي بشهر واحد بس .. يعني في امور كثيرة ماكنت اعرفها .

متى كانت البداية الفعلية لهلالي الجوف في هذه الشبكة ومتى بدأ اسمك بالظهور جوار الابداع ؟؟ :)
أي ابداع يالغالي ;) رحم الله امرء عرف قدر نفسه والله يرحمنا برحمته .
وبدأت بالمنتدى من ساعة تسجيلي .. واعتبر البداية الفعلية على قولتك يعني الشغل والكرف :D عند اختياري لمنصب الاشراف .

مارأيك في شركة الاتصالات .. والشح الكبير في أخذ أموال المواطنين .. بكل عنف ! وياليت توضح معدل دخولك للنت يومياً .. وكم أكبر مبلغ وصلت إليه فاتورة هاتفك .. ؟؟ :) [ واسمح لي على التطفل في هذا السؤال ولك الحق في رفض الاجابة .. :) .. لكن أنت قدوتنا يابو عبدالرحمن .. والمرء بطبعه يحب أن يعرف كل شي عن قدوته ..
بعد النبي صلى الله عليه وسلم .. :) ]
ما اقول الا اشوف فيك يوم يا شركة الانفصالات :(
ومعدل دخولي للنت مرتفع بصراحة .. وهو مابين الخمس والعشر ساعات يومياً .. ويزيد دخولي اثناء نقل المباريات والاخبار .. وايام كاس العالم وصل الى 15 ساعة .
واكبر فاتورة وصلت لها فاتورة خط الانترنت الثلاث الاف ريال .. وأقل فاتورة وصلت الفين ريال .. مع العلم انه خط خاص بالنت :(

وجزاك الله المجلس العام خير الجزاء على هذه الاستاضافة التي تكتب نقطة بيضاء في سجلهم .. :)
والسلام عليكم ورحمة الله وبركاته .. :)
وعليكم السلام ورحمة الله وبركاته :)
وجزاك الله خير على هالمشاركة :)

تحياتي : ابو ريناز .. :)
وتقبل تحياتي .. وشكري على كلماتك بحقي :)

عوووووووودنا مع مشاركة نجمة الابداع

صباح معطر بالفل والياسمين للجميع ،،
صباح النور والسرور :)

عندما يحل ضيف كــ ( هلالي الجوف ) تقف الكلمات حائرة هل تضيف سطور مرصعة بالشكر ام تضيف حروف مطرزة بالثناء للجهد القائم وجدنا انفسنا عاجزين والحروف عاجزة عن اي شكر يتناسب مع ما قدمه ويقدمه في الشبكة ،،، فتقبل حروفنا المتواضعة شكرا لك ،،
العفو اختي .. ماقدمت الا الواجب .. ومازلت مقصر بحق الزعيم النادي والزعيم الشبكة .

وأتمنى ان لا اثقل عليك بالاسئلة
لا عادي ... خوذي راحتس .. ماراح تكون اسئلتس اثقل من اسئلة القلب البردقاني بأي حال من الاحوال :D

~ هلالي الجوف وشبكة الزعيم ماذا استفدت منها ؟ وماذا اخذت منك ؟
استفدت منها خدمة النادي اللي عشقته من حوالي العشرين عام .. وخدمة اعضاء المنتدى .. وأستفدت التشرف بمعرفة العديد من الاخوان بمختلف انحاء المملكة .
وأخذت مني الكثير من الوقت والمال .. المال ماهو مشكلة .. لكن الوقت قدامه الف علامة تعجب واسفهام :(
بعض احيان استغرب من نفسي وانا اقعد اكثر من عشر ساعات على الشبكة والمنتديات .. وأقول وبعدين وتاليتها ياولد الجوف ؟ .. لكن وللأسف مالقى اجابة وارجع اتنح من جديد بموضوع :(

~ طموح هلالي الجوف في منتدى الرياضة العالمية إلى أن يسير وإين سيتوقف ؟؟؟
مهنا طموح محدد .. أهم شي تقديم الجديد والمميز للشبكة بأسمي وياسم الاعضاء .. ومتابعة الاحداث الرياضية العالمية الكروية حتى نواكب الحدث طبعاً .
ماتوقع فيه توقف .. لأن متابعتي للمباريات العالمية بدأت قبل معرفتي للشبكة .. وراح تستمر معي الى النهاية .. وشوفي عاد ايهم اسبق .. يا نهايتي من الدنيا والا نهايتي من المنتديات .

~ مواقف مختلفة مرت على هلالي الجوف من خلال تعاملك مع الأعضاء وبحكم عملك كمشرف في الشبكة موقف طريف لا تزال ذاكرة هلالي الجوف تحتفظ به ؟؟؟
مواقف كثيرة تحصل .. لكن لك على الذاكرة شوي :D
ويمكن اطرف موقف اتذكره هالحين .. موقف حدث اثناء نقل احد المباريات للهلال :D
سجلت دخول بيوزر ادارة النقل كالعادة .. وانا انقل وبعد حوالي 20 دقيقة من بداية المباراة طفى الكهرب من عندي يعني من البيت بسبة الأجهزة و الدفاية والمكيف <<== يومها كان برد موووووووت :( طفيت الدفاية والمكيف ورحت وشغلت الكهرب من الطبلون وقلت بيني وبين نفسي نكمل نقل والله يعين على البرد :( المهم شغلت الجهاز والتلفزيون والدش وانا مستعجل ابي اكمل النقل .. وافتح على الموضوع الا رايح حوالي من خمس الى عشر دقايق من المباراة .. كملت النقل واضفت حوالي ثلاث ردود بسرعة ومانتبهت لليوزر .. ماخذيت الا الردود نازله بيوزري ( هلالي الجوف :D ) لا تسألوني كيف ووشلون :D ( في طريقة خاصة للدخول بيوزرين ;) ) وارجع بسرعة واحذفهن واطلع من يوزري وادخل بيوزر ادارة النقل واكمل النقل وانا متفشل بصراحة .. حاله .
وفي مواقف طريفة كثيرة حصلت ايام كأس العالم .. ومواقف تحدث اثناء غلط بعض المشرفين بنقل الموضوع او تثبيته .. تلقينه يبي يثبت يروح ويقفل والا يبي يحذف ويروح وينقل لمنتدى ثاني وهكذا :D

~ حظوظ الفريق الهلالي فيما تبقى من مسابقات الموسم وفي ظل الأوضاع الهلالية الحالية هل هلالي الجوف متفائل بتحقيق بطولة هذا الموسم ؟؟؟
ماتوقع في أمل بالفوز بأحد البطولات وحنا نشوف هالمستوى الهزيل للأسف :(
ولو ان المستوى في مباراة الهلال والعين أعجبني نوعاً ما ويخلي الواحد يتفائل .. في روح وقتالية على الكورة وهذا اللي ينقص لاعبي الهلال حالياً .. بس اخاف انها فورة بيبسي :mad: والله يستر .

~ الحياه مليئه بالتناقضات فماذا يزعج هلالي الجوف منها؟؟؟
يزعجني الكثير من الامور الحياتية .. واعترض على الكثير بحدود المستطاع طبعاً .. حتى لا اسبب لنفسي الازعاج او المشاكل .. ولو اني ياكثر ما سببت لروحي مشاكل بسبة لقافتي :D
طبيعتي رجل أحب النظام ولا اتجاوز النظام الا بالأمور اللي تخصني انا لوحدي وما تأثر على المجتمع .. أو بالامور اللي فيها مصلحة لغيري وبعد مالها أي تأثير سلبي على المجتمع .. وأغضب واتكلم باي امر اشوفه يتجاوز النظام .
واذا جينا للتحديد .. فيزعجني كسائق قطع الاشارات والوقوف باماكن عدم الوقوف أو تعطيل السير لأي سبب .. وقيادة الاطفال او كبار السن واقصد العاجزين .
ويزعجني كمدرس التهاون والتقصير والا مبالاة من بعض الطلاب .. وعدم الاهتمام من واولياء الامور لأبنائهم .
ويزعجني جداً كوالد بكاء ابنائي .
ويزعجني كزوج روحات السوق :D
ويزعجني كمواطن التخلف الحظاري بمنطقة الجوف مقارنة بغيرها من المناطق :(

وكل الشكر لك ومعذرة على الأطالة
والشكر موصول لأشراف المجلس العام :)
العفو اختي .. والشكر لك على مشاركتك :)

عوووووووودنا مع مشاركة المــalmojــوج

صبحك الله بالخير يابو عبدالرحمن
صباح النور والسرور اخوي ابومحمد :)

اخوي ودي اعرف شعورك وانت تقرأ اسئلة القلب الأزرق ؟ بصراحه جابت لي الدوخه .
شعوري شعور أي مواطن هلالي متنح على كرسي الاعتراف بعد تدبيسه محترمة من ابوسليمان .. وكان عليه دين سابق :D
لايفوتك هالموضوع وانت تعرف السالفة ;)
http://vb.alhilal.com/showthread.php?threadid=72320

لكن كله كوم وابو منار والإعصار كوم واحد يقول ضربة شهر فبراير والثاني يقول قنبلة الموسم الله يكفينا الشر <<=== شكلهم متأثرين بالأحداث .
انت شايف :(
ياخي خفت على روحي من مشاركتهم .. خاصة اني ماني بعيد عن العراق .. ولاني بعيدن عن احداث بجنبي والله يفكني من شرها :D
ومدري حنا بموقع رياضي والا بالساحات ;)

بصراحه ما عندي أسئله خلصها علينا القلب الأزرق وياليت يسلفني كم سؤال لكن عندي سؤال وحيد ماجاب خبره القلب الأزرق وهو ماذا سيكون موقفك لولا سمح الله قالك عبدالرحمن ابي اشجع النصر او الإتحاد ؟؟
مدامه يبي يشاورني الرد والم وانا اخوك ...
ماراح اقوله الا معصيييييييييييييييييييييييييييي وهذا اللي بقى :D
اما اذا ماشاورني .. فالشكوى لله :(
لكن شكله يبي يصير هلالي من هالحين :D

هل تبي تاخذ العصا وتطقه والا تبي تصير(( ديمغراطي )) << == حلوه ديمغراطي
ماعندي ديموقراطيه بهيك امور أبداً البتة :no:
كان عندي طيوموقراطوطية من هاللي تقول بس خلصت للأسف .. يعني ولم العصا :D

على فكره انا اعرف واحد نصراوي ((ديمغراطي )) يعني من ((النوادر)) المهم انه يقول اني احمد ربي الف مره ان عيالي هلاليين وماتوهقو مثلي وشجعو النصر .
نصراوي وديموقراطي .. احسها ماتركب :no:

تحياتي لك والله يعينك وبس .
تحياتي لك بعد .. والله يعين الجميع :)