|
@ ابا عبدالحمن اهلاً بك ضيفاً كريما ً في منتداك . @ الغالي ابو عبدالرحمن روح وقلب شبكة الزعيم النابض ..... بصراحة ماذا اظن ان عندي اسئلة ودي اعرفها منك لأن بصراحة اتصالك وتواصلك الدائم ما بقى شئ .... فيه سؤال واحد فقط !!! >> في فاتورة جوالي مكالمة حدثت بينى وبينك ولمدة ساعه وثلاثة عشر دقيقة !!!!! هل تذكر متى وفيما كنا نتحدث ؟؟؟؟؟ ( استبعد طبعاً إنا كنا نحش في البارق ) @ ابو عبدالرحمن وقت سعيد وممتع نتمنى ان تقضيه مع محبيك وأسئلتهم اعانك الله . |
ياهلا و الله بابو عبدالرحمن:) رأيك في الوضع الحالي للمنطقة و هل تتوقع اندلاع الحرب:eek: هل تتمنى تكون كوري شمالي:( رأيك في نكسة اليوفي امام مانشستر:cry: ايش انطباعك عن واحد اعطيته رقم جوالك اكثر من مرة ولا اتصل عليك :shy: رأيك في اعضاء اللجنة الاخبارية متى تتطور الجوف :sleep: :sleep: تحياتي لك يا غالي.. |
يا هلا بهلالي الجوف عندي كم سؤال ياليت تجاوب بصراحه ولاتنحاش منها :bluesky: برايك هل مازال الدوري الايطالي في الصدارة ؟واين تضع الدوريان الانجليزي والاسباني معه؟ لو لعب الهلال مع الريال في السوبر الاسيوي الاوروبي كم تتوقع يفوز الهلال؟ :D بصراحه مارايك في السكوت الهلالي على تصرفات الجمعان ؟وهل آن الأوان لطرده من الكيان الهلالي؟ :yes: لو دخلت للانترنت وحاولت الدخول لشبكة الزعيم وفجأة وجدت أن هلالي الجوف تم وضعه في القائمه السوداء (ممنوع الدخول لشبكة الزعيم) وش تسوي ؟ :D أمامك ثلاثة قرارات لطرحها على رئيس الهلال لمناقشة اوضاع الفريق ماالذي ستقوله؟؟؟ امامك مبار اة للهلال وانت نعسااااااان وش تسوي تتفرج والا تنام؟ :D مع الف سلامه أخوي ابو عبدالرحمن |
السلام عليكم ورحمه الله وبركاته ورا ماترد السلام انت وخشتك :upset: سؤال رميته بشريط مسجل وفلق ولد جيرانك وطلع ابوه وصفقك :rolleyes: السؤال : هل كان هلالى الجوف فى يوم من الايام عزوبى ؟؟ والله السؤال البايخ :D السؤال الثانى : اين تجد نفسك من هذه الوظاف ؟ 1- سواق وايت فى مصلحه المياه 2- راعى محل بنشر 3 - توصيل سريع ( اتصل نصل ) السؤال الثالث: سميت نفسك هلالى الجوف هل هذا يعنى انك من اهل مكه |
السلام عليكم رغم مفاجأة اللقاء والغير متوقع اطلاقاً خاصة بهالوقت الا اني سعيد بترحيبكم واسئلتكم وبالتواصل معكم حبايب قلبي .. واشكر اشراف المطبخ على هالتعليقة الحلوة .. وبسيطة .. تراها مردوده له باقرب فرصة :D إقتباس:
تحياتي للجميع :) |
والله هذي قنبلة الموسم ... الله يخليك لعين ترجيك يابوسليمان اللي جبت لنا قلبنا النابض :) شف يابوسليمان انت وجميع طاقم العام ... انا ماعندي اسئلة لكن عندي كلمة حق يجب ان تقال في شخص هالرجل الرااااااااااااااااااااااا >> الى مالا نهاية اااااا ئع .. فارجو ان يسمح لي .. بعيداً عن الشبكة اللي تمثل لهذا الرجل شي كبييير ولا اراني ابالغ إذا قلت انها بيته الثاني ... واستطيع أن اقول وبكل فخر انه قلب الشبكة النابض بحق وحقيقة .. ويجب ان تعلموا أن ما تشاهدونه من مجهود من هذا الرجل يقدم أضعافه من وراء الكواليس .. رجل ذا مجهود سخي وعطاء بلا حدود ... محب للخير ومحب للناس ويقدّر الغير ويحترمهم لأنه مثال للرجل المحترم ... لا يرضى بالخطأ والتهاون ويسارع بمحاولة إصلاحه قدر ما يستطيع ... بالمصارحة والملاطفة والكلام العذب ... وحتى وهو ينتقد إنتقادات لاذعة تصب في المصلحة العامة .. لا تملك إلا ان تتقبل كلامه بكل ما لديك من رحابة صدر ... لانه يجبرك على ذلك ولأنك تعرف أن ما وراء قلبه على لسانه .. تشرفت بالتعرف إليه في حفل الشبكة العام الماضي ومن بعدها زادت اواصر المحبة والألفة بيننا بالإتصالات المتوالية .. بإختصار ...... هو الأقرب إلى قلبي في هذه الشبكة الرائعة ومن أهم مكتسباتي الشخصية في عالم الأنترنت منذ عرفتها حين دخولها المملكة قبل حوالي الخمس سنوات .. والله ثم والله أن القلم يعجز عن وصف ما أكنّه وما اعتقد أن كل من يعرف هذا الرجل يكنّه له من محبّة وتقدير .. مهما قلت فشهادتي مجروحة .. لا اقول سوى ...... ما اروعك يا أبا عبدالرحمن :) لن اثقل عليك فانا اعرف مشاغلك هاليومين .. ولكن لدي سؤالين ... من هو اول واحد تعرفت عليه في عالم الانترنت وفي شبكة الزعيم خاصة ؟ من الذي عندما ترى موضوع له في منتدى الجمهور ومنتدى المجلس العام لا تتردد في الدخول اليه ؟ هل لك ان تطلع الأعضاء على يوزر دحموني في هذه الشبكة ؟ :) شاااااكر ومقدر لك ولجميع مشرفي المجلس العاااام والله يوفقك وييسر كل أمورك :) |
هلا وغلا بهلالي الجوف ,,, السلاااام عليكم ورحمة الله وبركاااته ,,, سؤالي / هلااااالي الجووووف هل أنت نثرااااوي ؟؟؟ سؤالي / هل صحيح أن مايشاااع في المنتدى أن هلالي الجوف متهم بمقتل الوردي( رحمه الله ) :eek: :eek: <<< يبغى يورطه؟؟؟ سؤالي / الدقيقة 90 وهلالي الجوف رأس حربة نادي الهلاااال أمام النصر والنتيجة 0/1 للنصر يسحب- هلالي الجوف - بالشريفي ويلحقه بالدااود ويتقدم منفرد بالخوجلي ويسحبه بطريقة انما ايه ,,وعندما يهم بالتسديد يعلن الحكم نهاية المباارااة ؟؟؟ ماهو شعورك بهذه اللحظه ؟؟؟ ومن هو الحكم اللي تتوقعه دااار المبااارااة ؟؟؟ وفي الختااام تقبل تحيااااتي أخوي هلالي الجوف ... |
مساء الورد للاخ الغالي هلاليووووووو الجوف:D اقول يا كثر اللي سؤالك كل ذولاء يكرهونك:D <<<<<<<ما شاء الله عليهم الله يزيدهم;) والله انا كنت باراجع اسئلة الاعضاء لكن مريت مرور سريع قلت والله لو اقعد من اليوم لبكره ما خلصت:D الزبده اذا مكرر اسمح لي ما عندي وقت اقراء الاسئله:D وانا باصير رحووم وباصكك بكم سعال حلوين طيبين بتحبهم :) السعال الاول بما ان الاسئله واجده وانت ما انت ملحق عليهم خابرك ولد الوليد:D ...اذا بغيت اساعد ما عندي مانع لكن حرك مخابيتك:D .... السعال الثالث ونص... يعتمد هذا السعال على الاحوال الجويه في حال ضرب العراق وفوز النثر بكاس انكلتر:D ينص السعال على((شفت الاسئله والاعضاء اللي سئلوا لكن من العضو اللي ودك تجحده ولا تجاوب عليه:D )) السعال العشرطعش.... هل صحييح ان احداث 11ستمبر هي التي منعتك من دخول المجلس العام:D ...يعني افهمها ليش مقاطع منتدى المجلس العام :mad: ... السعال الاخير... لو شفت شيك مصدق بثلاثين مليووون دولار باسمك طبعا ....وكان بين ايديك بن لادن ....وش تسوي تاخذ الثلاثين وتعطيهم ابن لادن وتدعم خزينة الهلال:D ...او تقول الثلاثين وسخ دنيا وبن لادن قاهرهم تخليه عندك:) لا بقى سعال اخير:D نسيت اقول وش اخبارك؟؟؟:) [c]صمت العيون™[/c] |
رد: أي سؤال يخطر في بالك(( هلالي الجوف )) اول شي حي الله ابو عبدالرحمن :) .. نورت المطبخ العام :D ثانيا اقرا الاقتباس نقطه نقطه واذا خلصت انزل تحت :razz: ;) إقتباس:
طبعا على غير العاده مافيه جملة : للضيف الحق في عدم الاجابه على اي سؤال :D يعني غصب عن فرخين خشمك تجاوب :D ;) بسم الله على بركة الله نبدأ لو يتقابل ليفربول ومانشيستر في ارض محايده ولتكن ( النقره:D ) .. من ترشح لتحكيمها من الأعضاء ؟ ومن تتوقع يفوز ؟ انا ناوي اترك روما ( غسلت يدي منهم عقب ماشفت هدف فالنسيا هم وحارسهم هالغبي :mad: ) .. المهم وش تنصحني بأي فريق .. ( غير اللي انت خابرهم طبعا :bluesky: ) اذا قالك واحد ( فديتك انا :D ) .. وش ترد عليه ؟ وش سر حبك للفلافل والشاورما :razz: ؟ نجي للأسأله الصدقيه :) ما رأيك في كل من ( اقصد من الناحيه الفنيه ومدى القدره على افادة الفريق حاليا ) واتمنى الاجابة بكل صراحه :) :- يـوسـف الثنيان:confused: سـامي الجابر :) كلاوديو لوبيز <=== امزح لاتصدق :D عبدالله الجمعان :upset: أحمد الدوخي :mad: أحمد الجري :sad: قبل لا اطلع ودي اذكرك بـ(الخمس الآف :smilewink ) .. كيف ناوي تدفع شيك والا كاش ؟ والا ترافيل شيك <=== يسمع بالترافيل شيك :D ... والا اقولك ترا حسابي بالراجحي ;) :razz: ... يله تراني مزنوق عجل علي :D تحياتي :) |
عووووووووووووووووووودنا هلا والله يابو عبدالرحمن وأختيار قوي بقوة تصفيات آسيا بالعين هلا فيك حتى انت يابوعبدالرحمن :) ايه هذا الاختيار ياكل سبانخ :D هذولا حقين المطبخ يعطون حتى الاختيار سبانخ [ شكل عندهم فذة سبانخ هاليومين ] علشان يصير الاختيار قوي .. والضحية انا لأني ماكليت سبانخ :( وعقبالك ماتصير بمكاني .. بس نصيحة كل سبانخ من هالحين ;) الا بكم كيلو السبانخ .. شكلي مطول هنيا هههههههههه شبكة الزعيم ماذا تعني لك؟ تعني شبكة عنكبوتية افتح جهازي والقاها بوجهي <<== ابوك يالسياسة :D بصراحة بيتي الثاني او بيتي اللي داخل بيتي .. اجلس فيها معظم وقتي .. والقى فيها المعلومة والابتسامة .. والقى فيها الاخ والصديق .. اعطتني محبتكم ولابد ارد هالدين لكم . الوليد .. ماذا يعنى لك؟؟؟. الوليد هو اسم علم مذكر معناه واحد توه صغنطوط .. يعني توه فاقسن من البيضه :D والوليد مشرف منتدى الجمهور بشبكة الزعيم .. هو عاشق هلالي تشرفت بمعرفته والتواصل الدائم معه من خلال الهاتف .. خاصة وقت مايكون بالدوام .. ياحبيله وهو بالدوام :D خدم الشبكة من بداية ظهورها ولازال يخدمها بجهد خرافي .. والله يعطيه الصحه والعافيه وطولة العمر . شعورك وأنت رأس حربه بنادي الهلال والجمهور الهلالي يشجع بقوة ابو عبدالرحمن ابو عبدالرحمن هل تفكر بشبكة الزعيم. الله لايقوله .. وبعدين انا اسمي هلالي الجوف .. وابيهم يقولون هلالي الجوف مابيهم يقولون ابوعبدالرحمن :mad: وبعدين خلهم يشجعون الهلال اول جمهور الذب والفصفص :no: واجابة على سؤالك اخ الوليد وعن شعوري .. احب اقولك اني لو فكرت بشبكة الزعيم وانا بالملعب عزالله ضيعت الفريق .. لأن تفكيري بالشبكة ماله حدود :yes: وش رايك بمنتدي المجلس العام؟ رائع .. بصراحة رائع جدا بمواضيعه واعضاءه .. وعيبه مشرفينه :D اسمع احيانا عن محاولات انقلاب من الاعضاء على المشرفين .. بس للأسف مايصملون :no: واقولهم من هالحين .. تراني اعين واعاون ههههههه فاصل اعلاني .. بروح اكل سبانخ وارجعلكم .. انتظروووووووووونا <<== والله لا اطلع ارواحكم مثل ماتبون تطلعون روحي هههههههه . |
عووووووودنا مع مشاركة ابو روان هلا والله بالطش والرش كملها وقل والبيض المفقش :D هلا والله بالغالي ابو عبدالرحمن..كلكم نظر يااشراف المجلس العام هلا فيك يالغالي والف مبروك التخرج .. ولو أنها متأخرة حبتين ;) اما اشراف المجلس العام ... ماقول الا اشوف فيه يوووووووووووم :D ابو عبدالرحمن...متى كانت بداياتك مع النت بديت مع النت مع بداية دخوله لمنطقة الجوف .. يعني قبل اربع سنوات تقريباً . بما انك صاحب خبرة كبيرة في النت هل انت مشترك في منتديات اخرى والله خبرتي عادية واقل من العادية بالنت .. كلها تصفح . اما عن اشتراكي بالمنتديات .. فنعم .. انا مشترك بجميع المنتديات الهلالية وبنفس الاسم :yes: ولي بعض المشاركات اللي ما تستحق الذكر سواء بالمنتديات الهلالية او غير الهلالية لضيق الوقت . بما انك ليفري متعصب ممكن تعلمنا وش سبب حبك للفريق هذا؟ اما عاد متعصب :bigeek: تشجيعي لليفر قديم بصراحه .. وحبي له جا من كرهي للمان ولأنه دايم يمرمط ابو المان :D وبعد بسبب سيطرته على الدوري الانجليزي والبطولات الاوروبية منول .. يعني قبل اكثر من عشر سنين .. اما هالحين فالشكوى لله :( الله يخلف على الدوري صار ابعد من حبة الكوع . الليفر ماقصر العام الماضي بصراحه وفاز باربع بطولات من خمس وان شاءالله يبيض وجيهنا هالسنه ويبدأ بمرمطه المان بكره كالعاده وياخذ الكاس .. ويلحقه بالويفا كب :yes: واعذرني على الاطالة مافي اطالة يالغالي علشان تعتذر .. وياحليلك وياحليل اسئلتك عند بعض ناس جايين بالطريق :mad: |
عووووووودنا مع مشاركة ابو سعود ياهلا يابو عبدالرحمن ياهلا والله فيك يابوسعود ياهلالي . مشالله رفعت منتدى الزعيم وخصوصا المنتدى العالمي لين ما اصبح احد افضل المنتديات الرياضية في العالم ايه .. اشتغل بونش :D والله يالغالي قلتها واقولها دايم .. نجاح اي منتدى من نجاح اعضاءه وحرصهم على تقديم الجيد والمفيد .. واليد الوحدة ماتصفق يالغالي :) هل ترد طلب لأعضاء اللجنة الإخبارية والأمير بندر بن ثامر والمشرفين ؟؟؟ ( وانت فاهم قصدي ) ماعاش من يرد لكم طلب او يرد طلب لابوفهد واخواني المشرفين .. غالي والطلب رخيص :) |
عووووووودنا مع مشاركة المملكة هذي والله الساعة المباركة .. تصدق من كثر الأسئلة عندي ما اقدر أسأل الله يبارك فيتس ويخليتس .. واذا عندتس اسئلها هاتيها بساع .. ترى الفرصة تجي مرة وحدة بالعمر ;) أدري ان الاعضاء بيسألونك يمكن كل الأسئله اللي باسألها .. لكن هو سؤال واحد .. على بالي هالحين الله يستر :rolleyes: كيف توفق بين مسؤولياتك خارج النت .. والإشراف على المنتديات هنا ؟؟؟ ;) بأداء الواجبات في اوقاتها :D سؤال محرج والا عادي ؟ يابو عبدالرحمن ! بصراحه محرج ;) تبقى أن أقول أنك مبدع في كل مكان ذهبت إليه هنا .. وفيه حاجة لازم الكل يعرفه عنك ؟؟؟ هلالي الجوف يا جماعه >>>>>>>> شقردي <<<<<<<<< تحطه على الجرح يبرى ... وتراه رفيقك في الليال المعاسير .... لأن الكتاب من عنوانه .. قريته هنا .. والا مانيب اعرفه .. ! حشا .. هذي أخرتها صرت لزق جروح :mad: تسلمين والله يالغالية والابداع عنوانتس انتي .. والشقردية انتي واللي خلفوتس .. يالشقردية يابنت الشقردي <<== يحسبها مسبة :D وكلامتس فوق حقي والله .. وشهادة اعتز وافتخر فيها من شاعرة وكاتبة مبدعة بشتى الميادين .. واشكرتس على قرايتس لي .. وعقبال ما اقراني انا .. وثمن اقراتس ;) |
سـلام مراحب اخوي هلالي الجووف كيفك؟ ان شالله بخير هاه نبدأ بالاسئلة ولا إيش؟؟!! يالله خلونا نبدأ <<الحلقة الاضعف>> *الاسئلة الشخصية س1/ماهو اول شي كنت تتمنى انك تصير لما تكبر ؟؟ يعني بالاصح حلم الطفولة *الاسئلة العامة س1/ اين ترىى نفسك في بوتقة العالم الحاصلة على شهادة ايزو2220 في ظل النظام الجمهوري في مملكة ايران ؟؟ وهل تؤيد فصل العراق عن الدول المجاورة بحيث نزعها عن الخريطة ووضعها كجزيرة في المحيط العربي؟؟ وكيف ستعمل البطارية اذا لم يكن بها اســيد ؟؟ <><يازينك وانت ساكت تحـيــاتــي لك اخوي هلالي الجوف وان شالله ما ثقلت من الاسئلة والعــذر والــســموحــة |
هلا وغلا بقلب شبكة الزعيم .. الذيب (( هلالي الجوف )) ما ودي أسألك مثل أسئلة الوليد عشان لا يضيق صدرك :D :razz: س1/ كم مره دخلت على (( شبكة الزعيم )) من يوم تسجيلك فيها ؟؟ .. أتحداك تجاوب يا ولد الجوف :razz: س2/ ماذا يعني لك (( الصوت الهلالي )) ؟؟ هذي من الوليد :D س3/ ماهي أجمل بطولة حققها الهلال من وجهة نظر هلالي الجوف ؟؟ ما ودي أكثر أسئلة بس كنت لازم أشارك في موضوعك يالغالي خاصة وهي أول مشاركة لي في منتدى المجلس العام منذ الـ3 أشهر الأخيرة وأتمنى من المشرفين على منتدى المجلس العام الإعلان عن مثل هذه الإستضافات في منتدى الجمهور لأني متأكد بأن الكثر لا يعرف عن هذه الإستضافة المميزة منكم لـ( ابوعبدالرحمن ) وللجميع تحياتي ;) |
| الوقت المعتمد في المنتدى بتوقيت جرينتش +3.
الوقت الان » 12:52 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd