ملعب الزعيم الجديد و قصة 90 ألف متفرج بالتذاكر الموسمية ,,
الكلام موجه لسمو الأمير عبدالرحمن بن مساعد ,, شبيه الريح ,, ربنا مايحرمنا منك يارب ,, ,, يا سمو الأمير الرياضة عندنآ تتطور سنة عن سنة ,, وآنتم آعلم بهالشي ,, وملعب الزعيم إقترحتوا فيه 40 آلف متفرج ,, والملعب لو بدأ تشييده هالسنه يحتاج كم سنة علشان ينجز ,, ووقت إنجازه راح تكون 40 آلف قليلة جدا ,, طال عمرك تشوف ملاعب برشلونة وريال مدريد ومانشيستر وأرسنال وليفربول وملعب جوفينتوس الجديد الخيالي ,, طال عمرك نريد ملعب 90 ألف متفرج لنا وللزمن ,, يا سمو الأمير الزيادة راح تكون بالطوابق فقط ,, يعني بزيادة طابق ثالث ممكن يزيد عدد الجمهور إلى الرقم اللي نبغاه ,, سمو الأمير بعد فترة بسيطة راح تطرح التذاكر الموسمية ,, ولنفرض بالوقت الحالي طرحت التذاكر الموسمية ,, وملعب الهلال الرسمي الآن ملعب الأمير فيصل ,, يعني 17 آلف متفرج ممكن يشترون التذاكر الموسمية كلها ,, وأنا ياواحد من القصيم راح أشتري ثلاث مقاعد ثابتة لي ولأي أحد بيحضر المباراة المباراة معي ,, وكلها 13 مباراة في دوري زين ,, يعني تكلفتها 260 ريال ,, ومع تطور التكنلوجيا ماننسى إنه بعدين ممكن نحصل على التذكرة وأنت بمنزلك عن طريق الإنترنت آو عن طريق رسالة جوال من موبايلي الزعيم ,, غير إن طرحت خصومات على التذاكر الموسمية بكم بتكون كم ,, وحرام يسبقنا نادي هجر بطرح التذاكر الموسمية ,, وجمهور الهلال يتعدى 400 آلف ,, يعني 17 آلف حرام على جمهور الهلال ,, وإحنا نتكلم عن ملعب الزعيم الجديد بعد 4 سنوات من الآن أقل شي ,, يعني بيزيد جمهور الهلال أكيد ,, وبنفسك تشوف عدد مشتركي باقة الموج الأزرق أكثر من 360 ألف مشترك لحد الآن بآقل من 3 سنوات ,, يعني رجاء ياسمو الأمير تدرس عدد المقاعد وما تنقص عن 80 آلف ,, وخصوصا إنه ممكن نحتضن مباريات للمنتخب كمان ,, وتذكر مباراة ذوب أصفهان يا سمو الأمير كم الحضور ,, أجزم إنهم تعدو 70 آلف غير اللي برا الملعب ,, وأعرف صديق لي داخل بين الشوطين بتذكرة سعرها 300 ريال وهم 3 أشخاص ,, وخرجوا بعد هدف ذوب أصفهان ,, يعني دفعوا 900 ريال لعيون 15 دقيقة للزعيم ,, وسمعت إن تذاكر ملعب آرسنال الموسمية إنتهت قبل بداية الموسم ,, يعني دخل ثابت ومضمون ,, وكل الفكرة ياسمو الأمير زيادة في الطوابق فقط ,, أنا ياواحد راح آخذ مقاعد في الطابق الثالث ,, تفاديا للزحمة ,, ولإزعاج بعض الجمهور الله يهديهم ,, يتلفظون بآلفاظ خارجه عن الأدب ,, وصعبه يكون معاك أخوانك الصغار ويسمعون هالألفاظ ,, وممكن كمان يخصص الطابق الثالث كامل لغير المدخنين ,, وممكن يغلق في بعض المباريات غير الجماهيرية ونعوض إننا نحضر بالطابق الثاني آو الأول ,, وأحب أبلغك ياسمو الأمير إني إستفدت من نقاطي لمصلحة دعم الزعيم 5 مرات من 3 جوالات مختلفة ولازلت مستعد لآكثر من ذلك بكثير ,, يعني موب مستكثرين على الزعيم إننا نشتري 5 مقاعد موسمية آو أكثر كدعم للزعيم ,, حتى لو مانحضر فعليا للمباريات ,, يعني ممكن يحضر 30 آلف بالملعب ,, بس التذاكر المشترية الفعلية ,, ماآستبعد تكون 60 آلف ,, وأتمنى على بال ماإحنا ننتظر ملعب الزعيم الجديد ,, إنك تطالب إن يكون إستاد الملك فهد هو الملعب اللي يحتضن مباريات الهلال ,, علشان نقدر ندعم الزعيم بشراء أكبر قدر من المقاعد الموسمية لدعم الزعيم ,, بس مشكلته إستاد الملك فهد بيسلم بتاريخ 25 / 2 / 2012 أما إستاد الأمير فيصل بن فهد بيسلم بتاريخ 15 / 11 / 2011 وأنت عارف ترتيب دخل التذاكر كم في ميزانية النادي ,, آسف على الإطالة وعلى الأخطاء الإملائية وعدم توافق النقاط ,, بس وربي ملايين الملايين من الريالات تضيع والسبب قلة الأفكار آو وجود الأفكار وعدم تطبيقها ,, وهذي فكرة بسيطة عن فائدة التذاكر الموسمية طال عمرك ,, وربي أعرف ناس مستعدة لدعم الزعيم بس عطونا فرصة ياسمو الأمير وشوفوا ,, وتكفى نبغى تصريح من موبايلي عن كم وصل دعم نقاطي للزعيم وخصوصا بعد مرور حوالي 8 أشهر ,, وراح تشوف بنفسك بعد سنة كم راح يآصل دعم الزعيم من نقاطي والوعد رمضان القادم ,, ,,,,,,,,,,,,,,,,,,,,,,, أتمنى الموضوع يآصل سمو الأمير عبدالله بن مساعد مستلم ملف الزعيم الإستثماري ,,,,, وشاركونا رآيكم ,,,,,,,,,
مشكور على الموضوع المتميز لو كان منسق الموضوع ياسلام ثانيا ان شاء الله يوصل الكلام الى الامير اتمنى احد يرسل للامير في تويتر بهذا الخصوص تحياتي لك على اهتمامك
مشكور على الموضوع المتميز لو كان منسق الموضوع ياسلام ثانيا ان شاء الله يوصل الكلام الى الامير اتمنى احد يرسل للامير في تويتر بهذا الخصوص تحياتي لك على اهتمامك
العفو ,,
والله حاولت آنسق الموضوع قدر الإمكان , والمهم الفكرة مبدئيا تطرح للتداول ,,
ياليت سمو الأمير يآصله الموضوع ,, وآرسلت له رسالة على التويتر , بس تعرف حجم الرسايل اللي تآصل الأمير كثيرة ,, مايمنع كمان يرسل له أكثر من واحد عن الموضوع ,,
تحياتي لك أيضا على اهتمامك وردك الجميل
مشكور على الموضوع المتميز لو كان منسق الموضوع ياسلام ثانيا ان شاء الله يوصل الكلام الى الامير اتمنى احد يرسل للامير في تويتر بهذا الخصوص تحياتي لك على اهتمامك
ملعب الزعيم الجديد و قصة 90 ألف متفرج بالتذاكر الموسمية ,, 
الوضع العادي
